الفصل السابع عشر
سلمى : هتيجي بقا و لا هتباتي عند طنط سهام
_ هههه لا جاية بس ياسين هيوصلني
ياسين : يلا يا حبيبتي
_ جاية اهو... يلا باي شوية و جاية
تقى : ماشي بس متتأخريش
_ ماشي مع السلامة
و قفلت ورد التيليفون
ياسين : دا انتي طلعتي داهية
_ يا ابني انا اصلا خسارة في البلد ديه
= تعالي بقا اما نفهم ماما كل حاجة
_ لا احنا مش هنقول لحد
= دا قرارك
_ اه
= طب خليكي فاكرة انه قرارك
سهام : ياسين انت رايح فين
= هوصل ورد
_ انتي بقا ورد
ورد : اه انتي تعرفيني
_ انتي سيرتك مش بتنقطع خالص من البيت
ورد :.....!
و قعدت ورد تشاور لياسين علشان يقول لمامته الكذبة بتاعتهم
ياسين : احم احم.. ماما انا عايز اقولك حاجة
سهام : قول
= ماما انا و ورد بنحب بعض و هنتجوز قريب ان شاء الله
و وقعت سهام من طولها
ياسين : ماما هو النهاردة يوم الوقوع العالمي و لا ايه
و قعدوا يفوقوا فيها
سهام : انا شوفت حتة كابوس
ياسين : كابوس ايه
_ شوفتك جاي تقولي ان انت و البنت اللي اسمها ورد دي بتحبوا بعض
= ما ده مكنش كابوس
_ هو ايه اللي مش كابوس.. هو انت ناوي تخلي البنت دي مراتك
ورد : و مالها البنت دي ان شاء الله
= يا ابني انت مش شايف قاعدة ازاي
_ و مالها قعدتي
= و لا كلامها نو نو
_ قولها الحقيقة
وفضل ياسين يضحك و قالها انا بحترم قرارك
_ هقولها انا... يا مدام سهام ده تمثيل
= تمثيل ايه؟....
_ احنا بنمثل علشان حاجة معينة في الشغل
= اه الحمد لله يا رب
_ يلا علشان انا اتخنقت
ياسين : ماشي هههههههه
ورد : يا لهوي مامتك ايه ده...
= ما انا قولتلك
_ مكنتش اتوقع كدا..... بس على العموم احنا كدا مش هنعرف حد تاني
=خلاص ماشي
و وصل ياسين ورد لبيتها و اول ما طلعت لقت تقى و سلمى واقفين
سلمى : يا اهلا بالعروسة
ورد : ايه طريقة الكلام دي
= لا و لا حاجة برحب بيكي... احكيلنا بقا
_ احكي اي و لا ايه انا عشت احلى يوم في عمري
تقى : اخيرا
_ يا بنتي جه بعد الحفلة و قالي بحبك يا احلى انسانة في الدنيا
سلمى : مش ده مكنتيش طايقاه و بتكرهيه
_ الوضع اتغير
سلمى : شكله بيضحك عليكي
_ لا انتي مشوفتيش نظراته
و ورد كانت عاملة حساب اللحظة اللي هتشك سلمى فيها فسجلت ريكورد بصوت ياسين
ورد : لو انتي مش مصدقة استني انا كنت فاتحة الريكورد اسمعي....
التسجيل : ورد انتي احسن حد انا قابلته في الدنيا انتي مش متخيلة الايام القليلة اللي انتي كنتي فيها في حياتي كانت عاملة ازاي انتي شقلبتي حياتي... ورد انا بحبك و عايز اكمل معاكي حياتي و اكيد في أقرب وقت هاجي اخطبك و لا اقولك تعالي نبدأ بأول خطوة دلوقتي هنروح عند ماما هتقعدي معاها و تتكلموا و بعدها بشوية هاجي اطلب ايدك
_ انت فاجأتني... بس الصراحة انا كمان بحس معاك بحاجة غريبة...
= طب اعتبر ده الرد... و لا في تكملة
_ الصراحة انا كمان بحبك
و خلص التسجيل و قعدت سلمى تاكل في نفسها و ورد بتراقب حركتها
سلمى : بس على فكرة دا راجل كان متجوز قبل كدة و اكيد عمره ما هينسى مراته
ورد : ما هو لو مكنش بيحبني كان هيعترفلي ليه
تقى : هتاكلي حاجة
ورد : لا انا و طنط سهام و ياسين أكلنا.... انا داخلة انام بقا علشان انا مرهقة
و فجأة تليفون ورد رن كان ياسين هو اللي بيتصل
سلمى : مين اللي بيتصل
ورد : دا ياسين هدخل انا بقى ارد عليه جوا
و تقى قامت تحضر اكل مع نادية
و سلمى راحت تسمع ورد بتقول ايه
و ورد شافت خيالها برا فاتصرفت...
ورد : الو يا روحي
ياسين : روحك...؟
ورد : اه روحت يا حبيبي
ياسين : حبيبي...؟ هو فيه ايه
ورد بصوت واطي اوي : سلمى واقفة
ياسين : اه ماشي يا ستي انا كنت بتصل اشوفك عملتي ايه
ورد : كانت هتموت.... و كدا اكدتلي شكوكي
ياسين : خلاص هتكملي ازاي
ورد : هقولك بكرا مش هينفع على التليفون يلا سلام
ياسين : سلام...
و قعدت ورد تفكر في كل اللي حصل و قلبها فرحان على الرغم من أن دي مجرد تمثيلية بس كان نفسها تبقى حقيقة
و ياسين كان عنده نفس الاحساس بس كان خايف ياخد الخطوة...
نادية : ورد...... تعالي ثواني
ورد : حاضر..... يا ترى هقولها ايه...
