الفصل الثامن
ورد : ها قولت ايه
ياسين : هو المسامحة ليها تمن
ورد : بالنسبة للي أنت عملته معايا اكيد هيبقى ليها تمن
ياسين : ماشي يا ستي ايه الطلب الاول
ورد : استنى لازم افكر كويس
ياسين : ها فكرتي
ورد : آه فكرت...... هتتأسف لأول حد ييجي قدامك
ياسين :....... ماشي يا ستي
ورد : يا ترى هيبقى مين الشخص ده
ياسين : ربنا يستر
ورد : هههه.... يلا بينا نرجع علشان كدا احنا اتأخرنا
ياسين : ماشي يلا بينا
بس طبعا ياسين بيقول من جواه : ما نقعد شوية...
ورد : مالك سرحان في ايه
ياسين : لا ولا حاجه
ورد : طيب يلا بينا
ياسين : ماشي يلا بينا
و رجعوا و هما داخلين الاوض لقوا طفل صغير و ورد فضلت تزق ياسين و تقوله اتأسف
ياسين : لا طبعا عمري ما هعمل كدة
ورد : خلاص مش هسامح
ياسين :........... ازيك........ انت اسمك ايه....... انا آسف
و الولد بصله بصه غريبة و مشي و سابه
و اما ياسين بص على ورد لقاها ميته من الضحك عليه
ورد : معلش مقدرتش امسك نفسي......
ياسين : تعرفي ان انا اول مرة اتصرف بالطريقة دي
ورد : التغيير حلو
ياسين فضل سرحان في عيونها
ورد : انت سرحت تاني
ياسين : لا اصل انا بفكر في الشغل........ صحيح هو انت خريجة هندسة ايه بالظبط؟
ورد : انا هندسة ديكور
ياسين : و ليه اخترتي هندسة الديكور بالذات
ورد : بحب الديكور و اكيد لو درست الحاجة اللي بحبها هكون مبسوطة
ياسين : اشتغلتي و لا لسة
ورد : و الله لسة ملقتش شغل
ياسين : ايه رأيك تشتغلي في الشركة عندي
ورد : اما افكر
ياسين : على العموم انا كدة عملت معاكي الانترڤيو و هسمع ردك اكيد
ورد : خلاص ماشي
ياسين : خلاص هاتي رقمك علشان تتصلي بيا و تقولي رأيك
و اخدوا ارقام بعض.....
ورد : انا رايحة اوضتي...... تصبح على خير
ياسين : و انت من اهله.....
و اما ورد دخلت اوضتها كانت مبسوطة بس في نفس الوقت متلغبطة
انما ياسين كان مبسوط الي حد ما
ياسين : عينيها حلوة و روحها حلوة
بس رجع قال لنفسه تاني : لا فوق كدة مش عايز احب تاني و ارجع انقهر......... بس الصراحة تتقال انا ببقى مبسوط و انا معاها
و جه الصبح و تقى راحت لورد الاوضة
تقى : ناموسيتك كحلي......... رجعتي امتا
ورد : و الله مش عارفة كانت الساعة كام اما رجعت
تقى : احكيلي........ ادلي بدلوك يلا يا روحي
ورد : اعتذرلي....... و خد رقمي....... و كمان عرض عليا شغل
تقى : الاه ايه ده بقا ده بقا ده
ورد...