الفصل الثاني
هنا الدكتور بعد ماروح البيت استشار مراته ف حكايه روان دي وازاي هيا محتاجه مساعده وازاي صعوبه وضعها وكدا …….ف مراته ف الأول كانت متردده لكن بعد إقناع والحاح كبير جدا من الدكتور قررت توافق بس كانت نيتها مش سليمه
تاني يوم ف المستشفي……
رورووو…...ي رورووو
روان،،ايوا ي دكتور
عندي ليكي خبر حلو
روان،،خير ي دكتور؟
الدكتور،،من هنا ورايح مش هتبقي لوحدك وهيبقي عندك ماما وبابا كمان اي رأيك ف الخبر الحلو دا؟؟
روان،،بس دا ازاي ؟
الدكتور،،بصي ي ست البنات انا طول عمري نفسي ف بنت تكون عسوله زيك واموره كدا تكون بنتي.
روان،،تقصد اي ي دكتور بكلاامك دا؟؟
الدكتور،،بصي انا عندي ولد اسمو عصام ف ثانويه عامه بس هوا عايش ف شقه لوحده ف انا هاخدك معايا بيتنا تونسي ام عصام بدل ماهيا قاعده لوحدها وكان نفسي ف بنت وانتي بنتي من هنا ورايح ي روان
روان،،ماينفعش ي دكتور ازاي هتتبناني انت ماتعرفنيش وكمان حضرتك مش ملزوم تصرف عليا
الدكتور،،انتي بتتكلمي ف اي بقولك خلااص انتي بنتي وانا مش جاي اخد رأيك انا بس جاي اعرفك عشان لما آجي اخدك الإسبوع الجاي واوديكي بيتنا تبقي عارفه ومايبقاش بس الموضوع مفآجأه لأن الموضوع دا انا خلصتو من زمان اصلا تمام ي رورو؟؟
روان،،انا مش عارفه اشكرك ازاي ي دكتور والله بجد كتر خيرك
الدكتور،،كدا انتي هتنضربي مفيش بنت بتشكر ابوها اعرفي بقا انك بتتعاملي مع ابوكي مش مع دكتور
روان،،حاضر ي بابا تسلملي يارب
الدكتور،،حبيبه ابوكي ….اخدتي علااجك وكلتي غداكي
روان،،ايوا والله الحمد لله
الدكتور،،ملااحظ تحسن كبير ماشاء الله
روان،،بفضل اهتمامك ي بابا
الدكتور،،جميله منك بابا ي رورو ربنا يبارك فيكي ي بنتي ويحميكي من كل شر وكل سوء يارب
روان،،واياك ي غالي..
الدكتور،،طب انا هروح اشوف شغلي هتعوزي حاجه ي بنوتي
روان،،تسلملي يارب منحرمش منك
الدكتور،،طب يلا سلام عليكم
روان،،وعليكم السلام ورحمه الله
وبعدها بأسبوع الباب بيخبط علي شقة الدكتور……
مرات الدكتور،،مين
الدكتور،،افتحي ي ام عصام
……..
نعرف نبذه بسيطه عن حياه الدكتور وابنه عصام….
……...
الدكتور متجوز من ١٨سنه ومعاه ابنه ف ثانويه عامه القسم العلمي رياضه حلمو يكون مهندس كبير جدا اسمه عصام لكن هوا عايش ف شقه لوحده لأسباب هنعرفها بعدين…
……
نرجع لأحداثنا….
مرات الدكتور،،ي اهلاا ي اهلاا بالناس الغاليه.
الدكتور،،جايبلك احلي بنوته ربنا خلقها
مرات الدكتور،،اهلاا اهلاا اسمك اي ي قمر
روان،،اهلاا بيكي ي طنط اسمي روان محمد عبدالله داخله أولي اعدادي وعندي١٢سنه
مرات الدكتور،،ماشاء الله ماشاء الله شكلك لبقه ف كلاامك وشاطره
روان،،اه انا طلعت الاولي ف سنه سته ابتدائي
مرات الدكتور،،شكلي هحبك وههتم بيكي كمان خلااص ي رورو من هنا ورايح اعتبريني امك
روان،،ودا شرف ليا طبعا انك تكوني ف مقام امي
مرات الدكتور،،وكمان اسلوبك حلو شكلي هحبك كمان مره
روان،،وانا اتمني دا يحصل ووعد مني مش هزعلك وهعتبرك امي وكل دنيتي
مرات الدكتور،، ي مسهل طب يارب يسمع منك
روان،،ان شاء الله
الدكتور،،طب ي تري بالمناسبه الحلوه دي طبختيلنا اكل اي انا جعان جدا
مرات الدكتور،،ماطبختش
الدكتور،،نعم نعم ودا لي إن شاء الله
مرات الدكتور،،انا قولت بمناسبه حلوه زي دي نطلع ناكل ف اي مطعم النهارده وناخد رورو معانا
الدكتور,,بس انتي عارفه اني مش بحب الأكل الجاهز
مرات الدكتور،،انا قولت روان لسه خارجه من المستشفي محتاجه تغير جو وتشوف الدنيا ولا اي رايك ي رورو
روان بحماس،،عندك حق ي طنط
مرات الدكتور،،شوفت البت موافقه اهي اي رايك بقا؟
الدكتور،،لا خلااص اتنين علي واحد يكسب بينا ننزل نتغدا ف احلي مطعم فيكي ي مصر وبالمره نتفسح ونركب المركب عشان رورو حبيبه بابا وماما
روان،،ربنا يديم المحبه يارب
مرات الدكتور،،طب اي ي رورو مش هتشوفي الطقم الي جبته علشانك
روان،،جيبالي انا طقم؟؟!
مرات الدكتور،،هوا انتي شايفه كام روان هنا يعني غيرك ايوا جيبالك انتي طقم ادخلي اوضتك قسيه وقوليلي رايك
روان بدهشه،،اوضتي كمان انا بجد مش عارفه اقول اي انا بجد فرحانه جدا اني معاكم
مرات الدكتور،،ولسه هتفرحي اكتر واكتر إن شاء الله يلا بسرعه بقا البسي عشان أشوفه عليكي
……..
بعد خمس دقائق
…..
روان،،اي رأيك كدا ي ماما ف الطقم عليا
مرات الدكتور،،هياكل منك حته ي رورو بس في حاجه كدا مش عجباني
روان،،هيا اي؟؟
مرات الدكتور،،انا كنت عامله حسابي انك ي هتخلعي شعرك ع الطقم دا ي هتلبسي طرحه لكن انتي لاابسه خمار عليه ليه مش لايق خالص
روان،،حضرتك امي كانت جيبهولي قبل ماتموت وكان دا هديتها ليا
مرات الدكتور،،لا بصي ي حبيبتي مش دا الي يتلبس عليه خمار لاازم تعيشي سنك وتلبسي وتنبسطي لكن ماتكبتيش نفسك بدري ي حبيبتي خليه لما تكبري شويه
روان،،بس …..
مرات الدكتور،،مابسش يلا اخلعي الخمار دا وقيسي البنطلون دا وماتلبسيش طرحه اصلاا يلاا
روان،،طب بصي مش هلبس خمار بس هلبس طرحه ومش هزعلك
مرات الدكتور ب تأفف،،طب خلصي يلاا عشان نلحق الغدا
روان،،حاضر
…….
روان لبست الطرحه والبنطلون وهيا مش حابه كدا من جواها وعملت كدا عشان ترضي مرات الدكتور فقط وراحوا اتغدو ف مكان راقي جدا وبعد ماخلصو اكل وقدام كوبري حديد حصل الي محدش يتوقعه روان فجأه ……
……
