الفصل السادس
وصلو المستشفي وروان لسه مافاقتش وبدأوا يركبولها محاليل وحاطين ليها تنفس اصطناعي عشان تفوق..
وعصام قلقان عليها ومش عارف هوا لي بيعمل معاها كدا وهوا اصلاا مايعرفهاش واول مره يشوفها بس كان متأكد أن في لغز ولاازم يحلو ويعرف الحقيقه
…...وبعد ساعتين…….
روان فاقت ونايمه علي السرير وبتدمع ودموعها نازله علي خدها ومفتحه عينيها وبتبص للسقف وبتقول…
لي يارب بتعمل دا كلو معايا هوا انا وحشه؟؟انت يارب عارف حالي ولو عارف اني مش هستحمل كل المواقف الصعبه دي مش هتحطني فيها وانا يارب راضيه بس نظرت الناس هتكون ليا اي دلوقت ومنار بتحاول تطلعني ف اوخش صوره وأن دا كان برضايا واني انا الي عملت كدا بمزاجي وانت عارف الحقيقه ياارب ونفسي بس انك تبينها وتعرف الدكتور أنها ظلمتني واني يارب ماليش اي ذنب ف اي حاجه يارب انت الي عالم بحالي وغاني عني وعن سؤالي والي انت شايفه خير يارب ليا اعملو وانا راضيه بكل حاجه….
وهنا عصام دخل علي روان….
عصام،،حمدلله ع السلاامه ي روان
روان وطت رسها ف الأرض وقالتلو،،الله يسلمك
عصام،،انا ماعرفكيش صحيح وماشوفتكيش غير النهارده بس قلبي بيقول أن في حاجه غلط وانك مظلومه وانا مش متعود اكدب قلبي لأن كل حاجه بيقولها بتكون صح
روان بإبتسامه مكسوره،،شكرا ي عصام
عصام،،مش بقولك كدا عشان تقولي شكرا بس وعد مني لو طلعتي مظلومه انا هاخدلك حقك تالت ومتلت
روان،،ربنا يعلم مين الظالم ومين المظلوم بس مسير الحقيقه تبان وانا مش هبررلك ي عصام بس ربنا وحده هوا الي عالم انا عملت اي وماعملتش اي
عصام،،طب ممكن تهدي انا معاكي اهو ومش هسيبك وانسي كل الي حصلك وابداي صفحه جديده وكل الي راح كوم والي جاي وانا معاكي كوم تاني خالص
روان،،شكرا ي عصام بجد متشكره علي وقفتك جمبي
عصام بمرح،،يلاا شدي حيلك عشان تخرجي من هنا
روان،،تقدر تقولي اروح فين ي عصام انا ماليش أهل ولا ليا اي حد
عصام،،عيب عليكي تقولي كدا وانا موجود انا عارف انك مخنوقه من بابا وانت طردك ومستحيل ترجعي تاني بس انا عندي ليكي حل كويس جدا احتمال يساعدك
روان،،يامسهل اي هوا؟؟
عصام،،بصي ي روان انا ليا واحد اعرفه صاحب بابا عنده دار مسنين وانا ممكن اوصيه عليكي واخليه ياخدك فيها ويكون ليكي مكان تنامي هناك وشغلك مش هيبقى كتير ودا يساعدك كمان انك تكملي دراستك وماتقلقيش هتفضلي ف مدرستك زي مانتي وكل دروسك وكل حاجه تخصك انا متكفل بيها ودا غير مرتبك السابت كل شهر من الدار تقدري تجيبي الي انتي عايزاه
روان،،بتتكلم جد هتعمل كدا عشاني؟
عصام،،هوا انا عملت حاجه ي روان انتي اختي الصغيره
روان،،شكرا ومن قلبي ي عصام بجد ربنا يفرح قلبك زي مابتحاول تفرحني ويسعد ايامك يارب
عصام،،تسلميلي ي رورو
……..
…….وبعد اسبوع …….
عصام،،استاذ وليد ازي اخبار حضرتك؟؟
وليد،،بخير والحمد لله ازيك انت ي هندسه؟
عصام،،تمام والله الحمد لله
وليد،،تشرب اي ي عصام؟
عصام،،قهوه ساده تبقا جات ف وقتها
وليد،،بس كدا غالي والطلب رخيص وطلب لعصام القهوه
عصام،،كنت جاي قاصد حضرتك ف خدمه صغيره
وليد،،اتفضل ي عصام دا انت ابني طلباتك اوامر
عصام،،الله يخليك تسلم….بص حضرتك انا اعرف بنت عايزه تشتغل وكدا وانا اعرفها شخصيا بس هيا صغيره ف السن شويه بس يعني هيا ليها ظروف شخصيه شويه لأن أهلها اتوفو وهيا صغيره وبعدين هيا محتاجه شغل تصرف منو وف نفس الوقت محتاجه مكان تقعد فيه
وليد،،من العين دي قبل العين دي تحت امرك ي هندسه
عصام،،الأمر لله ي باشا وهيا يومين بس هقولها وتبقي عندك
وليد،،تيجي ف اي وقت البيت بيتها.
عصام،،ربنا يخليك ي غالي
…….
….نتعرف علي الأستاذ وليد……
استاذ وليد انسان محترم جدا وعارف ربنا وهوا كان زميل للدكتور ف ايام الثانويه لكن هوا دخل كليه تربيه قسم رياض اطفال وربنا فتح عليه وبقا ماشاء الله من أعيان بلده وفتح دار المسنين وبيتكفل بيهم وكل حاجه تخصهم وهوا متجوز ومعاه ولدين وبنت الولدين تؤام ودكاتره والبنت دكتوره صيدلانيه ومراته انسانه طيبه بتحب الخير للكل وهيا كانت الأساس ف أن وليد يوصل لدا كلو
…….
عصام،،رورو ي رورو
روان،،خيراااا خيراااا
عصام،،قولت لصاحب الدار ووافق انك تبقي هناك وبصي مش عايزك تشيلي اي هم هوا انسان محترم وهيحطك ف عينو بس انتي تشوفي شغلك كويس وبصي هوا ممكن شغلك يكون انك تكنسي الدار وخلااص مش هيكلفك يشغل كتير وهيكون هناك ستات قد مامتك ومحدش هيضايقك هناك
روان،،بجد ي عصام
عصام،،بجد والله
روان،،طب الدكتور عرف حاجه عن الموضوع دا ؟؟
عصام،،لا ماقولتلهوش وهوا اصلاا مايعرفش اني بكلمك
روان،،ربنا يبين الحق ويعرف اني مظلومه
عصام،،ان شاء الله ي حبيبتي
روان بخجل،،حبيبتك؟؟
عصام بتلكيكه،،اهاا اقصد ...اااه..ايوا مانتي اختي حبيبتي اي المشكله الله !!مش انا اخوكي الكبير برضو يبت؟!
روان بإبتسامه،،ايوا اخويا ي اجمل اخ ف الدنيا
عصام بمرح،،طب قومي كدا عايز اوريكي حاجه
روان،،استر يااارب
عصام،،غمضي عينك
روان,,اهوووو انجز بقا في اي؟؟
عصام،،اوعي تفتحي.
روان،،اهوووو خلص هتعمي كدا
عصام،،فتحي بقاااا
روان،،الله!!!اي دا لياااا
عصام،،اجيب لأغلي منك يعني وبعدين هوا دا حاجه دا حته طقم جديد يعني وايفون جديد بدل الي انتي نسيتيه هناك وشنطه جديده تليق علي الطقم الجديد وجزمه شيك تليق برورو حبيبه قلب اخوها
روان بدموع فرحه،،بجد بجد مش عارفه اقولك اي انت جميل قوي انت احسن اخ ف الدنيااااا.
….
عصام كان مبسوط جدا انو قدر يسعدها ويرد الإبتسامة علي وشهااا وقاعد مبتسم وسرحان فيها وف تفاصيل وشها الي عامله زي الملايكه وبيقول ف نفسو بقا دي تعمل حاجه وحشه زي الي حصلتلها دي مستحيل اكيد في حاجه غلط
روان،،سرحت ف اي ي عصوووومي؟
عصام،،هااا بتقولي اي ي حبيبتي؟
روان،،سرحان ف اي؟؟مين واخد عقلك؟؟
عصام،،محدش يبنتي اتهدي واعقلي واقعدي وشوفيلك لعبه العبي بيها بعيد عني
روان،،دا انت خدت عليا قوي بس صبرك خد دي بقا
عصام،،اااااااااه ي دماغييييي اه ي مفتريه بتضربيني بالمخده جامد كدا لي ي بت طب وربنا لموريكي تعااااالي
روان،،ااااااه بطل تزغزغ بغييييير
عصام،،عشان تبقي تضربني كويس
روان،،يبني بطل حراااااام عليك همووووت خلااص اسفه حقك عليااااااا
عصام،،دا انتي عايزه الولعه ي شيخه قومي
روان بوش طفولي،،انا عايزه الولعه ي عصام
عصام،،بلااش البصه دي والنبي لأحسن هعيط
روان،،دا انت رخم ابعد من هنا
عصام،،ابعد؟!طب انا هوريكي ابعد ازاي اهووووو
روان،،يالهواااااااااي ماتدوخنيش بدوووووخ
عصام،،عشان تبقي تتهدي وتقعدي وتسمعي الكلام
روان،،خلااص خلاأااااااص حقك علي دماغي نزلني..
عصام،،اهو يختي انزلي تك نيله وانتي عامله زي العروسه الخشب كدا عاوزك تتخني شويه
روان،،براحتشيييي اخس اتخن براحتشييييي
عصام،،اهي بتطول لسانها تاني اهي
روان،،خلااص انا نعست اصلا وعايزه انام
عصام،،بصي اعتبري الشقه شقتك هيا صغيره اه بس حلوه هتستريحي فيها بصي انا هنام ف الصالون وانتي نامي ف اوضتي وخدي راحتك ع الآخر مش هدخل الأوضه عليكي خالص وتربسي علي نفسك لأحسن تخافي ولا حاجه
روان،،وانا يوم ماخاف هخاف منك انت امشي يااض
عصام،،اه ي ام لسان وحته طب يلاا قومي اتخمدي
روان،،تصبح علي خير ي بغل
عصام،،امشي ي بت امشي لأحسن اموتك
روان،،ماتقدرش هاهاهاهاها
عصام،،شكل ليلتك مش هتعدي النهارده
روان،،ياعم سيبالك الجمل بما حمل انا ماشيه اهووووو سوووولاااموووز
عصام،،انتي خليتي فيها مز ولا عفريت حتي
روان،،خخخخخخخخخخ
عصام بضحك،،انتي مسخره
روان،،خخخخخخخ
عصام،،ماشي ي لمضه
……
عصام بعد ماروان خرجت من المستشفي قرر يرجع شقتو عشان ياخدها فيها بما أن أبوه طردها من البيت وماينفعش يسببها غير لما يشوفلها مكان تقعد فيه وعلي مامعاد انها تروح لدار المسنين يجي هيوديها وبعدين يقفل الشقه ويرجع تاني عشان يشوف موضوع روان ويشوف مين الظالم ومين المظلوم
……….
…….تاني يوم الصبح……..
روان بغطاء الحله فوق راس عصام،،اصحااااااااااااا
فوووووووووووق نايم لحد الضهر لي ابوك لواااا
عصام،،اصطبحنا وصبح الملك لله عايزه اي يبنتي مني ع الصبح
روان،،اصحا يخويا عشان تفطر ي بغل
عصام،،الساعه كام ي بت؟؟
روان،،السابعه والنصف وخمس دقائق بتوقيت القاهره
عصام،،حسبي الله ونعم الوكيل انتي بتصحيني لي دلوقت ؟؟انتي مبيته علي لبن؟
روان،،اولاا صحيتك عشان تققوم تفطر من الفطار الي عملته
پإيدي
عصام،،يعني الفطار ماكانش هينفع يستني لحد مصحا براحتي؟!
روان،،لا طبعا لاني جعانه ومش هاكل لوحدي يعني
عصام،،طب الشاطره عملت اكل اي حلو
روان،،قليت بطاطس واتحرقت مني
عصام،،ومالك مبسوطه كدا لي محسساني انك عملتي إنجاز وبعدين مصحياني عشان قليتي بطاطس وكمان حرقتيها طب المفروض اعمل اي معاكي؟
روان،،ياخي انت كنت لاقي قوم كل وانت ساكت
عصام،،انا مش مسامحك لا دنيا ولا آخره
روان،،مش مشكله يلاا قوم
عصام،،حاضر
...
…..وبعد الفطار…….
عصام،،رورو أنا هروح لبابا كدا اجيب منو كام حاجه ويارب اجي الاقيكي ولعتي ف الشقه
روان،،ماتقلقش وبعدين ماتنساش اني رايحه بكره الدار ف متتاخرش هناك عشان تاخدني وتوديني بدري
عصام،،النشاط والحماس واخدينك قوي ماشي يختي
روان،،يلاا اتوكل علي الله وامشي
عصام،،عارف انك مش قبلااني حاضر ماشي اهو سلاام
روان،،سلااموز
عصام وهوا خارج،،مجنوونه
…….وبعد ساعه مواصلات…….
عصام دخل البيت فجأه وسمع الي ماكانش يتوقع يسمعه
…..
