(الفصل الخامس)
يدخل احمد الاوضة يلاقى يارا مغمى عليا و هى لابسة بيجامة يتخض احمد و يشيلها بسرعة و يروح بيها ع المستشفى
(فى المستشفى)
احمد باستعجال و توتر : معايا حالة مغمى عليها لو سمحتوا استلموها
السكرتيرة : متقلقش يا فندم الممرضين بيجيبوا الترولى و جايين يستلموا الحالة
احمد : شكرا جدا ليكى بسرعة بس والنبي
احمد بيتصل ب حسن
احمد : أيوة يا حسن اسمعنى بسررعة تعالى انت و سهيلة و باقى الشلة
حسن : ايه فى ايه
احمد : يارا مغمى عليها و هى فى المستشفى
حسن : انا جايلك مسافة السكة
سهيلة : ايه يا حسن فى ايه
حسن : البسى بسرعة يارا فى المستشفى عقبال ما اكلم الباقى
سهيلة : يالهوى فى ايه
حسن : مش عارف البسى بس بسرعة
سهيلة : حاضر هلبس على طول
يوصلوا كلهم المستشفى
الشلة كلها فى نفس الوقت: فى ايه حصل ايه
احمد : يارا اغمى عليها فجأة
حسن : أن شاء الله خير
ابراهيم : باذن الله هتعدى على خير متقلقش
عبدالمحسن : باذن الله هتقوم متقلقش
سهيلة : ربنا يقومك بالسلامة يا حبيبتى
احمد : يارب
الدكتور خارج من الاوضة
الدكتور : للاسف هنضطر نتحفظ عليها فى العناية المركزة
احمد : طب هيا بخير
الدكتور : احنا حاطينها تحت الملاحظة و أن شاء الله خير
احمد : شكرا لحضرتك يا دكتور
اهل احمد و يارا وصلوا يطمنوا على يارا و احمد يطمنهم و يقنعهم هما و اصحابه أنهم يروحوا و عشان ميقلقهمش و هو هيبات
يبات احمد فى المستشفى و يستأذن من الدكتور أنه يدخل
الدكتور : اتفضل
يدخل احمد و يقعد جمبها ع السرير و يمسك أيدها و يكلمها
احمد و هو بيعيط : انا عارف انك زعلانة منى بس مش لدرجة أنك تروحى فى غيبوبة ابوس ايدك اصحى انا من غيرك مش عايش ده احنا عشرة سنين مع بعض و قضينا مع بعض احلى ايام فى حياتنا ده انتى النور ال بينورلى طريقى انتى حبى الاول و الاخير ...فاكرة اليوم ال اتصاحبنا فيه على بعض كان يوم خميس فى الكلية و ساعتها عشان اكلمك خليت سهيلة تعرفنى عليكي
ساعتها كان احلى يوم فى حياتى انى عرفت واحدة قمر زيك و كنت كل يوم بدعى انك تكونى من نصيبى و ربنا استجاب اهوه بالله عليكى لتقومى و تطمنينا عليكى احنا كلنا قلقانين عليكى و حياة غلاوتك عندى لتقومى بالسلامة و متخضيناش عليكى
ويبوس أيدها و يملسلها على شعرها و فجاة يلاقيها بتفتح عينيها واحدة واحدة و بتصحى
احمد بعياط فرحة : الحمدلله يارب...اشكرك يارب ... الحمدلله... الحمدلله
يارا و هى مجهدة : احمد انا بحبك
احمد : متتكلميش ارتاحي خالص
يارا : معلش انى قلقتكوا كلكوا بس غصب عنى المرض ال عندى هو عمل فيا كدة انا مقولتلكش عليه خالص و عايزة اطلب منك طلب قبل ما أقابل ربنا ...
يقاطعها احمد : بعد الشر ليه بتقولى كدة و مرض ايه ده انتي اول مرة تقوليلي كدة
يارا : معلش يا احمد سامحنى
و فجأة جهاز النبض يصفر و ينده احمد بصوت عالى أن الدكاترة يجوا وبالفعل الدكاترة و الممرضين يجوا
الممرضة : لو سمحت اتفضل عشان نشوف شغلنا
احمد : حاضر بس الحقوها و النبى
الدكتور يجيب جهاز الصدمة الكهربائية بتاع القلب
الدكتور : 30 ث ابعدوا
ويشغل الجهاز
الدكتور : 25 ث ...20ث
وفجأة النبض بتاعها يوقف و الجهاز يصفر خالص
احمد من المنظر يغمى عليه هو كمان و الدكاترة والممرضين التانيين يشيلوه
ياترى ايه ال هيحصل هنشوف الحلقة الجاية باذن الله
