البارت الرابع
حسناء :امين ياااارب يلا في رعاية الله
سماح ؛في رعاية الله
خرجت حسناء للبحث عن عمل مع امل يتجدد كل يوم
حسناء مع نفسها :يارب يسر لي امري وسخر لي عبادك يارب انت عالم بأمري يااارب
انا عارفه اني كدبت علي الكل مفيش فلوس في البنك غير خمس تلاف جنيه ومفيش ارض في البلد
يارب سامحني بس انا قولت كدا عشان مش بحب اتحوج لغيرك ي رب انت عارف ي رب والدتي الله يرحمها كان عندها كانسر وانا مش كنت عارفه والدي الله يرحمه كان معها وبتتعالج وانا مش عارفه كنت كل ما اشوفها تعبانه وملامحها باهته تقولي ي حبيبتي مش تشغلي بالك انا كويسه هو بس شويه تعب يروح لحالهم ان شاء الله وغيرها تقولي اصل اخوك الله يرحمه وحشني ادعيله ي حسناء وادعي اشوفه وتفرحي عيني بشوفته اصله وحشني مش كنت عارفه انها بتودعني مش كنت عارفه انها بتموت بالبطئ والدي خلص كل فلوسه علي علاجها وكانوا مخبيين عليا وعلي الكل دا ومش كنت هعرف الا ما تعبت جامد وروحت بيها المستشفي هناك قابلتني الدكتورة بتاعتها وقالت ان السرطان بياكل في جسمها انتشر فيه كله مش ساب حتي قلبها سليم للاسف مفيش علاج في المرحله دي مفيش غير الدعاء
كانت حسناء اضعف من ان تسترجع ذكريات هذا اليوم تنهدت بألم وقالت :ي رب انا خلاص قررت اقدم ورقي في الشركة دي وانت وحدك من تيسر الامور عشان يارب هضيع من غيرك
دخلت تلك الشركة وهي تتمت بالدعاء وتستعين بالله ولم يكن الله ليخيب ظنها ويردها بعد كل هذه التوسلات
دخلت لاستقبال وكان يوجد فتاة محجبة يبدو علي وجهها القبول والراحة عند رؤيتها تبتسم بترحاب للجميع ولم تكن تتكلف وتدعي ذلك بل كان في قلبها شئ جميل يظهر علي ملامح وجهها الهادئه فقالت لها الفتاة ببتسامة:اهلا بحضرتك ي فندم ازاي اقدر أخدم حضرتك
(هل تظن كما اظن ما شعور الفتاة عندما تسمع صوت حسنائي)
كانت حسناء اعدت نفسها لهذا الموقف جيدا كان ضميرها يقتلها لانها هكذا تخدعهم ولكن لا مفر اخر فهي لن تؤذي احد بخداعها هذا بالعكس بل ستنقذ نفسها من امور كثير
حسناء اخرجت الآيباد من حقيبتها ثم كتبت به
السلام عليكم ورحمة الله وبركاته
انا حسناء مصطفي
اولا شكرا علي ابتسامتك
لقد اتيت لكي اقدم علي وظيفة مهندسة ديكور فقد رأيت الاعلان انكم بحاجة لمهندس او مهندسة ديكور
وملحوظة انا لن استطيع التحدث ولكن افهمك جيدًا
ثم اوضحت الشاشه امامها
البنت باندهاش :وعليكم السلام ورحمة الله وبركاته
وظلت تنظر مطولًا لشاشة ثم ابتسمت بود :حبيبتي الشكر لله
ثانيا احنا فعلا كنا حطين اعلان بس مش عارفه هل تم قبول المهندسه ال دخلت قبلك ولا لا ولكن اتفضلي اقعدي ارتاحي علي ما اكلم المدير
وصحيح انا اسمي مودة جمال تشرفت بيكي ي حبيبتي
حسناء كتبت :شكرا ليكي واسمك جميل ي مودة
وذهبت لتجلس اما مودة في سرها :مش عارفه انا بكلمها عادي كدا ومرتاحه معها وانا اصلا مش شوفت حتي عنيها ولا سمعت صوتها مش ممكن تكون ولد وبعدين خبطت راسها وقالت :ولد ايه ي مودة هو فيه حد يتغابي ويعمل كدا بردوا ويدخل شركة العز للهندسة دا يبقي كأنه بيرمي نفسه في النار واكيد لازم تظهر وشها عشان يعرفوا هويتها علي الاقل قدام بنت موظفة
وبعدين مالي كدا. عماله ارغي مع نفسي وسايبه الغلبانه منتظره اما اتصل علي المدير وامري لله بس ربنا ييسر لها امورها يارب
(تمويه؛حسناء مش قالت انها مش بتعرف تتكلم هي قالت مش هقدر اتكلم فيه فرق هنا تمام )
مودة :السلام عليكم كنت عاوزه اعرف حضرتك وافقت علي مهندسة الديكور ال دخلت عشان فيه مهندسة تانيه قدمت
المدير :تمام ي مودة خليها تيجي انا لسه مش وافقت علي المهندسة غادة خليني اشوف المهندسة التانيه الاول
مودة بصوت منخفض: بس ملحوظة ي فندم هي مش بتتكلم ومنتقبة
المدير باستغراب: مش بتتكلم ومنتقبة طب دي هتفهمنا ازاي
مودة بتسرع :لا ما هي حضرتك بتسمع تقريبا بس مش بتتكلم هي بتكتب ال عاوزه تقوله
المدير باندهاش اكثر: حكايتها ايه دي خلاص تمام انت اتاكدي من هويتها ي مودة وانت طبعا فهمتي خليها ترفع النقاب قدامك
مودة بفضول عاوزه تشوف وشها :تمام ي فندم هشوفها وابعتها لحضرتك بس كلم الاستاذ مازن سكرتير حضرتك مش يعلق تعليقاته السخيفه عليها
المدير :تمام ي مودة
مودة بعد ما قفلت مع المدير نادت وقالت :حظك حلو ي باشمهندسه حسناء المدير لسه مش وافق علي المهندسة التانيه وهتطلعي عنده بس فيه روتين طبيعي وكدا اتمني حضرتك مش تمنعي لازم اشوف وشك والبطاقة عشان الهويه وكدا
حسناء نظرت لها ثم هزت راسها بالموافقه وكتبت:تمام بس ممكن في مكان مش يظهر وشي في الكاميرا وكدا
مودة بحنان وتفهم:طبعا دا شئ اكيد
وذهبت وجعلت حسناء تعطي ظهرها للكاميرا وايضا للعابرين كي لا يري وجهها احد وعندما رفعت حسناء النقاب نظرت لها مودة باعجاب وقالت:بسم الله ما شاء الله قمر بجد انت جميلة اوووي فابتسمت حسناء بخجل ونزلت النقاب
مودة :لا بجد ما شاء الله جميلة خالص كويس انك لبستي النقاب فعلا الجمال دا لازم يتصان
حسناء بخجل خلف النقاب كتبت: شكرا حبيبتي دا من ذوقك وانت كمان ما شاء الله عليكي جميلة
مودة بتسرعه:لا لا بس مش اجمل منك
حسناء بضحك كتبت :خلاص يستي احنا الاتنين قمرات الحمد الله بس امانة بقي انت شوفتي وشي مينفعش تصفيني قدام رجال تمام ههه
مودة بحب واعجاب :اكيد طبعا عشان كدا حرام وفتنة وكمان مش يكون انت بداري وشك وتحافظي علي نفسك وعلي الشباب من الفتنة اروح انا اصفك ليهم
حسناء بحب كتبت :حبيبتي شكرا جدا
مودة بضحك :نهاري عسل المدير هينفخني هو منتظرك وانا قاعده برغي معكي يلا اطلعي بسرعه الدور التاني ادخلي علي طول في وشك هتلاقي مكتوب مكتب المدير
حسناءكتبت:شكرا ليكي جدا
وهمت بالرحيل ولكن استوقفتها مودة وقالت :خلي بالك الاستاذ مازن السكرتير بتاع المدير ممكن يرخم باي كلمة مش تزعلي
حسناء حست انها طيوبه خالص فحضنتها بحب وكتبت : حبيبتي شكرا لكي بجد
مودة :الشكر لله ويلا بقي ي جميله بسرعه عشان هتطرد النهارده بسبب اني بأخرك
ذهبت حسناء وهي تفرق يدها من التوتر ولا تعلم ماذا ينتظرها ولكن كانت تردد اللهم اني اسلمت امري اليك وعليك توكلت واستعنت بك يالله وحدك فكن معي
و وصلت عند مازن وهي تخفض رأسها لاسفل فهي تعلم وجوب غض البصر وكتبت:السلام عليكم ورحمة الله وبركاته انا حسناء مصطفي كنت جايه اقابل المدير
مازن علي عكس طبيعته اخفض راسها وغض بصره عنها علي الرغم من انها لا يفعل ذلك مع الجميع ولكن احترامها وحيائها جعله يفعل ذلك مجبرًا وقال:وعليكم السلام ورحمة الله ايوه اتفضلي حضرتك المدير في انتظارك
فتح لها الباب بعد ان استأذن لها بالدخول
فدخلت وهم بغلق الباب وكان علي وشك ان يؤنبه المدير علي فعلته ولكن سبقته حسناء وكتبت : ممكن الباب يفضل مفتوح
كانت لا تحب ان تكون في خلوة مع رجل اجنبي عنها
المدير: اطلع وسيب الباب ي مازن والف مره اقولك لما تكون فيه واحده تسيب الباب مفتوح انا مش لسه مفهمك من دقيقتين لما كانت الانسه غاده هنا
مازن بأسف:اسف والله ي فندم اعذرني نسيت
وخرج
(المدير رجل في الخمسينات من عمره ذو شعر اسود به خصلات بيضاء وبشرة قمحيه لديه لحية بسيطة وهو متدين ويحب الالتزام في كل شئ يدعي فاروق صاحب شركات العز للهندسه وسميت بذلك علي اسم والده فهو يدعي فاروق عز الدين وهو لديه دور فعال في القصة)
فاروق: اتفضلي ي باشمهندسه واشار لها بالجلوس
جلست وكانت متوتره قليلا ولكن اخذت نفسًا واستجمعت قوتها وكتبت:شكرا لحضرتك انك وافقت تقابلني انا حسناء مصطفي محمد عمري 25 سنة ولم يسبق لي العمل ولكن هذا السي في تقدر تشوفه
قرا فاروق كلامها واخذ منها لسي في ونظر جيدا وقال: ممتاز السي في يبشر بالخير خريجة فنون جميلة بتقدير ممتاز التانيه علي دفعتك ويهز رأسه دليل علي الرضي ولكن السي في هنا لن يكفي وحده نظر لها بجدية واكمل:بدون احراج ولكن حابب اعرف الظروف ال دفعتك تقدمي علي شغل وكمان ازاي هتتعملي مع العملاء وزملائك في الشغل
حسناء كتبت: الظروف اظن انه يكفي انني بحاجه لإعالة نفسي ودا سبب كافي اظن لحضرتك
واما بالنسبة لتعامل ف دا شئ باذن الله سهل انا ايوه مش اشتغلت قبل كدا ولكن تدربت كتير في بعض الشريكات ايام دراستي
واظن ال اهم من المظهر الاسلوب انا ايوه منتقبه ودا بيدفع البعض بل الكثير للانتقاد ولكن انا عندي ثقه في نفسي الحمد الله اني قادره اقنع اي حد بوجهة نظري عن طريق اسلوبي لانهم هيتعاملوا معايا لاسلوبي مش لشكلي الخارجي ودا افضل وسائل التعامل وممكن تجرب حضرتك وتضعني تحت الاختبار لو عند حضرتك شك
واما بالنسبه اني بكتب باذن الله مش هتشكل فرق كبير
كان المدير ينتظر ليري ماذا تكتب
وعندما قرأ ما كتبته هز رأسه باعجاب وقال:تمام انا لاحظت انك جدية وحازمة ومش عندك استهتار بالاضافة اني عندي فضول اعرف ايه مقدرة مهندسة منتقبة تتعامل بالكتابة حابب اعرف هتقدري تقدمي ايه وانا واثق فيكي اتمني ظني مش يخيب
حسناء كادت تموت من الفرحه ولكن لا يظهر ذلك له لان حتي تلك الاعين تخفيها خلف نقابها كتبت:شكرا لحضرتك وباذن الله يعجبك شغلي
فاروق :تمام تقدري تعتبري نفسك اتعينتي ولكن فيه بعض الاجراءات كدا تتم سيبي رقمك والسكرتير يكلمك يعرفك أمتي تبداي
فكرت قليلًا ثم كتبت:تمام بس هو ممكن حضرتك لو طلب بسيط انه يبعت رساله مش يتصل
فاروق ابتسم وكان يعلم انها لم تكن تحب ان يتصل بها شاب حتي ولو كان زميلها في العمل واحترم ذلك بشدة لانه لا حاجة لكي يحدثها مدام بالامكان ان يبعث برساله لها وكان هذا اول اختبار لها ونجحت بتقدير ممتاز كعادتها هههه
فاروق :تمام مفيش مشكلة اتشرفت بمقابلتك
ي باشمهندسه حسناء ومد يده ليصافحها ولكن حسناء هزت رأسها بمعني انها لا تسلم كتبت بسرعه :الشرف ليا ي فندم واسفه مش بسلم
وهذا الاختبار الثاني لها ونجحت به
فاروق ببتسامة:دا شئ يفرحني ي بنتي وانا كمان مش بسلم ولكن كنت بطمن بس تقدري تفضلي
هزت رأسها بامتنان وخرجت
وكان يتابع ذلك الحوار من الخارج مازن الذي قال في نفسه:في فرق شاسع بين الانسه دي والانسه غاده دي مسلمه ودي مسلمه ولكن الافعال تختلف جدا دي لا يظهر منها شئ حتي عنيها ولا تعرف هل هي رفيعه ام سمينه اما التانيه متبرجه ولا مستحيل يتقال علي ال حطاه علي شعرها دا حجاب اكتر من نص شعرها ظاهر وانا عرفت لونه وتقيل ولا خفيف ناعم ولا خشن وكمان ملابسها تكشف اكثر مما تستر ربنا يهدي بنات المسلمين
خرجت حسناء من الشركة ولكن الخروج نادت عليها مودة :ي باشمهندسه حسناء ممكن ثانيه
حضرتك نسيتي تكتبي رقمك
حسناء كتبت :اااه فعلا نسيت.......... 010
مودة :تمام و مبارك عليكي الشغل ي جميلة فرحت ليكي اوووي
حسناء:الله يبارك فيكي ي حبيبتي واتمني نكون صحاب
مودة :طبعا اكيد ودا يفرحني
وسلمت حسناء عليها وخرجت
وعادت الي البيت وهي تحمد الله فقد وافقها الله واستجاب لدعائها
طرقت علي الباب فهذه عادتها وهي تعلم ان لا احد سيجيب ولكن خاب توقعها هذه المره فاذ بالباب يفتح
حسناء بصدمة :انت ازاي ؟!
:ادخلي بس وهقولك وبعدين صوتك ماله كدا
البارت الرابع انتهي
ياتري مين ال فتح لها الباب وازاي دخل كانت صدمة حسناء كبيره حتي انها كادت تسقط مغشيًا عليها مما رأت
لا تنسي الدعاء بالشفاء لمرضي المسلمين والرحمة والعفو لاموات المسلمين
ولا داعي بتذكيرك فضل الصلاة علي خير الخلق محمد بن عبدالله
