الفصل الرابع
ميرال : انا يعنى لا شايفالك قرنين ولا ديل ولا حتى دخان زى جنى علاء الدين
شعاع : يارب صبرنى .. يابنتى كل اللى انتى بتشوفيه ف الافلام ده خيال والله مش حقيقه خالص .. الجن الكافر شكله ف الحقيقه اوحش و ارعب مليون مره من اللى ف الافلام ده
ميرال : يعنى ده مش شكلك الحقيقى
شعاع : يااااا صبر ايوب .. لا يا ميرال يا حبيبتى هو ده شكلى الحقيقى النوع بتاعى شبه البنى ادمين
ميرال : طب ما تحكيلى عنكو شويه
شعاع : حاضر يا جميل بس بعد امتحاناتك عشان معطلكيش عن المذاكره .. قومى يلا عشان ترتاحى شويه و تذاكرى
ميرال : طب ممكن اسألك سؤال قبل ما اقوم
شعاع : اكيد يا صديقتى اسألى زى ما تحبى
ميرال : انت عندك كام سنه ؟
شعاع : ابتسملها * 320 سنه
ميرال : بصدمه و بوقها قرب يوصل للارض * كااااام
شعاع : ضحك ع منظرها * اقفلى بوقك بس قبل ما حاجه تدخل ف و بطلى فضول هقولك كل اللى عاوزه تعرفيه بعد الامتحانات .. امشى يلا ع البيت
ميرال: بحزن * حااااضر و قامت تمشى
شعاع : غزال استنى * راح وقف قدامها * غمضى عينك
ميرال : ليه !
شعاع : يارب ارحمنى يا حبيبتى غمضى وانتى هتعرفى
ميرال : اهووووو انجز
شعاع : مسك ايديها و لبسها خاتم * فتحى
ميرال : فتحت و بصت ع ايديها * الله يا شعااااع شكله تحفه اووووى ده عشانى
شعاع : لا ده عشان خطيبتى صوابعها زيك فقولت اشوف هيجى مقاسها ولا
ميرال : بزعل قلعته * طب امسك هيجى مقاسها
شعاع : بضحك * تعالى يا هبله خدى
ميرال :عاوز ايه
شعاع : لبسها الخاتم تانى و بيقرص خدودها بهزار * ده عشان صديقتى و اختى الجميله اللى قدامى
ميرال : خلاص بقى متبقاش رخم اوعى خدودى وجعتنى
شعاع : ده بدل ما تقولى شكرا
ميرال : برخامه * شكرا
شعاع : يا ساتر .. العفو
ميرال : بفرحه * اسمه ايه الحجر ده
شعاع : حجر الفيروز
ميرال : شكله جميل اوى جبته منين
شعاع : انا اللى عامل الخاتم كله
ميرال : بجد تسلم ايدك حلو اوى شكرا يا شعاع يا قمر
شعاع : العفو يا غزال مش عاوز اشوفك مكشره تانى اتفقنا
ميرال : بأبتسامه * اتفقنا
شعاع : يلا امشى بقى زهقتينى
ميرال : طب ممكن طلب و همشى
شعاع : مش هنخلص بقى انجزى يابنتى اليوم هيخلص واحنا واقفين كده و مش هتذاكرى
ميرال : طلب صغنن والله وهمشى ع طول
شعاع : اطلبى يا غزال
ميرال : ممكن بعد ما اخلص مذاكره تيجى تقعد معايا شويه
شعاع : بأبتسامه *حاضرخلصى و ناديلى
ميرال : بفرحه * هييييييه خلاص انا همشى بقى سلام
شعاع : بأبتسامه حب * سلام يا غزال
ميرال : دخلت البيت ملقتش حد * ايه ده هما راحو فين لما اتصل بماما .. الوو ---------- ايوه يا ماما عامله ايه يا حبيبتى -------- انا بخير يا حبيبتى انتو فين كده --------- عند تيته طيب هتيجو امتى ---------- عااااااا بكره يعنى انا هفضل لوحدى كل ده -------- لا مش هينفع اجى عشان المذاكره و الامتحانات --------- حاضر هاكل كويس و انام كويس .. خدو انتو بالكو من نفسكو و سلميلى ع تيته --------- سلام يا حبيبتى , لما اطلع بقى اذاكر
( بعد 4 ساعات من المذاكره )
ميرال : بتذاكر فجأه النور قطع .. ياا نهااار ابيض وقته ده .. الفون فين الفوووون فييييييين ما كان جنبى ياربى انا خايفه و مش شايفه حاجه اعمل ايييييه .. اااااه شعاع لما انده عليه .. شعااااااع الهى تنستر تعااااااالى بسرعاااااه * شافت نور جاى من بره اوضتها ف اترعبت اكتر و كشت ف نفسها و حطت ايديها ع وشها بخوف
شعاع : وقف عند باب اوضتها و لف ضهره * اهدى يا ميرال ده انا متخافيش
ميرال : اول ما سمعت الصوت ارتاحت و قامت تجرى عليه و كلبشت ف ايده جامد * شعاااع خليك معايا والنبى انا خايفه اوى
شعاع : اهدى يا ميرال انا معاكى مش هسيبك بس روحى البسى طرحه
ميرال : تنحت كده شويه وبعدين استوعبت و جريت ع الدولاب طلعت طرحه و لبستها و رجعت تانى كلبشت ف ايده * انا خايفه
شعاع : لف و بصلها * خايفه من ايه ما انا معاكى اهو و منورلك
ميرال : هو انت منور بجد ولا انا بيتهيقلى
شعاع : لا روحت للكهربائى و خليته يركبلى لمبات ليد و جتلك ع طول
ميرال : راحت حدفته بالمخده اللى كانت مسكاها * دمك تقيل ع فكره
شعاع : بضحك * فعلا خيرا تعمل شرا تلقى .. بقى انا منورلك المكان و قاعد معاكى عشان متخافيش و ف الاخر تضربينى بالمخده
ميرال : عشان انت بقيت تستظرف كتير
شعاع : شكرا يا ست هانم .. ها كنتى بتعملى ايه بقى
ميرال : انت شايف ايه الكتب كلها قدامك ع السرير يبقى كنت بعمل ايه
شعاع : حدفها بالمخده اللى حدفته بيها * بقيتى بتتلمضى كتير ع فكره
ميرال : عااااا ف حد يحدف المخده بالغباء ده ع بنت رقيقه كدخه
شعاع : هى فين البنت الرقيقه دى و لمؤاخذه
ميرال : بغرور * انااا
شعاع : من امتى
ميرال : شعااااااااع اطلع بره
شعاع : حاضر * و اختفى بسرعه
ميرال : لقت الدنيا ضلمت تانى ف اترعبت * شعااااااع تعالى عشان خاطرى كنت بهزر
شعاع : لسه مختفى * اتحايلى عليا
ميرال : بالله عليك تعالى عشان انا مرعوبه
شعاع : قولى انا اسفه يا شعاع مش هعمل كده تانى
ميرال : بدا نفسها يتقل و حاسه هيغمى عليها و بصوت باكى * اا..انا اسـ..اسفه يااااا........
شعاع : لما شافها تعبت ظهرلها بسرعه * اهدى اهدى انا اسف والله كنت برخم عليكى
ميرال : بتاخد نفسها بالعافيه * عـ..عشان خاااطرى متسبنيش
شعاع : مش هسيبك والله بس اهدى و خدى نفسك براحه
ميرال : بدا تنفسها يبقى طبيعى و عيطت
شعاع : لا لا عشان خاطرى اهدى متعيطيش اسف والله مكنتش اعرف انك بتاخفى اوى كده
ميرال : بعياط * و انا صغيره حصلى موقف ف الضلمه من بعدها مبقتش بقعد ف اى مكان مضلم و لو النور قطع و انا لوحدى او محدش نورلى بسرعه بتخنق و بيغمى عليا
شعاع : طب اتفضلى اشربى ميه و اهدى و احكيلى ايه اللى حصل
ميرال : شربت ميه و سكتت شويه بتفتكر اللى حصل راحت معيطه جامد
شعاع : خلاص خلاص مش عاوز اعرف بس اهدى عشان خاطرى
ميرال : لسه بتعيط
شعاع : قعد قدامها و مسك ايديها و اتكلم بهدوء و حنيه * ششششششش اهدى خلاص انا جنبك و انسى اى حاجه حصلت
ميرال : بدات تهدى
شعاع : ها بقيتى احسن ؟
ميرال : هزت راسها بمعنى ايوه و مسحت دموعها
شعاع : كلتى ؟؟
ميرال : لا
شعاع : طب اعمل ايه فيكى اكتم نفسك بالمخده دى و نخلص ولا اعمل ايه
ميرال : ضحكت * مش بيجيلى نفس اكل وانا لوحدى
شعاع : طب قومى يابنتى قدامى نعمل حاجه ناكلها
ميرال : طب هات ايدك قومنى
شعاع : اتفضلى .. ايه ده يا ميرال انتى تخنتى اوى
ميرال : زقته * طب قدامى و خلى يومك يعدى
شعاع : ايه يابنتى القوه اللى جتلك فجأه دى حسيت جون سينا اللى زقنى مش البنت الرقيقه اللى كانت موجوده من شويه
ميرال : انزل يا شعاع وانت ساكت بدل ما اشقلبك من ع السلم
شعاع : انتى ليه محسسانى انك بتكلمى اسر اخوكى مش جنى ممكن يشقلبك انتى دلوقتى ومتعرفيش راسك من رجليكى
ميرال : والله !! انت مش هتقدر تأذينى اصلا
شعاع : للاسف ايوه مش هتهونى عليا
ميرال : طب اخلص الحاجه قدامك اهيه شوف هتعمل ايه
شعاع : أوامرك .. البرنسيس تحب تاكل ايه
ميرال : اسرع حاجه اعمل مكرونه بالوايت صوص و ف بانيه جاهز عندك حمره
شعاع : علم و ينفذ برنسيس * كان بيعمل الحاجه وبيتحرك بسرعه كبيره جدا* اتفضلى برنسيس
ميرال : ده لو ماما شافتك و انت بتعمل الاكل بسرعه كده هتحبك اوى وتخليك الشيف بتاعنا
شعاع : هتدونى كام
ميرال : ولا قرش واحد يلا ورايا
شعاع : ناس بخيله .. امشى ياختى ولا استنى اقفى بدل ما تتقلبى بالاطباق و انتى طالعه
ميرال : هتعمل ايه يعنى
شعاع : خدى نفس عميق و غمضى عينك
ميرال : عملت زى ما قالها
شعاع : فتحى
ميرال : فتحت لقتهم ف الاوضه * وااااو عملتها ازاى
شعاع : اى خدعه عدى الجمايل
ميرال : واحده ..........
بدل ماتدور وتبحث علي الروايات خليها علي تليفونك وحمل تطبيقنا
