الفصل الرابع
في اليوم التالي كانت إيلا تجلس في مكتبها تتابع عملها بأهتمام لتدخل عليها سلمي السكرتيرة......
إيلا وهي مازالت تنظر لبعض الأوراق التي في يدها... في حاجة ياسلمي
سلمي بقلق وتردد..... ف في واحد من البنك بيقول.....................
إيلا باستماع......بيقول ايه
سلمي وهي مازالت لم تستوعب ما أخبرها بيه من يقف في الخارج...... انا هادخله وشوفيه انتي.......
لتستدعي الرجل الذي يقف في الخارج وتدعوه للدخول لمكتب إيلا
إيلا بتساؤال بعد أن دخل عليها ذلك الرجل...... ايوا حضرتك مين..؟؟
الرجل.... انا سامي عبد العزيز مدير بنك AUC....
إيلا باستغراب.... أهلاً بحضرتك اؤامر
سامي..... انا جاي علشان انفذ أمر الحجز على شركة البحيري وكل ممتلكاته.....
إيلا بعدم استيعاب..... ايه انت بتقول ايه..؟! انت اكيد غلطان ف الاسم او العنوان.....
سامي بتأكيد.... لأ يافندم أمر الحجز صدر على ممتلكات منصور عبد الرحمن البحيري....
إيلا بعصبيه شديدة.... حجز ايه وزفت ايه وازاي..؟! ولصالح مين الحجز ده..؟!
سامي بهدوء.... لصالح ريان بيه الصاوي.... ليعطي إليها أمر الحجز والإخلاء ويكمل و ده أمر الحجز و المفروض هايتنفذ ف خلال 48 ساعة....
إيلا بصدمة بعد أن نظرت للورق الذي بيدها جيداً.... لأ انت اكيد بتهزر......
لتنهض من مكتبها فوراً وتخرج بخطوات شبه راكضة في الشركة متجهه لمكتب والدها ومعها أمر الحجز والإخلاء......
منصور بفزع بعد أن رأى إيلا بهذه الحالة..... في ايه يا إيلا مالك...؟!
إيلا وهي مازالت غير مستوعبة أو غير مصدقه لما يحدث.... ماعرفش في واحد مجنون بيقول انه جاي من بنك AUC و جايب معاه أمر بالحجز على جميع ممتلكاتنا واللي رافع الدعوة هو ريان الصاوي......
منصور بصدمة وعدم استيعاب أيضاً وهو يجلس على مقعده....معقول يكون عمل كده....
إيلا بصدمة..... عمل ايه يا بابا وايه اللي بيحصل ده فهمني
منصور.............................
إيلا بعصبيه اكتر..... رد عليا يا بابا في إيه
منصور وتكاد الصدمة تتسبب له في جلطه تقضي عليه تماماً.... هاحكيلك
جلست إيلا على الكرسي المقابل لوالدها وهي تكاد أن تختنق من الصدمة وكأن قدميها غير قادرة على حملها لتشعر انها قد شلت عن الحركه تماماً ف معنى كلام والدها أن أمر الحجز صحيح......
منصو بحزن..... من حوالي 5 شهور كنت اعرف واحد صاحبي من زمان اسمه مدحت و كان بيشتغل ف البورصة من زمان اوي
في مرة جه زارني هنا ف الشركة وكان بيكلمني عن شغلة وكان حكالي عن شركة دايماً أسهمها مرتفعة ودايما ف ازدياد وان مافيش مرة خسرت وفضل يقنعني اني اشتري شوية أسهم ف الشركة دي
واضارب بيهم ف البورصة وانا بعد شوية اقتنعت بالموضوع لأن مكسبه كان حلو جدا
وساعتها احنا ماكنش معانا سيولة كتير ف البنك ف الوقت ده ف مدحت اقترح عليا اني ارهن ممتلكاتنا للبنك وبالفلوس اشتري الأسهم لأن كل ما كانت الأسهم اكتر كل ما كان المكسب اكتر ولما اكسب وابيع الأسهم افك رهن البنك واخد الأرباح اللي كسبتها
وفضل يقنعني وانا اقتنعت لأن مكاسبها كان مغري وفعلاً روحت للبنك ورهنت كل حاجة وخدت الفلوس كلها وادتها ل مدحت واشتري بيهم أسهم كتير
وكل يوم كانت الأسهم دي بتعلي ودايما ف ارتفاع و عدي اسبوع ولاقيت اني كسبت فلوس كتير اوي وكلمت مدحت وقولتله اني خلاص عايز ابيع الأسهم دي وافك رهن البنك وكفاية المكسب اللي كسبته
راح قالي طب استنى لبكرة وانا هابعهوملك قولتله ماشي
لاقيته ف نفس اليوم بيرن عليا الساعة 1 بالليل وبيقولي أن الأسهم كلها خسرت والشركة اللي كنت مشتري فيها وقعت
ف الوقت ده ماكنتش عارف اعمل ايه وكنت هاتجنن ماكنش قدامي غير اني اروح ل ريان الصاوي واخلية يسلفني الفلوس اللي اقدر افك بيها رهن البنك لأن المبلغ كان كبير اوي
وروحتله اصل احنا كنا اتقابلنا قبل كدة ف حفلة واتعرفت علية وكان عاجبة شغل المصنع بتاعنا وقالي أنه احسن من شغل شركات كتير بره وقالي انه عايز يشاركني وانا قولتلة اني مابحبش الشراكة ممكن يكون فيه بينا صفقات لكن شراكه لأ
وطبعاً لما روحت وحكيتله على اللي حصل ف البورصة وافق انه يروح يفك رهن البنك وياخد عليا شيكات طبعاً بالفوايد بس بشرط انه يشاركني ف الشركة طبعاً انا ماكنش قدامي اي حل غير اني أوافق وفعلاً راح فك رهن البنك وقالي اننا هنتشارك ف انا قولتله ماشي بس هانسيب الموضوع شوية علشان دلوقتي احنا عندنا التزامات كتير ف الشركة والمصنع اخلص منها وبعد شوية نكتب العقد
واتفقت معاه أن مافيش حد يعرف أي حاجة حصلت وهو وافق ده كل اللي حصل.......
إيلا بصدمة وعياط شديد.... وانا كنت فين وكل ده بيحصل..؟!
منصور... كل ده حصل ف الفترة اللي كنتي فيها ف ألمانيا بتشتري معدات وأجهزة جديدة للمصنع.....
إيلا بلوم وعتاب وهي مازالت تبكي.... انت ازاي تعمل كدة ازاي تجازف وترهن كل املاكنا علشان شويه اسهم ف البورصة......
منصور وهو يلعن نفسه على الخطأ الذي اقترفه..... انا كنت عايز اكسب فلوس وماكنتش متوقع ان ده كله ممكن يحصل.....
إيلا بعصبيه وصوت مرتفع..... وازاي ماتخدش رأيي ف حاجة كبيرة ومهمة زي دي ازاى .....؟!
منصور بحزن واسي.... انا اسف انا....... ولم يكمل كلامك ليقع من على الكرسي مغشيا عليه....
إيلا بخوف....... بابا
في فيلا البحيري.......
إيلا بخوف وقلق... ها يا دكتور بابا عنده ايه...؟؟
الطبيب.... صدمة عصبيه شديده انا كتبتله على شوية أدوية ياخدها ف مواعيدها وبانتظام وياريت تحاولوا تبعدوه عن أي ضغط....
ايلا بحزن..... حاضر
لتجد إيلا بعد ذلك والدتها تبكي لتربط على كتفيها بحنان وتقول.... ماتقلقيش يا مامي أن شاء الله هايبقي كويس وبعدين كفاية عياط بقى ماينفعش يشوفك كدة ده غلط عليه......
قسمت بحزن.... حاضر
في المساء كانت إيلا تجلس في حديقة الفيلا وتنظر للسماء ومقلتيها مليئه بالدموع وهي تفكر بوالدها ومصيرهم وحياتهم الذي انقلبت رأساً على عقب وعلى وشك أن تهدم
وتفكر ب ريان الصاوي والذي فعله معهم... ولماذا فعل ذلك الآن..؟! وتفهم بأنه فعل ذلك لأنها رفضت الزواج منه وبعد تفكير طويل قررت أن تذهب اليه ف مكتبه غداً.....
في الصباح
إيلا ل قسمت.... بابا عامل ايه دلوقتي..؟؟
ميرفت بحزن... غصبت عليه يفطر علشان ياخد الدوا مارديش وخد الدوا من غير ما ياكل اي حاجة.....
إيلا بحزن على والدها..... طب حاولي معاه تاني يا ماما انه ياكل وانا خارجة دلوقتي ومش هاتأخر....
ميرفت.... حاضر وخدي بالك من نفسك
في شركة الصاوي تدخل إيلا للمرة الأولى وتسأل عن مكتب ريان لتجد السكرتيرة.....
إيلا.... عايزة اقابل ريان
مني باستغراب من نطقها لأسم ريان الصاوي بدون ألقاب..... في معاد سابق...؟؟
إيلا بضيق.... لأ
مني... طيب حضرتك ريان بيه مشغول دلوقتي و........ لم تكمل حديثها لتجد إيلا قد اقتحمت مكتب ريان بدون استأذان....
ليتفاجئ ريان بوجودها وبطريقة دخولها عليه.....
مني بخوف من ريان بعد أن رأت إيلا قد دخلت بتلك الطريقة..... والله يافندم انا قولتلها أن حضرتك مشغول بس هي اللي...... ولم تكمل فقد أشار إليها ريان بالانصراف....
لتخرج وتغلق الباب خلفها.....
ريان بابتسامة خبيثة وهو ينهض من مكتبة ليقف أمام إيلا.....
معقول إيلا البحيري جاية لحد عندي....
عايزة تفاعل حلو بقى يشجعني وتوقعاتكوا ف الكومنات وياتري ايه اللي هايحصل ف المقابلة دي.....
