الفصل الثاني عشر
و وصل ياسين البيت و كان مرتبك و خايف طلع و خبط و سلمى و تقى فتحوا الباب
تقى : ادخل الاوضة اللي على الشمال....
ياسين : هاتوا اي حاجة نفوقها بيها
سلمى : خد كلونيا اهي
و بعد دقايق ورد فاقت... و لقت ياسين قاعد جمبها
ورد : انا فين؟..
ياسين : انتي في بيتك..... الحمدلله انك بخير
ورد : هو ايه اللي حصل
ياسين : كنا بنتمشى و انتي وقعتي مرة واحدة
سلمى بتقول من جواها : يا بنت المحظوظة....
ورد : انا فاكرة آخر حاجة اني سمعت صوت الرعد......
تقى : سلمى تعالي معايا نعمل لورد لمون
سلمى :.....
تقى : يلا يا بنتي
ياسين : ممكن اعرف انت وقعتي ليه.... انتي كنتي كويسة
ورد : انا عندي فوبيا من الرعد
ياسين : فوبيا من الرعد.... اول مرة اسمع عنها الصراحة
ورد : انت اول شخص هيعرف بالموضوع دا بعد اهلي و صحابي
ياسين :.....
ورد : و انا عندي حوالي عشر سنين..... ابويا كان في الشغل و كان راجع متأخر و كان في برق و رعد و مطر و هو في الطريق سند على عامود كهربا و مات و كان اليوم دا يوم عيد ميلاده و كنا محضرين مفاجأة ليه بس جالنا تيليفون انه مات علشان اتكهرب من العامود......
ياسين : ربنا يرحمه و يجعل مثواها الجنة
ورد : اللهم آمين
ياسين : تعالي نقف في البلكونة شوية..... ايه دا انتي منشفة الورد ليه
ورد : الورد اما بنقطفه بيقعد بالكتير يومين و بيدبل فاما بنشفه بيفضل عايش وقت طويل....... تحب تاكل حاجة
ياسين : ارتاحي انتي شوية....
نادية : يا ولاد انتم فين
ورد : انتي جيتي يا ماما.... انا في البلكونة
نادية : يا حلوفة الدنيا ساقعة..... ايه ده باشمهندس ياسين ازيك
ياسين: الحمد لله بخير و حضرتك
نادية :الحمد لله..... ورد تعالي ثانية
ورد : عن ازنك...
نادية : انتي ازاي تدخلي راجل غريب البيت
ورد : انا وقعت من طولي في الشارع و هو جابني لحد هنا
نادية : و انتي كويسة دلوقتي
ورد : اه بس عايزين نقدم حاجة لياسين
نادية : طيب روحي البلكونة و انا هحضر حاجه بسرعة كدة
ياسين : ورد انا عايز اشوف اوضتك
ورد بتقول من جواها : يا لهوي مش عايزاه يشوف الرسمة
ياسين : ها قولتي ايه
ورد: مش لازم....
ياسين : بس انا عايز اشوفها
ورد : انت اللي قولت... خليك فاكر
بس ورد بتقول من جواها : يا رب ان شاء الله ميزعلش
و دخل الاوضة يتفرج عليها لقى صورته متعلقة على الحيطة و ورد مشخبطة عليها و كاتبة شيطان احلامي...بخط صغير.
بدل ماتدور وتبحث علي الروايات خليها علي تليفونك وحمل تطبيقنا
