الجزء السادس
العاهرة العذراء
هاجر مزهوله ومش فاهمه حاجه، ايه اللى بيقوله الراجل ده ومين ده اصلا، وبعدين خالو مبيخلفش، الراجل ده بيتكلم عن مين بالضبط، أنا لازم اسمع وافهم، النهارده لازم افهم حقيقتك يا خالو، هنزل بشويش اسمع وسامحنى يارب بقى
جمال ـ بس يا حيوان انت صوتك عالى كده ليه، هاجر فوق وممكن تسمعك، اسكت ياراضى وحديك اللى انتى عايزه، بس لم ايدك فى الفلوس شويه
راضى ـ والم ايدى ليه والحنفيه واصله بالنيل ههههههه
ـ يوووووو راضى متعصبنيش انا مستحملك بس علشان خاطر ابنى، ليا ثلاث سنين برش عليك فلوس ومش عارف تعمل حاجه بلا خيبه بأى عين بتطلب فلوس وانت كل خططك فاشله اصلا
*فى بيت مالك *
سهر شافت الرساله اللى بعتتها هاجر،وشافت كمان صوره بتجمها مع جوزها،وفجأه اتحولت من سهر الهاديه المطيعه لوحش شرس وخطير ممكن يعمل اى حاجه بس يحافظ على حبيبه
ـ سهر وهى بتقول لنفسها،ماشى يا هاجر،انتى فاكره الدنيا سهله كده ولا ايه؟ هههه تبقى عبيطه اوى،مش سهر اللى تسيب حاجه تخصها ومش اى حاجه،ده مالك،عمرك ما حتحبيه قدى يا هاجر،عمرك، انتى مش عارفه أناعملت ايه علشان اتجوزه،تيجى انتى تاخديه كده بسهوله يا أخى هأ ده مش ممكن أبداً،بس العيب مش عليكى،العيب على جوزى المحترم،اللى يبص لواحده زيك،ويسبنى أنا،أماصحيح ذوقه وحش جداً
*فى الكليه*
ـ صباح الخير،حضرتك آنسه هاجر؟
ـ ايوه أنا هاجر،مين حضرتك
ـ أنا سهر مرات دكتور مالك 
ـ هاجر اتلخبطت وبقت مش عارفه تقول ايه،ولا هى جايه تكلمها فى ايه بالضبط؟،ومعقول تكون عرفت حاجه عن علاقتها بمالك
لحد ما سهر قطعت تفكيرها وهى بتقلها
ـ بصى ياهاجر،أنا عرفت كل حاجه،وعايزه اقلك كلام ياريت تقدرى قد ايه هو صعب عليه انى اقوله وانى ابقى فى الموقف ده،أنامستعده اسيب مالك خالص لو ده هيسعده،بس لازم تعرفى انى أنا احق واحده بيه،علشان مفيش حد يقدر يحبه ربع الحب اللى حبتهوله،اهدمى البيت يا هاجر،وخديه وعيشى معاه سعيده لو تقدرى تسكتى ضميرك،لو شايفه اللى انتى حتعمليه ده صح،اعملى كده،أنا عشت مع مالك وانا عارفه انه مش بيحبنى،أنا اللى غلطانه يا هاجر مش انتى ولا مالك،بس انا مليش ذنب انى حبيته،محدش يقدر يسيطر على قلبه يا هاجر،ارجوكى،ادينى فرصه تانيه،يمكن اقدر أخليه يحبنى،وارجعه لحضنى تانى،قبل ما تظهرى فى حياتنا كانت كل حاجه ماشيه حلو جداً ومظبوطه،من أول ما شافك وحاله كله اتغير،كان هادى بس دلوقتي بقى بيتلكك يا هاجر وده بسببك انتى،ياريت تعرفى الكلام ده صعب عليه ازاى وأنا بحكيهولك،وقد ايه أنا مجروحه،اوعدينى إنك تقطعى علتقتك بيه،لمدة شهر واحد بس، ولو فضل مصر عليكى،أنابنفسى هقلك مبروك،صدقينى
ـ وفضلت سهر تتابع نظرات هاجر بخبث،وهى شيفاها شبه منهاره،ومتعاطفه معاها جداً،لأن هاجر أصلا حاسه بالذنب من غير ما سهر تكلمها،وسهر ذكيه وعرفت تتعامل مع الموقف وفاهمه انى العنف مينفعش فى الحاجات دى
ـ هاجرـ حاضر يا مدام سهر،مش حبعد شهر، انا حبعد على طول،مش ممكن اهدم بيت حد،ولا عمرى اذيت حد،واسفه على اللى انتى حاسه بيه دلوقتى
ـ متشكره جداً يا هاجر،كنت متأكده إنك بنت أصول،وهتفهمينى وتحسى بيه
ـ مع السلامه يا هاجر
ـ مع السلامه
ـ هاجر أول ما مشيت سهر انهارت من العياط،ومش عارفه ازاى حتقدر تسيب مالك، وهما تقريباً بيتكلمو 24ساعه فى ال24 ساعه
ـ هاجر اول ما شافت مالك جاى من بعيد، مسحت دموعها،ورسمت ضحكه على وشها
ـ مالك ـ وحشتينى
ـ لو سمحت يا دكتور مالك،إحنا اتجاوزنا كل الحدود،ونسينا نفسنا،ياريت من هنا ورايح تنادينى هاجر،هاجر وبس
ـ مالك بغضب وعدم استيعاب لكلامها،وجهل السبب اللى خلاها تقول كده،حاضر يا آنسه هاجر،عن إذنك
ـ هاجر قلبها كان بيتقطع،ومش حاسه بالدنيا،كل حاجه جت مع بعضها،حقيقة خالها واللى عرفته عنه،والبعد عن مالك،مبقتش عارفه تلاقيها منين ولا منين،وكانت متضايقه جداً،وداخت وكانت خلاص قربت تقع على الارض،لكن فجأه لقت ايدين لحقتها وسنداها
ـ الف سلامه عليكى يا آنسه
ـ متشكره خالص،مين حضرتك؟
ـ أنافادى
ـ معانا هنا فى الكليه
ـ لا
ـ امال دخلت ازاى
ـ اصلى جوز عمتى دكتور هنا،وبعدى اشوفه من وقت للتانى،دكتور مالك تعرفيه؟
ـ هاجر بفزع وربكه كده،آه اعرفه
ـ طب تسمحيلى اطلبلك حاجه تشربيها،شكلك تعبانه أوى
ـ هاجر كانت حترفض،بس فى آخر لحظه فكرت أنها تبعد مالك عنها بعمل صداقه مع فادى
هاجر ـ اوك،اشرب لمون
*فلاش بالك لسهر وفادي*
ـ وحشتيني جداًجداً ياعمتو،قلقتينى ايه الموضوع المهم اللى قولتى عليه بقى
ــ بص يا فادى أنا تعبانه اوى بسبب بنت لئيمه اسمها هاجر،لفت على جوزى وعايزه تاخده منى،عيزاك تصاحبها وتلزقلها لحد لما اتأكد انهم مبقوش يكلمو بعض،هتساعدنى
ـ طبعا يا عمتو،بتقولى ايه،هى دى فيها كلام،سيبيهالى وأنا حخلصلك الليله دى خالص
ـ طالع لابوك ياواد،جن مصور
ههههه
ـ وفضل فادى يروح الكليه كل يوم،وملازم هاجر طول الوقت،وطبعاً مالك مراقبها من بعيد كده وحيتجنن،مش فاهم ايه اللى بيحصل
ـ مالك ـ لو سمحت يا فادى شايفك بتيجى كتير هنا،وادارة الكليه مشدده انى محدش يدخل بره الطلبه والدكاتره،فبلاش تيجى تانى لو سمحت
هاجر ببرود ـ خلاص يا فادى لما تيجى ابقى رن عليه حطلعلك بره
ـ ما شاء الله هو معاه فونك كمان
فادى ـ طيب استاذن أنا دلوقتي
ـ مالك بقرف،مع السلامه
ـ هاجر أنالازم اعرف ايه اللى مغيرك،وعرفتى فادى منين،وايه علاقتك بيه،وليه متغيره معايا،انتى مش هاجر اللى انا حبيتها
ـ الكلام كان بيعصر فى قلب هاجر،بس مالك مش حاسس بيها
ـ ايوه مش انا هاجر اللى حبيتها،ولو سمحت انسى اى حاجه بينا وبلاش نتكلم فى الموضوع ده تانى،أنامبحبكش ولا حاجه،ولا جاهزه انى احب حد
ـ يعنى ايه؟ كنتى بتضحكى عليه،بتتسلى بيه،بتشتغلينى يا هاجر
ـ هه متسمهاش كده،إحنا الاتنين استمتعنا بوقتنا متنكرش
ـ مالك بقهر من كلام هاجر ـ هههه لا مش بنكر،بس انا مكنتش بتسلى بيكى،أناحبيتك بكل صدق
ـ وانا مبحبش حد،ولو سمحت بقى تسيبنى فى حالى
ـ لا ياهاجر مش هسيبك الا اما اعرف ايه اللى غيرك 180درجه كده،مش هسيبك بالسهوله دى،علشان انا متأكد إنك بتحبينى ولازم اعرف ليه بتعملى كده،سلام مؤقت
ـ هاجر فى حيره من أمرها ومش عارفه حتبعد مالك ازاى،وكمان هى عايزه تتفرغ لخالها وتعرف القصه بالضبط،فقررت تروح لراضى،يمكن توصل لحاجه
ـ أهلا اهلا يا آنسه
ـ أناهاجر،خالو يبقى جمال الوزير غنى عن التعريف طبعاً،وكمان هو جوز الست اللى انت قتلتها
راضى ـ انا مش قتال قتله يا انسه هاجر،أنا دكتور محترم
ـ بس انا عرفت كل حاجه
راضى بقلق،حاجة ايه
ـ كل حاجه يا راضى،ومش بس كده
أناعارفه ليه العمل منجحش
ـ ليه يا انسه هاجر
ـ علشان اهم شرط مكنش متحقق ازاى سحرك الملعون ده كان هيكمل
ـ شرط ايه
ـ حاجه بسيطه خالص،بس بيتهيألي أنها كانت مهمه بالنسبه لكم،انتو ازاى اغبيه كده هههه،كان المفروض تتأكدو من كل التفاصيل
ـ راضى بنفاذ صبر،قولى على طول لو سمحت،هى فظوره
ـ طبعا وكان لازم تحلها هههههه
بدل ماتدور وتبحث علي الروايات خليها علي تليفونك وحمل تطبيقنا
