(الفصل التاسع)
كل يوم بيعدي علينا بحس انها بتتجنب الكلام معايا وبتحاول تبعد عني اكتر من اليوم اللي قبله
يعني الصبح انزل افطر لوحدي واروح علي شغلي وهي نايمه وبليل ارجع الاقيها طلعت آوضتها ونامت
بس النهارده اتفجائت بصراحه لما لقيتها قاعده مستنياني لحد مارجعت من الشركه ومش نايمه زي عوايدها
حمدلله علي السلامه يا واد خالتي
قعدت جنبها وانا مستغربها
الله يسلمك مش عوايدك يعني ! من امتي بتسهرى تستنيني
هاه لاء اني مش مستنياك ولا حاجه اني بس مش جايلي نوم
اه قولتيلي طب اتعيشيتي
ايوه الحمد لله اتعشيت
امممم طيب عن اذنك بقي عشان انا جاي هلكان وعايز انام
اتفضل بس يعنييييي
عايزه ايه يا وعد آخلصي وقولي علطول
اصل يعني الاجازه جربت تخلص
وانت لما اخدتني من عند ابوي الشيخ حسن ماجولتليش هاتجعدني من المدرسة ولا لاه
رفعت حاجبي اليمين بمكر الديب وقولتلها
لاء انتي خلاص هاتقعدي من الدراسه يا وعد
عينها دمعت زي اللي كانت مستنية مني كلمه تانية
واه ليه انا كنت فاكراك هترجعني الكفر لما الدراسه تبدء
وهو انتي عايزه تكملي تعليمك يا وعد
ايوه يا قاسم رچعني الكفر ولما الدراسه تخلص ابجي تعالي خدني اجعد اهنه معاك
لاء مافيش رجوع الكفر وقعاد فيه تاني ولما احب نروح هنبقي سوي وهتبقي زيارة صغيره وهنرجع سوي
انتفضت من مكانها وهي بتبكي وطلعت تجري علي اوضتها وبتقولي
لكن اني مش عايزة آجعد اهنه وعايزة اكمل تعليمي
طلعت وراها وفتحت باب اوضتها وانا عايز افهم هي بتعمل كل ده ليه عشان الدراسه ولا في حاجه تاني
لقيتها نايمه علي سريرها وحاطة وشها في المخده بتاعتها وبتبكي جامد
حطيت ايدي في جيوبي ونبهتها اني واقف
وعد
اتعدلت وهي بتمسح دموعها من علي وشها الجميل
نعم يا قاسم
انتي بتعيطي عشان الدرسه ولا عشان قعدتك هنا
حسيت انها مش عارفه ترد تقول ايه
هاه ماهو اني لو هارجع الكفر طبعا هكمل دراسه
اومال كنتي عايزه تتجوزي ابن العمده ازاي
فجآه بصتلي بغضب ومسحت دموعها
انت مش رفضته وخلاص هاجعد من التعليم ليه بجي
طب يا ستي ماتعيطيش وان كان علي موضوع الدراسة انا قدمتلك في مدرسه ثانوي خاصه هنا
هاه يعني مافيش امل ارجع تاني الكفر
فتحت باب آوضتها وانا مديها ضهري وقبل ماقفلو عليها بصتلها وقولتلها
آنسي يا وعد قعاد في الكفر تاني مش هيحصل
////////////////////////////
في مكان تاني خالص بالتحديد في نفس الكافيه اللي بيقعد فيه قاسم مع اصحابه
بس حاليا اللي موجودين رامي وعصام صحابه
وكان داير الحوار بينهم كالتالي
رامي : مالك جاي وكانك عايز تتخانق مع اي حد كده
عصام : اسكت يا رامي عشا انا عفاريت الدنيا بتتنطط في وشي
رامي : الله ليه بس يا عصام اقعد كده واستهدي بالله وفهمني مين اللي ضايئك كده
عصام :هو في غيرها
رامي : مين قصدك ندي
عصام: الهانم بقالها يومين ما بترودش علي تليفوناتي واخيرا بعد ما تتكرم عليا وتفتح تليفونها
بقولها قافله تليفونك ليه تقوم تقولي وانت مالك ودي حاجه ماتخصاكش واحنا اصحاب وبس
رامي: طب وايه الجديد يا عصام ماكلنا عارفين انها راسمه علي قاسم وهو عادي يعني مش بيقول اه ولا بيقول لاء
عصام :اه ماهو فرحان بنفسه وبرمية البنات وخناقهم علي صحبويته بس وحياة ندي عندي لوريها واوريه هو كمان
رامي :الله طب وهو ماله بس يا صاحبي ماهي اللي رامية نفسها عليه
عصام : انت بتغيظني ياعني بس معلش مسيري اردلهاله
رامي:طب بس بقي احسن ده جاي
قاسم: اهلا يا شباب مالكم قاعدين كده ليه
عصام :ايه مش عاجباك قعدتنا طبله يا رامي وانا اقوم ارقصله
قاسم :الله في ايه يا عصام مالك بتتكلم كده ليه
رامي: بس يا عصام بقي مافيش حاجه يا قاسم هو بس متضايق شوية
قاسم :ايوه مانا عايز اعرف هو متضايق من ايه
عصام : يوووووووه انت مالك يا عم متضايق من نفسي اقولك انا ماشي وسايبها ليكم انتو الاتنين
قاسم :هو في ايه يا بني انت انا كلمتك يا عصام عصام عصام
رامي: خلاص يا قاسم سيبك منه خليه يمشي هو اصلا شكله مش في المود النهارده
قاسم : وهو النهارده بس ماهو طول عمره عايل خنيق المهم فين باقي الشله
رامي:ندي شكلها كده مش جايه وادي عصام مشي ومعرفش الباقين بقي هايجو ولا لاء
قاسم : احسن برضو انا كمان ماشي
//////////////
رجعت علي الڤيلا ووكالعاده لقيت الانوار مطفيه وهي نايمه في اوضتها ماهي تقريبا من اخر مره اتكلمنا فيها
وانا مش بشوفها نهائي ورجعت تاني تختفي زي عوايدها
بس حصل اللي كنت خايف منه وفي نفس الوقت كنت متآكد ان ده مش تفيكرها هي
طلعت علي اوضتي وعديت علي اوضتهااللي نورها كان منور قولت بلاش اضيقها وادخلها في وقت زي ده
لكن قبل ما اقدم خطوه وافتح باب اوضتي سمعتها بتتكلم وبتعيط في نفس الوقت
قولت لنفسي معقول تكون بتكلم نفسها قربت من باب اوضتها عشان اسمع وافهم هي بتتكلم مع مين وسمعتها
//////////////////////
واه وآني اعمل ايه بس يا عادل ماني جولت له وهو رفض وجالي انه جدم لي في مدرسه خاصه اهنه
......................
وهو انت يعني شايفني رايده اتعلم جوي اني كنت فاكره لما آجول اكده هايرچعني البلد تاني
...........................
ماخبرش هو من يوم ما جابني واني ماخرجتش من السرايا بتاعته دي ومعرفش عنونها ايه
////////////////////////////
فتحت الباب وانا مش مصدق بقي عايله زي دي تضحك عليا انا وصرخت في وشها وانا بهجم عليها
بتكلمي مين يا بنت عزوز
ارتجفت قدامي والتليفون وقع من ايدها علي الارض
ده ولا حد يا قاسم ولاحد
وبعزم مافيا من قوه ماعرفش ازاي ايدي نزلت علي وشها وانا بقولها
ولاحد يا غداره وخاينه زي ابوكي كنت بتكلمي مين يا بت انطقي
اترمت علي سريرها وهي بتحاول تحمي نفسها مني
جولتلك ولا حد اوعاك تضربني يا قاسم اوعاك
شدتها من ايديها ووقفتها قدامي ومسكتها من شعرها وهي بتصرخ في ايدي
اوعاني اضربك دانا هاقطع من لحمك وارمي للكلاب لو ماتكلمتيش وقولتي كنتي بتكلمي مين ومن امتي اصلا وانتي معاكي موبايل مين اللي جابلك الزفت ده انطقي
ااااااه حرام عليك هاتموتني في يدك يا قاسم عشان خاطري طب ورحمة فدوة امي لتسيبني
مش قبل ما تنطقي
اااااااااه كنت بكلم امي كريمه
فكيت حزام بنطلوني وانا هاتجنن منها ورميتها علي الارض ونزلت عليها بيه
وكمان بتكدبي عليا طيب يا وعد قابلي بقي اللي هيحصلك
اااااااه ااااااااه الحجوني اااااااااه
ضربتها واخدت التليفون بتاعها وخرجت من الاوضه وقفلت عليها الباب وبدل ما ادخل اوضتي
اخدت عربيتي وانا زي المجنون وخرجت بره الڤيلا بحالها وانا بدي اومرى للحرس انهم يحرسوها كويس و الباقي يتبعوني وطلعت علي الكفر وانا بغلي من الغيظ
//////////////////////////////
قضيت ساعات الليل كلها وانا في الطريق وتاني يوم دخلت الكفر وقت الظهر
ماروحتش علي السرايا ولا علي الجامع عشان اشوف الشيخ حسن وطلعت علي دوار العمده انا ورجالتي
وضربت كذا طلقه من مسدسي في الهوا
خرج ليا العمده وهو مستغرب في ايه عايز يعرف انا بعمل كده ليه
واه قاسم الديب خير يا ولدي مش فضناها ايه اللي جد تاني
ابنك فين يا عمده
وانت رايد ولدي في ايه يا ولد الديب مالك وماله عاد
انا اللي جاي وعايز اعرف هو عايز مننا ايه احنا مش فضنها زي مانت بتقول
خرج عادل ووقف ورا ابوه يتحامي فيه
مفضنهاش اني رايدها وهي رايداني يبجي انت دخلك ايه بينا بجي
شكلك مانتش عايز تجيبها البر يا ولد العمده واللي انت بتعمله ده ما يمحهوش غير الدم
وضربت طلقه من مسدسي قاصد اني اقتله بيها
واه
اللهم أنت ربنا لا إله إلا أنت خلقتنا ونحن عبيدك ونحن على عهدك ووعدك ما إستطعنا، إهدنا فيمن هديت وعافنا فيمن عافيت وتولنا فيمن توليت وبارك لنا فيما أعطيت وقنا وإصرف عنا شر ما قضيت سبحانك
بدل ماتدور وتبحث علي الروايات خليها علي تليفونك وحمل تطبيقنا
