(الفصل السادس)
يجوا الدكاترة و الممرضين يشيلوا احمد وينقلوه
الدكتور يكلم الممرضة
الدكتور : روحى ع السكرتيرة اتصلى بحد من قرايبه
الممرضة : للاسف يا دكتور هو مش سايب غير نمرة واحد صاحبه اسمه حسن
الدكتور : خلاص اتصلى بيه قوليله يجى
الممرضة : حاضر يا دكتور
تتصل الممرضة ب حسن
الممرضة : السلام عليكم
حسن و هو لسة بيغير هدومه في البيت : عليكم السلام مين معايا
الممرضة : انا حضرتك ممرضة فى المستشفى ال فيها زميل حضرتك لو سمحت تعالى بسرعة عشان حالته متدهورة
حسن : حصل ايه........انا جاى اهوه في الطريق
يقفل حسن الخط
سهيلة : فيه ايه
حسن : المستشفى بتتصل بيقولوا حالة احمد متدهورة
سهيلة : استنى جاية معاك
حسن : طب البسى بسرعة عقبال ما اتصل بالباقى
سهيلة : حاضر
يوصل حسن و سهيلة المستشفى و الباقى جايين وراهم فى الطريق
حسن : فى ايه يا دكتور حصل خير
الدكتور : البقاء لله مراة الاستاذ احمد اتوفت
حسن : ايه؟!
الدكتور : للاسف يا فندم الموضوع خرج بين أيدينا و الاستاذ احمد اغمى عليه خصوصاً أنه شاف الحالة قدام عينه ... احنا حطينه في العناية ...استأذن انا
حسن مصدوم من ال سمعه و سهيلة بتعيط و هى فى حضنه و مش قادرة تمسك نفسها و حسن يتصل بأهل احمد و يارا و يجوا كلهم و باقى الشلة وراهم
الكل يوصل و يسألوا حسن و سهيلة ايه ال حصل
حسن و هو مصدوم : البقاء لله يارا ماتت
و الكل ينهار من العياط و بالذات أهل يارا
يستأذن حسن الدكتور أنه يدخل ل احمد
الدكتور : تمام بس ياريت بسرعة لأن حالته متسمحش أنه يتكلم كتير
حسن للباقي : انا هدخل دلوقتى ل احمد و اعزيه
يدخل حسن الاوضة
حسن : شد حيلك يا احمد البقاء لله
احمد بعصبية : انت بتقول ايه يارا مماتتش هى شوية و هتفوق انتوا بتهزروا معايا انا عارف هزاركوا التقيل ده انا هقوم اشوفها
يجى يقوم فيقع من التعب و حسن يسنده
حسن بزعيق : فوووووق بقااااا بقولك ماتت هزار اييييه
احمد يعيط و حسن بيطبطب عليه....تدخل سهيلة تقوله حسن تعالى لحظة
حسن : ثوانى يا احمد
احمد بحزن : اتفضل
سهيلة بعياط : حسن فى حاجة عايزة اقولهالك يارا قالتلى عليها مفيش حد يعرفها غيرى أنا و اهلها بس
حسن باستغراب : ايه
سهيلة : وصيتها و قالتلى أن عندها مرض اسمه انيميا البحر المتوسط وان لو حصلها حاجة ادي الوصية لاحمد
حسن : فين الوصية ديه
سهيلة : فى البيت
حسن : طب يلا نروح نجيبها 5 دقايق و نرجع مينفعش نسيب احمد لوحده
يوصل حسن و سهيلة البيت و يجيبوها و يرجعوا المستشفى تانى و يدخلوا اوضة احمد
احمد : انتوا كنتوا فين
حسن : بص يا احمد ديه وصية كانت مدياها يارا لسهيلة و قالتلها متقولش لحد غير لو حصلها حاجة و قالت إنها تديهالك ... اتفضل
احمد يقرأ الوصية
(محتوى الوصية ) بصوت يارا
( الى حبيبى و زوجى و كل شئ فى حياتى احمد انا عارفة انك زعلان دلوقتى على فراقى بس خليك فاكر انى فى مكان احسن دلوقتى عند ربنا ادعيلى و خلى الباقى يدعولى و عايزة اقولك أنا روحت عند ربنا عشان ده ال مكتوبلى مش عشان المرض ال عندى ...طبعا انت هتستغرب ايه المرض ده ....المرض ده اسمه انيميا البحر المتوسط ده مرض وراثي عندى من و انا صغيرة بس خوفت اقولك لترفض اننا نكمل انا و انت أو كدة المهم دلوقتى انا كل ال طلباه منكوا انكوا تبقوا تزورونى فى قبرى و تدعولى بالرحمة و المغفرة و حاجة كمان بطلبها منك يا احمد انا عارفة انك هترفضها بس انا ال بطلبها منك اتجوز يا احمد انت مش هتعلق نفسك بيا و خلوا بالكوا من بابا و ماما دول امانه في رقبتكوا من بعدي و لو عليا انا بقولك ادعيلى بالرحمة و المغفرة انا مش عايزة منك غير كدة و يارب تكون دايما في سعادة يا حبيبي...... امضاء يارا )
يا ترى ايه ال هيحصل هنشوف مع بعض المرة الجاية باذن الله
دمتم بخير
