Ads by Google X

القائمة الرئيسية

الصفحات

رواية صديق من عالم اخر الفصل السابع


 الفصل السابع

شعاع : باقى الدكاتره بيعملو كده ولا ؟!
ميرال : لا بابا و هو بس
شعاع : طيب واضحه اهيه معجب بيكى
ميرال : لا طبعا بص بذمتك ملك جمال تركيا ده يبصلى انا
شعاع : ضربها ع دماغها * طب اتكسفى منى حتى
ميرال : بضحك * عادى عادى انت اخويا
شعاع : و ميبصلكيش ليه يا حبيبتى ده انتى احلى منه
ميرال : بص هو محترم جدا و عارف ربنا و شاطر ف شغله و مش بيرفع عينه ف بنت غيرى .. يعنى لما بنت تروحله تسأله ع حاجه يا بيبقى باصص ف الارض يا بيبص ع اى حاجه تانيه غيرها .. انما انا لما بكلمه بيبصلى عادى و بيسرح كمان
شعاع : غمزلها * طب ايه مفيش اى اندهاش
ميرال : لا لا مستحيل لو هو فعلا معجب كان كلمنى
شعاع : ازاى يا هانم وهو شايف حيطه قدامه
ميرال : لا لا لا
شعاع : الايام هتثبت و هتتقابلو و ركزى ف تصرفاته و نظراته هتعرفى وانا متأكد انه هيتكلم
ميرال : طب سيبك من الهبل ده انا قررت المشروع بتاعى يبقى بحث عن عالمكو و عاوزاك تقولى معلومات كتشيييرر بقى
شعاع : عيونى اسألى و اجاوبك



ميرال : ثوانى بقى اجيب النوت بوك و قلم
شعاع : خليكى اجبهملك انا .. ايه ده يا ميرال انتى عندك معرض نوت بوك
ميرال : اصلى بحبهم اوى لما بيبقى معايا فلوس بجيب اتنين تلاته كده و بشيلهم عندك
شعاع : اجبلك انهى لون طيب
ميرال : ع كيفك اللون اللى يعجبك
شعاع : اتفضلى يا جميل
ميرال : عرفنى بقى ع نفسك انت منين و من عيله ايه عندك اخوات اد ايه
شعاع : كل ده هقولهولك ف الاخر خلينا ف المهم و اسألى اسئله تنفعك ف اللى هتكتبيه
ميرال : حاضر امممممممم اه قولى ايه الفرق بين الشيطان و الجن
شعاع : حاضر ورقه وقلم واكتبى ورايا يا ست الكل
ميرال : ماشى يا شيف شربينى قول
شعاع : ضحك * بصى ياستى الشيطان هو الجن
ميرال : قول و المصحف
شعاع : اه والله نبطل هزار بقى و نسمع
ميرال : حاضر سورى كمل
شعاع : الشياطين من الجن اللى هما الاشرار والمتمردين زى شياطين الانس كده اللى هما برضو الاشرار و المتمردين و الكفره , ف منهم المسلمين الطيبين زى الانس برضو
ميرال : تمام
شعاع : ف جماعه من اهل العلم بيقولو ان الشيطان ابو الجن و هو اللى عصى ربه و استكبر ع السجود لادم ف ربنا طرده
و ف جماعه تانيه من اهل العلم قالو ان الشيطان من طائفه من الملايكه بيقولو عليهم الجن و لما استكبر ع السجود و ربنا طرده بقى قائد لكل شر وكل خبيث وكل كافر
و كل انسان معاه شيطان و معاه ملك زى ما قال الرسول ( صلى الله عليه و سلم ) ( ما منكم من أحد الا و معه قرينه من الجن و قرينه من الملائكة ) قالوله و انت يا رسول الله ؟ قال ( و أنا الا أن اللع أعاننى عليه فأسلم )
و قال (صلى الله عليه و سلم ) أن الشيطان بيقول للانسان ع الشر و بيدعوه اليه , و الملك بيقوله ع الخير و بيدعوه اليه و ربنا مكنهم من كده
ميرال : تمام اوووى طيب هو ف انواع من الجن
شعاع : اه يا جميل ف 6 انواع من الجن
ميرال : طيب قولهم نوع نوع بالتفصيل الممل
شعاع : حاضر .. النوع الاول , الجن الضوئيين ( النصيبيين )
و النوع ده مختص بالمسلمين بس و هما اولاد و احفاد الجن النصيبيين اللى عاشروا زمن الرسول ( صلى الله عليه و سلم ) و حضرو معاه دعوته للاسلام
و هما اقوى انواع الجن و ربنا اكرمهم ب ايمان قوى , و ف منهم الامراء و ملوك الجن , و عددهم قليل جدا بالنسبه لباقى الانواع , و يقدر جنى ضوئى قتل 100 شيطان بضربه واحده ف الحروب اللى بتحصل بين المسلمين و الشياطين مع ان قليل جدا لما بيدخلو ف حروب
عشان عددهم القليل .. و لو الشياطين عاوزه تقتل جنى ضوئى بيتجمعو عليه الالاف و ف منهم سحره و برضو مش بيقدرو عليه غير بعد ما يتعب تعب شديد و جامد جدا او يبقى مصاب بجروح كتيره
و مميزات النوع ده انه سريع و قوى و حكيم و يشبه الانسان ف شكله بس ف اختلاف ف الخواص .. و كده ده النوع الاول



ميرال : سبحان الله
شعاع :ع فكره انا من النوع ده
ميرال : يا كيوتى بجد
شعاع : ف ايه يا ميرال هو انا قولتلك انى قطه
ميرال : لا بس انت كيوت و حبيت النوع بتاعك
شعاع : ماشى يا ستى اسيبك انا بقى عشان ورايا مشوار مهم
ميرال : ايه ده لا مش هتتحرك من هنا غير لما اخلص كل اللى عندى و تحكيلى كل حاجه
شعاع : حاضر والله هعملك كل االى انتى عاوزاه بس يوم تانى مش النهارده عشان لازم امشى
ميرال : هتروح فين و هتيجى امتى
شعاع : هقولك كل حاجه لما ارجع ان شاء الله خدى بالك من نفسك يا صديقتى
ميرال : بقلق * هو انت هتروح فين انا مش مرتاحه و خايفه من طرقة كلامك
شعاع : ابتسملها بحنيه و مسك ايديها * متقلقيش يا غزال مشوار ضرورى و راجع ع طول
ميرال : بحزن * اوعدنى انك هترجع تانى و مش هتسيبنى لوحدى
شعاع : بحنيه و هدوء * ششش اهدى مالك مكبره الموضوع كده ليه راجعلك تانى ان شاء الله و انا قايلك قبل كده انى مش هسيبك ابدا .. يلا شوفى هتظبطى الكلام اللى قولتهولك ازاى و اكتبيه و بعدين ريحى و نامى و افردى وشك ده انا قولتلك كذا مره مش عاوز اشوفك زعلانه يلا اضحكى عشان اجبلك حاجه حلوه و انا راجع
ميرال : ابتسمت بصعوبه * هستناك
شعاع : ابتسم * لا اله الا الله
ميرال : محمد رسول الله
شعاع : سلام يا غزال
ميرال : سلام
شعاع : باصصلها و مبتسم بحنيه و بدا يختفى واحده واحده
ميرال : طيب انا قلقانه ليه ما هو قال مشوار ضرورى و راجع تانى .. بس انا خايفه عليه مش مطمنه .. يارب يرجع و يبقى بخير .. انا مش عاوزه ارجع لوحدى تانى انا اتعودت عليه و ماصدقت يبقى عندى صديق * حاولت تبعد نفسها عن التفكير السلبى و بدات ترتب الكلام اللى قاله و تكتبه و خلصت و حاولت تنام و نامت بعد فتره كبيره من التفكير و القلق
( تانى يوم )
سميه : دخلت اوضه ميرال لقتها لسه نايمه فتحت الستاير و البلكونه و الشمس جت ع ميرال * يلا يا ميرا اصحى بقى كل ده نوم
ميرال : غطت وشها يا ماما هاتى الستاره ع البلكونه النور ضارب ف عينى
سميه : لا يلا قومى عشان تاكلى
ميرال : حااااضر بس اعملى الستاره عشان خاطرى
سميه : اهوو يلا قومى
ميرال : اتعدلت و قعدت ع السرير و فركت عنيها بايديها زى الاطفال
سميه : يلا عشان بنات خالتك جايين يقعدو معاكى * و خرجت
ميرال : افتكرت شعاع و قالت تكلمه بالتخاطر * شعاع ... شعاع انت كويس ... شعاع عشان خاطرى رد و متقلقنيش اكتر من كده ... مش بترد عليا ماشى انا زعلانه منك و مش هكلمك * دخلت خدت شاور و نزلت
محمد : صباح الخير يا كائن الباندا
ميرال : صباح النور يا بابا
محمد : ايه ده مالك انتى مش ميرا بنتى
ميرال : مفيش يا حج مصدعه شويه
محمد : ما هو من كتر الاكل
ميرال : ايه ده ف ايه .. ايه علاقة الصداع بالاكل
محمد : مش عارف بس هو من كتر الاكل و خلاص
ميرال : ماشى يا حج
سميه : بطلو رغى بقى و كلو عشان لو الاكل برد مش هسخنه تانى
محمد : يلا قبل ما امك تضربنا
ميرال : ضحكت و بدات تاكل
اسر : ميرا انتى بقالك كتير مش جبتيلى شيكولاته
ميرال : حاضر يا حبيبى بعد ما ناكل نروح انا و انت نجيب شيكولاته
اسر : هييييييييييييه
سميه : متتأخريش عشان بنات خالتك
ميرال : حاضر .. الحمدلله .. اسر انا مستنياك ف الجنينه
اسر : ماشى
محمد : انتى كده شبعتى يا ميرا
ميرال : اه يا بابا
محمد : لا انتى شكلك اتحسدتى
ميرال : و ده ملفتش نظرك لحاجه يا حج
محمد : قصدك ايه ان انا اللى حسدتك يعنى
ميرال : يعجبنى فيك يا حج انك بتفهمها و هى طايره
محمد : كده ميرا بنتى رجعت يلا امشى اطلعى بره بقى
ميرال : ضحكت * ربنا يخليك ليا يا حج * خرجت قعدت عند الشجره و اتكلمت * شعاع ... شعاع انت فين بقى انا قلقانه عليك ... طب قولى انك كويس و انا مش هتكلم تانى و هستناك
اسر : ميرااااا يلا
ميرال : حرام عليك يا اسر خضتنى يلا * راحو يجيبو الشيكولاته و رجعو
سميه : ميرا البنات وصلو و مستنينك ف الجنينه
ميرال : حاضر * خرجت
محمد : ميرا ميرا



ميرال : لفت و رجعت * نعم يا بابا ف حاجه
محمد : لا يا حبيبتى بس انا حاسس انك متضايقه من الصبح مالك يا حبيبتى
ميرال : بصتله شويه * لا مفيش حاجه يا بابا بس قلقانه شويه من المشروع و كده
محمد : ف حاجه واقفه قدامك طيب عاوزانى اساعدك
ميرال : لا لا مفيش حاجه انا بعمله بس خايفه ميكونش كويس .. اجبهولك تشوف الجزء اللى خلصته و تقولى رأيك
محمد : لا انا عاوز اتفجأ ف الكليه و بعدين انا واثق ف بنتى و مشروك هيبقى حلو زيك و انا جنبك ف كل الحالات ماشى
ميرال : ضحكت و حضنته * ربنا يخليك ليا يا حبيبى
محمد : و يخليكى ليا يا روح قلبى مش عاوز اشوفك زعلانه و مكشره تانى ماااااشى
ميرال : ابتسمت * حاضر
محمد : يلا يا قلبى روحى لاخواتك و فكى معاهم و متفكريش ف حاجه
ميرال : حاضر * راحت لبنات خالتها * و حشتوووونى يا بنااانيت
نرمين و روان و رزان : حضنوها * وحشتينا جداااا يا ميرااا
ميرال : وانتو كمان يا حبايبى عاملين ايه
البنات : كويسين الحمدلله
روان : طبعا انتى خلاص اتخرجتى و ارتاحتى من المذاكره و قرفها
ميرال : افضلى قرى كده و بعدين ما خلاص انتو كلها سنه و تتخرجو زيى
رزان : لسه سنه كتير اووووووى
ميرال : هتعدى بسرعه ياختى
نرمين : بتعملى ايه ف يومك بقى اكيد مقضياها نوم طبعا
ميرال : طبعا نوم و اكل و بكتب المشروع
روان : طب قوليلنا بقى مفيش عريس كده او كده من الكليه
ميرال : لا ياختى مفيش .............






تعليقات