الفصل السادس
شعاع : و اخيرا خلصنا من ام اربعه و اربعين
ميرال : ضحكت جامد * حرام عليك والله
شعاع : ياست اسكتى عجبك يعنى كلامها الرخم اللى بتسمعهولك كل شويه
ميرال : لا بس مش عاوزه اسبب ليها اى اذى ف مستقبلها
شعاع : طيبه اوى زيها .. عموما متقلقيش
ميرال : الله يرحمها
شعاع : فطرتى ؟!
ميرال : لا لسه
شعاع : شايفه الشجره اللى هناك دى
ميرال : اهااااا
شعاع : انا مستنيكى هناك عشان اروحك بسرعه بدل ما تاخدى وقت ف المواصلات
ميرال : حاضر * راحت عند الشجره و كان مستنيها * ازيك
شعاع : بخير يا جميلتى اخبار الامتحان ايه
ميرال : الحمدلله كويس جدا
شعاع : الحمدلله يلا بينا بقى
ميرال : هححححح يلا * اختفو وظهرو ف الجنينه
شعاع : عاوزه تاكلى ايه
ميرال : اندووووووومى
شعاع : معفنه
ميرال : الله ليه الغلط طيب
شعاع : شششش اسكتى اقعدى هنا و هاجى بسرعه
ميرال : ماااااااشى * مسكت الفون تلعب ف شويه
شعاع : اتفضلى
ميرال : عااااااا ف حد يخض حد كده
شعاع : صوووتك يا مجنونه الناس هتفتكرك ملبوسه كلى يلا
ميرال : ما انت اللى هتوقفلى قلبى بظهورك فجأه ده هات .. شكرا
شعاع : عجبك !!
ميرال : اه جدا
شعاع : انا اللى عامله
ميرال : بجد تسلم ايدك
شعاع : بالهنا و الشفا ياختى هو انا لازم اتكلم مينفعش انتى تنطقى من غير ما اتكلم
ميرال : والله ما اعرف انك انت اللى عامله افتكرتك مشتريه
شعاع : طب بذكاء كده انا بظهر لحد !!
ميرال : لا
شعاع : طيب يا حبيبتى اى اكل اجبهولك ببقى انا اللى عامله
ميرال : ماشى يا عم خلاص
شعاع : يلا اتفضلى ادخلى البيت نامى شويه و بعدين تقومى تاكلى و بعدها تذاكرى
ميرال : حااااضر
شعاع : عارفه لو مسمعتيش الكلام و دخلتى تذاكرى ع طول هزعلك
ميرال : حاضر خلاص هسمع الكلام سلام
شعاع : بأبتسامه * سلام يا غزال
ميرال : دخلت البيت و طمنت مامتها و باباها و طلعت تاخد شاور وتنام
شعاع : بتخاطر * بتعملى ايه
ميرال : هنااااااام
شعاع : شطوره حبيبتى وانتى بتسمعى الكلام
ميرال : شكرا اسكت بقى عشان انام
شعاع : احلام سعيده يا لمضه
ميرال : ضحكت و بعدين دخلت ف نوم عميق
( اخر يوم امتحانات )
ميرال : راحت لشعاع عند الشجره
شعاع : عملتى ايه ف الامتحان يا جميل
ميرال : الحمدلله حلووو اووووووى
شعاع : الحمدلله يا حبيبتى ان شاء الله تجيبى تقدير كويس
ميرال : يااااااااااارب يا شعاع
شعاع : يلا نروح
ميرال : يلا * اختفو وظهرو ف الجنينه
شعاع : يلا روحى ارتاحى
ميرال : لا انا خلاص خلصت امتحانات عاوزه بقى اقعد معاك و تحكيلى عنكو
شعاع : هحكيلك كل حاجه انتى عاوزاها والله بس روحى ارتاحى شويه و لما تصحى تعالى اقعدى هنا او اجيلك انا
ميرال : بزعل * حاضر * وقامت تمشى
شعاع : بنت بنت تعالى هنا
ميرال : افندم نعم
شعاع : اتفضلى
ميرال : بفرحه * الله انا كنت بدور ع نوع الشوكليت دى من بدررى و مش لاقياها .. شكرا جدا
شعاع : اى خدمه يا جميل اضحكى بقى متكشريش تانى
ميرال : بأبتسامه * سلام
شعاع : سلام يا غزال
( ف نفس اليوم بالليل )
ميرال : صحيت و بتبص ف الساعه .. يا نهار ابيض الساعه 10 انا نمت كل ده لما انزل اشوفهم عاملين اكل ايه و اكل و انده لشعاع * نزلت
محمد : اهلا بكائن الباندا
ميرال : بضحك * اهلا يا حج
محمد : اكيد صاحيه عشان تاكلى
ميرال : صح عرفت ازاى
محمد : اللى ربى خير من اللى اشترى
ميرال : ضحكت جامد * والله يا دادى انت ظالمنى منا مسحوله من اول الدراسه و مش باكل و خسيت حس بيا يحس بيك ربنا
محمد : خلاص يا امينه يا رزق انتى هتشحتى روحى كلى ياختى
ميرال : سؤال لولبى معلش
محمد : ارغى
ميرال : سهران ليه
محمد : اجابه لولبيه ملكيش دعوه
ميرال : ماشى يا حج * دخلت المطبخ * عااااااااااااااااااا
محمد : اتخض و قام جرى و دخلها * اييييه ف ايييه
ميرال : جريت استخبت وراه * صرصاااااار يا بااابااااا
محمد : سكت دقيقه يستوعب و لف بصلها * قولتى ايه
ميرال : بخوف * صرصاار كبير ف الحوض موته بسرعه والنبى
محمد : يعنى خلتينى قطعت الخلف و فكرت ف حرامى ثبتك و ف الاخر تقوليلى صرصار ف الحوض
ميرال : اه يا بابا اقتله عشان خاطرى ده كبير اوى و شكله يخوف
محمد : الصبر من عندك يارب ف انهى داهيه الصرصار ده
ميرال : ف الحوض
محمد : راح ناحيه الحوض و فتح الميه عشان الصرصار يطلع و يقتله و طلع و قتله * خلاص يا هانم اتفضلى شوفى كنتى هتعملى ايه
ميرال : الحمدلله انا مش عارفه لو مكنتش موجود كان حصل ايه اكيد كان كلنى
محمد : بصلها بصدمه * الصرصااار يكلك انتى !! لا حول ولا قوة الا بالله * و خرج
ميرال : خدت الاكل و خرجت * عاوز حاجه منى يا حج قبل ما اطلع
محمد : شكرا يا حجه
ميرال : طلعت و حطت الاكل قدامها و بدات تاكل , جتلها رساله ع الواتس فتحت لقت رقم غريب
- عملتى ايه ف مادتى النهارده
بتبص ع الصوره لقته دكتور حازم اللى ف الكليه ردت , تمام يا دكتور الامتحان كان حلو الحمدلله
- مش هقبل بأقل من امتياز و تبقى الاولى ع الدفعه
يارب يا دكتور ان شاء الله
- بداتى ف المشروع ؟!
لسه والله يا دكتور
- طب شدى حيلك بقى عشان تلحقى تخلصيه و اكرمك بنفسى
حاضر يا دكتور
- هتعمليه عن ايه !
بحث بس لسه مش عارفه عن ايه بفكر يعنى لسه
- طيب لو احتاجتى اى مساعده مش محتاج اقولك تقوليلى ع طول
ربنا يخليك يا دكتور تسلم
- ماشى يا جميل اه نسيت اقولك متقلقيش خلاص سلمى مش هتضايقك تانى احنا فصلناها من الكليه
ليه يا دكتور مكانش ليه لازمه كان كفايه انذار بس
- لا طبعا مينفعش تضايقك و تضايق زمايلك و نسيبها
يا دكتور انا مسامحاها والله بس حرام السنه تضيع عليها كده
- متشغليش بالك هى خدت نصيبها خلاص و انتى ركزى ف المشروع
تمام يا دكتور
- هتعوزى منى حاجه
شكرا
- تصبحى ع خير يا جميل
و حضرتك من اهل الخير * قفلت الفون و نزلت غسلت الاطباق و طلعت لبست الطرحه * شعااع
شعاع : بأبتسامه * يا مساء الورد ع عيونك نمتى كويس
ميرال : بأبتسامه * ايوه اصلا كنت هسرح ف النوم و اكمل لحد بكره
شعاع : لو عاوزه تنامى كملى طيب عشان متتعبيش
ميرال : لا خلاص قدامى اجازه مفتوحه هشبع فيها نوم * و سرحت
شعاع : ايه ده ميرااااااااال انتى بتنامى مفتحه
ميرال : ضحكت * لا بس ف حاجه غريبه حصلت معايا قبل ما تيجى
شعاع : ايه هى
ميرال : فتحت الفون و جابت محادثه الدكتور * خد اقرا
شعاع : خلص قرايه * طب ايه الغريب مش فاهم
ميرال : اولا انه بعتلى ع الواتس و مكلمنيش ف الكليه مع انه كان موجود و شافنى .. ثانيا انه مهتم بالمشروع بتاعى و عاوز يساعدنى
شعاع : طب ايه الغريب ف كده برضو ما هو اكيد مهتم بكل الطلبه بتوعه
ميرال : لا استنى احكيلك و افهمك
شعاع : سامعك
ميرال : دكتور حازم بالذات كان مهتم بيا ف الدراسه و مش فاهمه ليه .. ف المحاضرات بتاعته كان كل ما يخلص جزئيه يسألنى كذا مره فهمتى يا ميرال و كأن مكتوب ع دماغى ميرال الغبيه
مع انى كنت شاطره معاه جدا و كذا حد سألنى هو ليه مهتم بيكى زياده كده و مش بيهتم بينا زيك .. و بعد ما تخلص المحاضره و ابقى خارجه يقولى لو ف اى حاجه مش فاهماها ابعتيلى ع الواتس
و يقول لباقى زمايلى اللى عنده سؤال او استفسار انا ف المكتب .. و ف امتحانات الميد تيرم كنت بقفلها و كان بيبقى ف كذا حد مقفل بس بيبقى بصصلى و فرحان جدا و بيبقى فرحان لباقى زمايلى طبعا بس مش نفس الفرحه اللى بشوفها ف عينه ليا
و كل امتحان بقفله بيدينى شوكليت و مش بيدى لحد تانى و الدفعه كلها بتبقى متغاظه و يقولوله اشمعنا هى .. يقولهم بثقه لما تبقو مميزين عندى زيها .. مش فاهمه مميزه ازاى ده في ناس ف الدفعه عباقره و مش بيعمل معاهم زيى .. بس
شعاع : و ده ملفتش نظرك لحاجه !!
ميرال : بأستغراب * حاجه زى ايه
شعاع : انه معجب بيكى مثلا
ميرال : اتصدمت * لا يا عم معجب ايه بس اسكت ...............
