روايه كانت روحي معك بالبدايه ولكنني اضللت الطريق الفصل الثالث


 الفصل الثالث

_ احب اعرفك يا ريم ... أمنية ... بنتي وحوريتي و بنت عمي و..........خطيبتي ....
= هى فين
_ بهمس ....بتدوري على ايه
= على حوريتك دي
_ أمنية انا بتكلم عنك
= يا راااااااااجل ...
& ايه يا بشمهندس واضح أن خطيبتك مستغربه ولا هى مكنتش تعرف ...
= ههههه ... ( بهمس ) رد عليها ... مش عزمتني على خطوبتي ليه
_ احم احم .... لا يا ريم بس احنا كنا متفقين منقلش لحد دلوقتي. .. على القليل لما نعمل حفلة ونعزم كل اصحابنا
& اياك تنساني انا واحمد بقى
_ لا طبعا انتم أول ناس
& بضيق .... مبروك يا أمنية ...
= .........
$ مبروك يا استاذ اسر
_ الله يبارك فيك يا استاذ احمد
= عن اذنكم ...
" اوقات كتير بننتظر أمنية تتحقق ... بس الزمن بيكون قاسي شوية فيحققها بس بكدبة "
_ أمنية
= أمنية ايه يا اسر ... أمنية ايه ... انت عارف انت بتعمل ايه ....
_ انا اسف والله ... بس هى جرحت قلبي وكرامتي ....
= وانا كرامتي فين يا اسر ... ولا صح انا نسيت اني مش مهمة عندك لو طولت تيجي عليا بدل المرة الف هتيجي وتجرحني يا اسر ...
_ انا بس كل اللي طالبه منك انك تمثلي انك خطيبتي قدام الكل وخصوصا قدام ريم لمدة شهر بس ... انا متاكد انها هترجعلي ... متاكد
= امشي يا اسر ...
_ ام....
= قولتلك امشي يا اسر وانا هرجع البيت لوحدي ...
_ انا اسف
= امشي
" سمع الكلام ومشي ... ههههه ولو بدل المرة الف قولتله يمشي هيمشي ... مجربش مرة يبقى ... مجربش يسمع قلبي اللي بيقوله ابقى بس قول انك حابيبني حقيقي ... يطبطب على قلبي ويطمنه بوجوده بس هو مشي ... صرخت بأعلى صوت ليا من جرحي وحزني ووجع قلبي وحبي ليه ... "
= اااااااااااااااااه .... بكرهك يا اسر ... بكرهك وبكره قلبي ... وبكره وجودي هنا ... وبكره قربي منك ... ليه ... لييييييييه
" اوقات كتير بنحتاج مكان خالي ... خالي تماما علشان نملاه صراخ ودموع ... علشان يقدر يتحمل ... بستغرب ازاي عضو حجمه قد كف الايد قادر يحمل كل دا ... "
__________________
في جنينة البيت
+ اسر ... فين أمنية
_ على الكورنيش
+ طب سبتها لوحدها ليه
_ حبت تكون لوحدها
+ لما بتكون مع أمنية مش بتحب تكون لوحدها ... ايه حصل ....
_ مفيش
+ اسر ايه اللي حصل
_ روحنا خطوبة ريم و...................
+ بتتكلم بجد
_ ........
+ اسر انت عارف انت بتعمل ايه
_ جرحتني يا دينا
+ وانت جرحت أمنية ...
_ فيها ايه أن أمنية تمثل معايا يعني ... هتتئذى في ايه ....
+ تعرف يا اسر ... انت لاحبيت ريم ولا هتحب أمنية ...
_ واحب أمنية ليه ... أمنية اختي
+ طب ازاي قبلت على اختك كدا ... لو حد جه وقلبك يا اسر خلي دينا تمثل انها خطيبتي علشان اغيظ خطيبتي الاولانية وترجعي انت هتوافق
_ .....
+ سكت ليه يا اسر... طب تعرف ان أمنية بتح....
= انا موافقة
+ أمنية جيتي امتى ... وبتقولي ايه
= اسر انا موافقة اني اكون خطيبتك لمدة شهر ...ومتاكدة أن ريم هترجعلك ...
_ أمنية شكرا ... شكرا حقيقي...
= العفو يا اسر ...
_ انا هطلع دلوقتي اقول لبابا علشان نطلب ايدك من عمى ...
+ أمنية
= احضنيني يا دينا
+ تعالي ... لو افهم بس بتعملي في نفسك كدا ليه
= .......
+ ليه يا أمنية
= علشان اسر يا دينا ...
+ ماله اسر
= مش عايزاه هو كمان يتعذب بنار الحب ... مش عايزاه يحس نفس احساسي ... مش عايزاه ينطفي ...
+ وأمنية
= انطفت من زمان
+ هتقبلي كدا على كرامتك يا أمنية
= اسر مش هيئذي كرامتي بحاجة لأنها عارف اني مش بحبه
+ بس انت هتئذي قلبك في قربه يا دينا
= قلبي مأذي في قربه وبعده يا دينا
" كنت في حضن دينا لما سمعت صوت زغاريد
على الاكيد ماما ومرات عمى فرحانين بخبر خطوبتي انا وأسر ... شددت من حضن دينا البعد نار والقرب نارين وانا واقفة بينهم بتحرق ... حددنا معاد للخطوبة في نفس الاسبوع .... فرحانين اوي بس انا هادية... بس كل حاجة مختلفة ... كان نفسي اعملها على البحر وهتبقى حفلة في الجنينة ... كان نفسي اكون فرحانة بس هكون مكسورة حزينة ... كنت بخطط لليوم دا من زمان بس دلوقتي نايمة على السرير رافضة أخرج ... "
+ أمنية ... يلا الليل قرب
= ممكن مش أخرج
+ للاسف مينفعش
= مش هقدر
+ قولتلك ...
= بايخة صح
+ هى ايه ؟!
= المسرحية دي ...
+ هى فعلا مسرحية ... يلا علشان تلبسي
= يلا ...
+ وردي ؟!







= اسود
+ انهاردة !!
= انهاردة ...
" دينا جهزتني ... فستان اسود وحجاب بنفس اللون مع ميكب بسيط ... لو اهلي ميعرفوش عشقي الاسود كانوا ظنوا اني لبست كدا لاني مش راضيه على العريس هههه ... طلع عشقي للاسود مفيد في الوقت دا ... "
+ يلا نخرج ...
= يلا ...
" كان اسر واقف مع بابا وانا نازلة من على سلالم البيت للجنينة ... عيونه اتعلقت بعيوني للحظات.... وقتها نسمه هوا مرت على نار قلبي ... قلبنا دا مغفل بطريقة غبية.... بحزن ويبكي ومن نظرة يدوب ويرقص زي السكير "
= محدش يا خد قلبي ويعطيني سندوتش شاورما ...
+ هههههههه... يخرب عقلك
= قولي لاخوكي ينزل عيونه من عليا
+ شكله هيقع
= متيجي نتفق اتفاق
+ قولي
= بلاش نعلق قلبنا بحبال تايكة ...
+ علشان ؟!
= مسير الحبل ينقطع
+ أو مكان القطع يتربط بقوة
= مش هتلاقي اللي يمسك الطرف التاني يا دينا ... يلا امشي علشان الستار هتترفع على اول جزء من المسرحية ...
_ زي القمر
+ شكرا يا اسر
_ مش انت على فكرة
+ احم احم ... طب عن اذنكم.... جبهتي ... جبهتي حد شافها يا جماعة
_ هههههههه ... هبلة ...
= بس اعقل واحدة فينا
_ اه نسيت مهى امك التانية
= وانت ايه ؟
_ ابن عمك وبابا اسر
= واخويا !!
_ لا خطيبك المزيف
= حاسس بايه يا اسر
_ أمنية انا كدا بجرحك ؟!
= ليه بتقول كدا
_ حاسس بكدا ... حاسس اني بجرحك
= صدق قلبك يا اسر
_ أن.....
& اسر ... الف مبروك
" كانت واقفة قدامنا ومادة اديها لأسر ... انا كنت زمان مش بحبها ودلوقتي مش بحبها على فكرة بردو ... بس بعمل كدا علشان اسر. .. مسكت اديها انا وسلمت عليها ... "
= الله يبارك فيكي يا ريم ... معلش بقى اسر مش بيسلم
& بتعجب ... والله !! ودا من امتى
= اه والله ياريم ... ومن دلوقتي عادي جدا .. مش كدا يا آسري
_ كدا يا حوريتي
$ الف مبروك يا اسر
_ الله يبارك فيك يا احمد
= طب عن اذنكم انا بقى عن اذنك يا اسر جاية حالا
__________________
+ ااااااه
* سوري سوري ... ام فيري سوري
+ مش تفتح يا احول
* على فكرة قولت اسف وانت اللي غلطانة
+ والله انا بردو اللي غلطانة ... والله انت قليل الادب ...
* طيب يا ستى شكرا ...
+ ايه البرود دا
* لا بقى انا ساكت من بدري
= كريم ... دينا ... في ايه
+ دا كريم ....
* دي دينا ...
= وانا أمنية سيربرايز
+ دا كريم اللي اتعرفتي عليه في لندن صح ؟!
* دي دينا مامتك التانية صح ؟!
= ما شاء الله مش محتاجين اعرفكم على بعض ...
+ احم احم ... سوري
* سبحان الله هو دا اللي انا قولته قبل متنفجري في وشي ... قولت سوري
+ علشان انت غلطان
* لا اله الا الله
= ممكن تهدوا ...
* بس يا أمنية ليه مقولتيش أن مامتك التانية الواحد محتاج ينزل دورين علشان يشوفها ... كنت بحسبها طفلة بتلعب ...
+ طب عن اذنكم ... اكمل بحث عن جبهتي
( لو مش نزلت اسكربتات تاني اعرفوا أن بطريقي قتلتني واقرولي الفاتحة .... على العهد يا رجاله كملوا قراءة لناس تانية بس اترحموا عليا"
* ههههه ... عسل اوي بنت عمك
= اه هى عسل في ايه بقى
* ها ... لا لا مفيش
= كريم ...
* نعم
= انا بحب دينا
* والله وانا
= افندم ...
* يعني شكلي كدا ...
= هههههههه ... طب مبارك بقى
_ أمنييييية ...
= ايه في ايه ... يتزعق ليه كدا
_ واقفة تتكلمي وتضحكي مع شاب ما شاء الله ولا اكني هنا
* دا اسر صح ...
= أيوة هو ... دا كريم يا اسر ... الطالب المصري الوحيد اللي كان نفس قسمي في لندن علشان كدا عملنا المشاريع سوى
_ بهمس ... سوى ؟؟
= بنفس الهمس .... احم احم ... بطلب من الدكاترة طبعا
_ اه ... وما شاء الله واضح أنه يعرفني
= مانا ... مانا يعني حكيت ليه عنكم
_ وانتم بتعملوا المشاريع ... برافو
* الف مبروك يا بشمهندس اسر
= الله يبارك فيك يا بشمهندس كريم ... عقبالك
" وقتها كريم بصلي برجاء بس مش عشاني عشان دينا ... الغبي وقع ... الحب عامل زي الحجر الصغير في نص الطريق كل اللي يعدي من غير مياخد باله يقع ... بس ما شاء الله اسر دا بياخد باله من كل حاجة علشان كدا الغبي موقعش ..."
* وهو بيبصلي ... يارييييت
_ نعممممم !!
* ها ... لا لا ولا حاجة ... عن اذنكم
_ ممكن افهم في ايه
= في ايه يا اسر
_ طب كان شريكك في المشاريع ... هو هنا بيعمل ايه
= انا اللي عزمته ... كريم صديق رائع على فكرة ...
_ اه وانا بقى اللي فرقتكم ... علشان كدا جه ... على العموم قوليلوا أن دو كله تمثيل وبعد ثلاثين يوم كل حاجة هترجع لطبيعتها
= اسر انت بتقول ايه
_ ولا حاجة... اظن يلا علشان نلبس الدبل
= يلا يا اسر ...
+ ايه دا ... ايه دا
_ في ايه يا دينا
+ هتلبسها الدبل عادي كدا
_ امال ازاي
+ اركع يا بشمهندس واطلب منها الجواز
= في نفسي.... والله يا دينا لقتلك ... اه يا كلب البحر ... صاحبتي دي ولا ساندوتش ...
* طبعا طبعا عندها حق ...
+ شكرا
* 012








+ افندم
* لا ولا حاجة
" اسر مسك ايدي وركع قدامي ... كان بيبص لعيوني اوي ... وبعدها قال "
_ أمنية ... تقبلي تكوني حوريتي وشريكتي تقبلي نكمل حياتنا مع بعض ... تقبلي افضل اغنيلك انت طول العمر ... تقبلي تكوني زوجتي
" للحظة حسيت أن الكلام دا طالع من قلبه ... للحظة حسيته بجد ... وافقت ... وافقت بجد "
= بدموع ... موافقة ...
" صوت تصقيف غطى على صوت كسر جويا. فالكل سمع الصقفة وانا سمعت صوت الكسر ... لبسني خاتم رقيق وجميل حسيته شبهي ... وكأن اللي صممه صممه بحيث يناسب دمعة متدارية بضحكة فاللي يسأل نقوله دموع الفرح وهى في الأصل ضحكة الانكسار ... "
# يلا بقى يا عريس فسح خطيبتك
= احم احم ... مش مهم يا عمي
# لا يا عروسة مهم جدا ولا ايه يا اسر
_ اه ... أيوة يا بابا عندك حق بعد اذن عمي طبعا
✓ روح يا حبيبي انت ناسي انك اللي مربيها يعني طول مهى معاك انا متطمن
_ عن اذنكم ...
* احم احم ... انا ماشي
+ لا بات عندنا احسن
* بجد والله
+ يعني انت لقيت ... بالله عليك انت لقيت ... روح يا بابا على بيتكم الله يساهلك ...
* على فكرة انا ضيف
+ هو انت متعرفش
* معرفش ايه
+ أن واجب الضيف طرده
* كح كح كح
+ ايه ...
* طرده
+ حصل
* تاااااااكس
+ هههههه مجنون ...
_________________
_ تروحي فين
= تفتكر ايه ....
_ الكورنيش ... أمنية
= نعم
_ يعني ... بخصوص الكلام اللي قولته
= اي كلام
_ وانا بلبسك الخاتم
= اه
_ دا علشان ...
= تغيظ ريم ... انا عارفة
اسر لنفسه .... " هو مكنش عشان ريم ... وقتها ريم مجتش في بالي اصلا ... عمري مفكرت اني اركع قدام حد حتى لما خطبت ريم مركعتش قدامها ... مش بعتذر من حد غير أمنية وبردو مش بغني لحد غيرها ... هى مميزه عندي ... هى مني .. انا عارف اني اذيتها بس غصب عني ... انا عال انها هتساعدني علشان ارجع ريم ... بس انا ليه قولت الكلام دا ... على الاكيد علشان العيلة "
_ اغنيلك
= غنيلي ...
_ اختاري ...
= بتلوموني ليه ...
" بتلوموني ليه، بتلوموني ليه، بتلوموني ليه، بتلوموني ليه
لو شفتم عينيه حلوين قد إيه، لو شفتم عينيه حلوين قد إيه
حتقولوا انشغالي وسهد الليالي مش كثير عليه، ليه بتلوموني
أسير الحبايب يا قلبي يا ذايب، أسير الحبايب يا قلبي يا ذايب
أسير الحبايب يا قلبي يا ذايب، في موجة عبير من الشعر الحرير
ع الخدود يهفهف ويرجع يطير "


تعليقات



×
insticator.com, 6ed3a427-c6ec-49ed-82fe-d1fadce79a7b, DIRECT, b3511ffcafb23a32 sharethrough.com, Q9IzHdvp, DIRECT, d53b998a7bd4ecd2 pubmatic.com, 95054, DIRECT, 5d62403b186f2ace rubiconproject.com, 17062, RESELLER, 0bfd66d529a55807 risecodes.com, 6124caed9c7adb0001c028d8, DIRECT openx.com, 558230700, RESELLER, 6a698e2ec38604c6 pmc.com, 1242710, DIRECT, 8dd52f825890bb44 rubiconproject.com, 10278, RESELLER, 0bfd66d529a55807 video.unrulymedia.com, 136898039, RESELLER lijit.com, 257618, RESELLER, fafdf38b16bf6b2b appnexus.com, 3695, RESELLER, f5ab79cb980f11d1