رواية داليدا انا عايز اتجوز كاملة وحصرية بقلم مجهول
الفصل الاول
_داليدا أنا عايز اتجوز
_ليه! هى مراتك القمرز اللى هو أنا ناقصها حاجه!!
_يا بنتي أنا مبهزرش .. نفسى ف ابن يشيل اسمى وانتى مش هتقدرى تعملى ده
_كلامك ده بجد!!
_..............
_رد عليا ي جاسر .. انت بتعايرنى عشان مبخلفش!!
_أنا مقصدش بس أنا نفسى يبقى عندى ابن ، من حقى اكون أب ي داليدا
_فعلاً ده حقك ، وحقك تتجوز التانيه والتالته والرابعه .. بس لو حصل واتجوزت يبقى تطلقنى ي جاسر ، ده مش تهديد بس أنا فعلاً مقدرش اشوفك مع واحده تانيه
"بقالنا 5 سنين متجوزين ومفيش أمل إنى أخلف ، ف البدايه أول ما عرفنا ان المشكله منى جاسر كان دايماً يصبرنى ، كان بيقولى انه مش عاوز حاجه م الدنيا غيرى .. بس فين كلامه ده دلوقتى! أنا عارفه ان الأطفال أجمل نعمه ممكن ربنا ينعم بيها على عباده بس للأسف أنا اتحرمت منها ولكن ربنا عوضنى عنها بحاجات كتير
رزقنى العلم ، والمال ، و زوج صالح بيحبنى (أيوه جاسر بيحبنى وأنا عارفه انه مضغوط ومتضايق بسبب الموضوع ده وبسبب زن صحابه ومامته عليه بس عمره ما هيسمع كلامهم فالنقطه دى بالذات عمره ما هيقرر يتجوز ولا يستغنى عنى)
***
_انت ي أستاذ افتح الباب ، الأوضه مش بتاعتك لوحدك عاوزه انام
بيفتح الباب :مش انتى اللى اتقمصتى و روحتى الأوضه التانيه .. ادخلى
_اروح الاوضه التانيه اروح المطبخ ان شالله اروح الحمام حتى دى هتفضل أوضتى ومش من حق أى حد يسيطر ع أملاكى
_عملتى العشا؟
_لأ احنا متخاصمين روح انت اعمله
_يا هبله المفروض تثبتى كفائتك كزوجه علشان مشوفش واحده تانيه
_تفتكر!
_أيوه طبعا..
_خلاص هثبت كفائتى بعدين ، قوم يلا دلوقتى اعمل عشا حلو وصالحنى
_لأ مكسل
_طب هنفضل متخاصمين كده كتير!
_أيون .. يلا بقا اتقمصى و روحى الأوضه التانيه ، انتى تخنتى أصلا والسرير مبقاش يكفينا
_ي ابنى انا 72 كيلو بس
_ي إيه!!
_ي حبيبى
_فى واحده محترمه تقول لجوزها ي حبيبى وهى زعلانه منه!
_خلاص بقا اعتبرنى صالحتك
_حلوووو جداااا .. يلا بقا قومى اعملى العشا
***
_ها ي ابنى اى رأيك فالعروسه اللى كلمتك عليها امبارح
_ي ماما أنا مش هتجوز ، أنا راضى ب داليدا وعجبانى حياتى معاها كده
_داليدا داليدا .. أنا مش فاهمه عاملالك اى البت دى
_مراتى ي ماما وبحبها
_بس ده حقك يا ابني ومش عيب ولا حرام انك تتجوز تانى
_ده هيزعلها منى جامد ، مش هتقعد ف البيت لحظه لو اتجوزت عليها
_يعنى انت رافض عشان خايف منها!! مبتسمعش كلمه أمك عشان مراتك!! مش كفايه اختارتها من الأول ومسمعتش كلامي! لو كنت خدت بنت خالك زي ما قولتلك كان دلوقتي معاك بدل العيل اتنين
_ي ماما ده نصيب وانا والله راضي بحياتي كده
_بس أنا مش راضيه وخلاص أنا خدت ميعاد من الناس وهنروحلهم الخميس الجاى ي جاسر ولو مجتش الميعاد يبقي أنا اللي همشي من البيت
***
_انت جيت ي جاسر .. تعالا بسرعه دوق الكفته دى وقولى عرفت اثبت كفائتى كزوجه ولا لأ
_ماليش نفس
_تعالا بس ده أنا حتى عاملاها بالحُب
_قولتلك ماليش نفس
_طب وحياة الحُب
_داليدا !!!!!
_مالك ي جاسر
_مفيش أنا داخل انام
_تنام اى انت عمرك ما نمت العصر!
_داليدا أنا هتجوز ورايح اقعد مع اهل البنت يوم الخميس الجاي وفجاه
