الفصل الثامن
÷ عرفتى السر ازاى !!
- ملكيش دعوه عرفته ازاى ، المهم انى عرفته ف الاحسن انك تنسحبى من بينا بهدوء
÷ انا اصلا كنت هتطلق منه .. كنت بفهمك بس ان حتى لما نتطلق مش هيبصلك
- اتطلقو انتو بس وانا هبقا اعزمك على فرحنا بعد شهرين
حور سابت ملك ومشيت
ملك فضلت تفكر هتعمل اى ... هى صح قالتله يطلقها و صح انه جرحها جامد لما هرب من فرحهم بس هى لسا بتحبه .. قالتله يطلقها وقتها بس عشان مهنش عليها كرامتها اكتر من كدا لكن هى من جواها مكنتش عايزاه يطلقها
فجأه سمعت صوت ضحك شادى
= شكلك مضحك اوى وانتى عميقه و بتفكرى جامد
÷ اى الى جابك هنا يا شادى ! مش قولتلك طلقنى ؟!
= واظن انى قلتلك مش هطلقك صح
÷ وانا قولتلك مش هكون على ذمه راجل بيحب واحده تانيه ...
= هو مش كان العكس ولا انا متهيألى
÷ انا مش بهزر يا شادى ...
= يا ملك قلتلك انا مبقتش مهتم بحور . انا حتى قبل م افقد ذاكرتى كنت عايز اتجوزك و كنت مقرر انسى حور خالص
÷ بس منستهاش يا شادى ..
=بس مبقتش احبها
÷ طلقنى يا شادى لو سمحت ...
بعصبيه = ليه مصره عالطلاق يا ملك!! انا اعتذرتلك وبحاول اصالحك اهو وانتى بردو مصره تتطلقى !!!
ملك مردتش
هتقوله ازاى انها هى كانت السبب فموت باباه زمان وخلته يتيم
فلاش باك
ملك كان وقتها عندها ١٨ سنه
وقتها راحت تشوف نتيجه الثانويه العامه ف سايبر عشان النت كان مش راضى يشتغل عندهم .. هى كانت متوقعه مجموع عالى وكان نفسها تدخل كليه هندسه بس وقتها اتصدمت لما شافت نتيجتها وعرفت انها عمرها مهتدخل هندسه بمجموعها دا ف قررت تنتحر
خرجت من السايبر
مكنتش عايزه حد يلحقها ف استنت لغايه لما ظهرت عربيه نقل كبيره قدامها و وقفت قدامها
وقتها فيه راجل باين عليه لسا ف الاربعينيات زهقها بسرعه و عربيه النقل خبطته هو .. وطبعا مات ف وقتها
ملك فضلت مكتئبه فتره طويله و اهلها افتكرو ان اكتئابها دا بسبب النتيجه بس هى فالحقيقه كانت زعلانه عشان الراجل اكتر من النتيجه
و اخدوها لدكتور نفسى
وحكتله كل حاجه يمكن يقدر يساعدها تتخطى الازمه دى و الحمدلله بعد سنتين قدرت تتخطاها ورجعت انسانه عاديه
خلصت جامعه و اشتغلت فالشركه الى شادى بيشتغل فيها
اتصاحبو هى وشادى و بعد سنه شادى قالها ان مامته عزماها عالغدا
هى كانت بتحبه و فرحت وقتها لان دا معناه ان مامته عايزه تتعرف عليها بس بطريقه غير مباشره
راحت فعلا عندهم .. هى وهناك شافت صوره لباباه ... باباه هو نفس الراجل الى انقذها فاليوم دا
فضلت مصدومه وهى مش مصدقه الصدفه دى
شادى شافها واقفه قدام الصوره كتير ف قالها ان دا باباه مات لما شادى كان عنده ٢٠ سنه .. قالها ان الناس الى فالشارع قالوله انه مات وهو بينقذ بنت كانت بتحاول تنتحر وبعد لما مات البنت هربت بسرعه .. كان بيقولها انه مش مسامح البنت دى ولا عمره هيسامحها لانها حرمته من باباه و اجبرته انه يشتغل عشان يصرف على مامته ..
باك
ملك كانت هتحكيله وتخلص من الحكايه دى . يعرف منها احسن ميعرف من حور
÷شادى انا ...
= انتى اى ي ملك .. لازم تفهمينى ليه مصره عالطلاق . انتى لو كنتى بتحبينى فعلا مكنتش هتطلبى منى ان اطلقك
ملك بدأت تعيط
÷ مش بمزاجى والله .. لو عليا ف انا نفسى نفضل مع بعض دايما بس مينفعش ...
= مينفعش ليه ي ملك !!
شادى قرب من ملك جامد
وبدأ يلعب ف خصلات شعرها
= ملك .. انتى عارفه انى بحبك صح
ملك اتكسفت جامد ومنطقتش بكلمه
بص على ضفايفها بعدها باسها
بس ملك بعدته و زقته بعيد
بعياط ÷ مينفعش يا شادى مينفعش ...
= واضح انك فعلا مبقتيش تحبينى يا ملك ..
وسابها ومشى
ملك فضلت تعيط ... هى بتحبه جدا واصلا سامحته على الى حصل فالفرح لان دا كان غلطها انها مقالتلهوش على حور بس هو مش هيسامحها ابدا لو عرفت انها هى البنت الى كانت سبب ف موت باباه ..
مامتها دخلت الاوضه وقتها
£ يا ملك هو كان جاى يصالحك موافقتيش ليه يبنتى . انتى عارفه انك الغلطانه لانك مرضتيش تقوليله على حور ليه مش راضيه تسامحيه
بعياط ÷ يا ماما مش هينفع انا وشادى نكمل مع بعض ..
مامتها استغربت من كلامها
£ ماشى على راحتك
ملك خرجت من المستشفى من غير م حد يشوفها
مكنتش عارفه تعمل اى
هى مش هتستحمل انه يطلقها ويتجوز غيرها وفنفس الوقت مينفعش تفضل معاه عشان حور هتقوله انها السبب ف موت باباه
مكنتش عارفه ان شادى كان مستنى قدام المستشفى و لما شافها خرجت مشى وراها
ملك بصت عالعربيات ..
÷ يارب المره دى محدش ينقذنى ..
شادى حس انها ناويه تعمل حاجه فنفسها
اول لما ملك بدأت تتحرك ناحيه العربيات و خلاص فيه عربيه جايه بسرعه و مش هتقدر تفرمل على اخر لحظه
شادى مسك حور من دراعها و بعدها عن العربيات
= بتعملى اى ى ملك !!! انا مبقتش فاهم تصرفاتك خلاص
بعياط ÷ مسبتنيش اموت ليه يا شادى حرام عليك بقا سيبنى اخلص من عذابى دا !!!
شادى بدأ يحرك ايده على شعرها بهدوء
= اهدى بس كله هيبقا كويس
بعياط ÷ لا يا شادى مفيش حاجه هتبقا كويسه .. انا ... انا البنت الى باباك مات وهو بينقذها يا شادى
