Ads by Google X

روايه عشق حمزه الهوارى الفصل العاشر


 الفصل العاشر

فى قنا
كان قصر حمزه ملئ بالضيوف الذين أتوا للتهنئه بالزفاف السعيد وبعد عقد القران كان حمزه يرتدى الجلباب الابيض وفوقه العبايه السوداء التى تتزين بحدود ذهبيه ويجلس بين الضيوف يهنئونه بالزواج وتظهر السعاده واضحه على وجهه
وفى الداخل
كانت ريم ترتدى فستان ابيض اللون وكانت تتزين بكميه كبيره من المجوهرات تنفيذا لعاداتهم فى قنا وكانت جالسه بين النساء يزفونها بالاغاني التقليديه وتجلس بجوارها والدتها التى تنظر الى ساعته كل فتره
ريم:مالك يا ماما فى حاجه ولا ايه
والدتها:ابدا يا حبيبتي انا بس مش عايزه اتأخر على جوزى انتى عارفه انا سيباه قاعد لوحده
ريم:طاب هو مجاش معاكى ليه على الاقل كنتى عرفتى تباتى هنا
والدتها:هييجى معايا ازاى وانتى رفضتى اخوه ...ووقفت ...على العموم انا جيت عملت الواجب همشى انا بقى
ريم:طاب هتمشى دلوقتى مش هتستنى الزفه
والدتها:معلشى يا حبيبتي المهم انك فرحانه يلا مع السلامه
وتركتها والدتها وذهبت لتستقل احدى السيارات التى جهزها حمزه لنقل الضيوف بينما حزنت ريم لما فعلته والدتها فشعرت كوثر بحزنها وجلست جوارها
كوثر:عروستنا الجمر سرحانه فى ايه...اضحكى وفرفشى النهارده ليلتك ومتخليش اى حاجه تعكر دمك يا بنيتى







ريم:بأبتسامه:حاضر يا ماما الحجه ربنا يخليكي ليا يارب
كوثر:وهى تقبلها:ويباركلك فيكى يا بتى
وهنا أعلنت تفيده عن دخول حمزه لأصطحابها الى غرفتهم فأقبلت اليها عائشه تحييها قبل وصول حمزه
عائشه:مبروك يا عروسه
ريم:الله يبارك فيكى يا عائشه عقبالك
عائشه:وهى تحتضنها وتهمس فى اذنها:عيشيلك يومين حلوين يا عروسه محدش عارف مين هيموت جبل مين بس صدجينى محدش بيأخد حاجه بتاعتى وبسبهاله والبادى اظلم
وتركت ريم وسط ذهولها مما سمعت وأخرجها من ذهولها مجئ حمزه ورؤيتها له بالملابس الصعيديه التقليديه للأفراح وعندما لاحظت انه ايضا يتأملها شعرت بالخجل واخفضت وجهها أرضا فوقف حمزه بجوارها واتجه بها إلى غرفتها وسط الزغاريد والمباركات
👣👣👣👣👣👣👣👣👣👣👣👣👣
بعد اسبوع
فى القصر
كانت ريم تجلس مع كوثر وكانت ترتدى عباءة استقبال باللون الزهري فقد اخبرتها كوثر بوجوب الهبوط الى الاسفل حتى تأتى السيدات لتهنئتها وعندما انتهوا جميعا من إعطاؤها الهدايا وتقديم التهانى غادروا جميعا
كوثر:معلهش يا بتى اكيد صدعتى من رغى الحريم بس دى عاداتنا
ريم:بالعكس دول كانوا لطاف اوى
تفيده:انى هجوم انجل الحاجات دى لفوج
ريم:طيب استنى اجى اساعدك
تفيده:يا عيب الشوم انتى ست العرايس تجعدى والكل يخدمك
عائشه:التى تجلس معهم بنفور:يعنى هى طول عمرها عندها اللى بيخدموها
ريم:بهدوء:لا طبعا مكنشى عندى والموضوع ده ميعبنيش فى حاجه
عائشه:وهى تنظر اليها بقرف:طبعا بنت فجر تضايجى من ايه
كوثر:بغضب:عايشه اتحدتى زين مع مرت الكبير يا اما تدلى على دار ابوكى
عائشه:بجى كدا يا مرات عم تطردينى عشان دى ...واشارت لريم بأشمئزاز....اللى اهلها ذات نفسيهما ميعرفوش عنها حاجه رمينها رميت الكلاب اللى ....
أوقفها جذب حمزه لها الذى لم تره وهو يدخل وضربها على وجهها بكف يده وقال لها وهو ينظر اليها بشر






حمزه:لما تتحدتى عن مرتى تتكلمى زين انتى جاعده فى دارها واى كلمه تطلع من خشمك تفكرى فيها الف مره جبل ما تجوليها هبه دى ست البنات وست النجع كله فاهمه ولا افهمك
ريم:وهى تقف بينهم:خلاص يا حمزه علشان خاطرى هى متقصدشى ....اااه
عائشه:وهى تدفعها بعيدا عنها:مبجاش غيرك انتى اللى تدافع عنى انى عايشه ستك وست اهلك كلهم
حمزه:وهو يضم ريم التى وقعت على صدره:الدار دى متدخليهاش تانى الا لما تعرفى تتحدتى ذين يا بت عمى اخرجى بره ...يلا
خرجت عائشه وهى تتوعد لريم برد الصاع صاعين بينما اجلس حمزه ريم على المقعد المزدوج وجلس بجانبها
كوثر:انى مش عارفه مالها عايشه عمرها ما كانت جاسيه أكده
حمزه:أدى اخرت دلع عمى فيها عايشه دى عايزه كسر رجبتها...ونظر الى ريم بحنان.....كيفك دلوجيت زينه
ريم:بأبتسامه :الحمد لله
نظرت ريم الى حمزه الذى وقف امام ابنه عمه من اجلها وامنت أن هذا الرجل هو فعلا من يستحق حبها واحترامها تأكدت الان انها قد أصابت فى اختياره


بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-