Ads by Google X

القائمة الرئيسية

الصفحات

رواية امسك بيدى فلتنقذنى من الهلاك الفصل الاول


 

-بس كده الحمل لو كمل الأم هتموت
=مش مهم المهم انها تجبلي ولد يشيل اسمي
-انت بتقول اي وافرض جه بنت
=هتنزله اول ما نعرف انها بنت
-كده انت هتخسر البنت والأم و ولا هتطول لا ده ولا ده
=أظن إنك دكتور ودي شغلتك إنت مش شغلتي أنا
-إنت إزاي بني أدم أصلاً
=شئ ميخصكش وإتفضل وسع عشان أخد المدام ونمشي
"خدها ومشي وبصلتي بصة عمري ما هنساها أيوة هي اترجتني معرفهوش إنها حامل بس ضميري مسحمش إني أخبي وخصوصاً إني شوفت ف عيونه فرحه كبيرة وهو بيقولي هي حامل ولا لاء متخيلتش إنه ممكن يكون بالبشاعة دي ، بصتها ليا لسة قصاد عيني مش قادر أنساها"
-مالك يا مازن
=مليش يا امي
-لا ليك وانا مش عارفاك بردوا
=حاسس بذنب كبير اوي




-ايه الي حصل
"حكيت لها كل حاجه بصتلي بعتاب"
-كده يا مازن انت متعرفش ظروفها ولا اي الي جبرها علي كده
=صدقيني يا أمي انا لحد الآن نظرتها ليا مش رايحه عن بالي خالص ولا بصت إنكسارها وهي جوزها بيقولي مش مهم هي المهم تجبلي ولد يشيل إسمي
-هي هتجيلك تاني
=المفروض هتجيلي بعد اسبوع لإنها كده هتابع معايا
-طب وإنت لما بتكشف عليها بتكون لوحدها ولا جوزها بيدخل معاها
=دي حاجه بسيطة أقدر أكشف عليها وهي لوحدها
-طيب كلمها وإفهم منها يمكن تقدر تساعدها
=تفتكري هتوافق إني أساعدها وتثق فيا
-من كلامك إنها دلوقت بتغرق وإمت بالنسبة ليها هتكون زي القشاية الي هتتعلق فيها
=إنتِ صح هستني ونشوف هعمل ايه
-طب وإفرض جوزها ده مجبهاش ليك تاني
=إنتِ عارفة نظام العيادة بتاعتي مش بيدخلها مريضة غير لما بتكتب ف البيانات إسمها الكامل وإسم جوزها وعنوانها يعني هحاول اوصلها بأي طريقة
-ربنا معاك يا حبيبي وإن شاء الله خير وتقدر تساعدها
=يا رب يا أمي يا رب
"أسبوع عدا بفارغ صبري هتجنن واشوفها عاوز أطمن عليها نظرات جوزها ليها مريحتنيش وحاسس إمها مش بخير دلوقت كنت بصلي وأدعي طول الأسبوع إنها تيجي"
-جت يا مازن
=لا يا أمي فضلت ف العيادة من ٨ الصبح لحد ١٢ بليل مجاتش
-هتعمل ايه طيب
=هدور عليها
-استني كام يوم كمان يمكن تيجي
=مش هستني هدور عليها لحد ما تيجي
-اللي يريحك
=مش مرتاح لبصتك ليا دي
-بكره تفهمها يا مازن يا إبن بطني




=ماشي يا ست الكل انا داخل أنام أحسن مش شايف قدامي
-طب مش هتاكل أنا مستنياك
=خلاص حضري الأكل عقبال ما اخد دش وأغير هدومي
-ماشي يا حبيبي
"ف مكان تاني"
-لسة بتعيطي
=عاوز ايه
-إنتِ عارفه إني بحبك يا حور صح؟
=كداب كفاية كدب كفاية كده إنت أمك جوزتك ليا غصب عشان اجيبلك ولد وتورث إنت شركة جدك وبس
-طيب بما إنك شطورة وعارفه كل ده ف زي الشاطرة بردوا الساعه ٢ الاقيكي لابسة عشان هاخدك العيادة أطمن ع الي ف بطنك
=تطمن ع الي ف بطني!! ، هو لو يهمك أصلا مكنتش ضربتني الضرب ده كلوا عشان الست الوالدة قالتلك إني عليت صوتي عليها ، وكنت خوفت ع إبنك زي ما بتقول
-كفاية دماغي صدعت روحي اتخمدي بقي
=تعرف بتمني إنها تكون بنت او الحمل ميكملش ، الي زيك ميستاهلش يكون أب أصلاً ، ولا يستاهل يتقالوا كلمة باابا ، ولا تستاهل الورث الي هتموت عشانه ، دا انا بنت عمك يا اخي إتقي الله دا انا من دمك حتي!!
=بقول كفاياكي رغي وإتخمدي يلا



تعليقات