الفصل الرابع
• وأهل أنس خارجين من المستشفي سمعوا لاول مره من سنه كامله أنس بيصرخ وبينده على ونس وحاول يقوم من مكانه بسرعه بس مقدرش ووقع في الارض واهله إتصدموا من اللى حصل وحاولوا يلحقوه وهو اغم عليه ودخله تانى المستشفي
• الدكتور : إيه اللى حصل
• حسن : سمعناه بيصرخ بإسم ونس وبعدين وقع واغم عليه
• الدكتور : أنس جاله حاله إنهيار تامه ولازم عنايه طبيه
• حسين : يعنى هيفضل في المستشفي كتير يا دكتور
• الدكتور : لا هنخرجه بكره إن شاء الله وهبعت ممرضه شاطره وموثوق فيها متقلقوش ختفضل معاه علشان تديله الدوا في ميهاده وتخلى بالها منه مع حضراتكم وإن شاء الله يبقي كويس وأنا هبقي اجى أطمن عليه دايما
• في غرفه الممرضات
• ممرضه هدى : بت يا روزى الدكتور هانى شكله بيموت فيكى ما تعبريه بقي
• روزى او فيروز : يوووه يا هدى إنتى مش بتزهقي من الموضوع ده دكتور هانى زى أخويا مش اكتر وبلاش تتكلمى في الموضوع ده تانى
• هدى : يابنتى ما هو مش سايبنى في حالى كلميها يا هدى وحياتى يا هدى علشان خاطرى يا هدى بحبها يا هدى
• فيروز : ورانا شيفت يا هدى بلاش دلع
• ( فيروز بنت قمر كده عيونها خضراء وشعرها ويفي مدى على اصفر طويل بنت كيوت بتشتغل ممرضه وهدى بنوتع عيونها عسلى شعرها اسود ودمها خفيف وزميله فيروز
• وخرجت فيروز قابلت دكتور هانى في وشها
• دكتور هانى : فيروز ازيك
• فيروز : الحمدلله يا دكتور
• دكتور هانى : عايزك في مكتبي
• فيروز : معلش يا دكتور ورايا شيفت دلوقتى ممكن أخلص واعدى على حضرتك
• دكتور هانى : ماشي مفيش مشكله هستناكى
• فيروز : عن إذن حضرتك
• وراحت تكمل شغلها وخلصت
• وهي رايحه لدكتور هانى مكتبه
• واحده من الممرضات إيه يا فيروز رايحه للدكتور في حاجه
• غيروز : هو الدكتور حطك حارس على الباب
• الممرضه : لا ياختى بس كل الناس واخده بالها باللى بيحصل
• فيروز : وإيه هو اللى بيحصل بقي
• الممرضه : إهتمامك بالدكتور هانى وإهتمامه بيكى يا ترى بقي الخطوبه إمتى
• فيروز : اما أحددها هبقي اقولك اول واحده وسابتها وخبطت على الدكتور هانى ودخلت
• دكتور هانى : فيروز إتفضلى إدخلى
• غيروز : حضرتك كنت عايزنى يا دكتور
• هانى : يوووه مش هنخلص بقي من حضرتك ودكتور دى إنتى عارفه قد إيه انا بحبك يا روزى
• فيروز : أرجوك يا دكتور كفايه كلام في الموضوع ده بقي إنت عارف إنت زى أخويا الكبير وانا بحبك وبحترمك خلينا كده ارجوك
• الدكتور هانى : ماشي يا روزى اللى تحبيه انا أسف
• فيروز : لو مش عايز حاجه تانى تسمحلى أمشي
• الدكتور هانى : لسه مقولتلكيش على الموضوع اللى كنت عايزك فيه
• فيروز : إتفضل
• الدكتور هانى : في مريض عندى فقد حبيبته من حوالى سنه كده والموضوع ده سببله أزمه نفسيه افقدته النطق والحركه والنهارده في حاجه حصلتله خلته إنهار هو هيخرج أخر النهار ومحتاجين ممرضه كويسه تفضل جنبه لو تقبلى تمرضيه هكون شاكر فضلك
• فيروز : حضرتك رشحتنى للموضوع ده يبقي حضرتك ضامن اخلاقهم وعارفهم كويس يبقي انا موافقه
• دكتور هانى : بس كده إنتى هتفضلى في بيتهم لحدما يخف وانا هظبطلك شغل المستشفي متقلقيش
• فيروز : اقدر اروح إمتى
• دكتور هانى : إن شاء الله من بكره الصبح وانا هبعتلك اللوكيشن على الواتس أب
• فيروز : تمام يا دكتور هو إسمه إيه المريض
• الدكتور هانى : أنس إسمه أنس
• فيروز : تمام عن إذنك
• وبعدما فتحت الباب ولسه هتمشي داخت وأغم عليها جرى عليها هانى بسرعه وحاول يفوقها واخدوها على اوضه وركبولها محاليل وكده وبقت كويسه
• روحت فيروز بيتها اخر اليوم هي ساكنه هى وهدى في بيت واحد
• فيروز : هدى أنا بكره رايحه لبيت مريض هراعيه
• هدى : أيه ده اول مره تقبلى تروحي عند حد
• فيروز : مش عارفه حسيت إنى عايزه اروح ومفكرتش حتى في الرفض يمكن عايزه ابعد عن زنك إنتى وهانى شويه وافصل زهقتونى
• هدى بمسكنه : انا انا يا روزى زنانه بكره تعرفي قيمتى لما اقابل وجه رب كريم وتقولى ياريت اللى جري مكان
• فيروز : ما تتجوزى إنتى هانى ونخلص يا وليه من كل الزن ده
• هدى : والله ياختى لو يرضي انا موافقه بس هو الاخر اعمى البصر والبصيره
• وقعدوا يهزروا شويه وبعدين كل واحده فيهم دخلت تنام علشان شغلها
• تانى يوم فيروز راحت على الفيلا رنت الجرس وسألت على أصحاب الفيلا وقالت إنها الممرضه الجديده وبعدين شافت أنس وحصل ..
