Ads by Google X

القائمة الرئيسية

الصفحات

رواية صديق من عالم اخر الفصل الخامس


 الفصل الخامس

شعاع : اه يا جزمه بعد كل اللى عملته معاكى ده و تقوليلى واحده اطفحى عشان ملبسكيش الطبق ف وشك
ميرال : عنيف اوى ع فكره .. ايه ده انت بتعمل ايه
شعاع : اييه هاكل يعنى انتى تاكلى وانا اتفرج عليكى
ميرال : بأندهاش * اييييه ده انتو بتاكلو نفس الاكل بتاعنا
شعاع : ايوووون
ميرال : زقت ايده * قوم اعملك طبق
شعاع : بصدمه * انتى بتهزرى صح !! هتاكلى نص كيلو مكرونه لوحدك !!!!
ميرال : قول ما شاء الله
شعاع : اطفحى يا ميرال بالهنا و الشفا
ميرال : طب خلاص كل عشان بطنى متوجعنيش
شعاع : يا ساتر .. ميرال انتى وزنك كام ؟
ميرال : 55 كيلو
شعاع : يعنى بعد كل الاكل ده و 55 كيلو بس
ميرال : ايووون انا مش بتخن بسرعه
شعاع : هى المكرونه طعمها مش حلو !
ميرال : لا جميله . ليه
شعاع : امال مش بتنطقى ليه
ميرال: سورى نسيت تسلم ايدك
شعاع : بالهنا و الشفا ياختى
ميرال : تعالى انزل اغسل الاطباق بقى
شعاع : لا خليكى هعملهم انا بسرعه
ميرال : هتسيبنى لوحدى
شعاع : لا غمضى عينك يلا و خدى نفس * نزلو غسل الاطباق و طلعو تانى
ميرال : اكمل مذاكره بقى شكل النور مطول .. معلش بقى انا هرخم عليك و هخليك قاعد لحد ما النور يجى
شعاع : ولا يهمك يا غزال انا جنبك ع طول
ميرال : بابتسامه * شكرا * و كملت مذاكره
( بعد ساعتين )
ميرال : تعبت و عاوزه تفصل شويه * شعاع ممكن اسألك سؤال
شعاع : ميرال ادخلى ع الؤال ع طول و بلاش استأذان
ميرال : مش عاوزه ابقى متطفله عليك



شعاع : مش احنا اصدقاء و اخوات
ميرال : اهااااا
شعاع : طيب تطفلى براحتك من غير ما تستأذنى
ميرال : افتكر ان انت اللى قولت
شعاع : ارغى يا ميرال عاوزه تعرفى ايه
ميرال :هو انتو بتتجوزو و تخلفو زينا
شعاع : ايوه
ميرال : انت متجوز ؟
شعاع : انتى شايفه حاجه ف ايدى !!
ميرال : بتحب ؟!
شعاع : بصلها و سكت و ملامحه اتغيرت للحزن
ميرال : لو حابب تحكى انا سمعاك
شعاع : قام من ع الكرسى و قعد جنبها ع السرير و اتنهد * كنت بحبها و ماتت قبل ما اخطبها بيوم
ميرال : زعلت عشانه * ايه اللى حصل
شعاع : بنت خالتى بحبها من و احنا صغيرين ولما كبرنا و اتأكدت من مشاعرها قولتلها تقابلنى ف جنينة القصر .. اتقابلنا و اتكلمنا و اعترفنا لبعض .. و اتفقنا انى اكلم بابا و خالتو تانى يوم ونتخطب ع طول و بالليل سمعنا خالتو بتصرخ و لما وصلنا عندها ف اوضه يثرب ............
ميرال : لما لقيته سكت مسكت ايده عشان تشجعه يكمل
شعاع : لقينا يثرب متقطعه و الاوضه كلها مليانه بأجزاء جسمها كأن قنبله انفجرت فيها
ميرال : تخيلت المنظر و عيطت
شعاع : سبتهم و اخدت الحراس عشان ندور ع اللى عمل كده و لقيته .. كان واحد من اولاد ابليس الكافر الله يلعنه و فضلت اعذب ف سنين و بعدين رميته للذئاب تاكله و هو صاحى .. بعدها دخلت ف حاله اكتئاب
لا باكل ولا بشرب ولا بكلم حد .. قاعد ف اوضتى بفتكر ف ذكرياتنا مع بعض بس .. بعد الموضوع ده بشهرين بابا قالى هتتجوز انا جايبلك بنت كويسه انا رفضت
مش هعرف احب حد زيها و هظلم معايا البنت لو وافقت .. سابنى و بعدها بكام سنه كلمنى تانى و رفضت و بقى يتخانق معايا كتير و لما جبت اخرى سبتله كل حاجه و مشيت .. اول مره قابلتك فيها وقتها كنت لسه سايب القصر و جيت ع هنا قررت انى مش هتجوز خالص
و استنى لحد ما اموت واطلبها من ربنا ف الجنه * اتنهد بحزن و بص لميرال لقاها حطه ايديها ع بوقها وبتعيط من غير صوت * لا يا ميرال بقى مش كل شويه تعيطى تعبتينى معاكى
ميرال : بصتله و مسكت ايده * انا اسفه
شعاع : ع ايه !؟
ميرال: انى فكرتك بالموضوع ده
شعاع : انا منستوش اصلا انا فاكره دايما كأنه لسه حاصل دلوقتى
ميرال : و اسفه تانى ع اللى حصلها
شعاع : لا يا حبيبتى انتى ملكيش ذنب * مسح دموعها * اهدى بقى عشان خاطرى ولا مش عاوزه تعرفى مين اللى طلعنى من اكتئابى
ميرال : بدموع ابتسمت * لا كمل
شعاع : لما تبطلى عياط الاول
ميرال : خلاص بطلت اهو كمل و النبى
شعاع : حاضر .. انتى اللى طلعتينى من حالة الاكتئاب و الحداد اللى كنت فيها
ميرال : ما تقول يا شعاع مين اللى طلعك من الاكتئاب
شعاع : ايه الغباء اللى نزل عليها فجأه ده يارب .. انتى يا ميرال انتى
ميرال : انا ازاى مش فاهمه .. يعنى انا طلعتك من اكتئابك مش زودته عليك
شعاع : ايوه
ميرال : يا راجل طب احكيلى ازاى
شعاع : لما سمعت صوتك اول مره ارتحت .. ولما قربت منك و شوفتك و اتكلمت معاكى ارتحت اكتر .. لقيتك شبها جدا مش شكلا لكن روحك شبه روحها و اسلوبك و طريقتك زيها
حساسه و رقيقه و روحك صافيه و نقيه .. قولت لازم اقرب بس كنت خايف لما تعرفى حقيقتى تبعدى .. و حصل بس قولت لا برضو مش هسيبك و كنت هجيلك انا بس لقيتك جيتى الجنينه
فرحت جدا و لما شوفتك منهاره من العياط كده قلبى وجعنى قولت لازم اكون جنبك و لما اتكلمتى و عرفت اللى مضايقك اخدت عهد ع نفسى انى مش هسيبك ابدا و هفضل جنبك و سند ليكى بعد ربنا طبعا و بابا و ماما و اخوكى .. و اول مره اكل معاكى من 10 سنين
ميرال : كانت اتأثرت بكلامه و عيطت
شعاع : اييييييييه يا ميرال بقى حرام عليكى يعنى زعلانه تعيطى فرحانه تعيطى طب اعمل فيكى ايه
ميرال : شكرا انك ف حياتى والله من اول ما شوفتك ارتحتلك و نفسيتى بقت احسن
شعاع : اللى ف القلب ف القلب والله يا ميرال ممكن بقى كفايه عياط عشان كده هتجبيلى اكتئاب تانى
ميرال : حاضر .. طب ممكن سؤال اخير
شعاع : ميرال يا حبيبتى انتى بقيتى تستغبى معايا كتير ليه هو انا مش قولت اسألى ع طول
ميرال : ازاى مش بتاكل ولا بتشرب من 10 سنين و لسه عايش
شعاع : ضحك * عشان ربنا مدينا القوه اننا نستحمل .. يلا عشان تريحى جسمك شويه وتنامى
ميرال : لا انا هكمل مذاكره
شعاع : تكملى ايه يابنتى انتى قدامك 5 دقايق و يغمى عليكى عشان مش مديه عقلك و جسمك فرصه يرتاحو من اسبوعين
ميرال : ما الامتحانات قربت و انا عاوزه اخلص
شعاع : مش انتى قربتى تخلصى و الامتحانات فضلها اسبوع
ميرال : انا خلصت بس بحل اسئله عشان يثبتو ف دماغى
شعاع : طب ايه يا ميرال ما الحمدلله انتى شطوره و مخلصه اهو ريحى بقى شويه
ميرال : حاضر .. ممكن طلب رخم
شعاع : مش هرد عليكى
ميرال : معلش والله اول مره اتكلم مع حد و اتقل عليه
شعاع : ولا متقله ولا حاجه بطلى كلامك الاهبل ده عشان بزعل .. ارغى يلا و انجزى عشان تتخمدى



ميرال : ممكن تخليك قاعد معايا لحد ما النور يجى و لما يجى نورلى الاباجوره دى و سيب باب الاوضه مفتوح
شعاع : حاضر
ميرال : ابتسمتله بحب * تصبح ع خير
شعاع : وانتى من اهل الخير يا غزال
( اول يوم امتحانات )
ميرال : راحت الكليه و قاعده لوحدها بعيد عن الدوشه و البنات اللى بيضايقوها و بتراجه
سلمى : وقفت قريب منها * بصو يا بنات قاعده لوحدها ازاى خايفه حد ياخد مجهودها و الاسئله بتاعت الامتحان * و ضحكت هى و البنات و مشيو راحت سلمى متزحلقه و وقعت و كان شكلها يضحك و كله ضحك عليها
ميرال : مسكت نفسها من الضحك بالعافيه و راحت تساعدها و تقومها
سلمى : اوعى ابعدى عنى مش محتاجه مساعده منك
ميرال : احسن * و رجعت قعدت مكانها
شعاع : كلمها بالتخاطر كان بيدربها عليه الفتره اللى فاتت * اى خدمه برنسيس
ميرال : بتخاطر * انت اللى عملت كده
شعاع : ايووووون
ميرال : حرام عليك كسفت البنت بس بصراحه كان شكلها يموت من الضحك
شعاع : مش هسيب حد يضايق صديقتى تانى
ميرال : ربنا يخليك لصديقتك يارب .. مقولتليش ليه انك هنا
شعاع : مش عاوز اشغل تركيزك .. ركزى بس انتى ف الامتحان و ملكيش دعوه ب اى حاجه تانيه كله تحت السيطره
ميرال : طيب هدخل انا بقى ادعيلى
( بعد الامتحان )
ميرال : خرجت مبسوطه و مبتسمه
سلمى : جت قدامها * طبعا انتى هتبقى الاولى ع الدفعه باباكى دفع كام للعميد عشان يديكى الاسئله
ميرال : كانت لسه هترد و توقفها عند حدها شافت العميد ورا سلمى فسكتت
العميد : طب مجتيش سألتينى انا ليه يا انسه سلمى
سلمى : لفت بتوتر * يـ..يافندم انااااا كنت ........
العميد : نكمل كلام ف المكتب يا انسه * بص لميرال * انا اسف يا انسه ميرال جدا ع المضايقات بتاعت زميلتك .. انا هتصرف معاها اتفضلى روحى و وصلى سلامى للدكتور
ميرال : شكرا جدا يا فندم .. حاضر يوصل ان شاء الله .. عن اذنك ..........

تعليقات