الفصل الثالث
زياد:- لأ أنا شايف أنها مناسبه أوي
رحيم:- اشمعني يعني متمسك بيها أوي
زياد:- معرفش هي دخلت دماغي وكمان كانت الأولي علي دفعتها وشغلها كويس
رحيم:- طب اي يعني
زياد:- نكلمها
رحيم:- آخر كلام
زياد:- خد رقمها موجود في الملف أهو
رحيم مسك الموبايل ومتوتر
وفي نفس الوقت كانت رنيم وماهي وصلوا البيت وكل واحد دخل اوضته
موبايل رنيم رن رقم من غير اسم
رنيم:- الو مين معايا
رحيم:- معاكي رحيم عقيد في الجيش معايا الدكتورة رنيم؟!!
رنيم:- أيوة حضرتك اتفضل
رحيم:- طلبينك في الشغل ممكن تشرفينا بكرة في الإدارة
رنيم ( باستغراب):- شغل اي
رحيم:- هتعرفي لما تيجي
رنيم:- طيب العنوان
رحيم:- اكتبي (******)
رنيم:- تمام ماشي
رحيم:- مع السلامه
زياد ( بضحك):- أي يعم التقيل دا انت خوفت البت بصوتك ده
رحيم:- ازاي يعني ما صوتي عادي أهو
زياد:- دا البت قلبها وقف أول ما كلمتها وقولتلها معاكي رحيم عقيد في الجيش
رحيم:- امال أقولها أي يعني وبعدين هي مش من النوع إلي بيخاف بسرعه
زياد:- وانت عرفت منين يا خويا
رحيم:- عادي من طريقه كلامها
زياد:- لأ يا شيخ
رحيم:- روح يعم علي شغلك
زياد:- أنا خلصت همشي بقي
رحيم:- وأنا كمان همشي
زياد:- تتحسد دا انت مش بتمشي إلا آخر واحد في الإدارة
رحيم:- علشان معتز تعبان هروح اطمن عليه
زياد:- الف سلامة عليه، ماله!
رحيم:- الله يسلمك.. تعب ووديته المستشفي وكان فيه مكروب في بطنه
*في الجانب الآخر في الصعيد*
يوسف:- هتعمل اي يا اخويا في المشكله دي
عبدالله:- لسه ملكتش حل ان شاء الله هنتصرف
*تاني يوم صباحاً في شقه رحيم ومعتز*
معتز:- صباح الخير
رحيم:- صباح النور عامل اي دلوقت
معتز:- الحمدلله احسن
رحيم:- عايز حاجه انا نازل
معتز:- وانا بردوا هنزل
رحيم:- هتروح فين انت لسه تعبان
معتز:- لأ أنا بقيت كويس،هروح الجامعه وبعد كده هروح أقابل اصحابي علشان من زمان مشوفتهمش
رحيم:- إياك تعمل مشكله مع حد
معتز ( بابتسامة):- عيب عليك
رحيم:- أنا خوفت اكتر بعد الكلمه دي
معتز ( بضحك):- مع السلامه
****************************
رحيم دخل الإدارة ومتشوق انه هيقبلها ويكلم معاها
زياد شافه راح دخل وراه
رحيم:- الله يخربيتك انت بتطلعي من اي مكان كده
زياد بضحك:- أنا عملك الاسود
رحيم:- انت هتقول فيها
زياد:- البت هتيجي
رحيم:- بت مين
زياد:- هتكون مين يعني الدكتورة الجامدة دي
رحيم ( بضيق):- قولتلك ميت ألف مرة متقولش عليها جامدة ولا اي حاجه من دي خالص
زياد باستغراب:- وه وه وه فيه اي يا عم انت تعرفها ولا اي
رحيم:- هو أنا اعرفها منين يعني
زياد:- معرفش بس انت بتضايق لو قولت عليها حاجه
زياد غمزله وبضحك:- اقول مبروك
رحيم:- غور امشي برا يلا
الباب خبط ورحيم اذن بالدخول
:- تمام يا باشا
رحيم:- نعم
:- فيه وحدة بره بتقول أنك مديها معاد وادي الكارت بتاعها
رحيم مسك الكارت لقي اسم رنيم
رحيم:- خاليها تدخل
:- تمام يا باشا
رحيم:- شد انت
زياد:- ماشي يا عم ربنا معاك
زياد كان طالع ورنيم دخله وزياد عمال يبص عليها ورحيم بيشتمه في سره
رنيم:- هو انت
زياد قبل ما يطلع:- انتوا تعرفوا بعض
رحيم:- اطلع وبعدين يبقي أنا هحكيلك
رحيم:- اتفضلي.. آه أنا فكراني
رنيم:- وانت عايزني في اي ان شاء الله
رحيم:- اقعدي وانتي هتعرفي.عايزك في شغل والله
رنيم باستغراب:- شغل اي
رحيم:- تشربي اي الأول
رنيم:- لأ شكراً
رحيم:- لأ لازم تشربي حاجه
رنيم:- ممكن عصير
رحيم داس على الزر إلي قدامه علي المكتب
:- تمام يا باشا
رحيم:- هات اتنين عصير وبسرعه
:- تمام يا باشا
رنيم:- قول بقي شغل اي
رحيم:- أنا هجبهالك من الآخر
رنيم:- في أي
رحيم:- أنا معايا كتيبة في الجيش
ومسافرين علشان ادربهم
رنيم:- واي المطلوب مني
رحيم:- احنا بنكون معانا دكتور علشان لو حصلت حاجه معاهم وفي التدريب ممكن اي حد يتصاب فعلشان كده بناخد دكتورة معانا واحنا اخترناكي انتي تكوني معانا
رنيم:- واشمعني أنا
قطع كلامهم دخول ضابط الأمن ومعاه العصير
:- أي اوامر تاني يا باشا
رحيم:- لأ شكرا
رحيم:- واشمعني انتي علشان أنتي الملف بتاعك كان قدامي امبارح وشغل ممتاز وكل حاجه مظبوطه في الملف
رنيم:- أنا مش فاهمه حاجه رقم تليفوني وملفي كانوا معاك
رحيم ضحك:- أنا طلبت كل ملفات الدكاترة علشان اختار منهم واحد وانتي إلي أنا اختارتك
رنيم:- بس أنا اسفه مش هقدر اسافر معاكوا
رحيم:- ليه كده
رنيم:- أنا عندي شغلي في المستشفي ومكتفيه بيه
رحيم:- دا هما اسبوعين يعني مش كتير
رنيم:- لأ وكمان مش هينفع اسيب اختي لوحدها
رحيم:- امال فين مامتك وباباكي
رنيم بصوت حزين:- متوفين
رحيم:- أنا آسف مكنتش قصدي.ربنا يرحمهم
رنيم:- ولا يهمك
رحيم:- طب هي متنفعش تقعد لوحديها هي صغيرة
رنيم:- في تالته ثانوي وانا مينفعش اسيبها علشان أنا إلي باخد بالي منها
رحيم:- دا شغلك وهي اكيد هتاخد بالها على نفسها
رنيم:- لأ معلش مش هقدر اسيبها شوفوا حد غيري أكيد هتلاقوا
رحيم:- بس احنا اخترناكي أنتي وكمان مش هنلحق نشوف تاني دا احنا طالعين بكرة بليل
رنيم:- أن شاء الله هتلقي استأذن أنا
رحيم:- يعني مفيش أمل أنك توافقي
رنيم:- لأ معلش
رنيم سابته وخرجت
*بعد انتهاء اليوم في نصف الليل*
رنيم وماهي قاعدين
رنيم قاعدة جمب ماهي وهي بتذاكر ورنيم سرحانه في مقابله الصبح ماهي لاحظت سرحنها
ماهي:- رنيم
رنيم:- نعم
ماهي:- مش إنتي قولتيلي أنك هتروحي مشوار الصبح
رنيم:- اه روحت
ماهي:- مشوار اي بقي
رنيم:- كان فيه ناس طالبه تشوفني
ماهي:- مين دول وعايزين يشوفوكي ليه
رنيم:- هحكيلك
ماهي:- احكي
رنيم :- أول ما وصلت الإدارة (************) بس يستي وبعدين سبته ومشيت
ماهي:- عبيطه مش أنا من زمان وانا بقولك انك عبيطه
رنيم:- ليه بقي ياختي
ماهي:- حد يرفض الشغل ده وكمان مع عقيد في الجيش واي بقي
رنيم:- مش عايزة اسيبك لوحدك
ماهي:- لأ يبنتي روحي ومتقلقيش عليا
رنيم:- لأ طبعا مش هسيبك لوحدك
ماهي:- بصي أنا اهو وبقولك روحي دا هما اسبوعين ومتقلقيش عليا أنا بميت راجل
رنيم:- أنا رفضت وخلاص
ماهي:- مش أنتي قولتي أنه اتصل عليكي امبارح
رنيم:- آه
ماهي:- يبقي الرقم على موبايلك يلا هاتيه ورني
رنيم:- لأ مش هرن
ماهي فضلت تقنع فيها لغيت ما وفقت
رنيم:- ارن عليه دلوقت مينفعش
ماهي:- لأ رني علشان ميلحقش يشوف دكتور غيرك
رنيم مسكت الموبايل ورنت عليه وهو مبيردش
رنيم:- اهو مش قولتلك زمانه نام
*في الجانب الآخر في شقه رحيم*
معتز:- اي ده كله كل ده بتستحمي
رحيم:- وانا بضايقك في حاجه دلوقت
معتز:- آه الموبايل بتاعك كان بيرن
رحيم:- مين بيرن دلوقت كده
معتز غمزله:- المزة
رحيم باستغراب:- مزة!! مزة مين
رحيم مسك الموبايل واستغرب من المكالمه دي
