رواية صفقة ثم عشق الفصل السادس عشر

الفصل السادس عشر 

استيقظت عشق وجدت نفسها بالفستان الي كانت لابساه امبارح بس الجزمه والطرحه خلعاهم عرفت ان زين الي عمل كدة وبصتله لقته نايم زي الملايكه بالظبط قعدت تلعب ف دقنه وتلعبله ف وشه وهو صحي لكن مثل النوم عشان يشوفها هتعمل ايه

عشق وهي بتلعب ف دقنه:لو تعرف انا بحبك قد ايه حتي لو انت بتحبني عادي بس انا بعشقك نفسي تحبني نفس حب مراتك القديمه انا عارفه ان الحب الاول صعب يتنسي واكيد بتفتكرها وكنت تتمني متعملش كدة بس انا بعشقك وهحاول انسيك علي قد ما اقدر مراتك ووجعك منها ونفسي تحبني زيها وتنهدت بيأس

زين زعل من تفكيرها واتكلم بهدوء:انا مكنتش بحب صافي
عشق اتخضت واتوترت:انا... انا .. كن.. كنت
زين بتنهيدة وهو لسه مغمض عنيه:عشق انا مكنتش بحب صافي لما قابلتك حسيت بحاجات كتيرة حلوة ف حياتي عمري ما حسيتها مع صافي خالص ممكن اكون اتعلقت بيها لكن حقيقي انا طلعت مكنتش بحبها انا بقيت بعشقك ونسيتها خالص وعمري ما فكرت فيها ولا اشتقتلها ابدا

عشق بدموع:يعني انا الي ف قلبك بس
زين:والله ايوة واياكي تشككي ف حبي تاني وسكت وكمل
عشق اياكي تخونيني اياكي تجرحيني لان جرح صافي طلعت منه بسهوله لكن انتي صعب انتي كدة هتبقي بتدفينيني بالحيا فاهمه غير ردة فعلي مش هتتخيليها لاني هدوس علي قلبي قدام كرامتي فاهمه يا عشق

عشق:مستحيل يا زين اخونك مستحيل
زين:مصدقك يا قلبي عشق يلا عشان بابا جاي شويه كدة ااه صح اياكي تقعدي قدامه بشعرك فاهمه
عشق بضحك:حاضر حاضر

وقام ياخد شاور وعشق نزلت تحضر الفطار عشان ابو زين جاي ونزل زين وقعد يتكلم مع عشق ف أمور عشوائيه وهما مستنين ابو زين

وقاطع حديثهم رن الجرس

زين:دة بابا هقوم افتحله
عشق:وانا هقوم احط الاكل

زين راح يفتح الباب

ابو زين:ايه يا زين بيه نستني هو الجواز ينسي كدة
زين بضحك وحضنه:وهو فيه حد ينساك بردة يا بابا
ابو زين بمرح:ايوة انت
زين:ماشي ادخل يلا عشان تفطر عشق محضرة فطار تحفه الصراحه
ابو زين:عشق وفطار تحفه ف ايه
زين:ادخل طيب هتقف علي الباب
ابو زين: هدخل لما نشوف اخرتها

دخل ابو زين لقي عشق حاطه الاكل علي السفرة

عشق:حمدلله علي سلامتك يا عمي
ابو زين:عيب كدة انا اسمي بابا
عشق بإبتسامه:حاضر يا بابا
زين بغيرة:ايه اجبلكوا اتنين لمون
ابو زين بإستغراب:لاء فيه حاجه غلط مالك يا حبيبي انت سخن
زين ضحك وراح حط ايده علي خصر عشق وحضنها:لاء بس الي يعيش مع عشف لازم يتغير
ابو زين بفرحه:اخيرا يا زين قولتلك عشق غير كل البنات
زين بحب:عندك حق الحمدلله اني سمعت كلامك

عشق اتكسفت وسكتت

ابو زين:ربنا يخليكوا لبعض فرحتوني يا أولاد والله يلا نفطر عشان اقضي معاكوا اليوم دة واروح البيت انام
عشق بزعل مصطنع:ايه الكلام دة الي انت بتقوله يا بابا عيب يبقي بيت ولادك موجود وتروح ف حته تاني لاء انا زحلانه منك
ابو زين بضحك:لاء ميهونش عليا زحلك بس عشان تاخدو راحتكوا
عشق بتصنع زعل:زين قول لأبوك اني زحلانه ومقموصه منو
زين بضحك:انا كمان مقموص منك
ابو زين ضحك ومبسوط ان ابنو رجع تاني زي زمان:خلاص هقعد معاكوا
عشق:زين قول لأبوك اني خلاص مش زحلانه ومستعدة نعمل معاهدة صلح
زين ضحك:وربنا طفله

ابو زين كان مبسوط وافتكر صافي بنت اخوه لما كانت بتتخانق مع زين واحيانا تسيب البيت بسبب انه قاعد معاهم ف نفس البيت

قعدو يفطرو ف جو مرح واجواء لطيفه

عند مروان

مروان راح لسلمي عشان ينزلو ينقو الفستان بتاع الخطوبه وصل مروان البيت وخبط

ام سلمي فتحت:ازيك يا ابني تعالي
مروان بخجل:مينفعش ادخل معلش قولي لسلمي يلا
ام سلمي بصتله بفخر انو راجل مرضيش يدخل عشان هما ستات لوحدهم:ادخل يا حبيبي عادي
مروان:اول ما اكتب علي بنتك ابقي ادخل يا امي معلش سبيني علي راحتي
ام سلمي:ماشي يا حبيبي معلش تعباك معايا سلمي ملهاش صحاب غير عشق وعشق عندها مشاكلها ربنا معاها وانا مقدرش انزل ومعاها ونلف
مروان:عيب الكلام الي بتقوليه دة يا امي انا افضي نفسي واتعب عشان سلمي واعمل اي حاجه عشان سلمي
ام سلمي:ربنا يخليكوا لبعض يارب

وجات سلمي

سلمي:انا جاهزة يلا
مروان بحدة:مش شايفه ان الدريس دة ديق شويه يا سلمي
سلمي:ماله يا مروان
مروان:بعد اذنك غيريه
سلمي بعند:انا شايفه ان مفيهوش حاجه ومش هغيره عشان مصدقت لبسته
مروان بغضب:روحي غيري يا سلمي وربنا ما هخرج
مامت سلمي:سلمي اسمعي كلامه يلا

سلمي بصتله بغيظ ودخلت غيرت الفستان لواحد تاني اوسع

بعد فترة

سلمي بغيظ:كدة حلو
مروان:ايه الي انتي حطاه ف بوقك دة
سلمي بغضب:دة روج خفيف ايه
مروان:ماشي يلا وأخد سلمي ونزل وقبل ما يطلعه من باب العمارة مسكها وحطها ف الحيطه وطلع منديل ومسح الروج كله ورمي المنديل
مروان بغضب:وربنا لو شوفتك حاطه زبدة كاكاو حتي وربنا لأفشفش دماغك فاهمه ولا لاء
سلمي حبت غيرته عليها:حاضر
مروان بغضبة:قدامي

وركبو العربيه رايحين لمحل فساتين للخطوبه

عند زين خلصو أكل وعشق لمت الاطباق وزين ساعدها وغسلت الاطباق

عشق:اعملكم قهوة
زين:ايوة يا بابا عشق عليها كوبايه قهوة تحفه جدا
ابو زين:نجربها وماله
عشق بإبتسامه:من عيوني
ابو زين:ف ايه بقا
زين:مفيش بس حبيتها وطلعت نضيفه من بره ومن جوه
ابو زين:ربنا يفرحك يا زين يارب واشوفك فرحان طول عمري
زين:ربنا يخليك لينا يا بابا

تابع الفصل السابع عشر هنا