قدري_والدال_ميم
التانيه
- ياترى محمود بيعمل ايه دلوقت ، بيخوني مع مين !!
ارجع اقتله ولا اعمل ايه بس !!!
بتتصل ع عم عبده
- ايوه ياعم عبد في اي نسوان جات الفيلا واحنا مش قاعدين
مافيش حد جه !! فتح عينك ياعم عبده كويس ، بص اقتله وسلم نفسك بس مايجبش نسوان ف الفيلا....
رنيم بتلاقي محمود بيتصل بيها وكانت ويت مع عم عبده
- لسه الي فاكر انك متجوز يا استاذ !!
بتكلم عم عبده
- خليك معايا ياعم عبده دقايق كدا...
هخليك ويت كدا لحد محرق دمك كدا !!! عشان تفكر تعرف بنات تاني
بس انتي مش ملاحظه انك متحامله عليه شويه هو كان بيضرب مثلا
انا عارفه بس عشان يحرم بس انه يفكر ف كدا مره تانيه
ع الناحيه التانيه محمود لابس البيجاما وهو متعصب
- بتخونيني يارنيم وكل دا ويت ، مش قادره تقفلي معاه تردي عليا حتى.... " بصوت عالي "
ياعم عبدددده
بيطلع جري ناحيته....
- ايوه يابيه ؟!
- الست هانم
- رنيم...؟!
- اسمها الست هانم
- مالها يابيه ؟!
- ماقالتش رايحه فين ؟!
- لا يابيه...
- عاوزك تجمعلي كل السكاكين الي ف البيت دا....
بيلاحظ موبيل عم عبده ف ايده ومفتوح وكانت رنيم بتضحك وهيا سامعه محمود متعصب وبيغير عليها....
- انت بتتكلم مع مين ياعم عبده....
رنيم بدءت تتلخبط ....
- دا دا دا دا....
- دا دا دا ايه !! انت رجعت طفل وبتتعلم الكلام من جديد...رنيم ع الخط صح !!
- لا كارت يابيه هيهي
- ايه ياعم عبده جو الخليل دا ع المسا
- حبيت الطف الجو يابيه....
- هات الموبيل دا واخلع...
- يابيه بس....
- هات الموبيل واخلع....
وطالما انتي شيفاني ويت مقفلتش ليه مع عم عبده ؟!
- كنت بتكلم ف الاول مع روح قلبي وحياتي حسن " وبتضحك بس بتكتم ضحكتها "
- يابنتي هقتلك واقتله
بمياصه بترد عليه
- قول انك بتغير عليا ؟!
- مابغرش
- لا بتغير ع فكره
- مابغرش انا ، انا عاوز اعرف انتي هتروحي فين عشان ممكن اجيب الجيرل فريند الي هتجوزها بعد ما نتطلق
بعصبيه بترد عليه
- محمود مافيش هزار ف الحاجات دي ، انت فاهم ؟!
- ايه يارنيم ، اهدي طيب
- مافيش هزار ، تمام....
- طب فين العنوان
- انا هبعتلك اللوكيشن لو عاوز دمك يتحرق تعال ، احنا هنستناك ع فكره
- احنا مين ؟!
- انا وحسن حبيب قل....
بيقفل السكه ف وشها وبيرمي الموبيل جنبه
- ناقصه حرقه دم ع المسا هيا !!
رنيم بتضحك بس بتقول ف سرها
- هو انا بغير عليه بجد ولا ايه ؟!
اكيد لايعني ، هو عشان اتجوزني خلاص احبه واغير عليه يعني مش منطق الصراحه
بس دا اسمها اساسات التعامل الزوج والزوجه....
وبعدين احنا متفقين هو يمول مشروعه ونتطلق واتجوز حسن...بس ثانيه كدا
انا هتجوز حسن ، وهو بقى يتج.. لا لا اكيد لا....اكيد لا يابنتي
هو بيغير عليا وواضحه اوي يعني
معقوله لما نتطلق يتجوز غيري ؟!
ايه دا ، ايه دا !!! هو ممكن يتجوز تاني ؟!
بقولك لو سمحت " بتكلم السواق "
- هو مش في قانون بيمنع الراجل لما يتطلق يتجوز تاني صح
" وف سرها عشان لو عمل كدا هحسبه والله العظيم "
- لا يافندم مافيش
- ياكلب ياخاين ياحقير...
- خير يافندم انا عملت ايه ؟!
- مش ليك يااخي....بتتصل ع محمود وهيا بتهز رجلها ومتعصبه....
بتلاقيه ويت
- والله !! هيا بقت كدا يعني ؟!
بتهز رجلها اكتر
وبتتصل تاني بتلاقي الويت خلص
- خاف مني وجاب ورا
بس محمود بيردش عليها
- ياجزمه بتخوني اكيد ومش فاضيلي...معلش احنا هنرجع تاني لو سمحت....
بتلاقي محمود اتصل بيها....
- خلاص كمل ف طريقك...
- كنت بتتكلم مع مين ؟!
بيقلد صوتها
- مع حبيب قلبي حسن !!
- احنا هنهزر
- كل جاتوه....
- انت بتقول ايه ؟!
- العب باليه
- محمود ماتعصبنيش...
- عارفه شكلك وانتي متعصبه بيكون زي المقر ، وشك بيحمر و.. " بيسكت "
رنيم بتهدى شويه..
- و ايه يامحمود ، سكت ليه ؟!
- يعني بتكوني ببساطه اجمل بنت ف الدنيا...
"رنيم الابتسامه من الخد للخد "
- ماقولتليش كنت بتكلم مين برضو يعني ؟!
- كنت بكلم واحد صاحبي عشان كان بيسالني عن حاجه ف الشغل ...
- ماشي....
رنيم بتسكت
- هتوحشيني...
" الابتسامه لسه ع خدها "
- ماشي...
- ابقي خدي بالك من نفسك...
- ماشي ، اه ولما اتصل بيك وحتى لو ويت تقفل معاها
- معاه !!
- ايا كان يعني تقفل وتكلمني
- حاضر....مع السلامه
- مع السلامه ، اه محمود...
- نعم ؟!
لأول مره حست فيه حاجه جواه ، ماكنتش عاوزه تقفل مع محمود كانت عاوزه تقوله هتوحشني
خليك معايا ، تعال معايا ولكنها اختصرت كل مشاعرها ف جمله
- خد بالك من نفسك يامحمود ، مع السلامه....
ولكن محمود لما كان بيكلم وكان ويت ، كان بيتكلم مع حد يعرفله مين حسن وعرف هو مكانه فين وعرف كمان انه هناك قاعد مع بنات لما رنيم اتاخرت عليه
وهو عشان عرف رنيم اد ايه بتغير وبتحب انها تمتلك الحاجه بتاعتها ومحدش يشاركها فيها ، ف برغم انه كان عارف انها هتتصدم ولكن مقدرش يقولها ف الموبيل ع الي عرفه
لانها ماكنتش هتصدقه وكانت هتفتكر انه بيقول كدا عشان بيغير من حسن !!
ف كان احسن حل انها تشوف كدا بعينيها....ربما تعرف بجد مين الي بيحبها ومين الي بيتسلى!
ولما راحت رنيم هناك وكانت بتدور بعينيها ع حسن ف المطعم الفاخر الي اتفقو عليه...
ماكنتش ف الاول مصدقه عينيها لما شافت حسن قاعد وماسك ايد بنت تانيه وبيهزر معاها
غمضت عينيها وفتحتها ، وكان جواها سؤال
- يعني انا اضحي بكل حاجه ، واتجوز واتطلق منه عشان اتجوزك ودي تكون النتيجه ؟!
رنيم عينيها بدءت تدمع ومابقتش عارفه تروح تزعقله ولكن كانت خايفه من حسن عشان عصبي هو كمان وممكن يزعق فيها او كمان ممكن يضربها
مابقتش عارفه تعمل ايه او تروح فين ، كل الي قدرت تعمله ان عينيها تدمع بس...حسيت ب ايد بتطبطب ع كتفها من ورها...بتبص
- محمود ؟!
محمود بكل حنيه بيهز راسه بالايجاب ليها....
بتترمي ف حضنه وهيا بتعيط
ومحمود بيطبطب عليها وهو بيحاول يهديها
- هشششش ، خلاص اهدي
بيرفع عينيها الي كانت مليانه دموع وبيمسح عينيها بحنيه وهو بيقولها
- يعني ينفع القمر دا عينيه تدمع !!
بتاخد نفسها من العياط وهيا بتقوله
- قمر ايه بقى ، انا لو قمر ماكنش بص لغيري...
محمود لسه بيمسح دموعها وهو بيقولها...
- انتي احلى من اي بنت ف الدنيا دي كلها
- بجد ؟!
- اه والله...
بتترمي ف حضنه وهيا بتقوله
- محمود ممكن تروحني...
- ممكن...تعالي يلا...عم عبده مستني ف العربيه
وهما ف العربيه محمود طلب من عم عبده ان يشغل اغاني هاديه عشان اعصابها تهدى شويه وهما ف نص الطريق
رنيم مسكت دراع محمود الي بص عليها ب استغراب
ولفته حواليها ونامت ف حضنه ، ومحمود طبطب عليها وهو بيقولها بهزار
- لا دا احنا نزعلك كل يوم طالما هتنامي ف حضني
- محمود بقى
- يارب عينيك ماتشوفش اي زعل طول ما انا موجود
- طب لو مش موجود...؟!
-بهزار بيرد عليها
- لا شوفي بقى زعل...بعد الشر عليكي يعني
بتضحك رنيم وهيا بتقوله
- وبعد الشر عليك
محمود لسه بيطبطب عليها وبيمسح ب ايديه ع شعرها لحد ما بيروحو الفيلا
- عاوزه تاكلي يارنيم ، اعملك حاجه تاكليها....
- لا انا عاوزه اطلع انام....
- ماشي الي يريحك ياح...يارنيم
طلعو الاوضه بتاعتهم رنيم دخلت الحمام عندهم ف الاوضه عشان تغير هدومها ولما خلصت وخرجت
" مشهد سلو موشن "
محمود كان لابس بنطلون البيجاما وقلع التيشيرت وعضلات صدره وبطنه المتقسمه تبان قدامها وهو بيدور ع باقي البيجاما
رنيم بتقول ف سرها
- واو !! انا قولت من الاول اني اخترت صح...
رنيم بتسرح شويه ف محمود الي كان بيلف يمين وشمال وهو بيدور ع البيجاما وهو عضلاته متقسمه
بتبص جنبها ف الحمام بتلاقي البيجاما جنبها...
محمود لسه بيدور عليها وبيلف يمينه بيلاقي رنيم ظهرت قدامه فجاءه....
محمود بيمسك التيشيرت الي قلعه وبيدراي بيه جسمه وهو بيقولها
- ماشوفتيش فين البيجاما ؟!
بترد عليه بدلع
- تؤ
- انا نزلت مستعجل ، مش فاكر سبتها فين ؟!
رنيم بتقرب منه وبتشيل التيشيرت من محمود
- ايه يارنيم بتبصي ع جسمي كدا ليه ؟! ، انتي كويسه
رنيم بتغمض عينيها وبتبلع ريقها وبتاخد نفسها...
- حوده..
- حوده!!
بتفتح عينيها وهيا سرحانه ف عيون محمود العسلي والنور كان خابط فيها
- هو انت حلو كدا ليه النهارده !!
- هرمونات دي ولا ايه ؟!
- قصدي يعني
- ها ؟!
بتقرب منه وبتحرك ايديها ع عضلات صدره ، نبضات قلبها بتدق جامد ، مشاعرها متلخبطه وجواها صوت بيقولها دا جوزك ، حلالك ، مكسوفه من ايه ، احضنيه وخرجي كل مشاعرك !!
بتعض ع شفايفها وهيا بتحرك ايديها ع رقبه محمود وبتطلع ع دقنه ...
- رنيم ؟!!!
بتاخد نفسها قبل ماتقوله...
- ممكن تحكيلي حدوته ياحوده !!!
- حدوته !!!
بتهز راسها
- حاضر، ممكن...
- طيب ممكن يعني تشلني لحد السرير ؟!
- رنيم انتي كويسه ؟!
بدلع بتقوله
- ممكن تشلني ياحوده !!
وحوده قصدي محمود ماكنش يقدر قدام دلعها غير يقرب منها ويشلها وهيا لفه ايديها ع رقبته والابتسامه تعلو وشها
- ها مبسوطه كدا
- اوي ياحوده...
بيروح لحد السرير عشان ينزلها وتنام وبيسبها وبيروح ناحيه الكنبه بس بتقوله
- انتي هتروح فين وتسبني ؟!
- هنام ع الكنبه زي ما اتفقنا
بتخبط ب ايديها جنبها ع السرير وهيا بتقوله
- تؤ انا عاوزك تنام جنبي النهارده
- رنيم انتي مش طبيعيه النهارده !!
- تعال بقى ياحوده ماتبقاش رخم...
بيروح جنبها وبيغطيها وبيتغطى هو كمان بنفس الغطا ولكنه بيتفاجئ انها قربت منه وبتنام ع عضلات صدره وهيا بتحرك صوابع ايديها ع عضلاته برقه وسط تبريق واستغراب من محمود
وهيا بتقوله...
- احكيلي بقى الحدوته ياحوده !!!
