الفصل العشرون
تقى بتقول لنفسها : انا هقوله و هلغي السفر و اللي يحصل يحصل
عبدالرحمن :......
تقى : الصراحه انا كمان معجبة بيك
عبد الرحمن : طب استغل فرصة و اطلبك بالمرة
تقى : ههه لا انا عندي اهلي اما يجوا من السفر يبقى اطلبني منهم
عبدالرحمن : هما هيجوا امتا طيب
تقى : ايه الاستعجال ده... منين ما ييجوا بقا
عبدالرحمن : طيب تعالي ننزل نتمشى
تقى : ماشي
و اليوم عدى و اما مشيوا...
نادية : اينعم انا وافقت بس اليوم الاهبل دا.... و الولية امه دي...
ورد : انتي هتقوليلي... بس برضوا ام محمد دي....
نادية : دا انا مرات عمك دي ليا معاها كلام تاني
ورد : هو بكرة اول يناير
نادية : اه بس ليه
ورد : لازم اروح البلد...
نادية : اه صحيح
ورد : هحضر الشنط و بعد الشغل بكرا نبقى نروح
نادية : طيب ادخلي نامي بقا
ورد : حاضر
و تاني يوم ورد راحت الشغل متأخرة شوية و دخلت جري على مكتب ياسين
ياسين : جاية متأخر ليه
ورد : انت السبب
ياسين : انا...!
ورد : ايوة انت اللي روحت امبارح متأخر....
ياسين : اااااه... ههههه
ورد : عايزة اقولك حاجة كدة...
ياسين : ايه
ورد : انا رايحة البلد
ياسين : هروح معاكي
ورد : مش هينفع
ياسين : ليه
ورد : انت بالنسبالي في عيون اهل البلد راجل غريب..
ياسين : خلاص هجيب ماما معايا
ورد : هي مامتك بتطيقني علشان تروح معايا
ياسين : استني
و رن ياسين عليها
ياسين : الو يا ماما.. بصي ورد هتكلمك تقولك حاجة
ورد : لا لا
ياسين : اهي ورد معاكي اهي
ورد : ايوة يا طنط انا و انتي و ماما و ياسين هنروح مشوار كدة
سهام : مشوار ايه
ورد : جهزي شنطتك بس و هنعدي عليكي ناخدك
ياسين : ايوة يا ماما.... هقولك في السكة.. يلا باي
ورد : خلص شغلك و هنمشي على طول
ياسين : ماشي
و بعد ما الشغل ما خلص و راحوا الاول و عدوا على سهام
ورد : امك جايبة الشنط دي كلها ليها دا انا قولتلها شنطة واحدة هي ناوية تهاجر
ياسين : امي كدا
و اخدوا سهام و راحوا لنادية
ورد : شوفت امي هي شنطة واحدة
سهام : بتقولي حاجة
ورد : لا ابدا يا طنط
و اخدوها و مشيوا.... و بعد نص ساعة
ورد : جعان.. تاكل حاجة
ياسين :اه و الله يا حبيبتي ميت من الجوع
ورد : احم... احم
ياسين : هاتي اي حاجة
ورد : اهو باتيه
ياسين : لو ينفع تأكليني.... علشان منعملش حادثة لا قدر الله
ورد : اه طبعا...
و عدت ساعة كمان و وصلوا البلد
ياسين : اوصفيلي بقا الطريق علشان انا مش عارف المكان هنا
و وصفتله ورد الطريق و راحوا بيتهم اللي في البلد و حطوا الشنط
ياسين : ورد تعالي ننزل نتمشى شوية و فرجيني على البلد
ورد : ماشي.... ماما اقعدي انتي وطنط هنا و لو عايزة تطلعي تسلمي على مرات عمي ماشي
ياسين : هنروح فين الاول
ورد : هنروح الكتاب اللي انا كنت بحفظ في القرآن
ياسين : ماشي يلا
و اما وصلوا راحت سلمت على الشيخ و سلمت على الاولاد و عطتهم حلويات
و اما طلعوا
ياسين : هنروح فين تاني
ورد : هنتمى في الاراضي
ياسين : ماشي يلا بينا
واحدة في الشارع : تعالي هنا يا عسل
ورد : انا... ؟
الست : اه انتي تعالي
ورد : نعم
الست : انتي بنت مين
ورد : انا بنت عبد الحميد الله يرحمو
الست : عبد الحميد جوز وفاء
ورد : لا جوز نادية
الست : اه انتي ورد اللي مشيتي و انتي صغيرة
ورد : اه انا
الست : لا بس كبرتي و احلويتي... مين اللي واقف هناك ده
ورد : خطيبي
الست : ربنا يتمملكوا على خير
ورد : ربنا يخليكي
ياسين : يلا بينا يا ورد
ورد : يلا
ياسين : صحيح يا ورد مقولتليش انتي جاية هنا البلد ليه
ورد : علشان بزور قبر بابا الله يرحمه
ياسين : الله يرحمه
و كملوا مشي و رجعوا البيت تاني
و فضلوا قاعدين يومين و رجعوا تاني اسكندرية
ياسين : الصراحه كان يومين حلوين جدا..... ورد انا عايز نشتري الدهب و نكتب الكتاب
ورد : و انت اصلا قولت لمامتك ان احنا قرينا الفاتحة بجد
ياسين : انا هقول لامي و انتي قولي لامك و نشوف
و راح كل واحد فيهم بيته و قال لمامته طبعا نادية كانت فرحانة بس سهام كانت مصدومة بس هتعمل ايه ابنها بيحب ورد
اما تقى فكانت بتكلم باباها و بتقنعه انها هتقعد في مصر
تقى : يا بابا افهمني.... بابا بصراحة انا بحب
ابو تقى : بتحبي.....!
