الفصل الحادي عشر
ياسين : ورد هو انتي قاعدة فاضية
ورد : الى حد ما آه..... بس ليه
ياسين : اصل.... اصل كنت عايز اتكلم معاكي.... شوية
ورد : هنا على التيليفون يعني
ياسين : لا... ممكن نتمشى شوية... او نقعد في مطعم؟
ورد : ممكن... استناك فين؟
ياسين : لا ابعتي اللوكيشن و انا هاجي اخدك
ورد : خلاص ماشي
و قفلت ورد و راحت تغير هدومها و هي في المكالمة اصلا كانت فاتحة الاسبيكر.....
سلمى : متخلينا نسلم عليه...
ورد : مش عارفة هينفع و لا لا
سلمى : لا ان شاءالله هينفع
ورد : خلاص انزلوا انتوا علشان هو مينفعش يطلع و احنا قاعدين لوحدنا
تقى : الا صحيح هي طنط نادية فين
ورد : راحت عند تيتا في البلد
و جرس البيت رن من تحت و ورد طلعت بصت لقت ياسين تحت
فنزلت هي و سلمى
ياسين : مش هتعرفينا
سلمى : انا سلمى صاحبة ورد
ياسين : اهلا و سهلا
سلمى : اهلا بيك
و بعدين سلمى مكنتش راضية تطلع بس تقى ندهت عليها من البلكونة
تقى : ازيك يا باشمهندس......سلمى اطلعي عايزاكي
ياسين : الحمد لله تمام
ورد : مالك بقا... ؟
ياسين : كنت متضايق و انتي اول حد جه في بالي
ورد : ااااه و طيب بما انك متضايق هاخدك مكان هينسيك زعلك
ياسين : على فين....
ورد : هنروح نزور حد.... فاهدى شوية
ياسين : بالعربية و لا هنتمشى
ورد : لا دا قريب مش محتاج عربية
و اتمشوا لحد ما وصلوا دار مسنين
ياسين : دار مسنين...!
ورد : اصل من شهر كدة و انا رايحة الكلية لقيت ست قاعدة بتعيط سألتها مالهة قالتلي ان ابنها اخد دهبها و فلوسها و سابها في الشارع
ياسين : و بعدين.....
ورد : جبتها هنا الدار و كل يوم جمعة بآجي اشوفها
و دخلوا و شافوا الست و قعدوا معاها شوية و مشوا
و بعد شوية الدنيا ابتدت تمطر و كان في رعد
و ورد ابتدت ترتعش و بان عليها ملامح الخوف و وقعت من طولها
ياسين : ورد...... ورد...
ياسين اتلبك مكنش عارف يعمل ايه
و اخد ياسين تيليفونها و كلم صاحبتها تقى
تقى : الو يا ورد
ياسين : ايوة يا آنسة تقى....
تقى : باشمهندس ياسين...... امال ورد فين؟
ياسين : ورد وقعت من طولها و انا مش عارف اعمل ايه
تقى : وقعت امتا و ازاي و ليه
ياسين :.......مش وقته هشرحلك بعدين...
تقى : ط.... ط... طيب هاتها تعالى على البيت
ياسين : خلاص ماشي اقفلي
و شال ورد و مشي بيها و هو مرتبك و خايف لاول مرة على حد جامد كدة بعد مراته ميريهان
ياسين : هي وقعت ليه بس ايه..... دي كانت زي الفل
.........