Ads by Google X

القائمة الرئيسية

الصفحات

روايه تزوجت مغرورة الفصل الرابع


 الفصل الرابع

المتصل: روان انا بحبك..
روان: مين حضرتك..
المتصل: انا ياسين..
روان: معرفش حد بالإسم ده..
ياسين: روان انا اسف.. انا عارف اني غلطاان.. انتي احسن بنت انا شوفتهااا.. انتي عارفه ان صاحبتك طلعت بتكلم واحد صاحبي من ورايا..
روان: ي سبحان الله نفس اللي انت عملتو فيا اتعمل فيك... بس هقولك حاجه.. انا مندمتش عليك..علي الرغم من ان اهلي كانو عارفين علاقتنا.. بس بردو مكانش في حاجه رسميه بينا.. ف انت افتكرتني سهله واهلي مهواديني علي كده.. روح ربنا يساامحك.. هو غفور رحيم.. بس انا مش مسمحااك..
اغلقت هاتفها والقته بشده علي السرير.. اخذت نفسااا عميقااا واخرجته.. هي الآن تريد بدايه جديده..
محمد: برافو عليكي.. احم انا اسف سمعت مكالمتك بس انتي نسيتي شنطتك في اوضتي..
روان: تمام.. شكراا..
محمد: تمام هسيبك ترتاحي..
(فعلا كما تدين تدان)
جاااء الصباااح علي الجميع... وللتذكره فهو يوم عقد قراان حمزه وندي..
ملك: لا ي ندي بقي انتي اتجننتي.. شركه اي اللي تروحيها.. انهارده كتب كتابك..
ندي: ايوا يعني اعمل اي.. اسيب شغلي يعني..
ملك: ندي عشان خاطري النهارده افصلي من الشغل.. كلمي اي حد ينوب عنك..
ندي: في ورق هنا وملفات مهم انها تروح الشركه النهارده..
ملك: ابعتيهم مع اي حد..
ندي: لا طبعاا دي حاجات مهمه..
ملك: طب بصي انا هوديهم.. قوليلي اديهم لمين بس وانتي افضلي هنا لانك لو روحتي الشركه مش هترضي تيجي..(اااه ي خلبوصه)..
ندي: طيب ي ملك..
خرجت ملك مسرعه الي الشركه..صعدت الي الطابق الاخير..وسألت عن مكتب خالد حيث اخبرتها ندي ان تعطيه الاوراق..
دلفت الي مكتبه ولم تجده ف جلست لتنتظره..
علي الجهه الأخري..
والده خالد: مهو انا مش فاهمه مالها مريم بنت خالتك يعني..دي زي القمر ومتربيه وعارفينهااا..
خالد: ي ماما مش كل شويه تجيبيلي عروسه شكل..انا زهقت بجد..
والده خالد: ولا انت في حد كده عينك عليه..
خالد بإبتسامه متذكرا ملك: الصراحه كده اااه..
والدته:خلاص نروح نتقدملها..
خالد: ي امي انا لسه شايفها امبارح..لسه م اعرفهاااش..سبيني بس اتعرف عليها..اناا ااه معجب بيها بس ده مش كافي...
والدته: طيب ي ابني..ربنا يوفقك ي رب..
خالد: تمام بعد اذنك اروح شغلي بقي..
خرج وركب سيارته مسرعاا الي عمله..ليصعد الي مكتبه..ليدلف ليجد احداا يجلس علي مكتبه..
خالد: ده صباح الخير اوووي يعني..
ملك بإبتسامه: صباح النور..
خالد بخبث: جايه تصبحي عليا ولا اي..
ملك: لا جايه اديك الورق ده واقولك شوف شغلك..
خالد بتعب: شغل تاااني..
ملك: انشفي كده ي بطه..
خالد: هه لا انتي متعرفنيش في الشغل علفكره..اسألي ندي حتي..
ملك: لا مهو واضح..انا ماشيه..
خالد: استني بس..
ملك: اي..
خاالد: فكي البلوك..
ملك بضحك: هفكر..
خرجت مسرعه من مكتبه..وهي تضحك بشده
لتصدم بتلك الفتاه..التي نظرت بهاا بحزن..
ملك: انا اسفه اووي..مش انتي سكرتيره ندي..
مروه: ايوا ي فندم اناا..
ملك: تمام..ندي قالتلي ابلغك ان شغلك النهارده كله هيبقي مع الاستاذ خالد..لأن هي مش هتيجي..
مروه: اي..لي مش هتيجي..وضروري اشتغل معاه يعني..
ملك بإستغراب: والله هي قالتلي ابلغك كده..
مروه بحزن: تمام ي فندم...
خرجت ملك في طريقهاا لبيتهاا..اما مروه دلفت لمكتب خالد..
مروه: ممكن ادخل..
خالد: اتفضلي..
مروه برسميه: الاستاذه ندي بلغتني بغيابها..واني هشتغل مع حضرتك النهارده..
خالد: تمام ي انسه مروه..هحتاج منك ورق صفقه ****
مروه: تمام..
انهمكت مروه في عملها علي تلك الصفقه ولم تسمح لأفكارها ان تسيطر عليها..انهكها عملها عن التفكير فيه..
اما ملك فدلفت الي القصر..وامرت الخدم بتزينه..كانت تقف ندي وهي تنظر لسعادتها وكيفيه توليها زمام الامور...
حمزه: شايفه مبسوطه ازااي بلمتنا..بلاش تتحرم من حد فينااا..
نظرت ندي خلفها لتجده يتحدث وينظر لأخته..
ندي: مش وقته الكلام ده...
حمزه: بردو مصممه انك تخيريها بينا..
ندي: لازم حياتنا ترجع طبيعي تااني..بعد م السنه دي تخلص..ده اللي مخليني مش عايزه اسيب القصر...
حمزه بغضب: طالما انتي قررتي انها لازم تختار يبقي لازم تبقي منافسه شريفه..وتشوف حياتنا زي م هي عاشت معاكي كل ده..غير كده علاقتنا لازم تبان قدامها طبيعيه..
ندي: تمام...
تركها حمزه لينزل لأسفل ينضم لأخته المنهمكه في التحضيرااات..
ندي:هو ماله متغير معايا لي كده النهارده..
ايهاب: عشان النهاره بيصادف ذكري زواجه الاول..انا اسف بس سمعت حواركم..انا مش فاهم اي اللي انتو بتعملوه ده..انتو كده بتلعبو بمشاعر ملك..وعلفكره مين يفوز فيكم ميهمنيش..انا محدش هيمنعني عن اختي تااني..ولا اي حد...
ندي: ذكري زواجه الأول!!.
ايهاب: ايواا..الموضوع صعب علي حمزه زي م هو صعب عليكي..كفايه عناد بقي لو سمحتم..
ندي: هي اتوفت ازااي..
ايهاب: حادثه..واتوفت..كانت حامل..
ندي: كان اسمها اي..
ايهاب: مرام..اسمها كان مرام..بعد اذنك..تركها ايهااب لتفكر فيما قاله عن اخيه..هل هي مهتمه ان تعرف عنه الكثير...اما ايهاااب فدلف للاسفل ليساند اخوته..
ملك:لا ي ابيه انت مش مركز خالص..سيبني انا هتصرف..
حمزه: والله م اعرف اي اللي انتي بتعمليه ده..اصحي ي بنتي مفيش حد هيجي غير المحامي والمأذون..






ملك بسرعه: و خالد..
ايهاب: مين خالد..
ندي: خالد ده شغال معايا في الشركه..وانا بعتبره زي اخويا بالظبط.. وكمان كلمت مروه سكرتيرتي واكملت بحزن لأن مليش حد ووو..
ملك: اي ملكيش حد دي ان شاء الله..اومال انا روحت فين..
ندي: ربنا يخليكي ليااا..
حمزه: بعد اذنكم ي جماعه..
صعد حمزه الي غرفته..واخرج صورتها من دولابه..
حمزه:انا اسف ي مرام..انتي عارفه اني بحبك صح؟..مفيش حد غيرك هياخد مكانتك عندي..كل اللي بيحصل ده هينتهي..وحشتيني اوووي..
جاء ايهااب ليجد اخوه حاملا صوره زوجته ويبكي حزناا عليهااا..
ايهاب: متحملش نفسك فوق طاقتها ي حمزه..
حمزه: انا حاسس اني بخونها ( انت اصيل ي اسطا)..
ايهاب: مرام كانت من انضف الشخصيااات اللي تقابلهم..وهي عمرها م كانت هتقبل انك تفضل عايش علي ذكرياتكم سوا..اكيد عايزاك تكمل حياتك مع حد تحبه ويحبك..
حمزه: انت بتقول اي..الجوازه دي لسنه واحده وبس..بعد كده هنطلق انا وندي..
ايهاب: ادي فرصه لجوازكم..ندي فعلا محتاجه مساعده..هسيبك تفكر..
خرج ايهاااب ليفكر حمزه في تلك الفتااه التي ظنها مغروره ليجد انها حقا طفله كما قال والده في رسالته..يتذكر وقت كانت تبكي..وشعرها الاسود كاليل علي بشرتها الصافيه..كانت كالطفله حقااا..
علي الجهه الأخري..
كانت ندي في غرفتها مع ملك..
ملك: لا معلشي بقي..انتي مش هتعملي فرح وكمان مش عايزه تلبسي فستان في كتب كتابك..هتلبسي هدوم رسميه في مناسبه زي دي..
ندي: مش فاهمه اي المشكله يعني..
ملك: بصي ي ندي انا عارفه ان جوازتكم دي من غير رغبتكم..بس بردو مفيهاش مشكله لما تدو لجوزاكم فرصه..
ندي: معتقدش ي ملك..
ملك: طب خلينا في دلوقتي..مش فاهمه ماله الفستان يعني..دي بسيط جداا وهيبقي تحفه عليكي..
ندي: ابيض..فستان ابيض..امتي اخر مره لبست ابيض انا..انا هلبس من عندي ي ملك معلشي..
ملك: ااه يبقي وسعيلي بقي اشوف دولابك ده بيقول اي..اي تا اي تاا..اي الفستان القمر صحيح هو اسود بس تحفه..مشوفتكيش لابسااه قبل كده..
ندي: انا جيبته بس ملبستوش...
ملك: خلصانه يبقي البسيه بقي..
ندي: والله مفيش داعي اللي انتي عملتيه ده وتزيين القصر..غير كمان الفساتين دي
ملك: مهو مش معقول يعني الموضوع يبقي في الساكت كده ي ندي..واقولك اعزمي حد من اصحابك..تعزميلي شخصين اتنين...اتنين ي ندي..علفكره مش محسوبه اصلا..انتي لازم تعملي حفله تعلني فيها جوازك..
ندي: هعمل كده..لان الصحافه لو عرفت الخبر..هيبقي في اسئله كتير ولي الموضوع مستخبي كده..وانا مش عايزه حد يتدخل في خصوصيتناا....
ملك: تمام وانا كمان هروح البس..
علي الجهه الاخري..
خالد: مش مشكله ي انسه مروه..انا كمان هروح هبقي اوصلك معايا..
مروه: مهو انا مش هينفع اروح بالبس ده..ف انا لازم اروح..عشان كده جيت استأذن من حضرتك..
خالد: تمام...مروه..انا كنت عاايز اعتذر منك عشان امبارح..
مروه بإحراج: انا اللي اسفه..انت بس كنت متضايقه شويه ي ريت منتكلمش في الموضوع ده
.خالد: تمام... احم هي الاستاذه ندي كانت مخطوبه..
مروه: لا..
خالد: غريبه يعني مره واحده كده بتعزمنا علي كتب كتابها..
مروه: انا برضو استغربت ومعرفش ان كان ليها علاقه ب أي حد..
خالد: تمام روحي انتي دلوقتي..وانا هخلص هنا وهاجي علي القصر..
مروه: تمام...
خرجت مروه من الشركه..واتجهت لمنزلها مسرعه...
والدتها: اي ده انتي جايه بدري لي..
مروه: تخيلي ي ماما مره واحده كده الاستاذه ندي كتب كتابها النهارده..
والدتها: اي الغريب يعني..
مروه: يعني ي ماما هي مكانتش مخطوبه..ولا مرتبطه كل وقتهاكان للشغل..يلا ما علينا..مش عارفه البس اي..تخيلي عزمتني انا وواحد كمان بس من كل الشركه..عشان تعرفي ان بنتك






مهمه...
والدتها: عقبالك ي رب وافرح بيكي بقي..
مروه: بصي انا هلبس الدريس الازرق..اي رأيك..
والدتها: غيري الموضوع غيري..عمتا حلو الدريس ده البسيه..
دلفت مروه الي غرفتها وابدلت ثيابها..لتبدو رائعه بتلك الثياب رغم بساطتها....وخرجت لتذهب الي القصر..
وكذلك انهي خالد عمله وذهب هو الاخر...
خرج حمزه لينزل الي الاسفل منتظراا وصول المحامي..ولحق به ايهاااب..لتدلف ملك هي الاخر بفستان باللون الرمادي كان بسيطا يصل طوله لبعد ركبتها بقليل..وتركت شعرهااا حراا..
ايهاااب: ده اي القمر ده..
ملك: ايوا طبعااا مش اخت العروسه..
حمزه: اممم ومتمشيش معاكي اخت العريس..
ملك بضحك: واللن انتو هتخلوني اموت نفسي..اختكو انتو الاتنين..
ليدلف في ذلك الوقت خالد ومن ثم مروه فقد التقو امام القصر بالصدفه..
خالد:مساء الخير..
ذهب خالد ليسلم عليهم ليعرف ان حمزه هو من سيتزوج ب ندي..
خالد:ازيك ي استاذه ملك..
ملك بضحك: الحمد لله ي فندم..
خالد: بس اي الجمال ده..
ملك: انت بتعاكس بقي..
خالد بهمس: الصراحه ااه...
ملك: المره دي مش اختي اللي موجوده.. علفكره انا ابقي اخت حمزه وايهاب بردو..
خالد: اهااا... اااه اي ازااي.. يعني انتي اختهم وندي..
ملك بضحك: ندي اختي من الام.. وهما من الاب..
خالد: ااه قولي كده.. كنت هطلبلكو مستشفي المجانين..
ضحكت ملك بشده عليه لينظر لها بإعجاب شديد تلك المره.. ليغرق في ضحكاتها المرحه..
علي الجهه الأخري..
مروه: قولتلي بقي انك تعرفها.. مش تقول بدل م كنت عامله زي الهبله لما شوفتك..
ايهااب: صديقتي البائسه.. انا لسه عارفها من يومين..
مروه: ماشي ي صديقي البائس..
ايهاب بضحك: يخربيت النكد اللي احنا فيه..
مروه: هنبقي نتفق علي معاد ننتحر فيه سواا..
ايهااب: لا متخافيش مفيش حد يعرف ايهاااب الا وانتهي البؤس من حياته..
مروه: معاك حق.. ي عم السائح..
ايهاب: علفكره لسه الخطه موجوده.. وهنكمل الجنان بس مش النهارده..
مروه: ان شاء الله..
ايهاب: يعني اصدقاء..؟؟
ابتسمت مروه: اصدقاء..
كان شعور الصداقه حقيقا.. كان الاعجاب من البدايه ليس الا بدايه للصداقه.. ولكنه لم يكن الحب.. تنشأ بين الاشخاص انواع اخري من الحب.. الصداقه هي من اسمي معاني الحب..
دلفت في تلك اللحظه..تلك الاميره هي حقاا بدت كالاميرااات..بفستانها الاسود الطويل..ليظهر طولها الرائع..ورشاقتها..كان فستانا ناعما بذراعين منفوشين..بدا رائعا عليهاا..وشعرها كان كما هو بتسريحته الرسميه..الا انه لم يفسد المظهر وبدا رائعا وانيقااا..
وقف حمزه يتطلع لها بإعجاااب..يشوبه شعور بالذنب..وبعض الافكار..بانانيتها في ابعاده عن اخته..ولكن كان الشعور الاكبر..انها حقااا كالاميره..
..وصل المحامي..وكذلك المأذون ليشهد كلا من ايهاب وخالد علي زواجهما..بالفعل عقد القران واصبحت ندي زوجه حمزه..
~بارك الله لكما وبارك عليكما وجمع بينكما في خير...
علي جهه اخري..بعيداا عن مصر..في العاصمه لندن..
وقفت تلك الفتاه الحزينه..تفكر بإشتياق لإيهااب..كيف استطاع القلب ان يقع مره اخري في العشق..ليقطع افكارها خالها باسم..
باسم: ازيك ي روان ي بنتي..
روان بإبتسامه: الحمد لله..
باسم: انا كنت عايزك في موضوع..
روان: اتفضل ي خالو..
باسم: انتي طبعاا قابلتي محمد ابني..هو قالي انكو اتقابلتو في الطياره...بصي هو كان جاي من القاهره..كان بيزور والدته..احنا انفصلنا بقالنا سنين وهي رجعت مصر..من وقتها وهي حاله اتغير..حياته زي الاجانب بالظبط..المشكله الاكبر انه بعيد كل البعد عن دينه..انتي بنت متدينه ومحترمه..كنت عاوزك تساعديني اني اغيره..
روان: مش فاهمه اساعده ازاااي..
باسم: قربي منه وصاحبيه..كلميه عن الدين وحببيه فيه..وازاي يلتزم بصلاته..
روان: بس بصراحه ي خالو..بص تيته قالتلي انها حكتلك عن اللي حصل معايا..انا حاسه ان ده عقابي لاني عرفت شخص من غير م يكون بينا اي حاجه رسمي..انا فعلا حاسه بالذنب علشنا كده سيبت مصر..ف انا مش عايزه يكون ليا اي علاقه بحد مش من محارمي..
باسم بإبتسامه: ومين بقي اللي قالك ان محمد مش من محارمك..

تعليقات