Ads by Google X

رواية الصقر المنتقب والقناص الفصل الثاني عشر


 

ريان:ومين العضو دا يا فندم
عبدالله:هتعرفوا في الوقت المناسب
أواب:ازاي حد منعرفهوش يشارك معانا في عمليه زي دي
عبدالله:العضو دا أعرفه ومحدش يسأل كتير في الموضوع دا
عبدالرحمن:سيبكوا من الكلام دا كله خلونا في المهم
عبدالله:يلا كل واحد يقعد مكانه عشان تعرفوا تفاصيل المهمه
الفريق:تمام يافندم
عبدالله: طبعاً انتوا عارفين الفيروس اللي انتشر في الفتره الاخيره
أريج بغباء:قصد حضرتك فيروس كورونا
عبدالله بغيظ:ريان قوم مشي اختك من قدامي
ريان:أريج اخرسييييي اتفضل يافندم
زيد:كمل يافندم
عبدالله: فيروس كورونا انتشر بشكل كبير في الأيام الأخيرة والدكاتره مش ساكتين وبيحاولوا يتوصلوا للقاح مناسب يقضي علي الفيروس دا أو يقلل من إنتشاره
ريان:للاسف لحد دلوقتي محدش عرف يتوصل للقاح
عبدالله:الكلام دا اللي الكل عارفه




أواب:قصدك اي يافندم
عبدالله:احنا عندنا معلومات سريه أنه في مجموعه من العلماء والدكاتره كانوا بيحاولوا يتوصلوا للقاح مناسب وبيشتغلوا في سريه تامه
أريج بغباء:ما احنا عارفين أنه الدكاتره وناس كتير بتحاول توصل للقاح دا
عبدالله بغيظ:أريج عاوز أسألك سؤال دا لو مش هزعج حضرتك
أريج :لا عادي مفيش ازعاج ولا حاجه
جودي بصوت واطي:اخربيت كدا
عبدالله :انتي جيتي العمليات الخاصه هنا ازاي
أريج بإستغراب:من كلية الشرطه
عبدالله ما ردش وكمل لانه لو رد كان جاله جلطه :طبعا احنا عارفين الكلام دا بس انا اللي أقصده أنهم بيعملوا في سريه تامه ومحدش يعرف إلا المسئولين
زيد:طب هما بيعملوا كدا ليه ما احنا كلنا عاوزين نتوصل لحل مناسب حتي الدول اللي برا معتقدش هيعادونا في حاجه زي دي لأنه كلنا عاوزين نوصل للقاح
عبدالله:للاسف دا اللي الكل بيفكر فيه بس الدول التانيه ما بتفكرش كدا هما بس اللي عاوزين يوصلوا للقاح ويوزعوه للعالم كله
جودي:بس ليه
ريان بذكاء: انا كدا بدأت افهم هما أولا عاوزين يوصلوا للقاح ويبقي عندهم هما بس وبالتالي هما اللي هيوزعوه للعالم كله وبالاسعار اللي هما عاوزينها وكمان ممكن يستغلوا الأوضاع في إنهم يفرضوا سيطرتهم علي اي بلد
ثانياً هيبقي مكتوب في التاريخ إنهم هما اللي اتوصلوا للقاح الفيروس ودي حاجه كبيره هتبقي موجوده في التاريخ هيدرسها كل الأجيال وهما مش هيضيعوا فرصه زي دي
عبدالله:بالظبط كدا ياريان أنا عارف أنه هتجيبها ياقناص
أريج:طب هي الناس دي مش بتفكر في حياة الناس اللي بتموت بدل ما يتعاونوا مع بعض بيفكروا في كدا حد ضامن عمره مش يمكن هما تجيلهم كورونا تاخدهم قبل ما يفكروا
عبدالله:الناس دي بتفكر كدا وعمرهم ما هيفكروا غير بانانيه هو ربنا ابتلانا بكورونا من قليل المهم
مجموعة الأطباء دول وخصوصاً الدكتور خالد الكيلاني طبعا كلكم عارفينه
الفريق:اه طبعاً مين ميعرفوش
عبدالله:الدكتور خالد الكيلاني قدر يتوصل للقاح لفيروس كورونا
الفريق بصدمه:اي ازاي
ريان:ازاي يافندم وهما لسه مطلعين إعلان إنه مفيش اي لقاح لسه
عبدالله:وهنا بقا هي مهمتنا
أريج:مش فاهمه
ريان بزهق:وانتي من امتي بتفهمي كمل يافندم
عبدالله: الدكتور خالد الكيلاني فعلاً اتوصل للقاح للفيروس بس انتوا طبعاً عارفين مصر مفيهاش اماكنيات عشان نقدر نعمل اللقاح للمصابين دول كلهم فاضطرينا إنه نلجأ لأمريكا عشان تتعاون معانا وتدينا المواد المطلوبه عشان نعمل اللقاح
ريان بذكاء:والمقابل؟
عبدالله:يعجبني ذكائك المقابل إنه أمريكا هتاخد اللقاح بدون مقابل وليها الحق توزعه علي اي دوله هي عاوزاها
جودي:بس دا ظلم يعني مصر هي اللي لقت اللقاح وفي الآخر أمريكا تبقي مسئوله عن توزيعه
أريج:مش فاهمه بردوا أحنا مالنا



عبدالله:ما هو لو صبر القاتل علي المقتول
عبدالرحمن بعد ما لاقي اخوه شويه ويتشل من أريج:استني يا أريج عبدالله لسه بيتكلم وهتفهمي
عبدالله وهو بيكمل:مش هنا المشكله المشكله إنه أحنا خايفين إنه أمريكا تطمع أكتر وتكون هي اللي حابه إنها تكون المكتشفة للقاح والاتفاق إنه دكتور خالد الكيلاني هيكون مسئول منهم بس لما يوصل أمريكا غير كدا مالهمش علاقه بيه
ريان بذكاء:وهنا بقا دورنا اللي مطلوب مننا إننا نحمي الدكتور خالد الكيلاني إنه يوصل أمريكا بأمان
عبدالله:بالظبط ياريان والمطلوب منكم إنه تسافروا معاه بدون ما حد يحس ولازم يكون في هاكر معاكم عشان لو حاجه حصلت يتصرف في المعلومات اللي علي لاب توب الدكتور خالد لأنهم لو عرفوا يوصلولها قبل ما دكتور خالد يوصل عندهم مش هيساعدونا خالص
غيث اللي ما اتكلمش من اول ما قعد:بس دا كان شغل رودينا
عبدالله بقوه:لا دا هيبقي شغل العضو الجديد
غيث بغضب : مستحيل حد ياخد مكان رودينا وخرج
عند خديجه رجعت البيت ودخلت بهدوء لأنها اتأخرت الساعه 7 المغرب وهي خارجه من الساعه 1 دخلت وهي بتتسحب لقت حد بيمسكها من ودنها
خديجه:اه اه بت سيبيني
اعتكاف:كنتي فين دا كله يا أخرة صبري
خديجه:والله العيال كانوا عايزين يسمعوا عن سيدنا عمر بن الخطاب فحكتلهم عنه واندمجت بقا
اعتكاف:انتي هتقوليلي دا انتي لو تطولي تتكلمي اليوم كله عليه مش هتزهقي من حبك فيه
خديجه بضحك:العمر كله وحياتك في حد يزهق من شخصيه جميله زي دي
اعتكاف:في دي عندك حد محدش يسمع عن سيدنا عمر بن الخطاب وميحبوش
ساجد:خديجه يا خديجه كلمي
خديجه:مين
ساجد:حد عاوزك
خديجه خدت التليفون وردت وابتسامتها وسعت
خديجه:حبيب قلبي اللي واحشني




المجهول بعتاب:لو كنت وحشتك كنتي رجعتي
خديجه:ما انت عارف ياحج مش احنا اتفقنا ووعدتني
المجهول:ما هو دا اللي مصبرني لولا ما وعدتك ما كنتش هصبر
خديجه: خلاص هانت يا حج شهر كدا ولا حاجه وارجع
المجهول:نعم يختي شهر اي من بكرا الصبح تكوني عندي عندنا مهمه ومتخافيش محدش يعرف حاجه عنك
خديجه:خلصانه بكرا نتفق علي المهمه وأروح علي هناك علي طول
المجهول بضحك:لسه زي ما انتي
خديجه بضحك:عمري ما اتغير سلام
المجهول:سلام
بعد ما خلصت كلام بصت لاعتكاف وساجد
ساجد بحزن:خلاص قررتي ترجعي يا رودينا
رودينا:...............



بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-