الفصل الاول
الأشخاص
حور:بطلة الرواية عندها ١٦ سنه طولها متوسط عنيها لونه عسلي وشعرها بني بتحب الحاجات البسيطه وبتفرح من اقل حاجه
سلسبيل :اخت حور الصغيره عندها ١٠ سنين عنيها بني وشعرها لونه اسود
علا :ام سلسبيل وحور بتحبهم جدا ومصحباهم عندها ٤١ سنه
عمران :ابو سلسبيل وحور بيحبهم وبيجبلهم كل اللي نفسهم فيه عنده ٤٥ سنه
زين :بطل الروايه عنده ٢٦ سنه عنيه عسلي وشعره بني ورياضي قمور من الأخر و طريقة كلامه صعب وطباعه حاد وعصبي ابوه متوفي
سميره :ام زين بتحبه جدا ومش بترفضله طلب عندها ٤٣ سنه
اسر ابن خال سلسبيل وعنده ١٢ سنه
ايات :صحبة حور المقربه في نفس السن وهي عنيها خضره وشعرها دهبي
احمد : ابن عم ايات عنده ٢٢ سنه عنيه زرقه وشعره اسود ورياضي
يوم الخميس الساعه ١١ الصبح
علا :اصحي يا حور عشان تشتري الفستان عشان فرح يوسف ابن خالك
حوربنوم : يوسف مين بس يا ماما فكك منه وخليني اكمل نوم فرح ايه بس وقرف اي
علا : طيب شوفي انا هعمل فيكي ايه دلوقتي (راحت جابت ازازة مايه ودلقتها عليها)
حور بفزع: اههه البيت بيغرق
علا بضحك : هو كان لازم اعمل كده عشان اصحيكي يعني
حور : شكوا يا لولي اهي دي الأم المصريه ولا بلاش
علا : راحت رفعتلها شبشب ابو ورده بتاعها وضربتها وقالتلها لولي اي ي ي حيوانه
حور : ياماما بقا في اي متفرفشي كده انا قايمه اهو
حور اتصلت علي صحبتها عشان يروحو يجيبو فساتين
بعد اما حور لبست عشان تقابل صحبتها
الأب عمران: خدي الفلوس ياحور وجبيلك احسن فستان
حور : ربنا يباركلي فيك يا رورو (وادتله بوسه)
عمران: ياهه بتصغريني يا بنت علا
لما حور اتقابلت مع صحبتها
حور :اي ي كلبة لازم يبقا فيه حاجه ضروريه عشان نتقابل وحشتيني اوي
ايات : وانتي واحشاني كتير يسطا بقولك اي يلا نروح ناكل في اي مكان عشان مفطرتش
حور : يلا يمنيله ما انتي ديما مفيش في دماغك غير الأكل
ايات :ياخرابي يجدعان بتموت فيا
حور : يلا ي خفيفه
بعد اما فطرو ورايحين عشان يشوفو فستان
حور : اخبارك اي مع احمد
ايات : الحب من طرف واحد هو بيعملني كأخته
حور : طيب وافردي طلع بيحبك مهو انتي بتقوليلي بيمنعك من حاجات ومبيحبكيش تهزري مع قرايبك الاولاد
ايات : معتقدش ممكن يكون خايف عليا مش اكتر
حور : سبيها علي الله
حور: الله بصي الفستان ده حلو اوي
ايات : فعلا تحفه اوي جربيه كده
حور راحت تجرب الفستان وهو فصير ضيق من فوق ونازل علي واسع لونه كشمير ومن عند الأكتاف فيه ورود صغيره لونه احمر ورقيق اوي
ايات : الله ي حور شكلك يجنن
حور : بجد يعني مظبوط عليا
ايات مظبوط عليكي جدا كأنه مصنوع ليكي ومبين انك بنت ناس
حور : يعني انا مش بنت ناس في الأول
ايات : كنتي جعفر اوي في نفسك
حور : امشي من قدامي عشان مزعلكيش ياربي عالبلوه دي
حور بعد اما رجعت البيت ظبطت نفسها وعملت ماسكات لحد ما يجي معاد الفرح
بعد ساعات
حور لبست الفستان َحطت ميك اب رقيق جدا مخلي شكلها ملاك وبريئ
عمران : ماشاء الله ايه الحلاوه دي يا بت كبرتي واحلويتي
علا بعياط : اي القمر ده عقبال ماتبقى عروسه وافرح بيكي
حور بضحك : اي يجدعان هو انا احلويت دلوتي بس انا حلوه من زمان
عمران :يلا امشي يعم الواثق
علا: يلل يسلسبيل
سلسبيل كانت لبسه فستان لونه ابيض مبين طفولتها حلو اوي
بعد اما وصلو للقاعه
حور : يوسف اهو يماما هروح اسلم عليه هو والعروسه
علا : ماشي بس مترخميش عليه النهارده عشان فرحه
حور: عيب عليكي كوني وثقه اني مش هرخم عليه
علا : انا قلقت من دلوقتي ربنا يستر
اسر : سلسبيل تعالي اللعبي معايا
سلسبيل : طيب يلا
حور وهي رايحه تسلم علي يوسف وبتجري داست علي رجل حد
البنت : اي ي جموسه مش تاخدي بالك
حور : انا اسفه لحضرتك
البنت: اسفه اي وقرف اي انتي بهدلتيلي الجزمه الكعب بتاعي
الشاب :خلاص يمريهان هي اعتزرتلك
حور :طيب بصي بقا انا عتزرتلك قبلتي ماقبلتيش براحتك
مريهان : شايف ي خالد طريقة كلامها بلدي اوي
حور مشيت وسابتها ومردتش عليها
حور راحت تسلم علي يوسف
حور : العريس اللي منور الدنيااا
يوسف : مين حضرتك انا سامع صوت حور بس مش شايفها
حور :سلامة الشوف انا حور
يوسف: اي يبت الحلاوه والجمال ده
حور : طبعا يبني انا حور عايزني ابقا اي وراحت داست علي رجله وشادتله ودنه جامد
يوسف بوجع : اههه يامجنونه يخربيتك انا غلطان اني عزمتك علي فرحي
حور ببراءه مصطنعه : اي يبني بباركلك
يوسف :اه مهو باين
يوسف :مريم دي حور اللي بحكيلك عنها مجنونة العيله
مريم : متقولش عليها مجنونه دي ملاك حور : انا حبيتك يابنتي قبل ما اتعامل معاكي احنا خلاص بقينا صحاب
مريم :طبعا يا قمر ده احنا هنتفاعل جدا مع بعض وبالمره نتفق مع بعض علي يوسف
حور :حتي مراتك مش طيقاك ي يوسف
يوسف : طيب غوري في داهيه بقا عشان مزعلكيش
حور : انا همشي اصلا مش طايقه اشوفك
هو وهي ماشيه لاقت حد شايل عصاير فا خدت منه وهي ماشيه
مريهان : البت البيئه دي لما بتعدي من جمبنا بتقرف اوي
خالد :بس بقي دي طفله حتحطي عقلك بعقل طفله
حور بحتدف العصير اللي في الكاس عليها بس في الوقت ده كان في شاب كان معدي من جمبهم فا جت فيه
الشاب بصلها وراح واقف قدمها وقالها
الشاب: *******
بدل ماتدور وتبحث علي الروايات خليها علي تليفونك وحمل تطبيقنا
