(الفصل الثالث)
شادى فتح الباب وحور واقفه وراه ماسكه ف التيشرت بتاعه
= ايوا عايز اى بتزعجنا ليه ف اخر الليل
بسخريه ~ عايز مراتى و عايز كمان اربيك عشان تبقا تعرف تخطف واحده مش ملكك تانى مره
= دا على اساس انها ملكك مثلا ؟! وبعدين ليه بتتعامل كأنها كيس شيبسى اشتريته ف خلاص بقا ملكك . مفيش حاجه اسمها عشان اتجوزتها فخلاص بقت ملكك وتتصرف فيها زى م انت عايز
بعصبيه ~ انا مش جاى هنا عشان اتناقش معاك . يلا كدا قول للهانم الى مستخبيه وراك دى تيجى معايا و حسابى معاك بعدين . هخليك تندم انك فكرت تكلمها ف يوم من الايام
= لا هى مش رايحه معاك فمكان . عايز تمشى امشى وحدك هى هتفضل هنا
بعصبيه و زعيق ~ نعم !!! تفضل هنا ازاى مثلااا
بعدها سكت دقيقه
~ اهااا قول كدا من الاول . هى خانتنى اصلا معاك ف عشان كدا عادى انها تبات عندكم .. سامعين يا جيران البيه الى بتدافعو عنه بيقول اى . عايز يخلى مراتى عنده !!!!
₩ يا شادى الى بتعمله دا غلط . دى مراته سيبها تروح معاه . عيب يبنى دا انت مامتك ست كويسه وباباك كان راجل . عيب الى بتعمله دا
=الكلام دا يا عم محمد لما يكون الشخص دا كويس مع مراته انما دا ضربها بالحزام ! انت متخيل ان واحد يستقوى على مراته فيضربها بالحزام !!!
₩ دى مراته عادى سيبه يعمل الى عايزه
بسخريه = اى ثقافه المجتمع المتخلفه دى ! يعنى اى مراته ف يعمل فيها الى عايزه !! هى عشان ملهاش حد ف خلاص بقا كل الناس تقول دا جوزها ويعمل فيها الى عايزه ! طيب لعلمكم بقا .. ايوه انا وحور بنحب بعض و مش هسيبه ياخدها
و بص على حاتم
= وانت بقا ياللى فاكر نفسك راجل .. ايوه زى م انت قولت انا و حور حصل بينا كل حاجه و كنت ناوى اتجوزها كمان
حاتم بص ل شادى بصدمه واتعصب جامد
جرى ناحيه شادى ومسكه من رقبته
~ انا هخنقك هنا يبن الكلب انت . يعنى اى حصل بينكم كل حاجه انطق !!!!!
بسخريه = يعنى مش عارف حصل بينا كل حاجه معناها اى ؟!
الناس كلهم واقفين مستغربين من كلام شادى . اتصدمو ف شادى و مشيو وسابو الخناقه
₩ تعالو نمشى سيبوه يربى شادى . اى حد مكانه ليه الحق ياخد حقه من شادى
£ اى يا شادى الى بتقوله دا !!! لا لا دا مش ابنى الى تعبت فتربيته عشان اخليه راجل . شادى انطق الكلام دا صح !!!
اما حور كانت واقفه مصدومه . هو ليه قال كدا . هو ممسكش ايدها اصلا وكان محترم جدا معاها
حاتم كان خلاص هيخنق شادى ف ايده وطبعا كل الناس مشيو مفيش غير حور ومامت شادى الى كانت مصدومه
حور وقتها استجمعت شجاعتها و ضربت حاتم قلم جامد ف ساب شادى من ايده وهو مصدوم
بعصبيه ~ بتضربينى تانى !!! يعنى كمان خاينه وكمان بتمدى ايدك مره تانيه على جوزك !!! والله لاقتلك النهارده يا حور
شادى كان واقع عالارض لما حاتم سابه وماسك فرقبته
- انت كويس يا شادى ؟!
= اه كويس .. بصى ادخلى جوا انتى وماما واقفلو الباب انا هتصرف معاه
- لا يا شادى هو اقوى منك ومش هتقدر تتصرف معاه
=بقولك ادخلى ..
وهما بيتكلمو حاتم ضرب شادى لكمه قويه ف بطنه
~ انتو الاتنين هتموتو النهارده اى رأيكم بقا ! انا هحاسبك يا حور على شرفى الى ضيعتيه دا
£ اسمعى يبت انتى . كفايه عليكى انك كسرتى قلب ابنى . روحى مع جوزك و خليه يسيب شادى . شادى ابنى الوحيد ومش مستعده اخسره لاى سبب كان خصوصا عشان واحده كسرتله قلبه .. يلا يبنت الناس خلى عندك دم و روحى مع جوزك احنا ملناش دعوه بالعك دا
بعياط - حاضر يا طنط ..
- خلاص يا حاتم اهو انا جايه معاك سيب شادى فحاله
بسخريه ~ لازم اموته الاول !!
- لا خدنى انا وسيب شادى هو ملهوش ذنب . هو ممسكش ايدى حتى
~ طبعا خفتى من تهديدى انى هموتكم انتو الاتنين ف دلوقتى بتكدبى صح !!
- لا والله انا مش بكدب عليك . فعلا هو ممسكش ايدى حتى
فالوقت دا شادى قام وجرى على حاتم ف حاتم وقع عالارض من قوه دفع شادى ليه
- ليه عملت كدا يا شادى انا كنت بتفاهم معاه !!!
= قلتلك ادخلى جوا صح ! ادخلى جوا لو سمحتى كدا
£ مش هدخلها بيتى يا شادى . سيبها تروح لجوزها احنا ملناش دعوه بالعك دا احنا دايما ناس ف حالنا
= واحنا من امتى بنتخلى عن مساعده الناس الى ملهمش ضهر ولا سند فالدنيا يا ماما .. يعنى عايزانى اكون جبان و اسيبه يموتها عادى ؟! هى لو كانت بنتك كنتى هترضى يحصلها كدا ! ادخلى يلا يا حور
حاتم كان اقوى من شادى . يعنى حاتم راجل ضخم وعنده عضلات كتير اما شادى شاب عادى ف لكم ان تتخيلو بقا الفرق الشاسع بينهم
حاتم قام من الارض و مكنش فيه اى جرح حتى . هو بس وقع عالارض من قوه دفع شادى ليه مش اكتر
ضحك بسخريه ~ انت فاكر نفسك هتقدر عليا ولا اى . انت يدوب ضربتين وهيغمى عليك اساسا
= طيب متيجى نشوف الكلام دا . اصل انت ضخم عالفاضى . عقلك من جوا فاضى
بعدها شادى راح ناحيه حور بسرعه
= اسمعينى .. احنا فالدور الاول ف نطى من شباك المطبخ وانزلى متقلقيش مفيش مسافه كبيره بينا وبين الارض . اهربى
كانت لسا هترد بس حاتم نزل فيه ضرب و شادى مكنش عارف يضربه ولا ضربه .. حاتم الى بيضرب وبس
حور خاف جدا على شادى خصوصا بعد كل الضرب دا وان شادى مضربش حاتم ولا مره . جريت جوا الشقه ومسكت موبايلها تتصل بالشرطه
- الو .. لو سمحتو جوزى اتهجم على واحد وهيموته خلاص ارجوكم تعالو بسرعه . دا العنوان
فالوقت دا حاتم اتوقف عن ضرب شادى
~ انا ايدى تعبت من كتر الضرب فيك . انت مش بتحس ولا اى
بسخريه= لا مش بحس . اتوقعتك اقوى من كدا
شادى كان بيحاول يكسب وقت عشان حور تهرب بعيد عن المنطقه ...
حاتم خلع الحزام
~ تعالا بقا نشوف هتستحمل لغايه فين
و نزل ضرب ف شادى بالحزام و شادى مكنش عنده القوه انه يقاوم حتى
£ ابنى لااا سيبه هو ملهوش ذنب والله ... سيبه بالله عليك انا معنديش غيره فالدنيا دى
~ حد قالك متعرفيش تربى ابنك !!
مامت شادى قربت من حاتم عشان تاخد منه الحزام بس هو زقها عالحيطه جامد و راسها اتخبطت فالحيطه و غابت عن الوعى
شادى وقتها قام ومسك حزام حاتم و ضربه بيه
بعصبيه = انت ازاى تتجرأ وتمد ايدك على امى !!!!
~ كان لازم اضربها يعنى عشان تفوق ؟! بصراحه كدا انا مبحبش المنافسات الضعيفه . كويس انك قمت اصل كنت هموت من الملل
شادى ضرب حاتم بالحزام بس هما ضربتين بس بعدها حاتم اخد منه الحزام
~ اوف شايف الجرح دا الى سببتهولى ف دراعى ؟! انا هدفعك تمنه غالى
ونزل ضرب ف شادى مره تانيه
فالوقت دا الشرطه وصلو
مسكو حاتم و حور جريت ناحيه شادى الى كان بيفتح عينه بصعوبه
= شوفى ماما ... ماما مش عارف حصلها اى شوفيها يا حور
- الاسعاف جايه وهتاخدها وتاخدك متقلقش عليها
= وحاتم ؟!
- الشرطه هتاخده ...
بس وقتها حصلت حاجه غريبه جدا
الظابط الى كان رايح يقبض على حاتم بتهمه انه اتهجم على واحد فبيته طلع من معارف حاتم وصاحبه كمان ف ساب حاتم و الشرطه مشيو
~ شفت بقا انا ازاى مش بيحصلى حاجه . انت شكلك نسيت انى غنى جدا ومعارفى كتير . تعالى بقا نكمل خناقتنا
= اهربى يا حور ...
حور راحت ناحيه حاتم
= سيبهم .. انا اهو جايه معاك واعمل فيا الى عايزه مش هعترض ..اقتلنى كمان لو عايز انا اصلا مبقتش عايزه الحياه دى و لا عايزه حد يتأذى بسببى بس سيب شادى فحاله كفايه الى عملته فيه
شادى كان هيتكلم بس فقد وعيه من النزيف الى نزفه
كانت اخر كلماته "حور لا متروحيش معاه
