الفصل الاول
_ البس التيشيرت الابيض ولا الازرق
= امممم الابيض احلي
ابتسمت_ ماشي
دخلت لبست التيشيرت الابيض و بنطلون اسود و كوتشي ابيض و سلسله علي شكل فراشه و عملت شعري ذيل حصان و شنطه لونها اسود و طلعت من الاوضه
_ يلا
بيتكلم ف الموبايل= طيب طيب انا جاي
= شمس معلشي والله مش هنعرف ننزل عشان جالي مشوار مفاجئ
ابتسمت ابتسامه حزينه_ خلاص مش مشكله يوم تاني
= سلام
_ سلام
قعدت ع الكنبه و نفخت جامد ، انا متعوده ع كدا ، اي خروجه سوا بتحصل حاجه و تتكنسل ، احمد اخويا ، دايماً مش معايا ف اي حاجه ، انا و احمد مش قريبين من بعض تماماً ، هو شخصيه و انا شخصيه مختلفه خالص ،احمد حرفياً ميعرفش عني حاجه ، بحب اي بكره اي ، ولا حتي بيفكر يعرف ، يمكن بيهزر معايا و ان الكل شايف اننا قريبين من بعض بس دا مش حقيقي ، كلمت نور صاحبتي ، ننزل نعمل اي حاجه
_ ايوا ي نور
= اي ي بنتي عامله اي
_ تمام بقولك اي
= معاكِ
_ م تيجي ننزل نتمشي شويه
= طب اشطا خمسه و هتلاقيني عندك و نتمشي
ابتسمت_ خلاص ماشي سلام
= سلام ي ميمي
نور الوحيده اللي لما بتخنق او بدايق بروحلها ، هي الركن الهادئ اللي ف حياتي ، صاحبتي الوحيده تقريباً
_ ايوا ي نور
= ميمي انا تحت البيت يلا انزلي
_ ماشي
نزلت و اتمشينا لغاية البحر و قعدنا هناك
_ ميمي
و انا باصه ع البحر= نعم
_ انا جعانه
بصيت ليها= ي شيخه يخربيت كدا
ضحكت_ م اعمل اي انا مليش ف جو الاستجمام دا
= يلا اوديكي اي مطعم تكلي فيه احسن م تبلعيني دلوقتي
ضحكت= يلا
روحنا مطعم و اكلنا و بابا رن عليا
_ ايوه ي بابا
= شمس هتيجي امتا؟؟
_ شويه و هاجي
= طب انا عايزك ف موضوع كدا
_ مهم يعني؟؟
= اه
_ طب نصايه و هاجي
= تمام
نور= ف اي
_ بابا عايزني ف موضوع و مقاليش هو اي
= طب روحي دلوقتي عشان متتأخريش و انا هبقا اكلمك لما اروح
_ خلاص ماشي استني هدفع
= ي ماما انا اللي عزماكي يبقا انا اللي ادفع
= اي الكذب دا
_ هو كدا بلطجه يلا قومي
ضحكت= طب اهدي طيب
روحت و دخلت لقيت بابا قاعد بيقولي
_ شمس تعالي عايز اقولك خبر هيفرحك اووي
= اي ي بابا
ابتسم_ سلمي بنت عمتك
= مالها
ابتسم_ هتولد كمان اسبوع
ضحكت بفرحه= بجد
_ اه والله ، و احنا هنروحلهم
ابتسمت= امتا؟؟
_ كمان يومين كدا ، و عارفه مين جاي
= مين؟؟
ضحك بسعاده_ كل قرايبنا مش عمامك بس
_.....
