قدري_والدال_ميم
التالته
الاضاءه خافته ف الاوضه ، والمكيف مظبوط ع درجه حراره لاتخيلك حران ولا بردان ، بريفكت ..
- احكيلي حدوته بقى ياحوده....
- حدوته !!!
بتحضنه اكتر وبتحرك راسها ع صدر محمود وعضلاته وهيا بتقوله بدلع
- انا بردانه ياحوده .....
- بردانه !! ، ثواني هقوم اقفل...
- تؤ
" بتلف راسها ناحيه محمود وبتسند راسها ع صدره وبتبص ف عينيه وهيا بتقوله برقه"
انا عاوزك انت الي تدفيني.....
بتلف راسها تاني عشان تنام ف حضنه....
محمود بيحرك ايديه ع كتفها كذا مره ، وبيضمها لصدره اكتر
وبصوت الطفل الي جوه رنيم بتقوله
- احكيلي الحدوته بقى...
- بصي ياستي...
- ها بصيت....
- اممم ، هحكيلك حدوته اهو....
- مستنيه....
بيحرك محمود ايديه ع شعرها قبل ما يقولها...
- كان يامكان ، ياساده يا اكرام ... قدم اوي الجو دا مش كدا...
هما الاتنين بيضحكو ورنيم مستسلمه لمحمود الي بيحرك ايديه ع شعرها وهيا نايمه ف حضنه
- كان فيه واحد بيحب واحده ، بس مش اوي ، كان عادي يعني....بس هيا ماكنتش تعرف
- ماكنتش تعرف انه بيحبها ؟!
- ماكنتش تعرف انه موجود ف الدنيا اصلا
رنيم بتضحك وهيا بتقول لمحمود
بيكراش عليها ف صمت يعني
محمود بيرد عليها
- كان بيكراش عليها ف صمت
- وبعدين ياحوده...
- وبعدين هو كان بيحبها ، بس عادي يعني كان فاكر انه هينسها مع الوقت او لو عرف بنات تانيه
بتشهق رنيم وبتقول لمحمود...
- وعرف بنات تانيه !!!!
- انتي مالك اتخضيتي كدا ليه ؟!
- برخم عليكي ياحوده ، كمل ، كمل بس ممكن تحرك ايدك ع شعري تاني
- حاضر ، لحد ما ف يوم شافها صدفه...
- وبع....
- الحجاره خلصت ولا ايه ؟!...
بيبص عليها بيلاقيها نامت بيبوسها من خدها بوسه كبيره وهو بيكمل
- وبعدين لما شافها صدفه ، عرف انه استحاله يحب بنت تانيه غيرها ، لانه اتاكد انه بيحبها وبس
البنت دي هيا انتي ، والشخص دا هو انا....
انا بحبك....
رنيم بتفتح عينيها ف مرحله بين النوم والصحيان وبتقول لمحمود
- بتحبني ؟!
محمود بيحرك ايده ع خدها برقه وهو بيقولها
- بحبك....
بترد عليه وهيا نايمه
- طب ازاي حبتني وانت....
- لا مش وقت اسئله حبتني ازاي وانت لسه ماتعرفنيش ، او اشمعنى انا يعني
مش وقته خالص...نمتي!! اني اسف.....
محمود بيصحى تاني يوم ع صوت زعيق من رنيم
- اصحى هنا يا استاذ وقوملي !!!
- ايه يارنيم الدوشه دي ؟!
- بقى تستغل ضعفي امبارح وتنام جنبي...
- مش انتي الي...
- طب انا كنت ف لحظه ضعف ومنهاره ، ليه طوعتني
محمود بيدعك عينيه وهو بيقولها
- اصطبحنا ع الصبح
- طبعا ماهو لو انا كنت البنت الي ف الواد ف الحكايه بيكراش عليها دي ماكنتش عملت كدا ، وكنت استحملتني
محمود ف سره بيقولها
- انتي غيبه ولا ايه ، ماهو انتي البنت دي فعلا ولكنه بيقول لرنيم
- انتي عاوزه ايه دلوقت يعني ؟!
- معرفش بس انا عاوزه اتخانق معاك عشان مضايقه منك
- مضايقه مني ليه طيب ؟!
- معرفش بس انا بردو عاوزه اتخانق معاك...
- رنيم !!
- ايه يامحمود ؟!!!
- انا هقوم اغسل وشي واروح الشغل
بيقوم من السرير
- والله دا انا كمان مش مهمه ف حياتك وبتسبني !!!
محمود مش بيرد عليها وبيدخل الحمام ف الاوضه عندهم بعد ما بياخد ف ايده قميص وبنطلون ، وبيلاقي ف الحمام البيجاما...
- هو انا مش سالتك شوفتي البيجاما وانتي قولتي لا امبارح !
بعصبيه بترد عليه
- مخدتش بالي انها ف الحمام
- انا لسه مقولتش مكانها فين ، يبقى عرفتي ازاي انها ف الحمام ؟!
- كنت بتوقع يامحمود...
بيميل من الحمام وبيبص عليها وهو ماسك فرشه السنان ف بوقه وبيقولها
- عسل وانتي بتحاولي تكدبي يابطتي...
بتحط ايديها ف وسطها وهيا بترد عليه..
- انا مش بطتك ها.... ايه دا هو بدء يوحشني لما بيدخل الحمام ولا ف ايه ؟! ، محمود !!
مافيش رد...
يامحمود ، مافيش رد برضو ...
ياحوووده....مافيش رد
بدءت تقلق عليه وجريت عليه ناحيه الحمام
- محمود انت كويس ..
بيخرج محمود وهو لابس قميص ابيض متفصل ع جسمه ع بنطلون اسود
- ايه يارنيم !!! انا كويس مش هتخطف ف الحمام
- انا غلطانه اني قلقت عليك ، وبعدين انت لابس ومتشيك ورايح فين ؟!
- الشركه...
محمود بيقعد عشان يلبس الجزمه...
- وفيها بنات مش كدا ؟!
- دي كلها بنات...
- والله !!.
بتقعد جنبه وهيا بتعض ف ضوافرها
والبنات دي حلوه بقى ع كدا ؟!
- مزز ، انا مش بختار الا المزز ، اومال انا وافقت عليكي ليه يابطتي...
- والله ، يعني لو انا كنت وحشه كنت...
محمود بيقطعها
- كنت برضو هتبقي احلى واحده ف الدنيا ، لان الي بيحب
" رنيم عينيها اتخطفت بعد كلمه بيحب "
احم قصدي يعني الي ييتجوز يعني بيشوف الي بيتجوزه احلى حد ف الدنيا...
-" رنيم بتبتسم زي الهبله وهيا بتقوله "
- بس بقى عشان انا مضايقه منك ياحوده قولتلك...
- بس بصي حوده الي مضايقه منه جابلك ايه...
برخامه بترد عليه
- جابلي ايه ؟!
بيطلع كتاب وبيقدمه ليها
رنيم بتبتسم وهيا بتقول لمحمود
-شكرا يعني...
- عاوزك تشكريني بقى ، لماتقري الكتاب دا ، لانك هتلاقي شويه حروف ملونهم كدا بلون مختلف
عاوزك تجمعي الحروف دي وتعرفي كنت عاوز اقولك ايه....
- يا سلام !!!
- اشوفك باليل لما ارجع من الشغل ان شاء الله تعالى
- انا هزهق بسرعه كدا...
- اسمعي الكلام بس...سلام يابطتي...
- واك ، واك
" بتتريق عليه انها بطه "
بس محمود بيرد عليها
- الله يسلمك....
رنيم بتنفجر ف الضحك ، ومحمود بيشارو ليها مع السلامه قبل ما يخرج ويروح لشركته
رنيم بتفتح اول صفحه ف الكتاب وبتقرءها وبتلاقي حرف ملون ، بتبدء تكتبه ع جنب
وبيمر الوقت والكتاب مع الوقت بيبقى شيق ، مزيج من الرومانسيه والإكشن ف الروايه ،
الليل دخل عليها وهيا ماحستش بالوقت ، وكأن محمود حب يخليها تتسلى ف غيابه وماتحسش بالملل فعمل كدا
وصلت لاخر الكتاب ، لاقت فيه ورقه متغلفه ، بتفتحها بتلاقيها سلسله دهب ع شكل قلب ومكتوب ورقه جنبها...
" بما انك تعبتي وكملتي قرايه للاخر ف كان لازم اكافئ قلبك الي استحمل دا ، بقلب زيه "
رنيم والابتسامه من الخد للخد وبتحضن السلسله جامد
بتبدء تجمع الحروف وتعمل منها جمل وبعد ساعتين من التجميع اخدت بالها من شرط مكتوب ف الاخر انها تقرء الي جمعته بصوت عالي شويه..
بتبدء تقرء بصوت عالي شويه لجمله غير كامله
" لو قلبك كان قلبي ، وعينيك هيا عينيا !!!
اتخضت لما محمود ميل جنب ودنها وريحه البرفيوم بتاعته خطفت قلبها وهو بيكمل الجمله
كنت عرفت ياحبيبي ، غيابك بيعمل ايه فيا....خضيتك صح
بتبتسم وهيا بتهز راسها....
بيقعد جنبها...ورنيم بتميل راسها ع كتفه وهيا بتقوله
- انت عرفت ازاي اني هوصل للنقطه دي وانت داخل عليا
- انا مستنيكي بقالي ساعه!
" رنيم بتضحك "
بتاخدي ليه الوقت دا كله ف القرايه !!
- ياترى وحشتك وانت ف الشغل...ولا البنات هناك الحلوه اخدتك مني...
- دا كان ابشع يوم النهارده
- ليه ؟!
- عشان كان اول يوم ابعد عنك كل الوقت دا
محمود بيبص عليها بعينيه ورنيم نبضات قلبها بتدق جامد ومشاعرها بتتخطف منها وهو بيقولها
واه وحشتني اوي ع فكره....
رنيم مابتحسش بنفسها غير انها بتغمض عينيها وبتحط ايديها ع خد محمود وهيا بتبوسه من شفايفه وبعد ما بتبوسه....
