الفصل الرابع
مش عارف عدى وقت اد اى و مش فاكر غير مشهد حور وهى بتروح مع حاتم .. فتحت عينى وكان فيه ممرضه بتغير المحلول ..
بصوت ضعيف = لو سمحتى .. هو ماما كويسه ؟!
ابتسمت ₩ اه متقلقش هى كويسه . انتو الاتنين كويسين
= تمام ...
استنيت افوق شويه بعدها خرجت ابره المحلول من ايدى و مشيت
رحت اطمن على ماما الاول و شفت انها بخير بس كانت نايمه
بعدها طلعت برا المستشفى من غير م حد يشوفنى
مكنتش عارف اروح فين .. انا حتى معرفش عنوانها ولا اى حاجه عنها
اتصلت ب ملك
= ملك .. انا بجد تايه ومش عارف الاقى حور فين . انا بقالى يومين نايم فالمستشفى و مش عارف اى حالها دلوقتى ...
÷ طيب استنى ابعتلى اللوكيشن وانا جايالك دلوقتى
= تمام ..
* بعد نص ساعه *
÷ ازاى كنتو اصحاب بقالكم سنه ومتعرفش عنوانها
= كانت بتتهرب كل م اسألها ..
÷ طيب اهدى بس ان شاء الله هنلاقيها . لحظه هى اكيد كاتبه عنوانها ف استماره الشغل . تعالا نروح نشوفها
= تمام ..
رحنا الشركه . ملك و مدير الشركه قرايب ف وافق اننا نشوف استماره الشغل . كان العنوان فعلا مكتوب عليها
ركبت عربيتى و ملك ركبت معايا و رحنا للعنوان
كنت بخبط عالباب زى المجنون .. خايف يكون حصلها حاجه
مع انها كدبت عليا و خدعتنى بش مش عارف ليه لسا بحبها
فتحت الباب واحده عجوزه
€ بتخبطو جامد ليه كدا
= حور هنا !
€ لو قصدك حور مرات الاستاذ حاتم ف هما اجرولى البيت دا امبارح
= وهما فين دلوقتى !!
€ سافرو برا مصر . سمعته هو والمدام حور وهما بيتكلمو انهم هيسافرو برا مصر و مش هيرجعو تانى
= نعم !!! طيب وهى كانت كويسه ؟!
€ ايوه كانت كويسه جدا وكانو بيضحكو مع بعض . كنت شايفاهم عيله سعيده .. بس بتسأل دا كله ليه
= لا انا قريبها وكنت جاى اطمن عليها ..
مشينا انا وملك بعدها
= بتقول عيله سعيده ي ملك ؟!! هى خدعتنى تانى ولا اى .. بس لا لا انا شفت حاتم قدامى و شفت انه بنى ادم قذر .. اكيد العجوزه دى بتكدب بس هما سافرو خلاص .. المهم ان حور كويسه عادى خليها مع جوزها دا قرارها فالاول والاخر
بعدها بدأ يعيط بهستيريه
= طيب هى ليه جت تحتمى عندى يا ملك طالما هما عيله سعيده وطالما هتوافق تسافر معاه برا مصر . انتى عارفه ان ماما كان ممكن تموت بسبب حاتم دا ؟!! انا دوست على كرامتى جامد اوى يا ملك ..
ملك حضنت شادى
÷ اهدى يا شادى اهدى .. هى متستاهلش كل زعلك دا ... انت كان المفروض سبتها خالص من وقت م عرفت انها متجوزه لكن انت اصريت تساعدها و وقفت ضد جوزها .. اهدى انا معاك ومش هسيبك
مسح دموعه وبعد عن ملك
= انا .. انا اسف انى انهرت قدامك انا بس جبت اخرى ... انا هروح بيتى
÷ استنى هوصلك انا انت مش هتقدر تسوق فالحاله دى
ضحك بهستيريه = مالها حالتى يعنى ! انا كويس اهو ومفيش حاجه .. صحيح يبقا بلغى مدير الشركه انى استقلت . مش عايز اى مكان يفكرنى بيها
÷ بقولك انا الى هسوق يا شادى مش شايف نفسك بتتكلم ازاى . مينفعش تسوق وانت فالحاله دى . انت بتخوفنى لما بتضحك فمواقف مش مضحكه اصلا . طيب اى رأيك اخدك عند دكتور نفسى كويس اعرفه
= شايفانى مجنون يعنى ! انا كويس اهو و زى الفل كمان
÷ تعالا بس اسمع الكلام . هنروح الاول المستشفى ناخد مامتك بعدها هوصلكم بيتكم
= ماشى انا مش هفضل اتناقش معاكى للصبح ف اعملى الى عايزاه
رحنا المستشفى كانت ماما فاقت
بس انا كنت فعالم تانى . كنت سرحان طول الوقت
£ يا شادى انت معانا !!
=هاه .. اه معاكم يا ماما
£ كنت بقولك ان زميلتك ملك بنت طيبه وحلوه
= اه ...
بكسوف ÷ تسلمى يا طنط
£ شايف البنات المتربيه يا شادى . مش البنت المتجوزه و كانت بتخرج معاك وتهزر معاك عادى
بعصبيه = ماما لو سمحتى مش عايز اسمع سيرتها تانى . انا ماشى
÷ عن اذنك يا طنط هروح وراه ومتزعليش من كلامه هو بس لسا زعلان عليها ..
£ مش زعلانه .. انا بس صعبان عليا حالته
ملك راحت ورا شادى
بعصبيه ÷ شادى ليه بتكلم مامتك كدا هى اى ذنبها
= ينفع تسيبينى وحدى ؟! انا حابب افضل وحدى
÷ لا مش هسيبك وحدك يا شادى
= ملك بقولك سيبينى وحدى
ملك وقفت قدامه بتحدى
÷ هتعمل اى مثلا لو ممشيتش
شادى حضنها بقوه
بعياط = هفضل ازعجك بمشاكلى للصبح ..
ملك ابتسمت
÷ شادى ... انا بحبك
بعد عنها
= نعم !!!
÷ عارفه انه مش الوقت المناسب انك تعرف كدا بس انا بحبك من بدرى يا شادى . احنا اصحاب بقالنا ٤ سنين ومع ذلك انت اتخليت عنى وقت معرفت حور . عارف كنت بحس ب اى لما كنت بشوف نظراتك ليها ؟! طيب عارف كنت بحس ب اى لما كنتو بتفضلو تتكلمو بالساعات و تهزرو مع بعض و تخرجو كمان مع بعض ! طبعا مش عارف يا شادى لان انت حتى معتبرتنيش صديقه . لو اعتبرتنى صديقه مكنتش نهيت صداقتنا بالسهوله دى وقتها
= انا ... عارف ان الاعتذار ملهوش اى لازم بس انا اسف يا ملك
ملك ابتسمت
÷ ولا يهمك انا كدا كدا عارفه انك مش بتحبنى بس ادينى فرصه انى افضل جمبك . مش يمكن تحبنى مع الوقت ؟!
= للدرجه دى بتحبينى ...
ملك ضربت شادى على دراعه
÷ يلا بس تعالا نتفسح شويه عشان عارفاك هتروح بيتك و هتفضل نايم ل بكرا . لما بتتضايق بتنام وبس
ب دهشه = وعرفتى دا ازاى !!
÷ انت نسيت اننا كنا اصحاب ل ٣ سنين ولا اى . شكل الهانم حور مسحتلك ذاكرتك
شادى بصلها بعصبيه
÷ طب خلاص والله مش هجيب سيرتها تانى
= انا مش بهزر يا ملك ..
÷ طيب تعالا بس يلا نروح دريم بارك . طبعا مرحتهاش خالص من سعت م نهيت صداقتنا صح
= ايوه .. هى كانت بتخاف من الالعاب الى هناك ..
÷ طيب تعالا بس دا هيكون يوم محصلش
راحو دريم بارك و كان يوم تحفه . كانت ملك باصه على شادى دايما . بتفرح لما يبتسم او يضحك ..
عدا سنه و ملك و شادى كل يوم مع بعض . بيضحكو ويهزرو و يتفسحو و حتى ملك سابت الشغل و راحت مع شادى لشركه تانيه
* فيوم من الايام *
كنت قاعد مع ماما عادى
£ حبيت ملك صح
= انا وملك اصحاب بس يا ماما
£بس انا حبيتها و شايفاها مناسبه جدا ليك . دا كفايه انها خرجتك من حالتك
= انا مش حاسس بحاجه ناحيتها يا ماما ...
بعصبيه £ ولما انت مش هتقدر تحبها بتخليها تتعلق بيك اكتر ليه
= ماما هى الى اصرت اننا نرجع اصحاب بعد م اعترفتلى بحبها . هى عندها امل انى احبها ف يوم من الايام ...
£ لسا بتفكر فيها ؟!!!
= لا يا ماما الموضوع دا منتهى بالنسبالى
£ عموما الظرف دا وصلك امبارح و مرضيتش افتح اشوف فيه اى لانه مبعوت ليك وشكله مبعوت من برا مصر
شادى مسك الظرف وفتحه . كان فيه صور
اول لما شافهم اتصدم ..
