(الفصل الثاني)
واحد فيهم اخد منى الموبايل وانا ببعت رساله صوتيه لمراد بقوله ينقذنى
غمضت عينى وانا خايفه من الى هيحصل
بس محصلش حاجه . مفيش اى حد لمسنى حتى
فتحت عينى اشوف اى الى حصل
شفت مراد وهو بيضرب الى اخد منى موبايلى
بعدها باقى الشباب الى كانو معاه عملو دايره حوالينا
£ ازاى تتجرأ تضرب صاحبنا اصلاا . مفيش حد فيكم هيطلع سليم من المنطقه دى
وقتها مراد همسلى
= بصى ، احتمال مقدرش اواجههم كلهم خصوصا انك شايفه ان كلهم معاهم مطوه وانا مش معايا اى حاجه . ف انا هشتت انتباههم ناحيتى خصوصا انهم سكرانين وهقدر اعمل كدا بسهوله و وقتها اجرى بسرعه و روحى لعربيتك بعدها روحى البيت
وخلع جزمته
= وخدى اهو الشوز بتاعى بدل الهيلز بتاعك الى اتكسر . و اول لما توصلى البيت اطلبى دكتور عشان يطمن على رجلك من الزجاج الى دخل فيها وخدى الجاكيت دا عشان الجو برد عليكى
- طيب وانت .... هتعمل اى . مراد انا عايزه اقولك حاجه
انا اسفه بجد على الى قولتهولك . مكنش قصدى اجرحك والله انا ...
= ششش نخلى الموضوع دا لبعدين . ملكيش دعوه بيا انا هتصرف . اسمعى كلامى واعملى الى بقولك عليه
- لا بقولك . انا هفضل هنا معاك . افرض عملولك حاجه طيب ؟؟!
= عالاقل لو حصلى حاجه مش هكون قلقان عليكى . يا بنتى انتى بنت . اعملى الى بقولك عليه بس
واحنا بنتناقش واحد فيهم مسك مراد من التيشرت و ضربه قلم جامد لدرجه انه وقع عالارض
مراد قام من الارض . كانت مناخيره بتنزف
= فالحين بس تتشطرو عليا وانا مركز معاها صح . قولو انكم مش قادرين تواجهونى مباشره ف بتضربونى وانا مش مركز معاكم !!!
واحد فيهم اتقدم ناحيته وهو بيلعب بالمطوه
¥ اى رأيكم يا جماعه نشوه وش الولد ولا البنت
₩ الولد اكيد
€ هى دى محتاجه سؤال يعنيي . اعملو الى انتو عايزينه فالولد و سيبو البنت ليا . عجبتنى اوى البنت دى
وبصلى و غمز
وقتها انا خفت و وقفت ورا مراد و مسكت ف تيشرته من ورا
= شوفتى بقا انا كنت بقولك تهربى وتسيبينى ليه !!!
واحد فيهم اتقدم ناحيه مراد و بدأو يتخانقو
مراد ضربه جامد و وقعه عالارض
الباقيين راحو ناحيه مراد عشان ينتقمو لصاحبهم
وقتها مراد برقلى ب عينه كأنه بيدينى اشاره انى اهرب
بس انا كنت مصممه على قرارى . انا مش هسيبه لوحده
مراد مره يضربهم ومره يتضرب . وطبعا عشان هما خمسه ف الضربات الى كانو بياخدها اكتر من الضربات الى كان بيضربهالهم . كان كل مره يقع عالارض ويقف تانى . مره واتنين وعشره . المفروض ان جسمه متكسر من كتر الضرب وانا مش قادره اعمله اى حاجه
لمحت موبايلى واقع عالارض . جريت عليه واتصلت بالشرطه وكلمتهم ب اوطى صوت عندى عشان البلطجيه ميسمعوش
كنت عارفه ان الشرطه هياخدو وقت عشان يوصلو . بس مكنش قدامى حاجه اعملها .. بشوف مراد وهو بيتضرب جامد لدرجه انه بقا ينزف
فجأه سمعت صراخ مراد
البلطجيه طعنوه ف صدره الشمال . اول لما طعنوه خافو من منظر الدم الكتير و جريو
جريت عليه بسرعه وانا خايفه جدا
- مراد انت كويس ؟؟!!...
صوت ضعيف =انا كويس متقلقيش
قررت اشوف مدى عمق الجرح و خلعتله التيشرت
بس اول لما بصيت انذهلت . جرح عميق و واخد مساحه كبيره و احتمال كبير يكون اذى قلبه
بصيت عليه بس كان اغمى عليه
جريت عالموبايل عشان اتصل بالاسعاف بس للاسف الاسعاف بياخدو وقت عشان يوصلو
كنت حيرانه اعمل اى و شايفاه وهو بينزف كتير قدامى ودمه بيتصفى
استنيت دقيقتين يمكن الاسعاف تيجى وتنقذه بس شكلهم هيتأخرو
قررت اتصرف انا ( زى مقولتلكم فالبارت الاول انى متخرجه من احسن جامعه طب ف بريطانيا وكمان اتدربت بعد التخرج مع احسن دكاتره فالعالم )
لمحت مطوه عالارض كانو سايبينها البلطجيه لما جريو . رحت ناحيتها واخدتها
مراد كان فاق وقتها معرفش ازاى . المفروض بعد كل الى نزفه دا ميكونش فايق اصلا
بصوت ضعيف = انتى بتعملى اى ..
-بحاول اخليك تستحمل لغايه الاسعاف متوصل
- بص انا لازم افتح الجرح اكتر عشان اشوف اى الى اتضرر بالظبط واشوف عندك نزيف داخلى ولا لا لان لو عندك نزيف داخلى مش هتقدر تستحمل لغايه الاسعاف متوصل
بصوت ضعيف = تمام اعملى الى تشوفيه صح
- بس فيه مشكله . مش معايا مخدر . هتقدر تستحمل الالم لما افتحلك بالمطوه ؟!!!
ابتسم = متخافيش انا قوى ...
كان المفروض اعقم المطوه فتحت شنطتى اشوف لو فيه برفن او كحول
كل الى لقيته كان برفن . البرفن هيزيد الالم لانه بيعمل تهيج للمكان المفتوح
بس مكنش قدامى حل تانى ..
فعلا فتحتله بالمطوه المتعقمه بالبرفن . كان بيصرخ من الالم لدرجه انى كنت هعيط جامد . كل الى هو فيه دلوقتى بسببى
من كتر الالم اغمى عليه تانى . دا احسن بالنسبالى . احسن من انى اسمع صوت صراخه بسببى
اول لما فتحتله الجرح اكتر لاحظت ان القلب اتضرر جامد وكمان طلع فعلا عنده نزيف داخلى
كل الى كان قدامى وقتها انى اضغط عالجرح ب قميصه واستنى الاسعاف
حسيت وقتها بندم انى خليته يتألم كل دا وفالاخر ملهوش لازمه الى عملته غير انى اتأكدت ان عنده نزيف داخلى
وانا تايهه ف افكارى الاسعاف والشرطه كمان
حكيت للشرطه كل حاجه وهما بينقلو مراد للاسعاف
واحنا ف عربيه الاسعاف قلبه اتوقف عن النبض
حاولت اخليه ينبض تانى بجهاز الصعقات الكهربى بس مكنش ليه لازمه . عدى خمس دقايق وقلبه لسا متوقف . المسعفين قالولى ان مفيش فايده وانه خلاص صعب يرجع يمضى تانى بعد م عدى خمس دقايق كاملين
فضلت اعيط جامد واصرخ بجمله واحده " لا متمووتش ارجوك "
كنت وقتها لسا مستمره بجهاز الصعقات الكهربى . وانا خلاص بفقد الامل سمعت صوت نبضات قلبه فالجهاز . فرحت جدا وقمت سجدت لربنا سجده شكر
وصلنا المستشفى الحمدلله
+مين ال عمل التدخل الاولى للمريض ؟؟!
- انا .. هو فيه حاجه حصلت !!!
+ لا انا بس حبيت اهنيكى عالتدخل الى عملتيه . لولاكى كان زمانه مات من نص ساعه
-الحمدلله ..
الدكاتره دخلو اوضه العمليات وانا مستنياه برا . مرضيتش اتصل ب بابا واقوله عشان معطلهموش عن صفقته المهمه الى سافر عشانها
اتصلت ب سمر وقلتلها تيجى تقعد معايا
وفعلا الشوفير وصلها و جت
× اى الى حصل بس يا رينا ؟! انتى كويسه ؟ ليه قاعده فالمستشفى ؟!
حكتلها كل الى حصل وانا بعيط
كنت بقرأله قرآن طول الوقت وهو ف اوضه العمليات . يارب انا عارفه ان حالته خطيره بس ارجوك يارب خليه ينجو
بعد ٧ ساعات الدكتوره خرجت من اوضه العمليات
+ الحمدلله العمليه كانت احسن مما توقعنا بس لازم يفضل فالعنايه ٢٤ ساعه عشان نشوف فيه مضاعفات ولا لا
نطيت من الفرحه و حضنت سمر
- الحمدلله يا سمر
× شفتى ازاى قلقتى عالفاضى ؟؟
- عالفاضى مين بس . انتى مشفتيش حالته كانت خطيره ازاى
سمر غمزتلى
× قلقتى عليه صح !!
- قلقت عليه بس عشان انا السبب فالى حصله . مش اكتر من كدا
× اه طبعا اومال
ضربتها على دراعها
نمت ساعتين و صحيت وانا مفزوعه وبعيط
× اهدى بس يا رينا . دا كابوس بس
بعياط -مراد كويس؟!
×ايوه كويس
×انا عارفه ان كل الى مريتى بيه دا كان صعب بس حاولى تتخطيه
- المهم بس ان مراد يبقا كويس
فضلت ال ٢٢ ساعه الجايين صاحيه . كنت براقبه من زجاج اوضه العنايه . اد اى كانت ضحكته حلوه . نفسى بس اشوفها ولو لمره
كان الجو هادى جدا وفجأه حد لمس كتفى ف اتخضيت جامد
× بتحبيه ؟؟!!
- اى يبنتى حد يخض حد كدااا حرام عليكى
× بتحبيه؟!
- لا مش بحب حد . زى مقولتلك انا بس قلقت عليه عشان دا كله حصله بسببى
عدى ال ٢٢ ساعه بخير و المفروض مراد فاق و نقلوه ل اوضه مرضى عاديه
- انا رايحه اشوفه يا سمر . هتفتكرى هيكون زى الاول ؟
× ايوه يبنتى الحمدلله عدى مرحله الخطر بس استنى نسأل الدكتوره المشرفه على حالته هينفع تزوريه دلوقتى ولا لا
- لا انا رايحه اشوفه
فتحت باب اوضته و هناك كانت الصدمه !!!!!!
كان هو والدكتوره المشرفه على حالته ( الدكتوره الى كانت بتكلمها فالشابتر وعلامتها "+" ) ....
كانو بيبوسو بعض ......
