Ads by Google X

القائمة الرئيسية

الصفحات

روايه الصعيدي العاشق الحلقه الثامنه


 


الصعيدى العاشق 


( البارت الثامن) 


الجد : الكل يسمع الكلام اللى هيتجال ده 

بعد ٣ شهور كتب كتاب حور ورعد 


حور بهدوء: ٣ شهور اه يعنى هكون خلصت امتحاناتى وهحضر الفرح معاكوا 


اركان بصوت منخفض : هي بتقول ايه 


مليكه سمعته وردت : هي مش فاهمه أنه يقصدها أساساً


اركان : اه يعنى هتتعصب لما تفهم أن هى العروسه


مليكه : لأ مش هحرق الفيلم اللى هيحصل انت هتشوف بنفسك 


اركان : ربنا يستر 


الجد : بتقولى ايه يا حور 


حور : ايه يا جدى 


الجد : أنى بجول كتب كتابك انتى ورعد 


حور بشهقة :نعم يا عنيا مين دى اللى تتجوز 


ازهار ،: حور اتلمى واتكلمى عدل مع جدك 


حور : معلش يا جدى بس تقمصت الدور 


الجد : مش وقت هزار 


حور : يعنى أنا اصوم اصوم وافطر على الكائن ده 


الجد : طب انتى مش موافقه ليه 


حور : كده انا لا يمكن اتجوز من الشخص ده لو اخر واحد ع الأرض 


رعد بعد أن افاق من صدمته 


رعد : احم هو حضرتك بتجول ايه يا جدى 


الجد : حمدالله على السلامه انت لسه هتسأل 


رعد : طيب بهدوء كده انا مش موافق


الجد : ده أمر مش بعرض عليك


رعد : يا جدى انت عارف انى بحب سلمى وهتجوزها


الجد : على جثتى يا رعد لو ده حصل 


رعد بعصبيه : وانا يستحيل اتجوز غيرها وكمان مش لاقى غير دى وتجوزهالى 


ادهم بصوت منخفض لهمسه: أنا احساسى بيقولى أن رعد وحور هيجتلوا بعض دلوجت 


همسه : أنا خايفه على اخوك والله 


ادهم بغيرة : وانتى تخافى على اخويا لي 


همسه : مالك يابا فى ايه انا اتكلمت م تولعوا كلكوا 


ادهم بضيق : اخرسى طيب 


همسه : بارد 


_______________________$__


فى اسكندريه


مراد : ماما مازن لسه مرجعش 


مريم : خليهم يربوه يا مراد اخوك يستاهل 


مراد : انتى مش خايفه عليه 


مريم : ان جيت للحق أنا هموت عليه بس انا نصحته كتير أنه يبعد عن السكه دى وميمشيش ورا ابوك ومسمعش الكلام د


مراد : حتى أبويا ماشى ورا مراته 


مريم : ربنا يهديهم يا حبيبي


مراد : يا رب يا ست الكل  


____________________________


فى القاهره


سلمى : وهو لما يمضى على الورق بتاع التنازل هنكون خلصنا منه 


قاسم : فاكس اوى الموضوع ده وبعدين عاوزه تقنعينى أنه هيسيبك ده هيموتك ف وقتها 


سلمى : ولا هيقدر يعمل حاجه لانه ذكى 


قاسم : ربنا يستر أنا مش مرتاح


سلمى : يا حبيبى أهدى كده ومتقلقش


_------------------------------------------------


فى اسكندرية


سهام : هو انت مش هتشوف ابنك 


اسعد : مش يمكن يكون لسه موصلهاش يا سهام 


سهام : لأ اكيد وصلها لانه عارف طريق البيت


أسعد: بس يمكن يكون معرفش يدخل ولا حاجه ولسه .......


سهام : لأ يا أسعد ابنك اكيد وصلها و ..............


مراد وهو يدلف إلى الداخل : معاها يا مراتك يا بابا 


اسعد : فى ايه يا مراد 


مراد : فى أن ابنك وصل للصعيد ورفع السلاح على رعد وهو دلوقتى محبوس ف المخزن 


سهام : يا لهوى ده مش بعيد يموتوه 


مراد : والله يستاهل 


اسعد : اتلم يا مراد واتكلم عدل ع اخوك 


مراد : ماشى هتلم أنا مسافر أنا كمان قريب للصعيد


سهام : برافو عليك يا مراد حتخلى حور تتنازل مش كده 


مراد : لأ هروح اقف معاها عشان محدش منكوا يقربلها بعد اذنكوا 


بعد خروج مراد من المنزل 


سهام : شوفت ابنك يا اسعد 


اسعد : وهو من امتى وهو بيفكر يأذى حور أو ياخد منها فلوس 


سهام :  خلاص براحه متزعقش أنا مالى 

--------------------------------------------


فى الصعيد 


الجد : شوفى يا حور  بطلى هزار وخلينا نتكلم جد 


حور : تمام ماشى 


الجد : أنا بقولك اهو أنا عاوزك تتجوزى رعد ابن عمك 


حور : مش موافقه 


الجد : لي يا بنتى 


حور : مينفعش رعد باشا يتجوز واحده معقدة وبيشفق عليها يا جدى


الجد : وانا مش باخد رأى حد أنا قررت وخلاص 


حور بعصبيه : وانا مش موافقه والجواز مش بالعافيه أنا لا يمكن اتجوز الحيوان ده وخلصنا 


اتجهت ازهار نحو حور ورفعت يدها لتصفعها على وجهها ولكن وجدت يد اوقفتها 


كريم : بتعملى ايه يا ازهار 


ازهار : سيب ايدى يا كريم دى عايزة تتربى من اول وجديد 


كريم : اهدى بس وقولي فى ايه 


أخذ كريم حور وجلسوا بعيد عن الجميع 

كريم : ايه اللى حصل يا حبيبتي 


حور ببكاء: يا عمى ده عاوزنى اتجوز أنا ورعد 


كريم : وانت مش موافقه لي 


حور : ابنك بيحب واحده تانيه 


كريم : وهى بتحب فلوسه يا حور 


حور : وانا مالى يا عمى وماله


كريم : انتى لو اتجوزتيه هيبعد عنها 


حور : أنا مش هتجوزه يا عمى وفر الكلام 


كريم : أنا عاوز افهم انتوا ازاى كده مش كنتوا كويسين لما كان بيجيلك اسكندريه 


حور باستغراب وهي تمسح دموعها : بيجيلى اسكندريه


كريم : أيوة يا بنتى ده كل شهر بيجى اسكندريه بناءً ع اوامرى أنا وجدك وبيجبلك فلوس عشان لو احتاجتى حاجه 


حور باستغراب : يمكن كان بيجى لازهار 


كريم: لا يا بنتى لما كان بيرجع كان بيقول أنه اداكى الفلوس ف ايدك 


حور : رعد عمره ما جالى يا عمى ولا ادانى فلوس 


كريم : ازاى ده 


حور : والله زى م بقولك كده 

وفى هذه اللحظه جلس ادهم بجانبهم ( كانوا قعدين بعيد عنهم عشان محدش يسمعهم ) 


ادهم : أيوة يا بابا رعد مكنش بيروح 


كريم : ازاى فهمنى 


ادهم : رعد كان اوقات بيروح الكليه بتاع حور ويشوفها من بعيد بس ويمشى ومش دايما


كريم : والفلوس 


ادهم بخوف : كان بياخدها ليه وبيصرفها على سلمى 


حور بضحك : والله م مستغربه يا عمى ده قال للسنيورة بتاعته انى معقدة وبيشفق عليا 


كريم : أنا اسف يا بنتى والله انا كن...................


حور : متتأسفش يا عمى عشان انت ملكش ذنب 


اتجه كريم نحو رعد وقام بصفعه على وجنته 


رعد بصدمه : فى ايه يا بابا 


كريم : انت كنت بتدى لحور الفلوس اللى بنديهالك 


رعد : ....................................... 


كريم : م تنطق يا رعد  


الجد : في ايه يا كريم أنا مش فاهم حاجه


همسه : اقولك أنا يا جدى رعد حفيدك مكنش بيدى حور الفلوس دى وكان بيجى بس يقف من بعيد خمس دقايق ويمشى ومش دايما وانا كنت هقولك من شويه 


الجد : الكلام ده صحيح يا رعد 


رعد : ---------------------------------- 


ازهار : مش مهم يا عمى خلاص اللى فات ملوش لازمه الكلام فيه دلوقتى 


امينه : شوف يا عمى أنا كنت ممكن اتفج معاك ف موضوع الجواز ده بس دلوجت أنا لا يمكن أوافق أن حور تتجوز رعد 


ازهار بس انا موافقه يا امينه وعمى موافق وكريم كمان 


كريم : اللى حور تشوفه ولو وافجت هتتم غير كده مش هيحصل بعد اذنك طبعاً يابا 


رعد : تمام وانا موافق بس الهانم. مش موافقه ف خلاص مش مهم الجوازه دى 


الجد : اسكت يا رعد . ها يا حور 


حور ببرود وهى تنظر لرعد : موافقه 


صمت الجميع مندهشين من تلك الحوريه 


حور : مالكوا لو عاوزنى ارجع ف كلامى أنا موافقه 


احتضنها الجد بفرحه 


الجد : مبروك يا نور عيني 


حور : قول ربنا يجعلها اخر الاحزان 


نظر لها رعد نظرة ناريه ونظرت له بتحدى 


امينه: بعد اذنك يا عمى عايزة حور شويه . تعالي يا حور وانتى كمان يا ازهار 


اتجهوا إلى غرفة امينه 


امينه : فكرى يا حور 


حور : فكرت يا ماما امينه 


ازهار : خلاص على خير ان شاء الله


امينه : معلش يا بنتى قدرك 


حور ،: متقلقيش أنا متجوزاه عشان اربيه مش اكتر 


امينه: وانا واثجه انك هتربيه 


حور بابتسامه : يلا اروح أنا بقا عشان اذاكر 


امينه : روحى يا حبيبتى  


عند رعد 


رعد وهو يتحدث فى الهاتف : يا حبيبتي والله هتجوزها كام شهر بس وهطلقها


سلمى: وانا كده صدقتك 


رعد : اهدى بس وانا هاجى بكره ونحل الموضوع ده وكمان انتى وحشانى اوى 


سلمى : مستنياك بكرة يا رعد اما نشوف 


رعد : ماشى يا حبيبتي مع السلامه  


بات الجميع فى سلام


___________________________________


فى اليوم التالى 


فى القاهرة

فى شركة المهدى 


سلمى : انت اتجننت يا قاسم جاى ليه هنا رعد على وصول 


قاسم : متقلقيش يا حلوة بس اوعى تغلطى 


سلمى: عيب عليك أنا سلمى بس قوم يلا امشى عشان رعد لو جه يبقا الله يرحمنا 

وفى هذه اللحظة دلف رعد إلى المكتب 


رعد : .....................


يتبع 

               الحلقه التاسعه من هنا

تعليقات

5 تعليقات
إرسال تعليق

إرسال تعليق