(الفصل الثالث)
بعد لما الدكاتره بلغونى انهم نقلوه من اوضه العنايه ل اوضه المرضى وانه فاق من حوالى نص ساعه رحت اطمن عليه و اعتذرله عالكلام الجارح الى قولته . اول مره فحياتى اهتم بحد للدرجه دى بس اكيد انا مهتمه بيه عشان كل دا حصله بسببى
فتحت باب الاوضه ودخلت
وشفته هو والدكتوره المشرفه على حالته بيبوسو بعض .....
فضلت متنحه شويه و بعدها قفلت الباب براحه ومشيت
جريت ناحيه سمر
- يلا يا سمر هنمشى
× نمشى ؟!! اطمنتى عليه ؟؟
ضحكت بسخريه
- كويس جدا لدرجه انه بيبوس
×اييه ؟؟!!!!
- اه والله زى مقولتلك وبعدين دا حتى الدكتوره الى بيبوسها دى مش حلوه ..
×انا اعرفها طيب ؟!
-ايوه الدكتوره المشرفه على حالته
×بتهزرييي !!
- شفتى بقا ازاى
× يبنتى دا انتى احلى منها بمراحل . مفيش مقارنه اساسا
- مش مهم بقا
بصتلى بخبث
× بس انتى غيرتى صح
- انا بغير ؟!! انتى اتهبلتى يبنتى ولا اى وبعدين اغير عليه ليه . خليه يبوس الى عايزه انا مالى
× اه طبعا اومال
رحنا القصر و اول لما روحت نمت . بقالى يومين مش بنام كويس ولازم ارتاح
* اليوم الى بعدو *
× اصحى يا رينا . مراد اتصل بيكى وانتى شكلك عملتيله بلوك ف اتصل بيا وسأل ليه مشيتى من غير متشوفيه
بصوت نعسان - مراد اى بس . قوليله نايمه ومش فاضياله وبعدين هو ليه عين يتكلم !!
× قومى بس يبنتى كلميه
- اووف بقا هاتى الموبايل خلينا نخلص
- ايوا يا مراد عايز اى
= مشيتى ليه ؟! الممرضين قالو انك استنتينى لغايه لما نقلونى لاوضه المرضى وبعدها مشيتى فجأه
- انت عارف ان معنديش وقت . كفايه الوقت الى ضيعتهولى وانا مستنياك فالمستشفى . مش فضيالك يا مراد
= انتى بتقولى اى !!!
وهو بيتكلم سمعت صوت فالتليفون
+ يا مراد يلا وقت الحقنه
=استنى بس هخلص المكالمه
+ لا مينفعش تتأخر عن الحقنه يلا يا مراد
واخدت منه الموبايل و قفلت المكالمه
انا اتعصبت جدا من الى حصل
- اتفضلى اهو فصل ف وشى و بعدين ازاى سايبها تتحكم فيه كدا يعنى و بعدين هو مش الممرضين هما الى بيدو الحقن ؟؟؟!!! ليه هى بقا تديهاله
وبعدين هى ليه بتتكلم بسهوكه كدا . دى كأنها ممسوكه اداب قبل كدا
سمر ضحكت جامد على كلامها
× طيب اتكلمى براحه يا بنتى 
واضح جدا انك مش بتحبيه وانك مش غيرانه
واضح جدا انك مش بتحبيه وانك مش غيرانه - اووف هنرجع لنفس الموال تانى
×بعدين يا بنتى هو مش حرام عليكى الطريقه الى بتكلميه بيها دى ؟!! بتجرحيه كل مره بكلامك دا
- هو الى ضايقنى الاول
× طيب وتتضايقى ليه طالما مش بتحبيييه . متسبيه يحب ويبوس الى عايزه الاه
- انا هخلص من زنك دا واروح المستشفى
× مش من ساعه مكنتيش عايزه تشوفى وشه ؟!
- عادى هروح اشوف حوار الدكتوره المسهوكه دى
وفعلا فخلال ساعتين كنت هناك
*فالاستقبال*
- لو سمحتى مراد جيم لسا موجود فالمستشفى ؟!
£ يا دكتوره دينا فيه حد بيسأل على اوضه مراد
ف سرى - هو كمان قبل متجاوبنى على سؤالى لازم تستأذن من الدكتوره ولا اى يعنى
وبعدين اى اللبس الى الدكتوره لبساه دا . اى الفستان الاحمر دا الى مش واصل لركبتها حتى . فيه دكتوره تلبس فستان احمر فالمستشفى؟!!!
وبعدين اى الروج الاحمر والميكب الاوفر دا . دى مكنتش كدا لما جيت امبارح . كأنها اتغيرت ١٨٠ درجه
+ مش انتى الى جبتيه للمستشفى ؟!
-ايوه انا . هو لسا موجود؟
+ اها بس للاسف طالما انتى مش اخته ف مينفعش تزوريه
- نعم؟!!!
بصتلى بخبث وهمستلى ف ودنى واتكلمت بطريقتها المسهوكه دى
+ اصلى بغير
ضحكت ضحكه سخريه
- طب اوعى بس كدا من قدامى مش ناقصاكى عالصبح
وقفت قدامى وقالت بلهجه صارمه
+ قلت مينفعش تزوريه طالما مش اخته
-طيب انا هروح لمدير المستشفى ونشوف بقا حوار انك تمنعينى اشوف صاحبى
+ اتفضلى اهو باب اوضه المدير عالشمال 
مشيت وسبتها و رحت ناحيه اوضه المدير . اى البنى ادمه البارده دى يعنى اى مينفعش ازوره . هو كان جوزها مثلا ؟!!!
فعلا دخلت الاوضه
- لو سمحت فيه دكتوره عندك اسمها دينا مش مخليانى ازور صاحبى وبتقول مش هتدخلنى عشان مش اخته وعشان بتغير عليه
كان المدير بيبص ف شويه ورق قدامه و مش فاضى يبص عليا حتى
₩ اه هى قالتلى انها بتحب الشاب ده وهو كمان بيحبها ف اى مشكلتك بقا معاها و زى م قولتى هو صاحبك مش خطيبك ولا جوزك مثلا
- نعم !!!!
₩ بالمناسبه انا باباها
-اهاا وانا اقول ليه كان ردك كدا
خرجت من الاوضه و رزعت الباب وانا خارجه
فضلت افكر اعمل اى
اتصلت ب مراد عشان اقوله بس كان موبايله مغلق . اكيد الحربايه دى هى الى قفلته
اتصلت ب بابا (طبعا زى مقولتلكم انه متفاهم جدا معايا وانى بحكيله كل حاجه فحياتى)
حكتله كل الى حصل
$متقلقيش يبنتى انا هتصرف . استنى بس ربع ساعه اعمل كام اتصال و هخليهم يدخلوكى تشوفيه و الجزمه فوق دماغهم
فعلا بعدها بكام دقيقه ، ممرضه نادت على دينا وقالتلها تروح للمدير عشان عايزها
ولما خرجت من عنده كانت متعصبه
+ اتزفتى امشى قدامى هدخلك عنده بس لعلمك دى اخر مره
- اى اتزفتى دى متحترمى نفسك !!!!!
وصلنا لاوضه مراد و دخلت
لما دخلت قفلت الباب ورايا بس هى فتحته و وقفت عنده( الباب)
- طب اى يعنى مش هتمشى ؟!!
+ مش همشى
- متقول حاجه يا مراد !!
= معلش يا دينا امشى وسيبينا وحدنا شويه
نفخت فالهوا ومشيت و رزعت الباب وراها
- دينا ؟!!! انت لحقت تتعرف عليها لدرجه انك بتقولهاب اسمها من غير لقب وكمان لدرجه انها مترضاش تدخلنى عندك وبتقولى " اصلى بغير " ( قلدت طريقه كلامها وانا بقول اصلى بغير )
)مراد فطس من الضحك
- اضحك اضحك براحتك . انا جيت بس عشان اقولك انى اسفه على اى كلام قولتهولك وضايقك و اننا للاسف مش هينفع نفضل اصحاب
فجأه ملامحه بقت جديه
=ليه!!
- المدام بتاعتك بتضايقنى و ثانيا مش عايزه اكون صديقه لواحد هيتجوز خلاص
= المدام بتاعتى ؟!!!
- اى مش هتتجوزها وبتلعب بيها ؟!
= يبنتى مفيش الكلام دا هى بس عرضت عليا نبقا اصحاب و انا وافقت
- و يا ترى كانت البوسه دى عشان تبدأو صداقتكم؟
مراد وقتها اتوتر
- كنت فاكر مفيش حد شافكم صح
= بصى انا كنت وقتها لسا مفقتش بشكل كامل . صدقينى انا حتى مش عارف ازاى عملت كدا ..
- اه طبعا كل الى مش بيكون فايق بيبوس الدكتوره بتاعته صح
= ....
- عموما اتهنو ببعض انا جيت وقلتلك الى عايزه اقوله وهمشى
بعدها فجأه الباب اتفتح ودخلت دنيا . واضح انها كانت بتتصنت علينا من ورا الباب عشان كانت فرحانه
بسهوكه +اى يحبيبى جعت وعايز تاكل ؟
- حبيبك
- لا واضح يا مراد انكم اصحاب
قبل م امشى خبطت فيا جامد
- متفتحى بقا ازاى تخبطينى كدا
بسهوكه + مكنتش اقصد
وقفت وانا متنحه فيها ومش مصدقه بجاحتها
بس هى بقا حبت تغيظنى و راحت عند مراد
بسهوكه + مراد هو انت مقولتلهاش اننا حبينا بعض و كمان اتبادلنا ال first kiss ?
ضحكت ضحكه سخريه
بسهوكه + نفسى اعرف ازاى كنتى صاحبته كل الشهور دول و معجبكيش . دا انا من اول لحظه شفته فيها وقت فحبه واساسا انا متابعه مسلسلاته دايما وكان ممثلى المفضل ف حسيت انها اشاره انه جه المستشفى عندى
كل دا و مراد ساكت ..
= معلش يا دينا اسندينى عشان اقوم بس
ف سرى - تسندك؟!!
و راح ناحيتى
= انا اسف لو ضايقتك فحاجه بس افتكرى انك قولتيلى انك مش بتحبينى وعمرك مهتحبينى ف ليه عايزه تنهى صداقتنا عشان موقف انا مكنتش فايق وقته
ولا انتى بتغيرى ؟!!
اتوترت وقتها
- لا طبعا اغير اى . انا مش حابه اكون صديقتك عشان مش هقدر آامن لنفسى وانا معاك تانى . اذا كان دكتوره لسا عارفها و بوستها هآامن على نفسها ازاى واحنا بنخرج مع بعض
مراد وقتها اتعصب
بعصبيه و زعيق = قولتلك مكنتش فايق !!!!
وفجأه مسك صدره الشمال وهو بيتوجع
-قربت ناحيتع
بخوف -حصلك حاجه
بس الكلبه دينا وقفت بينه وبينى
وقربت منه جامد لدرجه ان مكنش فيه سنتى واحد بينهم
بسهوكه+ انت كويس يا حبيبى ؟!
+حرام عليكى ليه بتعصبيه المفروض الانفعال غلط عليه فحالته دى
-عموما انا ماشيه
بصوت ضعيف
=استنى بس
بسهوكه +تعالا يا حبيبى استريح عالسرير
- عايز اى !!
= لو مجيتيش تزورينى كل يوم مرتين هخرج من المستشفى وانتى مسئوله عن اى حاجه تحصلى
- يا سلام !!
خرجت من الاوضه وانا متعصبه
كنت عايزه امسك البت دينا دى اخنقها و اموتها
جه ف بالى فكره مجنونه
اتصلت ب بابا و قلتهاله
ورحت البيت وانا مرتاحه ولا كأن دمى اتحرق خمسين مره فالمستشفى
*اليوم الى بعدو*
قمت الساعه ٧ الصبح و رحت المستشفى
وصلت المستشفى و الممرضه ورتنى اوضه الدكاتره . رحت هناك و لبست البالطو بتاعى
دخلت لمراد
- ازيك يا مراد عامل اى
= اى دا انتى لابسه بالطو ليه !!
وقتها دخلت دنيا واتصدمت لما شافتنى لابسه البالطو
بثقه - اصل انا اتعينت دكتوره هنا
+ نعم !!!!
و خرجت من الاوضه بسرعه و قفلت الباب جامد
*ف اوضه المدير *
+ يا بابا دى اول مره اقولك انى بحب حد . ازاى تعمل كدا . ازاى تقبل انها تشتغل معايا فالمستشفى وانت عارف انى بكرهها وبغير منها !!! هتخطفه منى يا بابا . الشخص الوحيد الى حبيته هتاخده منى
وفضلت تعيط
₩ اهدى بس يا بنتى دى باباها راجل مهم جدا و كمان متخرجه من كليه طب ف بريطانيا و متدربه عند دكاتره مشهورين . ال cv بتاعها مفهوش ولا غلطه وكمان مش هتاخد مرتب . يعنى صفقه كسبانه ليا . لو هى دكتوره شاطره هتتشهر المستشفى بتاعتنا
+ تانى يا بابا كل الى يهمك الفلوس وبس !!!
ومسحت دموعها وخرجت
* ف اوضه مراد*
= مقولتليش يعنى انك عايزه تشتغلى هنا !
- عادى قررت اشتغل للتسليه
= رينا ..
- نعم
=انا فعلا مليش ذنب فالى حصل
- حد قالك انى مهتمه؟!!!
= انا قولت بس اوضح...
وقتها دخلت علينا دينا وكان شكلها معيطه
بصتلى بعصبيه
+ على فكره انا الدكتوره المشرفه على حاله مراد
- هو حد قالك حاجه يبنتى ؟!! عادى منا عارفه ومش عايزه اخد مكانك
اتنهدت بفرحه و راحت ناحيه مراد
بسهوكه+ مراد تعالا اغيرلك الجرح
= دلوقتى !!
- هو مش دا شغل الممرضات ولا انا بتخيل ؟! ولا انتى بتنتهزى اى فرصه وخلاص
من غير اى كلام خلعت التيشرت بتاع مراد
وبدأت تمشى ايدها على بطنه
بسهوكه + عضلات بطنك حلوه اوى يا مراد
انا تنحت ومش مصدقه الى بيحصل اساسا
مراد اتكسف وقالها بصوت واطى محدش سمعه غيرها
= لو سمحتى يا دنيا كفايه كدا انا مش عايز احرجك واتعصب عليكى وازعقلك . ماسك نفسى بالعافيه ف ياريت متختبريش صبرى اكتر من كدا
بس هى بردو لسا بتمشى ايدها على بطنه كأنها واثقه انه مش هيعرف يزعقلها قدامى
بسخريه - طب اخرج انا واسيبكم على راحتكم؟!!!!!
بسهوكه
+ لا خليكى كدا كدا هتتعودى على انى قريبه من مراد
خرجت وسبتهم
مش عارفه اى الشعور الى بحس بيه لاول مره من سعت لما مراد دخل المستشفى !! معقول هو دا شعور الغيره الى الناس بتتكلم عليه !
لا لا يا رينا انتى مش بتحبيه
طبعا انا اشتغلت ك طبيبه مقيمه فالمستشفى ف ببات هناك
الليل جه و كل المرضى والدكاتره نامو
اتسحبت من اوضتى عشان اروح اشوف مراد يمكن صاحى . مش عارفه اتكلم معاه خالص بسبب الزفته دنيا
كنت بمشى حافيه وماشيه على اطراف صوابع رجلى عشان معملش اى صوت
النور بتاع اوضته كان مطفى ف اتطمنت انه نايم . كنت ناويه اخضه
فتحت باب اوضته بس انا الى اتخضيت
شفت الكلبه دنيا نايمه جمبه عالسرير و حاطه راسها على صدره وهو حاضنها ب ايده التانيه
