Ads by Google X
روايه رفقا بالقوارير كامله -->

روايه رفقا بالقوارير كامله

روايه رفقا بالقوارير كامله


     (الفصل الاول)

    لما تبقي مولود بتاكل بمعلقة دهب وشايف كل اللي ادامك بينحني ليك وانت مجرد عيل لسة عمرك ماعداش العشر سنين
    يبقي هتفكر تسأل نفسك هل ده صح ولا غلط ؟
    الناس بتحترم ابوي خوف منه وفلوسه عماله تزيد يوم بعد التاني ورجالته بتلبي ليه اي طلب يطلبه منهم
    بس وانا مالي انا عايش حياتي وسعيد بيها وانا شايف اكبر واحد في البلد ممكن عادي جدا ابوي يخليه يركع تحت رجلي انا واخواتي
    زي عادتي كل يوم بركب حصاني قبل الشمس ما تطلع وارمح بيه وسط غيطان الكفر بحاله وماحدش يقدر يعترض طريقي
    عايزين تعرفو كفر ايه وانا ابقي مين هقولكم
    انا قاسم نصار الديب عايش مع ابوي وامي وخالتي فدوه اللي تقريبا اكبر مني بخمس سنين
    في سريتنا سريا نصار واللي موجودة في كفر الديب
    بلد صغيرة في الصعيد الجواني وطبعا متسمية علي اسم جدي كبير البلد دي
    نبدأ بقي حكايتنا
    ابوي كان ليه صاحب تجريبا اد عمره وكان ممسكه كل حاجة في شغله الشمال طبعا
    عايش ديما مع المطاريد في الجبل وديما مابيجيش الكفر ويدخل السريا غير بليل
    عم عزوز المحلاوي !
    برغم ان هو وابويا اصحاب بس ديما كنت بسمعهم بيتخانقو
    مره كانو قاعدين بليل في المندرة وانا كنت قاعد بره في الڤراندة وسمعت عم عزوز وهو بيقوله
    اشمعني انت اتجوزت وعيشت حياتك وخلفت بدل العيل اربعة وانا افضل طول عمري عايش وحيد بين حجارة الجبل
    رد عليه ابوي وجاله
    انت يظهر عليك الحشيش اللي بنتاجر فيه لحس عجلك انا جولتلك مليون مرة ياابو مخ ضلم
    الحشيش بنزرعه ونبيعه مش لمزاجك يا........
    شوف انا بجول ايه وانت بتهزر ازاي









    هو انت جولت حاجة يا عزوز انت جاي تجر عليا وعلي ولادي احمد ربك اني واخد الكلام هزار
    نصار انا بتكلم جد انا عايز اتجوز
    ودي مين بجي اللي هترضي تتجوز من كبير مطاريد الجبل جولي يا خوي
    دورلي علي بت من بنات البلد ولا اجولك هانروح بعيد ليه جوزني اخت مرتك
    لاه فدوه لستها صغيرة وعمر اختها ماهتوافج
    كلام ايه اللي بسمعه ده بجي الحج نصار الديب برديك مرته هاتمشي كلامها عليه
    يلا يا راجل حط يدك في يد اخوك واقرا معايا الفاتحة
    لاه لاه مش ممكن البنته صغيرة عليك جوي يا عزوز دا انت عديت الاربعين وهي لستها بت خمستاشر
    وهو ده عز الطلب يا نصار يا خوي ياما بنات اصغر منها في الكفر اتجوزو رجال كبار
    ولانا مكتوب عليا افضل عازب طول عمري في الجبل بين السلاح والحشيش
    وانت تفضل عايش في الخير اهنه لوحدك يا تجوزني حسنة يانفضها
    بتهددني اياك نفضها يا عزوز بس انت خابر انها ماعاتتفضش اكده
    ههههههههههه يعني خابر مليح انها عاتتفض بالدم
    ومالو نفضها علي الاجل انا بطولي لكن انت مش هاتروح فيها لوحدك دانت معاك اربع رجال خاف عليهم يا خوي دول عزوتك
    //////////////////////////////////
    خرج من عنده عم عزوز وركب حصانه ورمح بيه ومن وراه رجالته
    وفضلت واجف مكاني متابعه بعنيا وانا هاين عليا اطبج في زمارة رجبته و اطلع روحه في ايدي عشان ابعده عن فدوه
    دخلت لابوي جوه المندره لجيته ثاير ومش علي بعضه جولت اتكلم معاه واشوفه ناوي علي ايه
    ابوي انت هاتجوز فدوه لعم عزوز صحيح
    انتبه ابويا ليا بغضب وجري علي باب المندرة جفله
    وبصلي وجالي
    قاسم انت كنت بتتصنت عليا يا ولد
    لاه ماحصلش انا كنت جاعد بره في الڤرانده وسمعتكم لما صوتكم علي
    طب اجعد وجولي عايز تجول ايه
    يا بوي عم عزوز كبير جوي علي خاله فدوه دي ادي في العمر تجريبا
    بس البنته عندينا يا ولدي مش زي الولد البت من دول ادام عودها فرد وجسمها........ يبجي الجواز ليها ستره
    عطيته ظهري وانا هطج من الغيظ وصرخت فيه
    بس مايبجاش عم عزوز يا بوي ده عمره اد عمرها مرتين
    بس يا ولد واوعي تجيب سيرة عن الكلام ده جدامها هي او امك
    جعدت علي الكرسي ودموعي نزلت من عيني عليها وانا بجوله
    بلاش فدوه يا بوي دي صغيره بلاش تفدينا بيها دي اختي الكبيره مش خالتي وانت اللي مربيها
    جعد ادامي ومد يده مسح دموعي وجال
    اديك جولتها يا قاسم بفديكم
    عزوز صاحبي وراجل من رجالتي اه ماجولتش حاجه
    بس انا عارفه زين الغدر في دمه وممكن يغدر في اي لحظه
    وانا مش هاستحمل انه يلمس حد منكم بأذي
    يبجي تغدر بيه قبل هو ما يعملها
    بصلي بسخرية وجالي
    شايف الرجالة اللي كانو معاه اد ايه والرجاله اللي بيحرسونا بره دول كمان
    من غير عزوز مش هاتلجي واحد فيهم واجف جانبك
    اهل الكفر نفسهم من غير الرجاله دول هايكلونا بسنانهم
    انا بكلمك عشان انت ولدي الكبير ولازم تفهم الدنيا دي زين عشان من بعدي تعرف حبيبك من عدوك
    وانا اللي كنت فاكر ان عمي عزوز حبيب اتاريه عدو
    شغلنتنا دي يا ولدي مافيهاش حبيب كلنا عدا بعض ولابسين وش المحبه
    بنزرع الحشيش في الجبل ونبيعه لتجار المخدرات واحنا عارفين اننا بنأزي غيرنا بيه
    بنجيب السلاح والدناميت من السودان ونمشي بيه في الصحرا ونعرض رجاله كتير للخطر
    عشان في الاخر نجيبه اهنه ونبيعه يأما لأهلينا عشان التار يأما للأرهابين عشان يحاربو الحكومه
    بس ده حرام يابوي
    من غير مايتردد لحظه رفع يده في الهوا ونزل بيها بعزم قوته علي خدي
    مزعلتش ولا بكيت علي قد ما اندهشت وبصتله بغضب وغيظ
    حط عينه في عيني وبصلي جامد وكأنه بيتحداني وجالي
    الحرام يا ولدي انك تلجي واحد كان بيطاطي يبوس رجلك زمان يجي عليه الوجت ويرزعك بيده كف زي ده
    جولي يا قاسم عايز اليوم ده يجي
    اترعبت من جويا من كلامه واتنطرت من مكاني وانا بجري علي بره
    لاه لاه اعمل اللي انت عايزه بس اوعي تعمل فينا اكده
    /////////////////////////////////////









    واد يا قاسم مالك بتجري اكده رايح علي فين يا مكلوب انت
    وجفت مكاني لما سمعتها بتنديني لفتلها وبصتلها بحسرة
    مافيش يا فدوه انا رايح حدا الفرسه بتاعتي
    انفزعت لما قربت مني وشافت دموعي
    ياضنايا من اللي مد يده عليك دانت وشك معلم يا حبيبي
    حطت ايدها علي خدي وهي بتبصلي بحب مابقتش عارف احوش دموعي
    ولاه انت بتبكي كمان جولي حصل ايه مين اللي تنشل يده وضربك
    انى يا فدوه
    اترعبت فجأه من صوته ووجفت ورايا تداري نفسها بخوف منه
    والله ماقصد يابا نصار انا بس صعب عليا الولد ده وشه معلم يا نضري
    عارف يا فدوه بس الجلم ده كان لازم منه عشان يفوجه مش اكده يا قاسم
    وطيت راسي جدامه وانا حاسس بالكسره
    ايوه يا بوي اكده
    طب يلا شوف رايح علي فين وانتي يا بت شوفيلي خيتك فين وجوليلها اني عايزها يلا بسرعه
    حاضر يابا نصار حاضر من عيني
    جريت من جدامه تنادم علي امي واني واجف مكاني ابصله وزي مايكون تفكيري اتشل مافوقتش غير علي صوته
    يلا ولد شوف رايح فين اطلع نام زي اخواتك ولا ارمح زي عوايدك بالفرسه بتاعتك
    جريت من ادامه وانا كل تفكيري فيها هي الوردة الجميله اللي وعيت عالدنيا لقيتها هي اللي شيالني
    خالتي واختي وصاحبتي وأوقات كتير بتبقي بدل امي كمان.
    كيف طفله بالجمال ده والبراءه دي تبجي فجأءه في بيت واحد مع غول زي عزوز المحلاوي
    ياتري الايام مخبية ليكي ولينا ايه يا فدوه
    اللهم بإسمك الفتاح إفتح لعبادك مغاليق الأسباب والأبواب وإكشف كروبهم ونور دروبهم واغفر ذنوبهم يا أرحم الراحمين


    إرسال تعليق