قصة هنسمي ولادنا ايه كاملة وحصرية بقلم مجهول
يالا قولى بسرعه...بسرعه....
= ايه؟!...اقول ايه؟!...
- هنسمى ولادنا ايه؟!...
= والله يابنى اللى انت بتعمله ده غلط وعيب وميصحش...
- هنسمى ولادنا ايه؟!...
= طب روحنى البيت الاول وانا هقولك نسميهم ايه....
- لأ لو روحتك ابوكى مش هيرضى يجوزك ليا ابدا...
= طب ما هو حر ف بنته طيب...
- لأ مش حر...انتى مش بتحبينى زى مانا بحبك ولا ايه؟!...
= والله بحبك...بس مش كده ، تخطفنى علشان بابا يجوزنى ليك ، ده بابا اصلا لو مسكك مش هيسيبك تانى....
- امال هو بيرفضنى ليه يعنى؟!...
"Flash back"
- عمو انا جاى اطلب ايد بنتك...
= مين؟! سلمى دى ف تالته ابتدائى مينفعش...
- لأ يا عمو مش سلمى...
= امال مين؟! مانت مينفعش معاك غير سلمى...
- لأ يا عمو انا بتكلم ع زهره...
= دى زهره ف اولى كلية...
- مانا كمان ف اولى كلية...
= انت متأكد...
- اه والله تحب تشوف البطاقه...
= انت كمان معاك بطاقه...ده كده الموضوع كبير قوى... انا كنت فاكرك جاى تقولى عايز اذاكر مع سلمى...مش اتجوز زهره ههههههه...
- لا يا عمو مش للدرجه دى يعنى ههههههه....
= حتى لو انت ف اولى كلية زى ما بتقول برضو لسه صغير...
- لا يا عمو مش صغير انا صبرت 3 سنين وفضلت مستنيها مش هستنى اكتر م كده...
= 3 سنين؟!...والله يا بنى انت صعبت عليا...
- بجد...طب هتجوزهالى...
= هتعيشها فين طيب؟!...
- ف بيتنا...
= انت عندك بيت؟!...
- اه بيت بابا عايش فيه انا وبابا وماما واخواتى...
= يا حبيبى...بابا وماما واخواتك...وهى بقى هتعيش فين؟!...
- معايا ف اوضتى...انا اوضتى كبيرة قوى اكبر اوضه ف البيت...
= بسخريه : لا بس مش كفايه يا محمد...
- خلاص انا ممكن اخد اوضة اختى الصغيره وافتحها ع اوضتى وتبقى كبيرة جدا جدا...ها يا عمو قولت ايه؟!...
= والله يا محمد الحقيقه كده العرض بقى مغرى قوى وميترفضش...
- ايوه يا عمو مانا بقول كده م الصبح...
= طب وهتصرفوا منين؟!...
- بابا هيصرف علينا ، ومصروفى ومصروفها ان شاء الله هيكفينا...
= هو انا كمان هديها مصروف بعد ما تتجوز...
- الله يا عمو مش لسه بتدرس ومصاريف الدراسة دى عليك اصلا...
= لا وجهة نظر برضو...
- ها بقى اجيب اهلى واجى....
=.........
- السكوت علامة الرضا يبقى اجيبهم واجى...
= زعق بابا زهره وقال : رضا ايه؟!...يالا ياالا م هنا ولو شفتك هنا تانى مش هخرجك م البيت...
- هتجوزنا هنا ف البيت؟!...
= اللهم طولك يا روح...يالا يا حبيبى يالا خلص دراستك وتعالى وانا اوعدك يا حبيبى هشيلهالك ومش هخلى حد ياخدها...
- لا يا عمو انا عايزها دلوقتى...
= يالا كده مع السلامه...
خرجه بابا زهره ومشاااه وقفل عليه الباب هههههه...
= استغفر الله العظيم يارب...ايه ده؟!...
- محمد وهو قدام الباب : والله لاجى بكره تانى...
"Flash back ended"
= مش عارف يرفضك ليه...انت لسه ف سنه اولى ولا عندك شقه ولا شغل ولا اى حاجه...
- واى يعنى كفايا انى بحبك...
= طب مانا قولتلك هستناك ومش هتخطب لغيرك ، ليه بقى جيت لبابا وتعبت نفسك...وكمان بعد اللى انت عملته دلوقتى مش هيجوزنى ليك ابدا لو عملت ايه...
- لا انا هكلمه واهدده دلوقتى استنى...
رن ع عبدالرحمن ابو زهره م تليفونها...
- الو...يا زهره فينك؟!...
= انا مش زهره...
- ايه؟!...انت مين؟!...
= انا محمد...
- محمد...محمد مين؟!...
= ما تركز معايا كده يا عمو عبدالرحمن...انا محمد اللى جيت اتقدمت لزهره م كام يوم وانت رفضت...
- طب وهى فين وموبايلها بيعمل معاك ايه؟!...
= انا خاطفها يا عمو ومش هسيبها غير لما تجوزهالى...
- طيب يا حبيبى هاتها وتعالى وانا هجوزهالك...
= انت شكلك لسه مفكرنى ف تالته ابتدائى مع سلمى...مانا لو جبتها وجيت هتاخدها منى ومش هتجوزهالى...
- لا لا انا بوعدك وعد...كلام رجاله يعنى...
= لأ مش هصدق...
- طب عايزنى اعملك ايه يعنى؟!...
= هات المأذون وتعالى...علشان انا مش هسيبها غير لما نتجوز...
- طب يعنى يرضيك اتنين صغيرين وجمال زيكم كده يتجوزوا بالشكل ده م غير فرح ولا اهلهم حتى يكونو معاهم...
= اه يرضينى...
- انا ميرضنيش...تعالى وهنحدد معاد الفرح ونعمل ترتيبات ونعمل كل حاجه...
= لأ بقولك ايه بطل تضحك عليا...انا موافق كده ملكش دعوه بيا...يالا هات المأذون وتعالى انا مستنيك...
- اتعصب عبدالرحمن وقال : انت ايه ياد انت مجنون؟!...انا مش هجوز بنتى دلوقتى انت مالك انت بيا...
= انا وهى موافقين ده كفايا...
- يا بنى يا بنى مينفعش كده...
= يالا يا عمو يالا...قبل الوقت ما يتأخر...هات المأذون وتعالى هبعتلك العنوان...بس لو بلغت البوليس ، هقتلها وهقتل نفسى وان شاء الله نروح نتجوز ف الجنه بقى ومنبقاش محتاجينك ف حاجه...
- لا لا وعلى ايه..انا هجيب المأذن واجى ابعت بس العنوان...
بعد ما خلص المكالمه بص ل زهره وقالها :
- شوفتى اهو هيجيب المأذون وييجى...
= والله انت هتودينا ف داهيه بأفكارك دى...
- ثقى فيا بس...اه صح قوليلى...
= ايه؟!..
- هنسمى ولادنا ايه؟!...
= يوووه...مش لما يبقى معانا ولاد الاول ده بابا هينفخك اصلا...
- قولى بس...
= لأ مش هقول انا اصلا مخاصماك...
رحت قعدت جنبها...
- ليه بس؟!
= علشان ضحكت عليا وخطفتنى وقافل عليا هنا ف المكان ده...
- انا مش قافل ولا حاجه الباب مفتوح اهو...
= يا سلام...وانا هخرج لوحدى ف المكان المهجور ده اعمل ايه؟!...
سكتت لحظه بعدين قالت...
= انا خايفه...
قربت منها...
- خايفه وانا جنبك؟!
سكتت لحظه كمان بصتلى وقالت...
= انا جعانه...
- انا عامل حسابى وجايب اكل لينا لاحسن باباكى يتأخر ولا حاجه...وبالمره واحنا بناكل نفكر...
= ف ايه؟!
- هنسمى ولادنا ايه؟!...
(عند بابا زهره)
- والله مش عارف اعمل ايه؟! اخد المأذون واروح ولا اخد البوليس واروح ولا ايه بالظبط؟!...
= انا بقول لا ده ولا ده...انت تروح انت تتفاهم معاه وتجيبها وتيجى..
- مش هيرضى ابدا انا عارفه...ده عامل زى الطفل اللى مسك لعبه ومش راضى يسيبها...
= طب امال هتعمل ايه؟!...
- هاخد المأذون واروح وامرى لله...ويارب اقدر اقنعه يستنى شويه لغاية ما يخلصو كليه...
= ماشى ربنا معاك وابقى طمنى...
- ماشى...
خد ابو زهره المأذون وراح ع العنوان اللى قالهوله محمد وعلى امل انه يقنعه يستنى شويه...
(عند محمد وزهره)
قاعدين بياكلوا ف امان الله وبيتكلمو ومبسوطين...
- انت عرفت المكان ده ازاى صح؟!...
= دى حكاية طويله قوى....
بصتله...
- وانا عايزه اسمع....
= بصى يا ستى...انا كنت ف يوم......
وفجأه فيه صوت عالى ظهر وعربيات وناس كتير...
- ايه ده فيه ايه يا محمد؟!...
= متخافيش يا حبيبتى خليكى هنا انا هشوف فيه ايه...
قام محمد ولسه هيبص م شباك الاوضه لقى ناس كتير جدا وعربيااات وصناديق مليانه اسلحه وناس عماله تنزل فيها...
- فيه ايه؟!...
= وطى صوتك وطى صوتك...
وفجأه.......
