الفصل الثالث
يوم كتب كتاب ونس وأنس الكل كان فرحات والفيلا إتزينت بشكل حلو قوى
• وونس لبست فستان بينك هاى لطيف قوى وشعرها الطويل الويفي وكانت زى القمر وأنس لبس بدله كحلى وقميص بينك لون فستان ونس وكان الاتنين شبه الملايكه كده حاجه عسل خالص
• وبعدما قال المأذون بارك الله لكما وبارك عليكما وجمع بينكم في خير اخدها أنس في حضنه لاول مره يحسوا الاتنين الاحساس الحلو ده وإنهم خلاص مش هيفترقوا ابدا لا ليل ولا نهار وإحتفلوا كلهم بالمناسبه دى وبعدها أخدها أنس وخرجوا
• أنس : بابا وعمى حسن انا واخد مراتى وخارج محدش بقي يتصل ويقولى إتأخرت ليه دى بقت بتعتى لوحدى 
• بعدما خرجوا وركبوا العربيه
• أنس : بت يا مراتى
• ونس : مراتك !!
• أنس : بحبك
• ونس لاول مره تتكسف وخدودها تحمر كده
• أنس : يا سبحان الله اول مره في حياتى اشوفك كده امال فين لسانك اللى عايز قطعه ده
• ونس : بااارد يا زفت انت مش كنا في لحظه رومانسيه دلوقتى
• أنس : إنتى والرومانسيه مع بعض هنكذب على بعض
• ونس : طيب اخلص واطلع بالعربيه علشان ما اضربكش
• أنس قعد يضحك ومشي بالعربيه وجاب لها شاورمه وعصير وحمص شام ودلعها اخر دلع والشارع كان فاضي وكانوا بيتمشوا فيه ومسكين إيد بعض وونس وقفت في نص الشارع وقالت عايزه اعترفلك إعتراف
• أنس : سامعك
• ونس : انا عايزه اقولك إنى بحبااااااك
• وقالتها بصوت عالى وفجأه لقيت عربيه جايه عليها شدها أنس عليه بسرعه ووقعوا في الارض والناس اللى كانت في العربيه نزل لهم ومسكت ونس وأنس فضل يضربهم ويضربوه وونس بتصرخ لحدما حد فيهم ضربها على دماغها اغم عليها وأنس صرخ فيهم سيبوها يا حيوانات وفضلوا يضربوا فيه لحدما اغم عليه واخدوا معاهم ونس ومشيوا
• بعد ٣ أيام في المستشفي
• أنس فتح عيونه ببطأ : ونس إنتى فين ونس ردي عليا
• مامته : أنس انت اخيرا صحيت يا حبيبي
• أنس : ماما فين ونس
• مامته : انت كويس أنا هجيب الدكتور بسرعه وجريت تندهه
• الدكتور كشف عليه وقال الحمدلله أنك بخير
• أنس : ليه مفيش حد بيرد عليا ونس فين انا عايز اشوفها
• والد ونس : قلبنا عليها الدنيا يا حبيبي مش لاقيينها
• أنس : يعنى إيه إزاى تختفي انا لازم الاقيها
وحاول يقوم وكلهم بيحاولوا يهدوه والدكتور إداله حقنه مهدئ ونام وفضل على الحال ده فتره يدوله مهدئ علشان يهدى
وفضلوا يدوروا على ونس كإنها فص ملح وداب
• في مكان تانى مجهول ونس مربوطه ومغمي عيونها
حد شال الرباط عن عيونها وبؤقها
• ونس : أه يا حيوانات إنتم اوعوا تكونوا أذيتوا أنس هقطعكم بايديا لو صابه حاجه
• مجهول ١ : إخرسي إنتى السبب إنتى اللى خلتينى اعمل كده وضربها بالقلم
• مجهول ٢ : إحنا متفقناش على كده ملكش دعوه بيها إنت اللى يخصك أنس وونس دى تخصنى انا
• وقعدوا يتخانقوا سوا شويه وونس حاول تفك نفسها وتهرب منهم بس حد فيهم لحقها وضربها على دماغها وقعت في الارض غرقانها في دمها
• مجهول ٢ : إزاى تعمل كده متفقناش على كده دى شكلها ماتت هنعمل إيه
• مجهول ١ : هنعمل إيه يعنى هنرميها في الصحرا وكأننا منعرفش بعض ومنشوفش بعض مره تانيه
• مجهول ٢ : طيب يلا بسرعه شيل معايا
عدى شهر على الحال ده وأنس بيدور ليل ونهار عليها ولا بياكل ولا بيشرب ولا بينام وحياتهم السعيده الهاديه إتقلبت ٣٦٠ درجه
وأنس تعب جدا لدرجه إنه مبقاش يقدر يتكلم او يمشي على رجليه وعرضوه على دكاتره كتير جدا وقالولهم
الدكتور : دى حاله نفسيه ملهاش علاج عضوى
حسن : ارجوك يا دكتور شوف حل
حسين : أي حاجه مينفعش نفقد الاتنين كده مره واحده أنس وونس كده كتير
عدى على اللى حصل لأنس وونس سنه كامله
لحد مره كانوا بيودوا أنس للدكتور في المستشفي وهم خارجين سمعوا صوت لاول مره من سنه كامله
ياترى هيحصل إيه وده صوت مين
