قصة هيثم وغرام ادخلي برجلك اليمين يا عروسة الجزء الاول
هيثم: ادخلي برجلك اليمين يا عروسة
(بعد ما دخلوا الشقة و بعدين دخلوا الاوضة )
بصي يا غرام انا هبقي زوج صالح ليكي و هعاملك كويس و كل طلباتك هتبقي عندك و مش هغصبك علي اي حاجة .. بس لازم تعرفي ان انا مغصوب عليكي و علي الجوازة دي .. و إن نا مكنتش عايز اتجوز
كلها ست شهور بكتير و نطلق و نبقي نقولهم اي سبب
غرام و هي مصدومة: انت بتكلمني انا!
هيثم: هو في حد غيرك موجود
غرام و هي بدمع: انت بتقولي انا كدا في يوم زي دا ..
عموما براحتك .. اللي انت شايفه يا هيثم ونا موافقة عن اذنك ..
هيثم: استني ..
غرام: نعم عايز اي!؟
هيثم: مش هتقلعي النقاب اشوف وشك!؟
(غرام لابسة نقاب و بحكم انها عروسة ف لبست نقاب لونه ابيض طبعا و مش باين منه غير عينيها الزرقاء)
غرام: و دا هيفرق معاك في حاجة!؟
هيثم: نعم!!
يعني ابقي معرفش شكل مراتي عامل ازاي
غرام: مراتك!
انت خليت فيها مراتك .. مفتكرش انه هيفرق معاك في حاجة من هنا لحد ما نطلق .. مالوش لازمة .. عن اذنك
( سابته و مشيت دخلت الاوضة التانية و قفلت علي نفسها و فضلت تعيط كتير)
ياارب يعني انا يوم ما ارتحت لواحد و حبيته يعمل معايا كدا في يوم زي دا!
اليوم اللي اي بنت بتحلم بيه انها هتبقي مع اللي بتحبه!
خلاه اكتر يوم اتكسرت و اتقهرت فيه
يارب أنا تعبت بجد .. (فضلت تعيط كتير لحد ما نامت)
(تاني يوم الصبح)
هيثم بيخبط علي باب الاوضة ..
غرام: مين!؟
هيثم: هيكون مين يعني مُحصل النور!
انا هيثم ..
غرام: اهاا طب و انت عايز اي
هيثم: اجهزي عشان اهلي و اهلك برا
غرام: تمام خمس دقايق و هطلع
(غرام قامت و لبست نقاب لونه روز فاتح و حطت كحل ف عينها الزرقاء و كان شكله حلو جدا و طلعت تسلم علي العيلة و كانت بتهزر و تضحك مع هيثم و كأن مفيش اي حاجة ولا بينت اي حاجة قدامهم)
غرام: طب انا هقوم بقي اجيبلكم الكيك .. يلا يا هيثومي عشان تساعدني ولا اي
هيثم: انا اقدر ارفض برضو يلاا وراكي اهه
(دخلوا المطبخ سوا و هيثم فضل واقف ساكت شوية)
هيثم: شكرا ليكي
غرام: علي اي
هيثم: انك مبينتيش حاجة و اتصرفتي طبيعي
غرام بسخرية: متقولش كدا دا واجبي كزوجة برضو
هيثم: بلاش الاسلوب دا بعد اذنك يا غرام
غرام بصتله من تحت النقاب و سكتت
هيثم: مش عايزك تزعلي مني
غرام: لا طبعا خالص ازعل لي عشان مغصوب علي الجواز مني ولا عشان جرحتني بكلامك ولا عشان كسرت فرحتي ولا عشان هطلقني .......
