الفصل السابع
- موافقه ! انتي ي امل موافقه ، حط رجل علي رجل " بس اكيد في حاجة غلط مكنتش متوقع يعني بالسهوله دية هتوافقي معقول "
" فجاه امل فضلت تضحك وتسقف" تصدق ي مازن انت بضحكني والله بضحكني خالص هو دة اللي كنت مستنية مني يعني اني اقولك موافقه صح هه لا بجد مش قادرة " وفجاه سكتت وبدأت ملامحها تبقا حادة وجد " انت غبي ولا متخلف ولا شايفني اني انا اللي غبية وساذجة للدرجة يعني للدرجة اللي تخليك تاجي دلوقتي وتقولي انك بتحبني وعاوز تخطبني وانا قال أوافق بكل سهوله وياااااه مازن عمران عاوز يخطبني ي جماعه انا فرحانه مازن انا معنديش بربع جنية ثقه فيك ، مازن انت لو نسيت انت عملت اية انت والست امك
- امل
- يووووة قصدي الست والدتك ناظلي هاااانم ، بس يعني لو ناسي افكرك
- لا مش ناسي ي امل ، بس أنا قلتلك مستعد اصلح كل اغلاطي
- مازن انت حاولت تعتدي عليا وياريت سكت لا كمان واعتديت علي اختي بالفعل اختي يمااااااازن
- مكنتش عارف انها اختك
- لا والله يعني انت اللي فارق معاك هي اختي ولا لا ، ايا كانت هي مين حتي لو مش اختي انت واحد سافل وواطي ومقرف بجد انك تعمل كدة انت بني ادم هو انت شايف نفسك بني ادم يعني وتستاهل انك تعيش وسطنا لا انت ياما مريض ياما بقا جاي وتعمل نمره عليا وفكرني ساذجة للدرجة يعني ي مازن بيه
- بصي ي امل انا اول ما جيت قلتلك انا عارف اني غلط كتير اوي كمان ، بس مستعد اصلح اي غلطه عملتها ، وحكايه اني بحبك انا معرفش امتا وازاي واشمعنا انتي يمكن انتي اخر واحدة كنت اتوقع اني احبها انا فعلا مبعرفش احب وكنت معتقد اني عمري ما هعرف انا مبعرفش غير اتسلي بعترف بس انتي شدتيني
- هه عشان معرفتش تطولني ي مازن بس لكن مبتحبنيش
- بحبك بقولك بحبك ي امل متحاوليش تستفزني بقا ، عارف انك هتشفيني غبي وكنت عارف انك مش هتوافقي بسهوله بس معرفش كنت ناوي ابعد عنك بس اول ما شوفتك فالكلية معرفش اية خلاني اجي واقولك الكلمتين دول ، من الاخر شوفي اية ممكن يرضيك وانا هعمله
- عايز اللي يرضيني ي مازن
- ايوة ي امل اي حاجة اي حاجة
- انك تمشي دلوقتي من قدامي واني مش عايزة اشوف وشك تاني ومش عايزة المحك تاني خالص ولا انت ولا امك اة ولو بتحبني زي ما بتقول يبقا تبعد عن طريقي
- هه ابعد عن طريقك ، انتي تعرفي عن مازن كدة يعني ، نصيبك اني احبك انتي ي امل وانا لما بحب حاجة لازم باخدها مش بهدد ولا حاجة والله بس عايزك تعرفي انك فالاخر هتبقي لياااااا
- " امل وقفت وبصتله من فوق لتحت بقرف " عمرك ما هتتغير اصلا وسبته ومشيت
-ممكن اقابل ناظلي هانم
-ي آنسة امل معلش مينفعش
-اية هو اللي مينفعش ، وسع كدة وزقته ودخلت
-بصوت عالي " ناظلي هانم ي ناظلي هانم ي ناظلي هانم نااااظلي هاااااانم"
-اية اية الدوشة دية في اية
-والله ي ناظلي هانم حاولت امنعها بس معرفتش
-بصتله بغضب " طب سيبها وامشي انت
-حطت ايد فايد وبصتلها من فوق لتحت " نعم ! مش قلتلك مش عايزة اشوف وشك تاني ولا بتتعرضيلي ولا بتتعرضي لعيالي واني ممكن اوديكي فستين الف داهية
-انا جاية انهاردة ي ناظلي هانم وبقولك ابعدي مازن عني
-فكت أيدها " مازن ابني وآية دخله بيكي بقا احنا خلاص طلعناكم من حساباتنا خالص
-لا بس ابنك لية راي تاني ومطلعنيش لسة من حساباته ابنك اعترفلي بحبه انهاردة و عايز يخطبني
-اية انتي اكيد اتجنيتي امشي اطلعي برا
-لا متجنتش ولا حاجة أنا بس جيت عشان اقولك بعدي من طريقي خالص ، انا جيت عشان عارفه انك مسكاني من ايدي اللي بتوجعني وعارفه ممكن تعملي اية دلوقتي وتلبسيني قضية وتوديني فستين الف داهية زي ما بتقولي فياريت ابعديه من طريقي انا عايزة اعيش فسلام ومش عايزة مشاكل تاني
-مممم خلصتي !
-اه خلصت
-طب ابني لا بيحب حد ويوم ما هيحب مش هتكون انتي اكيد وبعدين انتي اللي ابعدي عن طريقه خالص ياريت يعني ومتحاوليش توقعيه انا عارفه حركات البنات
-ناظلي هانم انتي عارفاني كويس وعارفه اني مش بتاعت حركات ياريت يبعد عن طريقي وبس
-خلصتي لتاني مرة !
-ايوه خلصت
-تمام ، برااااااااااااا
-امل بصتلها بقرف ومشيت
- " اقسم بالله العظيم دول مش بني ادمين عاملين زينا لا لا اكيد دول وحوش أو شياطين لا يمكن يكونوا بني ادمين من لحم ودم زينا هو في كدة فالدنيا بجد انا كنت فاكرة أن القرف دة فالافلام بس لا دة طلع فالحقيقة ويوم ما اشوفه فالحقيقة يكون حاصل معايا انا اية ياربي الهم دة لا لا البني ادم تعب والله انا فرهدت من عيلت الوحوش دول استغفر الله العظيم يارب " اه مش تحاسب ماشي بالعربية أعمي يعني
- اسف اسف ، حصلك حاجة
- لا محصلش حاجة ، هو في حاجة ممكن تحصل اكتر من اللي بتحصل معايا دلوقتي
- نعم ! مش فاهم
- لا متخدش فبالك
- ماشي ، اسف مرة تانية اتفضلي ممكن اوصلك فاي حته عايزاها
- بخوف " لا لا شكرا
- متخفيش مالك خايفه لية اتفضلي
- ماشي " لولا ما تعبانه ومفرهدة مكنتش وفقت انا مش بوثق فنفسي بقيت بس يلا اية يعني هيحصل اكتر من كدة "
- امل انتي جيتي
- ايوة ي سما في حاجة
- ايوة
- بخضة ! في اية بابا جراله حاجة
- لا لا
- بخضة ! طب اية انتي حاسة بحاجة
- لا بردو ي امل في اية براحة ، قلبك بقا رهيف اوي لية كدة
- يعني بالله بتساليني لية بقا رهيف بالله عليكي بتسالي
- معلش انا عارفه كل اللي بيحصلك بسببي
- مش بسببك ي سما يمكن انتي سبب بسيط اوي من اللي الأسباب الكتير اللي فوق راسي
- بمناسبة الأسباب الكتير كنت عايزة اتكلم معاكي شوية
- ماشي اغير وهاجي نتكلم ونعمل كل حاجة عايزاها
- ها يست سما عاوزة اية
- امل اية المقابل اللي قدمتيه قصاد انك تطلعي وبابا يعمل العملية ناظلي دية واحدة سافله يعني اكيد مش شفقه ولا حب فينا ادتلنا الفلوس وطلعتك
- هوش هوش استني اشوف بابا
- نايم وقفلت الباب كويس قولي بقا ، انا اختك ولازم تقوليلي
- اختي !
- ايوة اختك ي امل غصب عنك عالفكرة
- ياااه ي سما كان نفسي من زمان نقعد مع بعض كدة واشوفك بتعتبريني اختك
- معلش ، عارفه والله اني تعبتك كتير معايا بس نعمل اية كنت غبية اوي
- معلش الواحد مش بيتعلم بسهوله
- المهم ، متتهربيش قولي
- خلتني امضي علي شيك بنص مليون جنية
- ايةةةةةة ، انتي اتجنيتي ي امل
- وطي صوتك ، طب كنت هعمل اية اسيب بابا يموت ي سما
- لا بس كنا هنتصرف
- هنتصرف ازاي بقا وكان العملية لازم تتعمل مكنش هنقدر نجمع المبلغ دة ، للحظه كنت هرفض بس لما فكرت فبابا لقيت نفسي بقول موافقه ومضيت عارفه أنه غلط وأنها ممكن دلوقتي الاقي الباب بيخبط و هيقبضوا عليا بس مكنش في حل غير دة
- طب وهنعمل اية
- معرفش هنعمل اية ي سما واللي زاد وغطا السافل ابنها جاي انهاردة يقولي بحبك وعايز اخطبك
- ايةةةة مازن دة سافل وواطي وزباله وانا بكرهو بكرهووو بكرهووو اية الغبي دة يعني فاكر انك هتصدقيه هو اية الهبل دة بجد
- اهدي اهدي خلاص وحضنتها انتي يعني تفتكري اني هوافق اتجنيتي انتي صح " استغفر الله العظيم يارب يارب دلني علي الطريق الصح وبس "
-
- الو ، السلام عليكم ،ازيك ، اسفه اني بكلمك فالوقت دة ، هو انا لو طلبت اي حاجة ممكن يتنفذ ، اي حاجة اي حاجة تمام ماشي بكرة ممكن نتقابل ، تمام شكرا جدا " امل مسكت التليفون وهي مبتسمة وفرحانه "
-انت جيت
-جيت بس تعبان مش قادر اتكلم
- مازن تعالا هنا
-" مطنشها وطالع "
-مازن بقولك تعالا هنااااااا
-نعم
-انت اية اللي عملتو انهاردة دة
-عملت اية !
-مش عارف يعني
-لا مش عارف
-انا مش قلتلك طلع بت مضان من دماغك وانتي وعدتني لازمتها اية تروح تقابلها وتعمل الشويتين دول معاها لا وكمان عايز تخطبها
-انتي بترقبيني ي ناظلي هانم
-لا مش بارقبك بس كل حاجة بتوصلني اوعا تفتكر اني هبقا مغفله زي كل مرة
-ماما انا قلتلك اني بحبها صح
-صح ، وانا قلتلك تبعد عنها وتنساها
-بس انا منستهاش ، ومعرفش لية هي واشمعنا وعارف أن غلط ومينفعش اصلا بس بحبها وعايزها وانا عمري ما هسيب حاجة بحبها ي ماما
-ماززززززن انا لاخر مرة بحذرك ، فاااااهم ، انت فاكر انها هترضا يعني أنت غبي وبعدين حتي لو رضيت هترضا لية تفتكر حبا فيك مثلا بطل غباء واعقل
-بصلها بغيظ وسابها ومشي
" تاني يوم فالكلية "
-امل ي امل
-اووووووف " انت تاني في اية تاني
-فكرتي
-يابني انت غبي ، والله ي مازن انت متخلف
-امل ، متحاوليش تستفزني " بصوت عالي شوية" انتي عارفه
-عارفه اي ها عارفه اية انطق هدد يلا وريني وشك الحقيقي ويلا اقلع قناع البراءة اللي لبسها من امبارح وحوار انك بتحبني دة
-طب هو اية يثبتلك اني بحبك
-ولا حاجة قلتلك مش بوثق فيك
-طب حاولي اطلبي اي حاجة وانا هنفذها
-بخبث " اي حاجة اي حاجة
-ايوة
-طب ...... توافق انك تتجوز سماا
-نعم !
-هه ، اية مش انت قلت اطلب اي طلب عايزاك تصلح غلطتك سعتها ممكن أوثق فيك ولو شوية يعني
-طب وبعد ما اتجوزها اية استفدت بردو مبقتيش ليا
-لا ما انا ساعتها هعرف انك بتحبني و ممكن احن وافكر فموضوعنا
-ممكن تفكري
-اة افكر ي مازن ، اكدب عليك لو قلتلك اني ممكن اسامحك بسهوله بصراحة أنا عشان اتقبلك اصلا دة ممكن ياخد منك كتير اوي اوي اوي اوي اوي
-طب وانا اية يخليني اعمل كدة وانا عارف انك مش هتحبيني اولا وثانيا مش هتوثقي فيا وممكن بعد ما أطلق مترضيش بيا بردو ، واكيد يعني ي امل مش هترضي تتجوزي جوز اختك
-مممم صح ممكن بردو ، بص والله انا مقدرش اديك اي ضمانات ، وهو دة طلبي وبرحتك
-امل ! طبعا مش موافق ، وانتي هعرف اخليكي ليا
-طريقتك دية لو متغيرتش ياريت مشفكش فطريقي تاني ي بن ناظلي ....هانم ولا اشوف وشك تاني ولا اصلا انت عمرك ما هتتغير هتفضل طول عمرك كدة ومشيت
- ماشي ي امل ماشي ، وبردو هتبقي لياااا بإرادتك بقا غصب عنك هتبقي ليا
- ازيك ي مني
- امل !
- ايوة امل
- عرفتي بيتي ازاي
- اللي يسأل بقا ميتهوش
- عايزة اية
- طب مفيش اتفضلي حتي
- اتفضلي ! ها عايزة اية بقي
- ماما ي ماما
- دية بنتك ، تعالي ي قمر واخدتها واديتها بوسه فخدها ، ماهو انتي عندك عيال ي مني مش قبل ما تعملي القرف اللي بتعملي انتي ومازن دة تفكري فبنتك دية
- مني شدت بنتها " انتي عايزة اية ي امل
- انتي ازاي تعملي كدة لية يعني تساعدي مازن فالقرف دة انتي اية مش بتسالي نفسك أن دول بنات وليهم ناس حرام عليكي يشيخة
- انا بساعده اه بس اكيد مش راضية عن اللي هو بيعمله دة
- لا والله ، يووة معلش ظلمتك معرفش انك مش راضيه وانتي بتعملي كدة ، مني انتي بتساعدي مازن علي أنه يغتصب بنات عارفه دة معناه اية انك واحده ولا بلاش
-عالفكرة انا السبب أن دكتور ادم ياجي ينقذك عشان كنتي صعبانه عليا وحسيتك غلبانه ومش وش ذلك وسعتها كلمت دكتور ادم وجية يساعدك يعني لولا ما انا ساعدتك كنتي
-هه ، ساعدتني لا والله المفروض اني اشكرك صح واني ابوس ايدك عشان ساعدتني واختي اللي مساعدتهاش ذنبها اية
-اختك ! انا....ا ...ا
-يعني انتي بتعترفي انك اللي بتساعديه علي الحاجة دية
-ايوة بساعده بس غصب عني
-طب انا جايه اطلب طلب منك وياريت يعني تعملية
-اية !
......
- نعم ! لا لا مقدرش اقول حاجة زي كدة دول ممكن يقتلوني ناظلي مش هتسبني
- يعني مش هتساعديني ، هما مش هيعرفوا انك انتي
- لا مقدرش ، ومعلش ي امل اتفضلي من بيتي ومش عايزة اشوفك تاني هنا
- مني !
- ......
" بعد أيام في بيت ناظلي "
-ي مازن بيه بنتي بتموت ي مازن بيه انا محتاجة فلوس
-مفيش فلوس ي مني
-ي مازن بيه هتموت
-ما تموت ي مني انا مالي
-ي مازن بيه انا بقالي فترة كبيرة بخدمك وبعمل كل حاجة بتقولي عليها وانت وعدتني انك تدفع فلوس العملية بتاعت بنتي
-بس انا مقلتلكيش انك تتصلي بادم وتقوليله علي امل "وضربها بالقلم "
-مسكت خدها " انا ...انا مقلتلوش انا مش انا هو اللي جية
-برا ي مني برااااا
-ابوس رجلك ابوس ايدك انا محتاجة الفلوس وقعدت علي الارض
-مفيش فلوس قلت وزقاها
-" اشرف ، مراد " خدوها برااااا
-حسبي الله ونعمه الوكيل حسبي الله ونعمه الوكيل فيكم
" في منزل امل "
- امل تتحدث مع مجهول "
- الو ، يعني لسة بردو ، طب امتا ، مستعجلة دية كلمة قليله انا مستنية بفارغ الصبر طبعا ، صح انا صبرت كتير هصبر المره دية كمان ، ماشي ، سلام
- امل ي امل
- اية ي سما
- بتكلمي مين
- اية ، لا دية شهد
- اه طب يلا حضرت الغدا
- سما رمضان حضرت الغدا لا لا دة انا اروح اخد برشام مغص بقا
- هه ، امل انتي طيبة اوي وحضنتها
- وانا بحبك اوي ، وقريب هجبلك حقك زي ما وعدتك وبصت عالتليفون بتاعها
- واثقه فيكي وصابرة عشان عارفه انك الوحيدة اللي هتجبيلي حقي ، يلا بقا قومي وعايزاكي تقولي لبابا انك انتي اللي محضراه عشان يأكل مش هيرضا لو عرف أن انا
- بصتلها بحزن " ماشي ي سما "
--بعد فترة
- امل
- بصت وراها لقت مازن وكانت هتسيبه وتمشي
- مسكها من أيدها " استني
-بزعيق " مازن سيب ايدي
- موافق اتجوز اختك
