الفصل الثامن
روان : ازاى بقى !! المره اللى كنت موجوده فيها معاكى كان ف دكتور عسل اوى مركز معاكى
ميرال : ف سرها * حتى انتى كمان خدتى بالك * شعاع انت فين بقى انت قولت هترجع ع طول فينك كل ده .. مش بترد عليا ولا بطمنى عليك ماشى يا شعاع انا بجد زعلانه منك اوى
رزان : هاااى ميرا روحتى فين
ميرال : احم معاكو معلش سرحت
نرمين : ايووووووه بقى سرحتى ف الدكتور
ميرال : اتوكسى مفيش حاجه من اللى ف دماغكو دى
روان : يااااااابت
ميرال : سيبكو من الهبل ده تشربو ايه
البنات : حاجه سقعه
ميرال : ماشى ثوانى و هاجى * دخلت البيت * ماما هاتى الحاجه
سميه : خدى يا حبيبتى
ميرال : خدت منها الصنيه و خرجت * اتفضلو يابنات
( بعد اسبوعين )
ميرال : كانت قاعده ف الجنينه مكانها و بتعيط عشان فقدت الامل انها تشوف شعاع تانى
شعاع : الجميل قاعد لوحده ليه
ميرال : لما سمعت صوته فرحت و ارتاحت بس زعلانه منه حطت ايديها ع وشها و عيطت اكتر
شعاع : بتنهيده حزن * انا اسف
ميرال : من بين عياطها * امشى
شعاع : غصب عنى والله هحكيلك ع كل حاجه
ميرال : بعياط و علت صوتها و قامت وقفت * قولتلك امشى مش عاوزه اشوفك تانى
شعاع : مش همشى انا قايلك مش هسيبك
ميرال : لا انت سيبتنى خلاص .. كل الوقت ده و انت مش معايا قولت هترجع بسرعه و مرجعتش .. حتى لما كنت بكلمك و بتواصل معاك مكنتش بترد و انا كنت عاوزه اطمن عليك انك كويس بس مش اكتر .. ف خلاص كفايه كده انا بدات اتعود ع غيابك امشى بقى
شعاع : طيب ليه بتعيطى لما انتى مش عاوزانى معاكى زعلانه ليه و مديانى ضهرك و مش عاوزه تواجهينى .. بصى نعمل اتفاق لفى بصيلى و قوليلى شعاع انا مش عاوزه اشوفك تانى و متعيطيش و انا هختفى ع طول و مش هضايقك تانى
ميرال : بتعيط و مش بترد
شعاع : مبتسم * يلا يا ميرا بصيلى و قوليلى امشى و انا همشى
ميرال : امشى
شعاع : ضحك * لا انتى كده بتخمى انا قولت بطلى عياط و لفى قوليلى امشى
ميرال : ..................
شعاع : لف وقف قدامها و رفع وشها ب ايده * انا اسف مش قصدى اغيب كده و اسيبك كان غصب عنى و مش هتتكرر تانى والله اول و اخر مره اوعدك
ميرال : بعياط * طب هو انت كنت بتسمعنى لما كنت بكلمك
شعاع : ايوه
ميرال : مكنتش بتطمنى و ترد عليا ليه
شعاع : مكانش ينفع عشان متتأذيش
ميرال : باستغراب : مين هيأذينى و ليه اصلا
شعاع : مسح دموعها * نبطل عياط الاول و احكيلك تعالى اقعدى
ميرال : ماشى يلا احكى
شعاع : خدى الاول البسى دى
ميرال : الله دى شكلها حلو اوووووى ايه اللى مكتوب عليها ده .. الله دى ايه الكرسى * لبست السلسله * انت اللى عاملها برضو
شعاع : اه و ده خطى عجبتك ؟
ميرال : اه جدا تسلم ايدك جميله اوى
شعاع : لسه زعلانه
ميرال : اه شويه صغيرين
شعاع : طب لو اديتك دى و قولتلك متزعليش
ميرال : واااو شيكولاتى المفضله خلاص مش زعلانه احكى بقى سبب غيابك ايه و مين اللى هيأذينى
شعاع : لما كنت معاكى اخر مره واحد من حراس القصر قالى لازم ترجع القصر ضرورى عشان باباك عاوزك و بيقول ف خطر عليك و ع القصر كله
لما قالى كده خمنت ان ابليس باعت كام واحد من الجيش بتاعه عشان ياخد حق ابنه و ينتقم منى .. لما سيبتك و روحت القصر بابا كان متنرفز و فضل يزعق وقالى عرضتنا كلنا للخطر مكنتش قتلت اللى قتل يثرب كنت وديته المحكمه و هما يعاقبوه و قالى انهم مراقبنى و بيتجسسو عليا و ممكن يأذو اى حد قريب منى فكنا بناخد حذرنا و بنحصن القصر
عشان ميعرفوش يوصلو لحد .. و كان لازم افضل بعيد عنك الفتره دى عشان ميعرفوش يوصلولك و يأذوكى و عملتلك السلسله دى عشان تحميكى مع الخاتم اللى لابساه .. و لما الدنيا هديت رجعتلك اهو و بس
ميرال : ياااااااه كل ده طب هما دلوقتى مش ممكن يعرفو مكانك و يأذوك
شعاع : لا انا محصن نفسى كويس و عامل حاجز عشان ميعرفوش يتجسسو عليا و لو حصل و عرفو مكانى عادى انا اقدر اخلص عليهم ف ثانيه انتى نسيتى اللى قولتهولك عننا ولا ايه
ميرال : ربنا يحميك و يحفظك .. يعنى كده مش هتسيبنى تانى
شعاع : لا خلاص انا لازق معاكى ف اى مكان
اسر : ميراااااااا يلا عشان تتغدى
ميرال : حااااضر * بصت لشعاع * هروح اكل و لما اخلص هناديلك عشان نكمل المشروع سلام
شعاع : ماشى سلام يا غزال
( ف اوضه ميرال )
ميرال : لبست الاسدال و صلت و جابت النوت بوك بتاعتها و القلم و قعدت ع السرير * شعاااع
شعاع : ظهر قاعد قدامها ع السرير و مبتسم * عيونه
ميرال : ضحكت * عامل ايه
شعاع : كويس عشان شوفت ضحكتك
ميرال : اتكسفت * احم يلا نكمل
شعاع : ضحك جامد * قلبى انا ع الناس اللى بتتكسف
ميرال : حطت ايديها ع وشها * خلاااااااص انا بدات اشك انك جنى ع فكره
شعاع : ضحك * انا غلطان انى بدلعك .... ميرال
ميرال : بصتله * لا متقولش انك هتمشى تانى و النبى
شعاع : لا متخافيش انا كنت هسألك ع حاجه بس
ميرال : اتفضل
شعاع : لسه زعلانه منى
ميرال : لا والله خلاص مش زعلانه
شعاع : بجد
ميرال : اها بجد
شعاع : طيب يا قمر احنا وصلنا لفين اخر مره
ميرال : عند اول نوع من الجن
شعاع : تمام .. تانى نوع , الجن القمرى
و دول برضو الغالبيه مسلمين يعنى 80% مسلمين و 20% شياطين , و النوع ده بيتجوز من الجن الضوئى بس يعنى الضوئى و القمرى بيتجوزو من بعض مش من انواع تانيه
بالنسبه للشياطين منهم بيبقو السحره الكبار و مش بيتكاثرو الا بواسطة القطط , نيجى بقى للمسلمين منهم هما قبيله كبيره و معظمهم قرايب و شكلهم بيبقى مميز بين الجن و برضو نوعا ما يشبهو البشر بس خواصه التكوينيه مختلفه
مقاتلين شرسين جدا عند المسلمين و ايمانهم قوى جدا ... كده خلصنا النوع تانى
ميرال : ممكن سؤال
شعاع : لا
ميرال : تمام كمل النوع التالت
شعاع : انا قولتلك كام مره اسألى من غير ما تستأذنى
ميرال : حاضر يثرب من انهى نوع
شعاع : بصى باباها من الجن القمرى ف فالحاله دى الجنين بيتنسب لنوع الاب يعنى هى من الجن القمرى , اوضحلك اكتر لو نوعين مختلفين من الجن اتجوزو الجنين يبقى تبع نوع الاب و لو لونين مختلفين من الجن اتجوزو و الجنين اتولد لون مامته يبقى تبع مامته من النوع و اللون بتاعها
ميرال : تماااااام كمل
شعاع : النوع التالت , الجن النارى
و ده اهم نوع قولى ليه
ميرال : ليييه
شعاع : اول سبب انهم اصل الجن يعنى مكانش ف اى نوع غيرهم ف بداية الخلق , و ربنا خلقهم من مارج من نار و دول منهم ابليس و اتباعه و اولاده , بعد كده تحول جزء منهم بطبيعة سكنهم و خواصهم التكوينيه و التشكيليه و الفسيولجيه لباقى الانواع
اللى هما الغواصين ف الميه و الترابيين و باقى الانواع و الفصيله دى ف منها نوع اسمه الابالسه اللى هما بيعبدو النار و الطبيعه , و منهم قبائل الجن الازرق و الاحمر و الازرق المحمر و الازرق المخضر و الجن الاخضر
القبائل دى بيسيطر عليها اتنين من اولاد ابليس و احفاده .. و هما الازرق ف الهند و الاخضر ف الصين و التهجين اللى بينهم شياطين كفار اكتر و اقوياء اكتر و مرعبين جدا و عندهم قدره كبيره ع التحمل و ف تفاصيل كتيره بقى ف كده
و النوع ده برضو منهم المرده و العفاريت مسلمين و الكفار , و المرده و العفاريت دول مش موجودين ف اى نوع تانى غير الجن النارى
تانى سبب / ان النوع ده بيمثل العدد الاكبر ف عالم الجن بنسبه توصل للنص تقريبا و الكفار من النوع ده %70 من المسلمين
اقولك بقى اشكالهم / النوع ده بالذات من الجن اشكاله كتيره و غريبه مسلمين و كفار , يعنى مثلا بيبقى ف تعدد ف العيون و الايادى و الاقدام و ف بعين واحده ف راسه من قدام او ورا او اى جنب و ف منهم عنده 40 عين و منهم عنده 6 ايادى او 4 او اكتر او اقل و الاقدام نفس الشئ
و حجم اجسامهم كبير و طويل جدا و مفيش حد فيهم قصير خالص و ف مجموعه منهم ليهم قرن واحد او اكتر يعنى اشكالهم غريبه و مختلفه
مميزاتهم بقى / النوع ده اهم صفه عنده العناد و التكبر و بيعتبرو نفسهم افضل الانواع , و عندهم صلابه مش طبيعيه و عندهم قدرة تحمل كبيره و المقاتلين من النوع ده اقوياء و بيتميزو بالسرعه العاليه ف الحركه و خاصة ف الحروب
و الطيارين من النوع ده سريعين جدا ف كل الاتجاهات و خصوصا الطيران العمودى , النوع ده بالنسبه لكفارهم بيسكنو ف الوديان الحاره و كهوف البراكين و افواها
بيستخدم النوع ده من الشياطين لو مس جسم الانسان اسلوب النفخ النارى و ده احسن سلاح عندهم بيأثر ع جسم الانسان ف بيحس بحراره ف جزء معين من جسمه حسب المكان اللى يسكن ف الشيطان
النوع ده من النفخ النارى بيسبب تكون الحصى ف كلية الانسان و كمان انتفاخ بعض الخلايا ف جسم الانسان زى اللى بيحصل ف الاورام السرطانيه البارده , المسلمين بقى بيسكنو برضو ف الاماكن الحاره من الاوديه
و ف اعلى السقوف ف المساجد و ف اعلى الجبال و التلال المعرضه لأشعة الشمس ... ها تعبتى ولا اكمل
ميرال : لا لا كمل بسرعه انا مستمتعه جدا
شعاع : تماااام ندخل ع اعمارهم بقى / زى باقى الانواع التانيه عمرهم مش بيتجاوز 1200 سنه كحد اقصى و عمر الجن يعتبر من ( 90 : 250 ) سنه دى مرحلة الطفوله تقريبا يعنى زى الاندر ايدج كده عندكو
ميرال : ضحكت * يالهوى يعنى الاطفال عندكو بيبقى عندهم 90 سنه
شعاع : ضحك * ايوه
ميرال : طب كمل
شعاع : و لحد 400 سنه دى مرحلة قمه الشباب و من (400 : 650 ) سنه دى مرحله بعد الشباب و من 650 لفوق دى مرحله الشيخوخه
و استثنى من الاعمار دى ابليس لما ربنا قدرله من العمر الى يوم يبعثون و عشان كده ف كتير من شياطين النوع ده بيعتبرو ابليس انه اله مخلد لا يموت ... و كده خلصنا النوع التالت .. كفايه عليكى كده النهارده عشان متتعبيش ظبطى اللى قولتهولك و نكمل بكره
ميرال : لااااااااا عشان خاطرى كمل انا مش تعبانه
شعاع : بنت اسمعى الكلام
ميرال : عشاان خاطرى عشااان خاطرى عشااااان خااطرى
شعاع : والله خاطرك غالى عندى و مش عاوز ازعلك بس انا خايف عليكى لانك لسه هتنقلى كل ده ع اللاب ف خلينى اقولك كل يوم حاجات خفيفه عشان تكتبيهم و متتعبيش اوى ............
بدل ماتدور وتبحث علي الروايات خليها علي تليفونك وحمل تطبيقنا
