Ads by Google X

القائمة الرئيسية

الصفحات

روايه حكاوي العز الفصل الاول


 الفصل الاول

- صباح الخير يا حبيبي
- صباح الخير يا حبيبتي "راح ع ايدها وباسها"
-اقعدي يا حبيبي افطر معايا قبل ما تروح الشغل
-حاضر يا ست الكل
- عز
-نعم يا امي
-انت هتخلص شغل امتي النهارده
-" بص في ساعته " الساعه دلوقتي 9 وعندي اجتماع الساعه 10 هخلص الساعه 1 ان شاء الله
- طب كويس اوي
-ليه في حاجه ؟
-انت عارف يا ابني ان من سنه خالك مات الله يرحمه ومراته ماتت من 4 شهور، وسايبين بنت ومكنتش راضيه تنزل الا اما تخلص دراستها وتقفل كل حاجه تخصهم هناك
-اه عارف ، الله يرحمهم ، مالها بقا بنتهم؟
-المحامي بتاعها اتصل بيا وقال ان هي خلصت دراسه من شهر وقفلت كل حاجه لهم هناك و قررت خلاص ترجع ، وطبعاً انت عارف ان ملهاش حد غيرنا
-بضيق:- اه وبعدين المفروض اعمل ايه
- عز يا حبيبي الطيارة بتاعتها هتوصل بكره الساعه 5 عايزاك تخلص وتروح تجيبها من المطار
-انتِ بتقولي اي يا ماما اروح اجيب مين ، اروح اجيب واحده انا مش عارفها اصلا ولا عمرى شوفتها ، والله أعلم عامله ازاي ، تربيه أمريكا مش زي هنا واكيد تشبهلهم ، مش هينفع تجي هنا يا ماما
- عز ، انت عارف بتتكلم عن مين دي بنت اخويا ، ومسمحلكش تتكلم عنها كدا ، ولو مروحتش جيبتها انا هروح اجيبها بنفسي و بعدين انا متاكده ان ريحانه خالك رباها ع خُلق كويسه ورباها كويس جداً ومامتها كانت ست محترمه جداً
-بينفخ بضيق وهو بيقوم :- حاضر يا ماما حاضر، هروح








- صباح الخير يا باشمهندس عز
- صباح الخير يا عم ابراهيم ، اكلت ليل و بيلا
-بيلا اكلت ، اما ليل رفض ياكُل ، حضرتك عارف انه مبيحبش حد ياكله غيرك
- طب روح انت ياعم ابراهيم وانا هروح اخليه ياكُل قبل ما اروح الشركه
-حاضر يا بيه
-اي يا سي ليل رافض تاكل ليه
" عمله صوت كإنه بيقوله انه متضايق"
- بمشي ايده ع ضهره:- وانا كمان متضايق يا ليل ، ماما مُصره اني اروح اجيب بنت أخوها من المطار ، اللي انا معرفهاش اصلا
"رفع صوت صهيله متجاوب معاه"
- مد ايده بالسكر بتاعه :- كُل يلا عشان امشي ، عارف انك زعلان مني لاني مقصر معاك ، اوعدك اني هخلص اللي ورايا النهارده وهاجي اسهر معاك بليل
"عمل صهيل واكل السكر من ايده "
-تمام كده اتمني نكون اتفقنا ع كل حاجه ، عشان نبدأ ننفذ ع طول
-كدا كويس جداً يا باشمهندس عز
- تمام نوقع ع العُقود بقا
- مبروك علينا
-مساء الخير يا ماما
-مساء الخير يا حبيبي ، اتأخرت كدا ليه مش قولتلي هترجع الساعه 1 الساعه 3 دلوقتي
-معلش يا ماما كان في شغل متاخر بخلصه
- طب يا حبيبي ، هتروح تجيب بنت خالك
-بضيق :- حاضر ، هطلع بس اخد شور واغير هدومي واروح
-ماشي يا حبيبي
- بضيق وخنقه :- من اولها كدا الست ريحانه معطلانا
-مساء الخير، حضرتك باشمهندس عز
-ايوة ، حضرتك مين ؟
-بيمد ايده :- انا المحامي بتاع خال حضرتك اسف ع التاخير
- مد ايده وسلم عليه:- اه اهلاً وسهلاً ، لا ولا يهمك
-اهلاً بحضرتك ، معلش 5 دقايق بس وانسه ريحانه هتيجي
-تمام
After 5 minutes
-اهي جات اهي
-بيبص بصدمه
- وقفت قدامهم و باصه في الارض :- السلام عليكم ورحمة الله وبركاته
- بذهول:- وعليكم السلام ورحمة الله وبركاته
- باشمهندس عز ابن عمتك
- اذيك معلش انا اسف بس مش بسلم
- بكسوف:- الحمد لله ، انت عامل ايه
- ببتسامه:- لا يا بني عادي ريحانه برضو مبتسلمش
-اه اه ... طب يلا بينا
"واظن اني رأيك فيكِ مالم اراه من قبل "
-حبيبه عمتو







-ببتسامه وهي بتحضنها:- اذي حضرتك يا عمتو
-بتحضنها بقوة :- الحمد لله يا قلب عمتو ، نورتي بيتك
-طيب استأذن انا يا باشمهندس، فرصه سعيده جداً يا مدام كاميليا
- طب ما تخليك يا متر
- لا معلش مضطر امشي مهمتي خلصت وريحانه وصلت لأهلها بالسلامه ، عايزة حاجه يا بنتي
- ببتسامه :- انا متشكره جداً يا عمو
-لو عوزتي اي حاجه كلميني، انتِ عارفه انك زي بنتي
-اكيد يا عمو، تسلم
-يلا السلام عليكم
-كلهم:- وعليكم السلام ورحمه الله وبركاته
- تعالي يا حبيبتي اما اطلعك لأوضتك عشان ترتاحي
-ماشي يا عمتو
-خدي شاور يا حبيبتي وغيري هدومك وتعالي عشان نتعشي
-حاضر يا عمتو انا هخلص واصلي ونازله ع طول
-ماشي يا حبيبتي ، ربنا يتقبل
-جيتلك اهو يا عم ليل ، بيلا نامت ،وانت عارف اني جاي عشان كدا مستانيني
"عمل صهيل كإنه بيقوله ايوة "
- مشي ايده ع ضهره فقعد وقعد جنبه
- انت عارف اني روحت جبتها ، ريحانه ، وهي ريحانه فعلاً ، تعرف اني مكنتش متخيل أنها هتبقي كدا ، كنت متخيلها هتطلع تربيه أمريكا، بس طلعت ملاك ، جالي ذهول اول ما شوفتها ، طلعت محجبه ومبتسلمش ع رجاله، غلطت في الحكم عليها للاسف
"رفع صوت صهيله"
-ماشي يا عم افضل انت ارفع في صهيلك كدا "وفضل يمشي ايده عليه" لغايه ما نام
-مساء الخير
-مساء النور يا حبيبي كنت فين نزلت مكنتش موجود
-كنت عند ليل و بيلا
- طب يا حبيبي تعالي اتعشي
-بالهنا والشفا يا ماما انا تعبان وعايز انام هطلع اصلي وانام ع طول
-ريحانه حست انه متضايق من وجودها :- عمتو ممكن تدوريلي ع بيت اقعد فيه
-بحنيه وزعل :- ليه يا حبيبتي ، مش حابه تقعدي معايا ، كدا يا ريحانه ، بيت عمتك موجود و عايزة تروحي تقعدي في بيت تاني ، بقا مش حباني ومش حابه تقعدي معايا
-لا يا حبيبتي مش قصدى والله ، بس اصل ..
- قصدك عز
-هزت رأسها ب أه :- باين عليه متضايق من وجودي
-متقوليش كدا يا حبيبتي، عز من النوع اللي مش بياخد ع الناس بسرعه ،وعصبي في بعض الاحيان لكنه هادي جداً عشان كدا يبان غضبان ، وبعدين هو بيفضل طول النهار في الشغل ، وبيجي ينام ، أو لو جه بدرى بيقعد عن ليل وبيلا
- بصتلها بإستغراب:- مين ليل وبيلا
-ببتسامه:- ليل وبيلا دول خيل عز ، باباه جابهومله كانوا لسه صغيرين ، وعز كان صغير كان عنده 15 سنه وهما كانوا لسه مولودين ، باباه مات الله يرحمه وفي يومها مامتهم ماتت، وعز اللي رباهم لدلوقتي ، هبقي اخلي عز يوديكي الاسطبل عندهم ، عشان هما متعودين ع عز بس
- انا بحب الخيل جداً ، كان عندنا خيل وانا في امريكا بابا كان مربيهم بس للاسف بعد ما بابا مات اضطرينا نوديهم لمدرب كويس في مركز المسابقات
- بكره تعرفي ليل وبيلا ويعوضوكي عنهم ، قومي بس نامي وارتاحي دلوقتي
- ببتسامه:- ماشي يا حبيبتي تصبحي ع جنه
-وانتِ من أهلها يا قلبي
- صباح الخير يا عمتو
- صباح الخير يا حبيبتي ، اي اللي مصحيكي بدري كدا
- انا بصحي اصلي قيام الليل والفجر ومعتش بنام بعدها يا عمتو
-ماشاء الله عليكِ يا حبيبتي ربنا يرزقك الجنه ، 5 دقايق وزينب هتجيلنا الفطار
-سمع كلامهم عز وهو نازل :- في نفسه "وانا اللي كنت بقول متعرفش حاجه عن ديننا قبل ما اشوفها" رفع صوته :- احم .. صباح الخير
- صباح الخير يا حبيبي ، تعالي اقعد ،عندك شغل النهارده ؟
- لا معنديش
-كويس هتقضي اليوم معانا
-هروح اشوف ليل وبيلا ، لغايه ما الفطار يجهز
- طيب يا حبيبتي خد ريحانه فرجها ع الفيلا ، وواديها الاسطبل
-حاضر ، اتفضلي يا ريحانه





-بلطف:- عجبتك الفيلا
" وشها في الارض وماشيين بينهم وبين بعض مسافه "
:- اه جداً جميله ماشاء الله
- طب تعالي اوديكي عند ليل وبيلا
" مشت ايدها ع ليل رفع نفسه عشان يشيل ايدها وعمل صهيل عالي ف خض ريحانه وهداه عز "
-متخافيش ،ليل غضبان بس عشان اول مرة يشوفك ومش بيتعود ع حد بسرعه ، وعصبي شويه لكن لما يشوفك ع طول هيتعود عليكِ وهيحبك
"مشت ايدها ع بيلا ف عملت صهيل رقيق وخفيف كإنها حبتها"
-بيلا حبتك ، عشان كدا اتجاوبت معاكي ، بيلا هاديه بطبعها وبتاخد ع اي حد بسرعه
-اهاا، عن اذنك هدخل
-بيكلم نفسه :- اي دا في اي مش دي اللي من يوم بس مكنتش طايقها
"بص لقلبه " وانت بتدق بسرعه ليه انت كمان
"واظن كدا اني حبيتك "
"بعد شهر اخدت ريحانه عليهم واخدوا عليها جداً ، وبيلا حبيتها جداً اتعودت عليها ومبقتش تاكل الا من ايدها ، وليل مبقاش غضبان منها زي الاول ولكنه لسه متعودش عليها "
- ببتسامه ومشي ايده ع ضهر بيلا :- اي يا ست بيلا نسيتي عز خلاص ومبقتيش تاكلي الا من ايد ريحانه
- "قلبها دق بسرعه "ببتسامه واحراج:- اهلا يا عز
-ابتسملها:- بيلا بقت تحبك اوي وبقيت احس انكوا شبهه بعض
-وانا كمان بقيت احبها جداً ، لكن لغايه دلوقتي ليل متعودش عليا زي بيلا
-معلش ليل عنيد شويه ، مش سهل يبين مشاعره
-اممم ، حساه فيه كتير منك
- بضحك:- دا حقيقي ماما دايما بتقولي كدا
- اهه، عن اذنك
-اتفضلي
-بتنهيده:- يارب انا حبيتها وانت عالم باللي في قلبي ، يارب اجعلها من نصيبي وخير ليا
- طلعت اوضتها قلبها بيدق بسرعه و بتتنفس بصعوبه :- اهدي ، اهدي، يارب يبقي من نصيبي في الحلال يارب انا مش عايزة اغضبك في اي حاجه، وعايزة علاقتنا تبقي في الحلال وبس ، واتوضت وصلت وفضلت تدعي ربنا انه يكون من نصيبها لو خير ليها
"قاعدين كلهم "
-هي بيلا هتولد امتي يا عز
- مش عارف والله يا ماما بس قربت يعني
-ربنا يقومها بالسلامه
-امين يارب يا بنتي
-بليل راح عز اوضته مامته :- ماما ، عايزك في موضوع
-خير يا عز
-بتردد :- ماما، انا بحب ريحانه و عايز اتجوزها وقولت اقولك وانتِ اللي تقوليلها عشان ابقا دخلت البيت من بابه و عايز كل حاجه تبقي في الحلال
-بفرحه كبيرة حضنته:- ربنا يباركلك يا حبيبي ، ويسعدكوا، بكرة الصبح هتكلم معاها واقولها
-تفتكرى هتوافق يا ماما
-طبعاً هتوافق
- ريحانه يا حبيبتي
-ببتسامه :- خير يا عمتو
- عز طلب ايدك مني
-قلبها دق بعنف واتحرجت :- اي ، ع عز
- ببتسامه :- ايوة عز ، اي مش موافقه
- بكسوف:- اللي تشوفيه يا عمتو " ومشت بسرعه "
-بفرحه وابتسامة:- ربنا يسعدكم يا ولادي
(بارك الله لكما وبارك عليكما وجمع بينكما في خير )
- مُبارك يا حبايبي
- عز وريحانه :- الله يبارك فيكِ يا ماما
-باس جبينها :- مُبارك ، ونورتي البيت لتاني مرة ولطول العمر ان شاء الله
-بكسوف :- الله يبارك فيك
-يا باشمهندس يا باشمهندس
-خير يا عم ابراهيم
-بيلا بتولد، بيلا بتولد
"راحوا كلهم عندها"
" بعد فترة وريحانه بتهدي ليل اللي اخد عليها وحبها جداً مؤخراً "
-الحمد لله ولدت ، وبقت بخير دلوقتي
-الكل :- الحمد لله
-هتسميها اي يا عز
-مسك ايد ريحانه وابتسملها :- هسميها ريحانه ، عشان اتولدت في احلي يوم في حياتي ، و عشان تبقي ذكرى سعيده ان شاء الله
-ربنا يهنيكوا يا ولاد
"بعد 5 ايام ، بليل "
- عز
-روحه
-ابتسمتله:- انت عارف انا فرحانه اوي ان ربنا قبل دعواتي اللي بدعيها طول عمرى
- بصلها ببتسامه:- و اي هي بقا
-انه يرزقني بواحد يكون أمامي في الصلاة ، ويقرأ معايا القرأن ويحفظهولي ، عشان يكون رفيقي للجنه ان شاء الله ، والحمد لله قبل دعواتي
-مسك ايديها وباس جبينها :- الطيبون للطيبات يا حبيبتي ، يلا عشان نقرأ قرأن ، النهارده هنختم سورة البقرة وننام
-يلا
-《بِسم الله الرحمن الرحيم 》
﴿لِّلَّهِ مَا فِي السَّمَاوَاتِ وَمَا فِي الْأَرْضِ ۗ وَإِن تُبْدُوا مَا فِي أَنفُسِكُمْ أَوْ
تُخْفُوهُ يُحَاسِبْكُم بِهِ اللَّهُ ۖ فَيَغْفِرُ لِمَن يَشَاءُ وَيُعَذِّبُ مَن يَشَاءُ ۗ وَاللَّهُ عَلَىٰ كُلِّ شَيْءٍ قَدِيرٌ .
آَمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آَمَنَ بِاللَّهِ وَمَلَائِكَتِهِ وَكُتُبِهِ وَرُسُلِهِ
لَا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ *
لَا يُكَلِّفُ اللَّهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لَا تُؤَاخِذْنَا
إِنْ نَسِينَا أَوْ أَخْطَأْنَا رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا
رَبَّنَا وَلَا تُحَمِّلْنَا مَا لَا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ
مَوْلَانَا فَانْصُرْنَا عَلَى الْقَوْمِ الْكَافِرِينَ﴾
[البقرة: 284، 286].
- 《صدق الله العظيم 》
- عز
-نعم يا حبيبتي
-تعرف اني بحبك جداً
- واني احبك فوق حب المحبين حباً
" ‏وقَلبي عزيزٌ لا يَأخذهُ إلَّا عزيز، ومَا مِن عزيزٍ غيرك


تعليقات