الفصل الثالث
-لاااااااااا مش مُخلصين
-اي في اي هتجبيلي صرع ، صوتك نشااذ
-خليكي في حالك يا ست المثقفه انتِ ، وخليكي في رواياتك روحي شوفيلك روايه جديده هاتيها اقرايها
-انتِ مالك يا عسل ع الاقل بعمل حاجه كويسه استفاد بها مش تافهه زيك
- بصتلها بغيظ وكملت :- لااااااا مش سلكانين
-حدفت عليها المخده:- دي اغاني تتسمع يا مُقرفه قومي ذاكرى يا ثانويه عامه ،"بتاخد شنطيتها وخارجه" ماما يا ماامااااا
- ايوة يا ريحانه
- انا نازله يا حبيبتي اجيب الروايات اللي وصيت عمو ابراهيم عليها وهقعد ع البحر شويه زي كل يوم
- طيب يا حبيبتي متتاخرش
-"بتفتح الباب ومطلعه راسها منه "اي يا ست المُثقفه ، خلصتي ع المكتبه اللي عندك راحه تخلصي ع مكتبه الراجل
-اي دا ثانويه عامه بتتكلم انا اول مرة اشوف ثانويه عامه بتتكلم
- سكتي الكائن دا يا ماما لما بيتكلم بيعصبني
-حدفتها بالشبشب :- يلا فاشله ذاكري، وسيبي اختك تنزل عشان متتاخرش
-كدا يا ماما انتِ معاها عليا ،"وهي بتقفل الباب وداخله" طب لااااا مش مخلصين
- يلا يا فاشله
-بضحك:- انا نازله يا ماما
- مع السلامه
-اذيك يا عمو ابراهيم
-اهلا يا ريحانه يا بنتي
-جبت الروايات اللي وصيتك عليهم
-اه يا بنتي اتفضلي اهم
-شكراً يا راجل يا طيب ، اتفضل حقهم
-ماشي يا بنتي
- هو في اي يا ماما في حد ماشي من العمارة ولا ايه
- لا يا حبيبتي دا الشقه اللي قدامنا جالها ساكن جديد
-اهاا طيب ، هاتيلي مايه بقا البلاكونه عشان أروي الزرع بعد اما اغير هدومي واصلي
-ماشي
-بتذاكري يا هبله ، ربنا معاكي
-يارب امتي اخلص دراسه واقعد ذيك كده ، ولا اقولك بلاش تعليم خالص انا اصلا لا اصلح للتعليم ودوني ع بيت حبيبي نعيش مع بعض فيه
-ضربتها بخفه ع رأسها:- ذاكرى يا هبله بلا ودوني ع بيت حبيبي هو فين حبيبك دا يا عسل
-الله اعلم
- طب ذاكرى لسه شهر ع الامتحانات
-واخيرا هخلص من السنه الكئيبه دي وهرتاح
-ماما انا نازله
-راحه ع البحر برضو ، هو كل يوم يا بنتي
-طبعاً يا ست الكل هو في احلي من القاعده دي
-وطبعاً بليل هتخلصي اللي وراكي وتعملي قهوة وتخرجي تقراي في البلاكونه
-والله انتِ قمر ، طب ماانتِ حفظاني اهو ، "وباستها" يلا عشان متاخرش بقا
-خدي بالك من نفسك
-حاضر
"بعد اسبوع "
- شكل الغروب مع البحر حلو اوي
-بصت ناحيه الصوت :- افندم
-بصراحه انا شوفتك كذا مرة بتيجي تقعدي هنا بالساعات تقراي وتمشي ف فضولي جابني اجي اقعد جنبك واشوف بتقراي ايه ، اصلك مهتميه بالقراءة اوي
-اها ، اصل انا بحب اجي اقعد هنا واقرأ روايه و بعدها بمشي
- شكلك مثقفه فعلا
-شكراً ، عن اذنك
-اي دا انا اصلا قولت من الاول انك بتراقبني ، بتراقبني ليه ها عايز تقتلني ؟ ولا عايز تخطفني ؟ عايزة تاخد أعضائى ولا .....
-ششششش اي كل دا مش عايز اي حاجه من دي
-امال جاي ورايا ليه
- انا مش جاي وراكي انا ساكن هنا
-اي دا بجد
-اها ، انتِ اي اللي جابك هنا
-بيتي هنا
-اي الصدفه الحلوة دي ، بيتك في الدور الكام ؟
-الرابع
-بتهزرى ، انا في الرابع برضو
-يبقي انت الساكن الجديد اللي سكنت قدامنا ، عموماً انا اسفه جداً ، نورت العمارة
-منورة بسكانها
-مساء الخير
-ببتسامه:- مساء النور
-لسه بتقراي برضو
-اه بحب بليل اقعد في البلاكونه اقرأ وانا بشرب قهوة تحت السما كدا واشوف النجوم
-ضحك:- تاني صفه اعرفها انك بتحبي الهدوء
-بإستغراب:- تاني صفه ! واي الصفه الأولي بقا
- ضحك وبصلها :- انك مثقفه ، بالمناسبه بما اننا اكتشفنا بالصدفه اننا طلعنا جيران وكده ، اظن مفيش مانع اعرف اسمك
-ببتسامه:- اه اكيد اسمي ريحانه
-وانا عز ، اسمك حلو جداً
-بلطف:- وانت كمان اسمك حلو ، انا هدخل بقا
-انتِ بتقعدي كدا كل يوم ؟
-اه كل يوم، تصبح ع خير
- ببتسامه :- تلاقي الخير
- مروحتيش ع البحر ليه النهارده
- بخضه :- اي دا وانت اي اللي عرفك
-اصل بقيت اروح اقعد هناك
-اممممم، مفيش اختي بتمتحن ثانويه عامه وكنت بساعدها شويه
-ربنا معاها
-يارب ، انت بتعمل اي !
-بروي الزرع
-وبتحطله مايه كتير كده ليه ، تعرف اكبر سبب في موت الزرع اللي بنزرعه في البيت هو كتر المايه ، كتر المايه بيخلي الزرع يعفن، لازم تعملها جدول زمني يعني متحطلهاش مايه كتير ومتسبهاش تعطش ، حط مايه ع اد احتياجها بس
-تالت حاجه عرفتها عنك ، خبيرة زرع ، انتِ عارفه كل حاجه كدا ، بتعرفي تطبخي؟
-بفخر:- طبعاً ، انا ربنا يحميني مش عارفه من غيرى هتعملوا اي بجد
-بضحك :- يلا يا رخمه
-ضحكت :- اعملك قهوة معايا انا لسه هعمل وهاجي اقعد
-اعملي
"عز وريحانه البلاكونات بتاعتهم جنب بعضها يعني ممكن يدخل بيتهم من البلاكونه عادي"
"بعد شويه "
-اتفضل يا سيدي
- تسلم ايدك ، هاتيلي روايه أقرأها معاكي بقا
- طب بص انا معايا روايه جزئين خد اقرا الجزء الاول انا قرأته وانا هقرأ الجزء التاني
-زي الفل ، هاتي
"فضلوا لغايه الفجر يقرأوا شويه ويضحكوا ويهزروا شويه وتحكيله عن الروايه شويه "
"بعد شهر يوم نتيجه اختها "
-مُبارك لكِ يا حبيبتي
-من نجاح لنجاح يا بنتي وترفعي رأسها كدا دايماً
-الله يبارك فيكوا ويديمكوا ليا
"في الفتره اللي فاتت كانوا اخدوا ع عز جداً وكأنه واحد من العيله وريحانه كل يوم تقعد في البلاكونه قصاده واخدوا ع بعض "
-خدي يا ريحانه خبطي ع عز اديله الكيكه دي
-حاضر
- مش هناك يا ماما
-خلاص سبيها في المطبخ بليل نديهاله
-ماشي " في سرها" يا ترا راح فين معندوش شغل النهارده يلا وانا مالي
-مساء الخير، عامله اي
-كويسه
-مالك ؟
-مفيش ، انت روحت فين النهارده كنت جايه اجبلك كيكه بمناسبه نجاح اختي
-بجد الف مبروك ، هاتي الكيكه واعمليلنا قهوه بقا معاها
-بغيظ:- ايوة يعني روحت فين النهارده
-بضحك:- روحي بس خلصي وتعالي وانا هقولك
-اتفضل ، قولي بقا
-حلوة الكيكه دي ، والقهوه تحفه
- عز متختبرش صبرى
-بخبث :- عايزة تعرفي ليه
-بتلعثم:- مم...مفيش عادي اصل خبطت كتير وبعدين انت قايلي مفيش عندك شعل النهارده بس... اه بس كدا
-بضحك ع لخبطتها في الكلام :- "طلع 4 روايات" تفتكرى مين كان بيسأل ع المجموعه دي
-"بفرحه وهي بتاخدهم" عز بجد شكراً جداً دا انا كنت بدور عليهم في كل مكان لاقيتهم فين
- مش مهم لاقيتهم فين المهم اني شوفت فرحتك بِهم
- فرحانه جداً يا عز شكراً اوي بجد
- بصلها بتأمل :-انتِ عارفه من يوم ما شوفتك قاعده ع البحر بتقرأي في هدوء كده ، لفتي نظرى ولما شوفتك كذا مرة فضولي قتلني اني اعرفك ، وكانت صدفه عظيمه الصراحه اننا طلعنا جيران ، يعني معرفتنا كلها من البدايه صدفه ، اجمل صدفه في حياتي
-ببتسامه وهي بتاكل :- دا حقيقي كانت صدفه حلوة جداً
"سكتوا شويه "
- ريحانه
-امممم
-كنت عايز اخد رايك في حاجه من فترة بس متردد
-بإنتباه:- قول
-ببتسامه:- كنت عايز اجي اشرب شربات عندكوا
-بعدم فهم :- مش فاهمه يعني اي ؟
-يعني بحبك
-برخامه وفرحه مخبياها :- باين عليك ع فكرة ، فاضح نفسك اوي
-رخمه اوي
-عارفه
- طب اي هنشرب ولا اي
-بصتله:- انت عارف ردي
- لا، عايز اسمعه منك
-تعرف اني لما بحب حد بعمله قهوة
- بص للقهوه اللي في ايده ببتسامه فرحه :- رخمه بس بحبك
- وهي كمان بتحبك ، وبتحب الصدفه اللي عرفتها عليك
"رُب صدفه خير من ألف ميعاد"
