الفصل السابع
- ازيك يا شادى .. بقالنا كتير مشفناش بعض ! يخساره افتكرتك حبتنى بجد و ادينى اهو ففرحك و بباركلك
شادى حس بوجع جامد ف راسه
÷ انتى اى الى جابك هنا !!! جايه تفتكريه بعد ٣ سنين وكمان جايه ف فرحنا !! عايزه تبوظيه صح
- اصل سمعت ان شادى مش فاكرنى ولا فاكر اى حاجه فالسنه الى كنا فيها اصحاب والسنه الى بعدها ف قولت اجى افكره
شادى فجأه قام و جرى بسرعه وسط الناس
بعياط ÷ حرام عليكى بوظتيلى فرحى .. منك لله يا حور
بابا ملك راح ورا شادى
شادى كان قاعد فالارض ف شارع فرعى بعيد خالص عن القاعه
¥ انت كويس يا شادى !!
= بنتك ضحكت عليا .... بدل متفكرنى بالى حصل و انى كنت بحب حور استغلت انى مش فاكر حاجه بس عشان اتجوزها ... بكرا الصبح هطلقها
بابا ملك اتعصب جامد
¥ الى بتقول عليها ضحكت عليك فضلت مستنياك سنين !! مش فاكر مساعدتها ليك وقت وفاه مامتك ولا حتى وقت ازمتك النفسيه ؟! ولا انت زى القطط تاكل وتنكر ... بنتى ضيعت سنين من عمرها عشانك انت و فالاخر تقول بتضحك عليك !! انت بنى ادم مغفل و معندكش كرامه .. عايز تطلقها عشان تجرى ورا السنيوره بتاعتك ؟! الخاينه الى فضلت مخبيه عنك حقيقه انها متجوزه ومعاها طفل بس عشان تساعدها انها تحسن عيوبها وفالاخر سابتك وسافرت مع جوزها ... انا اصلا مكنتش موافق عليك من الاول بس وافقت عشان بنتى بتحبك جدا عموما طلقها بعد شهر .. اعمل حساب انها كانت صديقتك حتى فيوم و بعد ميعدى شهر انا الى هقولك تطلقها .. ميشرفنيش ان جوز بنتى يكون واحد رخيص زيك
ومشى وساب شادى لوحده
رجع للفرح
كل الناس كانت بتضحك و بتتكلم بينها وبين بعض عن العروسه الى عريسها هرب من الفرح
وملك كانت واقفه مصدومه و بتعيط من كلام الناس الى سامعاه
اما حور ف مشيت بعد لما شادى ساب الفرح .. كانت شمتانه ف ملك
ملك روحت مع باباها لبيتهم
÷ انا رايحه انام ..
¥ ملك انا قلتله يطلقك بعد شهر . هو كان عايز يطلقك بكرا الصبح بس قولتله يطلقك بعد شهر عشان كلام الناس
÷ مش فارق معايا يطلقنى ولا لا انا بس ...
مكملتش كلامها و ووقعت عالارض
مامتها وباباها جريو بيها عالمستشفى
£ طمنا عليها يا دكتور ..
× هى كويسه هى بس اتعرضت لصدمه و زعلت جامد .. تقدرو تشوفوها
دخلو عشان يشوفو ملك
£ ملك .. هو ميستاهلكيش صدقينى ...
¥ ياريتنى م كنت وافقت عالجوازه دى اساسا
ملك كانت بتبصلهم ومش بتتكلم ...
وقتها دخل شادى
= ينفع تسيبونا مع بعض شويه
¥ انت اى الى جابك هنا اساسا !!!!! صدق الى قال بيقتلو القتيل و يمشو فجنازته .. ابعد خالص عن بنتى . وطلقها دلوقتى لو عايز انا خلاص مش فارق معايا كلام الناس . كل الى يهمنى بنتى وبس
÷ عايز اى تانى منى . وقتى و اخدته . مشاعرى و اخدتها . قلبى وكسرته . عايز تاخد النفس الى بتنفسه ؟! خده اساسا مش عايزاه
= لو سمحتو سيبونا لوحدنا شويه
£ تعالا يا احمد يمكن جاى يصالحها
¥ اوف هضطر اتنازل تانى يعنى ؟! هما عشر دقايق وجاى تانى . قولها الى عايز تقوله بسرعه
= تمام ...
بعد لما مشيو شادى مسك ايد ملك
بس ملك سحبتها بسرعه
÷ عايز اى يا شادى ..
= انا ... انا اسف ي ملك . انا فكرت بطريقه غلط والله ... انا بس لما رجعتلى ذاكرتى فجأه اتعصبت عشان محكتليش حاجه ... انتى خبيتى عنى حاجات كتير ى ملك
ملك بدأت تعيط
÷ وتفتكر خبيتها ليه يعنى ؟! خبيتها عشان بحبك يا مغفل ... الدكتور قالى مجبش سيره حور خالص قدامك و األف حكايه عن موت مامتك بس انا بردو عملت كدا عشان مصلحتى . يغور الحب الى يعمل فالانسان كدا ياخى دا انت استنزفت كل طاقتى وكل مشاعرى .. مبقتش طايقاك يا شادى .. مش عايزه اشوف وشك كمان
شادى اتنهد بحزن
= يعنى عايزه تطلقى ؟!
بعياط ÷ ايوا يا شادى طلقنى و روح لحور ... هى جت مخصوص عشان تبوظ فرحتى يا شادى و انا مش هقبل اكون على ذمه واحد بيحب واحده تانيه ....
= مش هطلقك يا ملك ..
ومشى وسابها
£ اى يا حبيبتى قالك اى
÷ خلاص مش مهم اى حاجه يقولها يا ماما .. الاعتذار هيعمل اى يعنى . دا بوظلى اهم يوم فحياتى وخلى الناس يضحكو عليا ..
£ طيب خلاص اهدى احنا هنرفع خلع لو مرضيش يطلقك .. هسيبك تنامى شويه و الصبح نروح بيتنا
÷ ماشى ..
*الصبح*
كان فيه شخص بيصحى ملك
ملك افتكرته شادى
÷ فيه اى يا شادى سبنى انام بقا دا انت غلس .. ( بتتكلم وهى نايمه)
بعدها الشخص دا صحاها جامد ف قامت مخضوضه
÷ حور !
- دوختينى لغايه م جمعت المستشفى الى انتى فيها
÷ عايزه اى .. وفين جوزك اصلا ؟! المره دى هتخدعى شادى ب انهى خدعه
حور اتنهدت
بحزن - حاتم مات وحتى فريد و فريده ماتو كمان
÷ شوفى حيله غيرها عشان دى شادى مش هيصدقها
بحزن - انا بقول الحقيقه .. انا منكرش انى خدعت شادى فالاول عشان حاتم يرجعلى . كانو بيقولو عليا زمان انى بعرف امثل كويس ف استغليت الموهبه الى عندى دى ... انا بحب حاتم من الطفوله اصلا واتجوزنا عن حب بس هو بعد ولادتى لفريد بسنه سابنى و قالى احسن شكلى عشان مبقاش طايقنى ... فضلت سنين احاول انتظم فالجيم او اشوف دكتور جلديه كويس بس مكنش فيه اى تحسن
لغايه لما شفت شادى .. كانت فرصه دهبيه بالنسبالى لما عرض عليا المساعده .... كنت بشوف مشاعر الحب ف عينه بس دا مكنش بيوقفنى عن خطتى .. قولت شويه وهينسانى لما ابعد عنه .... ولما جوزى ضربنى وبهدلنى رحتله عشان اخلى جوزى يغير من شادى اصل حاتم اول لما رجعلى قالى انه مبقاش يحبنى و هنكمل عشان فريد ... ف حبيت اثبتله انه لسا بيحلنى لما يلاقى نفسه لسا بيغير عليا بس مكنتش عايزه ضحايا فالموضوع دا .... مامت شادى راحت ضحيه لخطتى بس والله مكنتش عايزه دا يحصل .. بعدها قلت لحاتم تعالا نسافر وسافرنا فعلا و قولتله يبعت صور لينا لشادى احسن يكون شادى لسا بيفكر فيا و موقف حياته عليا ..كنا عايشين فسعاده انا وحاتم و فريد وفريده بس واضح ان ربنا حب يحاسبنى على الى عملته ف شادى و ...
انهارت وعيطت جامد اكتر من الاول
- حاتم و اولادى عربيتهم خبطت ف عربيه نقل كبيره و ... اتو بعدها وسابونى وحدى .. الكلام دا حصل من كام شهر ...
÷ متستنيش منى انى اتأثر ... انتى اكتر واحد اذتنى فحياتى يا حور ...طيب انتى ربنا عاقبك واخد منك عيلتك .. جيتى ليه الفرح وبوظتيه
- عشان بحب شادى ...
÷ انتى بنى ادمه مريضه يا حور ... انتى محبتيش شادى ولا حاجه . انتى بس لما لقيتى نفسك وحيده قلتى اروح لشادى الى بيحبنى و جيتى تبوظى الجوازه عشان يرجعلك
- ايوا مكنش صدفه انى اشوفه ف يوم فرحكم ... بس شطوره انك طلبتى الطلاق منه .. شادى محبش غيرى و مش هيحب غيرى
÷ حور والله انتى لازم تتعالجى بجد .. انتى فاكره شادى هيرجعلك بعد كل دا ؟! بعد ميعرف حقيقتك هيرجعلك ازاى مثلا !! حتى لو قلتيله جوزى مات ف هو مش هينسى انك اخترتى جوزك وقتها وسبتيه
- بتتحدينى يعنى ؟! عموما مش محتاجين تحدى . هو لو عرف السر الى مخبياه بقالك سنين ومحدش يعرفه غيرك و غير الدكتور النفسى الى كنتى بتتعالجى معاه زمان هيطلقك و يختارنى انا . فالنهايه ذنبى انا اسهل بكتيير من ذنبك
ملك اتوترت جامد
÷ عرفتى السر ازاى !!!
