الفصل الاول
كنت قاعدة فى كافيه وبشرب قهوتى المفضله وبقرا فى رواية ومندمجه فيها.. وفجأة كدا لقيتنى ممسوكه من لياقه التيشرت اللى انا لابساه "اين الاحترام.. انا لا أراه"
-سيب التشيرت بتاعى ياعم ميصحش كدا، البرستيج بتاعى ضاع
~برستيج ايه يا ام برستيج انتِ... دا انتِ كلك شبه الفار يابت 
-لا اسمالله عليك، الواد شبه شاروخان
~مالكيش دعوه بيا انتِ.. خليكى فى نفسك، وبعدين انتِ قاعدة بتشربى قهوة من غيرى، دى حتى يبقى اسمها قلة ذوق
-يابنى انا اساسا سايبه البيت وطفشانه منك، تقوم انت اللى تيجيلي.. دا ايه الغلاسه دى ياربى
~بقا انا غلس، طيب ماشي شوفى مين بقا اللي هيجبلك الشيبسي والاندومى
-لا خلاص والنبى... قلبك طيب يابو صلاح، هو انا ليا غير اخويا حبيبي
~ايوا كدا اتعدلى، ناس متجيش غير بالعين الحمرة
-طب يلا عشان تجيبلي الاندومى والشيبسى واللب
~يلا ياختى قدامى
"اعرفكم بنفسى انا ليل ، طولى مظبوط وبشرتى بيضه.. ملامحى عادية يعني، رايحه اولى جامعة كليه الهندسه، عايشه مع والدتى واخويا محمد و والدى متوفى، والدتى شغاله مدرسه وهى اللى بتصرف علينا والحمدلله مش مخليانا محتاجين حاجه، اخويا محمد اكبر منى بسنتين بس بعامله كأنى انا اللى اكبر منه "روحنا البيت بعد ما خليته فلس ، قولتله انا هدخل اخبى كيس الجريمه دا، احسن ماما لو شافته هخلينا نبات برا البيت 
... دخلت الاوضه بتاعتى وانا بتسحب وخايفه انى اتقفش، خبيت الكيس اللى فيه الاندومي تحت السرير وطلعت قولتله تمت المهمه بنجاح، بعدين غيرت هدومى واتوضيت وصليت وقولت اما اناملى شويه "اصل غيبوبه نوم ياجماعه"صحيت من النوم على الساعه 8 كدا، اتوضيت وصليت وعملتلى مج قهوة "متستغربوش ياجماعه انا بشرب القهوة فى المج مش فى فنحان.. اصل انا بعشق حاجه اسمها قهوة"
"روحنا البيت بعد ما خليته فلس ، قولتله انا هدخل اخبى كيس الجريمه دا، احسن ماما لو شافته هخلينا نبات برا البيت ... دخلت الاوضه بتاعتى وانا بتسحب وخايفه انى اتقفش، خبيت الكيس اللى فيه الاندومي تحت السرير وطلعت قولتله تمت المهمه بنجاح، بعدين غيرت هدومى واتوضيت وصليت وقولت اما اناملى شويه "اصل غيبوبه نوم ياجماعه"صحيت من النوم على الساعه 8 كدا، اتوضيت وصليت وعملتلى مج قهوة "متستغربوش ياجماعه انا بشرب القهوة فى المج مش فى فنحان.. اصل انا بعشق حاجه اسمها قهوة" اخدت مج القهوة والتليفون بتاعى وطلعت على البلكونه، حطيت القهوة على سور البلكونه وفتحت التليفون عشان اكلم المهزئة اللى اسمها صاحبتى وفجأة كدا بحرك ايدى وهوب مج القهوة وقع علي احد المارّة
