(الفصل الثالث)
نيجى فى الفترة ال قبل الفرح احمد و يارا بيتكلموا مع بعض و حسن و سهيلة يتفقوا أنهم يقولوا لباقى الشلة على موضوعهم عشان تبقى الفرحة فرحتين
حسن بيتكلم على الجروب بتاع الشلة
حسن : انا محضرلكوا يا جماعة مفاجأة
باقى الشلة فى نفس الوقت ما عدا سهيلة طبعا : ايه
حسن : انا و سهيلة هنكتب كتابنا
يارا : الف مبروووك يا حبيبتي فرحتلك والله
سهيلة : الله يبارك فيكى يا حبيبتى أن شاء الله فرحتكوا تتم على خير انتى و احمد
يارا : انا وانتى يا حبيبتى يارب
ابراهيم : الف مبروووك يا حسن انت و سهيلة
حسن : الله يبارك فيك يا هيما
احمد : الف مبروووك يا ابو على
حسن : الله يبارك فيك يا ابو حميد وربنا يتمملك بخير انت و يارا
احمد : حبيبى يا ابو على
عبدالمحسن : هو فى ايه يا جدعان
احمد : حسن و سهيلة هيكتبوا كتابهم
عبدالمحسن : من غير خطوبة ؟!
احمد : القلب و ما يريد و بعدين ما هما عارفين بعض بقالهم 4 سنين اهوه
عبدالمحسن : عندك حق اخييرررا الواد حسن اتلحلح
حسن : انت تخرص خالص عندك كلمة حلوة قولها معندكش يبقى تسكت
عبدالمحسن : الف مبروووك يا حبيبي و عقبال الليلة الكبيرة
حسن : حبيبى يا ابو محسن
يروح حسن هو و والده و والدته عشان يكلموا باباها و مامتها على الموضوع
وهما فى الطريق بالعربية
حسن : ادعيلى يا بابا انت و ماما ربنا يتمم الموضوع على خير
عامر ابو حسن : ربنا يتمم بخير أن شاء الله يابنى
زينب ام حسن : ربنا يقدملك ما فيه الخير يابنى و يصلحلك حالك يارب
حسن : يارب
وصلوا لبيت سهيلة ويارا و احمد و باقى الشلة مستنينهم هناك
جميلة ام سهيلة : ربنا يتمملك بخير يا بنتى
سهيلة : يارب يا ماما
عادل ابو سهيلة : متقلقوش يا جماعة أن شاء الله خير انا حاسس ان حسن ده ولد محترم
الشلة كلها فى نفس الوقت : محترم جدا يا عمى
يرن حسن و عيلته الجرس وتستقبلهم جميلة ام سهيلة : اتفضلوا يا اهلا وسهلا
و يقعدوا كلهم
عادل : نورتونا والله
حسن : بنورك يا عمى والله بصراحه يا عمي انا كنت جاى اطلب ايد سهيلة من حضرتك
عادل : حيلك حيلك انت مستعجل ليه.... الشربات يا سهيلة
سهيلة تخرج الصالة تقدملهم الشربات بكسوف و هي زي القمر و لابسة فستان سواريه و شكلها يجنن
و تقدم الشربات ليهم
عامر ابو حسن : يا زين ما اخترت يابنى
زينب ام حسن : عروستنا بسم الله ما شاء الله قمر
حسن ف سره ل سهيلة : ايه الحلاوة ديه
سهيلة بردوا في سرها : تسلم يا قلبي
عادل : اتفضل يابنى
حسن : والله يا عمى انا كنت جاى اطلب ايد سهيلة من حضرتك
عادل : بص يابنى انا اهم حاجة عندى انك تراعيها و تصونها و تحسسها بالأمان وياك ..... الجواز مش شبكة و مهر و الكلام الفارغ ده الجواز مسئولية و تفاهم بين الزوجين و حب و استقرار ولا انت ايه رايك يا حاج عامر
عامر : طبعا و عشان كدة احنا طالبين القرب منكوا
عادل : وانا يشرفنى طبعا و بما أن الأولاد عارفين بعض و كلهم أصحاب من زمان ف كتب الكتاب و الفرح هيكون مع احمد و نورا عشان الفرحة تبقى فرحتين و الولاد عارفين بعض ومش محتاجين خطوبة و لا انتوا شايفين حاجة غير كدة
عامر : والله انا عن نفسي مفيش مانع الرأى رأيهم
عادل : رايك ايه يا عروسة
سهيلة : ال تشوفه يا بابا
عادل : على خيرة الله .....الا قولى يا حسن انت حزب ايه
حسن : الوفد يا عمى
عادل : وانا تبع حزب الفلاحين و عامة الشعب تقرا الفاتحة ؟
حسن : اقرا يا عمى 
والكل بيقرا الفاتحة و زغاريط و مباركات من أصحاب العريس و العروسة و زغاريط و الفرحة مالية البيت
يا ترى هيحصل ايه هنشوف الحلقة الجاية
دمتم بخير 
