روايه عتيق قلبي الفصل الرابع

 الفصل الرابع

• هدى بصدمه : عتيق

• مراد : إنتى تعرفي حد بالاسم ده يا هدى

• هدى بتوتر : هى عتيق عملت حاجه يا فندم والله هي بنت كويسه وغي حالها ومش بتحب تأذي كد

• عمر : متخافيش يا هدى ليه متوتره كده ده إحنا محتاجين عتيق في خير مش في اى أذي خالص

• مراد بإهتمام : هي فين عتيق يا هدى

• هدى : على مكتبها يا مستر مراد بتشتغل

• مراد لعمر : يعنى عتيق هنا كل الوقت ده وإحنا بندور عليها في أماكن تانيه

• عمر : ممكن ندهيلها يا هدى أرجوكى

• هدى : حاضر بس بلاش تأذوها بالله عليكم دى شافت مر في حياتها يكفي بلد بحالها

• مراد : والله مفيش أذيه خالص يا هدى ده كل خير أن شاء الله بس متقوليلهاش حاجه ارجوكى خليها تيجى وبس

• هدى: حاضر

• وراحت هدى واتصلت على عتيق وقالت لها تيجى على مكتبها بسرعه

• عتيق : في إيه يا بنتى مالك تعالى بسرعه تعالى بسرعه

• هدى : المدير عايزك ضرورى يا عتيق

• عتيق : وانا إيه علاقتى بالمدير يا بنتى عايزنى في إيه

• هدى : مش عارفه والله أدخلى وشوفي عايز إيه

• عتيق : لا يأختى تعالى معايا أخاف أروح لوحدى

• وخبطت هدى على مكتب مراد ودخلت وقالت ان عتيق جت

• مراد : دخليها بسرعه يا هدى

• وقام يستقبلها هو وعمر

• مراد : أنسه عتيق محمود الزهار

• عتيق : أيوه يا فندم حضرتك انا عملت حاجه

• مراد : لا أبدا بس إنتى ليكى عندى حاجه ولازم أديهالك

• عتيق بإستغراب : حاجه إيه يا فندم

• مراد : اتفضلى اقعدى يا عتيق هشرحلك كل حاجه وبلاش يا فندم دى انا أسمى مراد

• عتيق : العفو يا فندم المقامات محفوظه برضو

• مراد : انا أبقي إبن عمك يا عتيق إسمى مراد أحمد الزهار

• عتيق : مش فاهمه حاجه

• مراد : يابنتى بصي عمى محمود الله يرحمه لما أتجوز والدتك جدى الله يرحمه مكانش موافق ف عمى ساب كل حاجه وفضل مع مامتك صح

• عتيق : ايوه صح ده حصل

• مراد : لما عمى ساب كل حاجه جدى قسم كل حاجه بالعدل بين بابا أحمد الله يرحمه وعمى محمود ولما أتوفوا من زمان جدى برضو فضل على التقسيمه دى وقبل ما يتوفي من سنه قالى ان عمى محمود عنده بنت ولازم أدور عليها وأديها حقها ومن يومها وانا بدور عليكى في كل مكان والمكان الوحيد اللى مدورتش عليه كان هنا في المجموعه

• عتيق بدموع : انت بتتكلم جد

• مراد : طبعا يا عتيق وإنتى ليكى نص الاملاك اللى عندنا كلها هجيب المحامى دلوقتى يعرفك كل حاجه وتاخدى كل حقوقك انا مستحيل أكل حقك

• عتيق بصت لهدى : شوفتى يا هدى ربنا مبيضيعش حق حد أخدوا منى شقتى اللى ورثتها عن بابا وربنا أدانى فلوس بدون حساب ربنا بيجيبلى كل حقوقي من البشر

• هدى بفرحه : ربنا كريم يا حبيبتى ولسه هيجيبلك كل حقوقك من الحقير أدهم وأمه دول

• عمر : مين الناس دى

• هدى : دى خاله عتيق وده كان جوزها بس عذبوها

• عتيق : هدى لو سمحتى أسكتى

• مراد : قوليلى فين دول وانا أجيبلك منهم حقك واوريهم النجوم في عز الضهر

• عتيق : صلوا على النبي يا جماعه وأهدوا كده انا سيباهم لربنا بس انا عايزه اطلب منك طلب يا فندم

• مراد : إحنا قولنا إيه

• عتيق بكسوف : يا مراد

• مراد داب في ثوانى : ها

• عتيق : عايزه اطلب طلب

• مراد : من غير طلب إنتى تؤمري يا حبيبتى احم احم اقصد يا عتيق

• عتيق : أدهم أخد شقتى من بابا انا عايزه ارجعها تانى

• مراد : تحت أمرك يا برينسيس عتيق بس تعالى الاول نشوف المحامى وتاخدى حقوقك وبعدين أخدك على القصر وتشوفي ماما وجيجي أختى الصغيره

• عتيق : تمام

• وجه المحامى وأداها فلوسها وعرفها نصيبها في المجموعه والقصر وكل الاملاك اللى عندها نسيبهم يشوفوا الحاجات دى ونروح لمكان تانى

• رهف داخله من بابا البيت بتنده على أمها وهي مبسوطه : يا ماما يا ماما تعالى بسرعه

• أم أدهم : مالك يا زفته إنتى بتزعقي ليه في إيه

• رهف : أخيرا يا ماما وقعته وقالى بحبك

• أم أدهم : مين ده يا بت أنهى واحد فيهم

• رهف : شادى يا ماما إبن خاله خطيبه أدهم وقالى إنه بيحبنى وعايز يتجوزنى

• أم أدهم : أيوه كده جدعه يابت زى أمك أنتى واخوكى اللى نصرتونى مش أخواتك البنات اللى عايشين في فقر ولا أختك الزفته اللى اتطلقت ب ٣ عيال دى

• رهف : يا ماما بكلمك في إيه وإنتى في إيه

• أم أدهم : ده غنى قوى يابت ولا إيه

• رهف : بيتهم قصر يا ماما كبير قوى وأمه مناخيرها في السما كده عليوى قوى يا ماما

• أم أدهم : أدلقي عليه يا بت واى حاجه يقولهالك قوليله ماشي

• رهف : هو في حاجه كده

• أم أدهم : إيه هى

• رهف : عايزنا نسافر سوا إسبوع كده مع اصحابنا وانا قولتله إنك شديده قوى ومش هتوافقي ف هو قال هيكلمك

• أم رهف : جدعه يا بت أما يكلمنى هكشمله شويه وهوافق

• رهف : طيب إيدك بقي على الفي تلاته كده

• أم أدهم : نعم يا حيلتها

• رهف : هسافر كده يعنى بالهدوم دى مش لازم أجيب حاجات تليق بيا

• أم أدهم : عندك حق خشي خدى من الدولاب اللى إنتى عايزاه بس حاسبي متاخديش كتير دى فلوس أدهم

• وكانت أختها بتسمع كلامهم وقالت لامها

• هدير : يا ماما إيه اللى بيحصل ده هتبوظى رهف كده

• أم أدهم : أخرسي إنتى ملكيش دعوه كفايه غيره

• هدير : انا غلطانه أولعوا بس متزعلوش في الاخر

• وفي مكان أخر

• أدهم : وبعدين بقي يا هند مش كفايه شرب بقي ده إحنا لسه بالنهار وفي بدايه اليوم

• هند : يووووه بقي إبعد عنى يا جدع إنت انا اعمل اللى انا عايزاه وانت مالك

• أدهم : مالى انا كلها شهر وهكون جوزك

• هند : لما تبقي جوزى أبقي إتكلم أبعد بقي تعال نرقص يا شريف

• وفضلت ترقص وأدهم بيتفرج عليها ومتغاظ بس مش قادر يتكلم لانه عامل فيها إنه سبور ومتفتح وكده

• نرجع لعتيق ومراد

• عتيق : انا مش هقدر أسيب طنط وهدى هم مسابونيش في أزمتى وانا مش هسيبهم لما ربنا فرج عليا

• مراد : عتيق دى فلوسك وحاجتك وبيتك تقدرى تجيبي اللى تحبيه يقعد معاكى في أى وقت

• عتيق بسعاده : تمام

• واخدت هدى وراحت على المول يشتروا حاجات ليهم ورهف كمان راحت نفس المول وفي نفس المول أدهم وخطيبته هند كانوا في الديسكوا اللى فيه يا تري إيه اللى هيحصل وممكن يتقابلوا كلهم في نفس المكان ولا إيه

الفصل الخامس من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال