Ads by Google X

رواية حورية الجاسر الفصل الرابع


 الفصل الرابع


توقفت عن التنفس للحظات من اثر الصدمة التى حلت عليها وشل لسانها عن الحركة خاصة مع القرب الشديد الذي بينه و بينها استجمعت شجاعتها وقالت بقوة زائفة
حور. انت اتجننت ايه الي بتقوله ده
جاسر بعد ان ابتعد قليلا. انا بقول الحقيقة و هثبتلك صحة كلامي بس خلينا نعقد ونتفاهم
حور بغضب. نتفاهم على ايه انت جاي تقولي ان عندي اهل بعد كل السنين دي و عايزني اصدقك ان اهبل ولا مجنون
قبض جاسر على ذراعها بقوة مما جعلها تتألم من قبضته
جاسر. ان بقول نتفاهم بدل ما افهمك بطريقتي الي محبش انك تجربيها ابدا مفهوم
قال كلمته الاخيرة بغضب وصوت مرعب جعل الخوف يدب في قلبها وقالت بضعف
حور. سيب ايدي انت ملكش حق تمسكني كده اوعى كده
نفضت ذراعها بقوة منه وجلست على الاريكة وقالت بهدوء مصطنع
حور. اتفضل قول الي عندك بسرعة



جلس جاسر بكل هدوء حذر على المقعد المقابل لها وبدأ بالحديث
جاسر . انت اسمك حور عبدالحميد سليم الدمنهوري
حور بسخرية. لا تصدق اول مرة اعرف معلومة جديدة جبتها ازاي
جاسر بحدة. انا مش جاي اهزر يا آنسة واكمل حديثه قائلا
جدتك الله يرحمها كانت متجوزة جدي سليم الدمنهوري وخلفت منه ولد الى هو والدك وبعد فترة من جوزاهم حصلت مشاكل خلتها تسبيه وتهرب بعد ما خدت والدك معها طبعا جدي فضل يدور عليها سنين عشان يرجعها وتبقى مراته قدام الناس طبعا بعد ما العقبة الوحيدة الي في طريق جوازهم انزاحت والي هي أبو جدي وجدك
نظرت له حور بنظرة لم يحدد معناها ولكنها جذبت كل حواسه المشتعلة منذ ان رأها سحر و بريق عينيها جعله شاردا لا يتحدث حتى أفاق على صوت حور
حور . كمل وقفت ليه
اكمل جاسر. زي ما قولتلك دور عليهم كتير اوي بس مكنش ليهم اثر و خاصة ان والدك كان متعلق بيه جدا قبل كام شهر بس في ست كبيرة في السن جات لجدي وقالتله عن مراته وابنه الي اختفو زمان وقالت ان هي تعرف عنهم كل حاجة بس للاسف جدي عرف ان مراته ماتت وكمان ابنه الي ملحقش حتى يشبع بيه المهم عرف بعدها ان عنده بنت والبنت دي انت فبتالي انت هتلمي هدومك و تيجي معايا هشان جدي مستنيكي .
حور. ياه بسهوله دي اجي معاك انت فاكرني ايه انا ايه الي يخليني اصدق الكلام ده وايه الدليل على ان كلامك صح وحتى لو كان صح ليه ماما وبابا محدش فيهم حكالي عن حاجة ذي دي حضرتك اكيد فاهم غلط و انا مش البنت الي بدورو عليها اتفضل حضرتك من غير مطرود ميصحش تقعد اكتر من كده
جاسر بغضب. انا مش جاي امثل عليك ومفيش اي مصلحة تخليني اعمل كده وانت لو مش مصدقة حقك بس اكيد من حقك تتأكدي من كلاميصح ولا غلط احنا هنعمل تحليلDNA وبكرة هاجي اخدك عشان كده جهزي نفسكخرج ظرف صغير به صورة قديمة و لكنها واضحة
جاسر . دي صورة جدي و والدك وهو صغير لما كان عنده سنتين شوفيها كويس وهتلاقى الشبه الكبير إلي بينهم واظن انت عندك صور لوالدك صح قارني بينهم كويس وبكرة هعدي عليكي




كانت حور تحت صدمة لا تقوى على الحديث خرج جاسر بكل هدوء و تركها تحت تأثير عاصفة قوية من الأفكار.
تهاوى جسدها على الاريكة و بدأت شلالات عينيها بالهطول جلست فترة طويلة وهي تفكر بكلام ذلك الجاسر الذي اقتحم حياتها فجأة وأخذت تسأل نفسها هل حقا لديها عائلة و لم تعد وحيدة وهل ما قاله ذلك المتعجرف صحيح قامت بكل عزم لكي تتوصل إلى حقيقة الأمر اتجهت الى عرفة والديها المغفلة منذ وفاتهم واخذت تبحث عن اي دليل يؤكد صحة قول ابن عمها كما يدعي وصلت الى خزانة الملابس الخاصة بوالديها وأخذت تقلب حتى تجد اي شيء يوضح لها الحقيقة توقفت عندما وجدت صندوق صغير من الواضح انه كان لجدتها لانها تتذكر جيدا عندما كانت تزورها تجدها تتلمس بعض اغراض الصندوق و الدموع تجري على وجنتيها المجعدة
Flash back
كانت حور في ذلك الوقت في الصف الثاني ثانوي خرجت من المدرسة الى بيت جدتها فورا بعد ان استأذنت من والدها بأن تقضي باقي يومها مع جدتها فهي دائما تحب قضاء معظم اوقاتها معها
طرقت حور الباب فوجدته مفتوح كالعادة اخذت تبحث عن جدتها في ارجاء المنزل بكل مرح وهي تنادي
حور. زوزو انت فين يا موزتي وحشتيني
الى ان وصلت الى غرفة جدتها قبل ان تدخل سمعت صوتها وهي تبكي بقهر و تمسك بصورة وكان ذلك الصندوق على حجرها
زينب. وحشتيني اوي يا سليم اوي نفسي تكون معايا ابننا كبر و بقى عندنا حفيدة زي القمر شبهك اوي منه لله الى كان السبب في فراقنا
ضمت الصورة الى صدرها بحنان و مطر عينيها لا يقوى على التوقف
وقفت حور وهي تتطلع الى جدتها بألم فقد علمت انها كانت تتحدث عن جدها المتوفى بحسب ما ذكرته جدتها في ذلك الوقت
دخلت حور لجدتها بمرح مصطنع . ايه يا زوزو كل ما اجي القيكي بتعيطي ليه كده بس
زينب بابتسامة. انت الى عوضتني عن كل حاجه وحشة يا حور انا بحبك اوي يا قلب زوزو
ارتمت حور في أحضان جدتها بقوة واخذت زينب تمست عل شعرها بحنان
زينب. تعالي يلا عشان تتغدى انا عملالك المحشي الي بتحبيه
حور. ايوه بقى دا انا هموت من جوع كلاب بطني بتهوهو
ضحكت زينت على تلك الصغيرة التي قادرة على اخراجها من حزنها وخرجت معها نحو المطبخ لتناول وجبة الغداء
End flach back
حور بصدمة . مش معقول كانت بتتكلم عن سليم الدمنهوري
فتحت حور الصندوق واخذت تقلب محتوياته الى ان وجدت الصورة التى كانت طبق الاصل للصورة التى اعطاها لها جاسر صدمة الجمت لسانها و قالتحور. يعني طلع عنده حق انا ليا اهل وعيله كبيرة بس كمان ليه بابا عمره ما قالي حاجة انا لازم ادور تاني اكيد في حاجة تأكد الكلام ده



بحثت حور كثيرا حتى داهمها النعاس ونامت على سرير والديها .
في قصر الدمنهوري
جلس جاسر مع جده بعد ان اخبره بالحوار الذي دار بينه وبين تلك الحورية
سليم بلهفة جد . طب هي مجتش معاك ليه
جاسر. المشكلة ان هي مش مصدقة انا قولتلها كل الي انت قولوتهولي بس مش عارف هيكون موقفها ايه لما تطلع نتيجة التحاليل
سليم. انا خايف ما تقدرش تتأقلم معانا وتطلب تعيش لوحدها
جاسر بحدة. مش على كيفها هي مش حرة هي دلوقتى شايله اسم عيله ولازم تحترم ده ولا هي عايزة تمشي على حل شعرها
سليم . احترم نفسك يا جاسر واعرف انك بتتكلم على بنت عمك وحفيدتي
جاسر. ماشى بس يكون في علمك انا هربيها من اول وجديد عشان تعرف ازاي تتعامل مع المستوى الجديد الي هتعيش فيه
قام سليم من كرسيه بغضب
تربي مين هي متربية ويمكن احسن منك كمان واخر مرة اسمحلك تشك في اخلاقها يا جاسر انا ماشي وبكرة هاجي معاك عشان اشوفها ومن غير تصبح على خير
ازاح جاسر ادوات المكتب بغضب حارق
جاسر بتوعد . هنشوف يا سليم بيه
استيقظت حور على اذان الفجر قامت و توضأت و صلت فرضها واخذت تدعي بدموع حارقة
حور . يارب ساعدني عشان اعرف الحقيقة انا خايفة من الجاي اوي خليك معايا على طول
انتهت حور من صلاتها و دلفت الى غرفة والديها واخذت تبحث مرة اخرى على امل ايجاد اي دليل يثبت كلام ذلك الجاسر
صادفت الكثير من الملفات والأوراق التي تخص عمل والدها ولكن ما لفت نظرها ظرف كبير به اوراق كثيرة فتحته بتلهف و وجدت عقد تمليك لشقتهم باسمها و اوراق تخص اراضي زراعية كتبت ايضا باسمها كل ذلك لا يهمها بقدر ايجاد الدليل اخذت تبحث حتى عثرت على ظرف به رسالة مكتوب عليه الى ابنتي حور فتحت الرسالة بلهفة تقرأ ما بها
حور حبيبتي الغالية التى نورت حياتي المظلمة بعد انا فقدنا الامل في الانجاب عندما تقرأين هذه الرسالة قد اكون في مكان اجمل بكثير من هذه الدنيا اتمنى ان تسامحينا ان و والدتك لقد اخفينا عنك حقيقة وجود عائلة لنا انا نفسي لم اكن اعرف عنها شيئا لولا جدتك التى اخبرتني بها وهي على فراش الموت لانني كنت اظن ان والدي قد توفي وانا على المهد كما قالت لي أمي ولكني تفاجأت بانه على قيد الحياة وعدت امي ان ابحث عنه ولكننى لم اجد له اثر حتى جاءت تلك المرأة التى كانت صديقة لجدتك و اخبرتني انها تعرف والدي و انه من اكبر رجال الأعمال في البلد الغريب أنني كنت اعرفه فهو مشهور في عالم الاعمال ولكننى لم اظن يوما انه هو كل ما اريد طلبه منك هو ان تبحثي عن جدك حتى تستقري معه لانه من سيحميك من غدر الدنيا لقد تركت لكي مبلغ مالي متواضع في البنك وسجلت الشقة باسمك وايضا لدي ارض زراعية كتبتها لك حتى تأمن مستقبلك سامحينا يا حورية قلبيوالدك الغالي
بكت حور كثيرا بعد تلك الكلمات التى قرأتها وأيقنت ان جاسر على حق و تمنت ان ترى جدها و ترتمي باحضانه قررت ان تلملم اشيائها و تستعد للذهاب الى قصر الدمنهوري غدا عندما يأتي صاحب الاعين الفيروزية.
اشرقت قرص السماء في سماء القاهرة لتبعث النشاط و الامل لقلب تلك الحورية استيقظت مبكرا بكل نشاط اخذت حمامها المنعش و ارتدت ملابسها المكونة من بنطال ابيض اللون وقميص اسود باكمام طويلة مع حجاب بالون الاحمر يبرز جمال بشرتها البيضاء الجميلة.
سمعت صوت طرقات على باب المنزل فتحت و وجدت تلك المشاكسة بسمة
حور. صباح الخير على عيونك يا عسل



بسمة. اهو صباح زي كل يوم
حور . مالك يا بنتي في ايه ماده بوزك شبرين على الصبح
بسمة. بقولك ايه ان تشوفلي صرفة مع الاهبل الي تحت ده انا مش عارفة اعمل مش عايز يخليني اسافر الرحلة مع اصحابي قال ايه انت لسه صغيرة بزمتك ان صغيرة
حور. بصراحة لا دا انا بحس انك امي
نظرت لها بسمة بشر
حور. مش قصدي انا قصدي في العقل يعني
بسمة. اذا كان كده ماشي بس والنبي تعالي معايا اقنعي انا عايزة اطلع والنبي دي اخر سنة ليا مع اصحابي وبعدين كل واحد هيروح كلية شكل والنبي خلي يوافق
حور. ماشي امري لله ما هو انا الي دايما بتحط في وش المدفع
خرجوا من الشقة متوجهين لاقناع ذلك المازن
حور بدلع. زيزو حبيبى
مازن باستغراب. زيزو حبيبك انت سخنة يا حور
ووضع كف يده على جبهتها ليتأكد
مازن. لا مش سخنة اومال في ايه
حور. لا يا روحي مفيش حاجة بس كنت عايزة اطلب منك طلب صغنن قد كده اهو
مازن . اه حس كده بقى مش موافق و اعلى في خيرك اركبيه مش بسمة هي الى بعتاك
حور بدلال وهي تتلاعب بخصلات شعره المتمرة على جبينه
حور. ليه بس يا زيزو انا كنت محضرالك مفاجأة تحفة بس خلاص بقى مدام مش موافق
مازن. مش عايز من وشك حاجة وبعدين انت عارفة كويس مش بسمح لكم تروحو رحلات لا انت ولا هي ولا حتى نغم الا لما اكون معاكم
حور. ماشي بس انا كنت عايزة اقولك ان دينا هتجي كمان كام يوم وانت مش هتبقى فاضي عشان تيجي معايا نجبها من المطار عشان لازم تفضل مع بسمة
مازن . هاا هي دينا جاية
اومأت برأسها. اه يا روحي
مازن. عايزة تروحي امتى يا بسمة عشان اجي اوصلك
بسمة بعدم تصديق لحور. يا واد يا جامد عملتيها ازاي دي
حور بغرور مصطنع. قدرات يا بنتي
وافق مازن على رحلة بسمة في سبيل رؤية تلك الجنية صاحبة الاعين الزرقاء وتحدث بهيام
مازن. وحشتني بنت الايه امتى اخدها في حضني هييييييح بقى
حور. نحن هنا يا عم العاشق الولهان فوق ليه بقى عشان عايزاك في موضوع مهم
مازن بجدية. موضوع ايه
حور بتنهيدة عميقة و قصت له كل ما حدث بالتفصيل
مازن بحدة . يعنى ايه انت ناوية تسيبي البيت وتقعدي مع ناس ما تعرفهمش
حور . الحكاية مش كده يا مازن انا متلخبطة ومش عارفة افكر خالص خصوصا ان دي وصية بابا الله يرحمه



مازن. ودي خاجة محتاجة تفكير لازم تخليكي هنا ولو عايزة تشوفي جدك تروحلهم كل فترة
حور. ما انا مش عارفة جدي هيوافق ولا لا وانا خايفة من الي اسمه جاسر ده نظرته ليا بترعبني ما بالك اعيش معاه تحت سقف واحد
مازن. ما هو ده الي انا بقوله انا كمان مش مستريحله خالص بعد الي حكتيه ده
حور. ربنا يقدم الي فيه الخير انا هروح شقتي دلوقتي زمانه جاي
مازن. تحبي اجي معاكي
حور. لا خليك انت انا هتصرف معاه وصل بسمة و بعدين نشوف الموضوع ده
قبل مازن جبينها بحب وادرف قائلا
خلى بالك من نفسك يا حورية قلبي
حور. انت عارف ان انت الوحيد الي بتقولها لي بعد بابا
مازن. طبعا يا بنتي مش انا ابوكي برضو
حور ماشي يا بابا عن اذنك بقى
خرجت حور و دلفت لشقتها وحضرت اغراضها استعدادا للرحيل سمعت صوت طرقات الباب فعرفت انه صاحب الاعين الفيروزية


بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-