Ads by Google X

القائمة الرئيسية

الصفحات

رواية حكاية روح الفصل العاشر

 


دخل من باب الشقه واحد مكنش حد متوقع وجوده دلوقت
العم:محمد ابنى
بدر وروح بصو لبعض بخوف وبعد كده جرى عم روح على محمد وقال:انت كنت فين يا بنى
محمد:أنا كنت مخطوف يابابا
العم:ايه ....ومين اللى خطفك
محمد شاور على بدر وبدر بلع ريقه بخوف
العم:أنا كنت متأكد انك ليك ايد فى الموضوع دا
محمد:مش فاهم يابابا انت قصدك ايه
العم:أن هو اللى خطفك يابنى
محمد:لا يابابا أنا مش قصدي كده خالص...أنا قصدى مين اللي قاعد جمب روح هناك دا
اتنفس بدر بارتياح وبعد كده غير ملامح وشه للجد وقال: أنا جوزها
محمد:نعم... لو انت جوزها أنا ابقى مين


بدر:كنت هتبقى جوزها
محمد:هو ايه اللى حصل في غيابى
بدر:اللى حصل انى كنت بحب روح من زمان ولما انت اتأخرت انتهزتها فرصه وطلبت أيدها مهو مكنش ينفع اضيع روح منى تانى
بص بدر لروح وعينه بتلمع وروح بصتله باستغراب وبعدين بدر بص تانى لمحمد وقال:وكده كده أساساً روح كانت مجبوره على الجواز منك
محمد:بس أنا اللى اخرنى انى كنت مخطوف وأجى الاقى مراتى متجوزه واحد غيرى
العم:قولى مين اللى خطفك
محمد:شركه منافسه لشركتنا حبوا يوصلو رساله للمدير بتاعنا فخطفونى عشان اوصلهاله
العم:طب مكانو يبعتهاله على الواتس
محمد:لا متقريبا مش معاهم رقمه ....احنا هنهزر يابابا واتس ايه دا اللى يبعتو عليه الرساله
العم:طب وليه انت بالذات وفى الوقت دا بالذات
محمد:لا مانا مش كنت هحددلهم الوقت اللى هتخطف فيه
رشا:يا جماعه حصل خير وممكن نعتبر أن كل دا محصلش
العم:اه حصل خير و(كمل بضيق)انا راجع البلد
رشا:طب خلينا نقعد نتكلم شويه طيب وبعدين هترجع فى الوقت دا
العم:الكلام خلص بينا ....يلا يا محمد
محمد:أنا هفضل هنا شويه يابابا
عم روح بص لمحمد بغضب وبعد كده مشى من غير ميتكلم
محمد:كده ياروح معقول اغيب شويه ارجع الاقيكى متجوزه من واحد غيرى
روح:الدمعه هتفر من عينى بجد....انت هتستهبل يلا مانا وانت عارفين انك مبطقنيش
محمد:ايه دا هو أنا مفضوح اوى كده
روح:جدا
محمد: الحمدلله أن أنا متجوزتكيش وبجد
روح:انت شكلك كدا عايزنى العب معاك دور ملاكمه
محمد:لا وعلى اية الطيب احسن


روح:ايوا كده اتعدل
محمد:اتعدل عشانك يا جميل
بدر بضيق: خلصتوا كلام وهزار والا ايه
محمد:ايه دا انت غيران والا ايه
بدر:لا
محمد:طب عليا الطلاق بالتلاته انت بتغير يا حاج كامل
بدر:ايوا طبعا بغير دى مراتى على فكره
روح بصت لبدر باستغراب من كلامه وقالت فى نفسها معقول فى حد بيعرف يكذب كدا
رشا: خلاص بقى أنتوا هتفضلوا تتكلموا كتير....يلا يا بدر خد عروستك وروحوا
بدر: حاضر
بدر قام وتنى ايده لروح عشان تمسك فيها(تأنكج)وروح ابتسمت لبدر ومسكت أيده
بدر بهمس:طب ماحنا بنعرف نضحك اهو امال ايه بقى
روح:بدر انت هتسكت والا
بدر:لا مولاش
الاء:انتوا بتتكلموا فى ايه
بدر غمض عيونه بغضب وقال:الاء حبيبتي انتى أش حشرك
الاء:انت اخويا وبحشر نفسى فى كل حاجه تخصك عادى يعنى
بدر:لا مانا اتبريت منك
الاء: خلاص هى صاحبتى وبحشر نفسى فى كل حاجه تخصها
روح:لا مانا كمان اتبريت منك
الاء:ايه الكسفه دى ... برضوا هحشر نفسى يلا بقى
تقى:انتوا عطلتونا اوى النهارده فيلا بقى بيتك بيتك انت وهى عشان عندنا شغل الصبح بدرى
بدر:روح
روح:اممم
بدر:انتى مش حاسه أن احنا بنتطرد
روح:بيتهيألى كدا


بدر:طب يلا نمشى بكرامتنا احسن
روح:يلا
بدر وهو ماشي وقف عند محمد والاتنين ابتسموا لبعض بمكر وروح رفعت حاجبها وبصتلهم باستغراب وبعد كده بدر خد روح وراحو شقتهم
روح: أنا عايزه افهم ايه اللى حصل
بدر كان قاعد على الكرسى وبيخلع الكوتش بتاعه وقال:حصل فى ايه
روح: بددددددر
بدر: خلاص أهدى ...اللى حصل ان
فلاش باك
بدر واحمد كانوا قاعدين في العربيه
بدر:انت متاكد ان هو دا العنوان
احمد: طبعا متأكد أنا وروح كنا بنيجى دائما هنا
بدر:ماشى لما ينزل قولى
*بعد ٥دقايق*
احمد:اهو يا بدر نزل
بدر:طب يلا ننزل بسرعه
بدر واحمد نزلوا من العربيه ووقفوا قدام محمد
محمد:ايه دا احمد انت ايه اللى جابك هنا
بدر:جايين نخطفك
محمد:لا بجد والله
بدر:اه والله


محمد:طب ايه
بدر:ايه
محمد:يلا اخطفونى
بدر:دا مجنون دا والا ايه
محمد:بس قبل مأتخطف أنا عايز اعرف التفاصيل
بدر:تفاصيل ايه
محمد:الخطف....يعنى مثلا هنقعد فين فتره الخطف دى بصوا أنا عايز اقعد فى اوضه كبير ويكون السرير كبير ويكون في وجبة إفطار ووجبة غدا ووجبة عشا ويكون فى مسليات زى سوداني ولب وشيبس ويكون فى تلفزيون ووايفاى وتليفون
بدر:لا مانت شكلك مش واخد فى بالك ...احنا هنخطفك
محمد:ايوا يعنى المشكلة...بس ايه سبب الخطف
بدر:انك هتتجوز روح
محمد:يا جدع وأنا اللى افتكرت انى مهم وفى ناس عايزه تخطفنى وكده وبعدين مش عيب عليك يا احمد تكون متفق مع روح على الجواز من الاول وتطلقها وكمان مش عايزها تتجوز
احمد:والله مانا دا بدر هو اللى بيحبها
بدر:اختارلك حاجه من التلاته مانت يا عبيط يا عبيط يا اهبل
محمد:ممكن استعين بصديق
بدر:صبرنى يا رب
محمد:للاسف تعبكوا راح على الفاضي
بدر:يعنى ايه
محمد:يعنى روح بالنسبالى اختى ومبعتبرهاش اكتر من كدا
بدر:طب ليه هتتجوزها
محمد: عشان بابا قالى
بدر:هو مين اللي هيتجوزها
محمد:أنا
بدر:حلو يبقى مين اللي يأخد القرار
محمد: بابا
بدر غمض عيونه ونفخ بعصبيه وقال:بص يلا أنا لو شوفت وشك قبل ماتجوز روح هقتلك
محمد:وهقول لبابا ايه
بدر:مخطوف


محمد:من مين
بدر:قوله معرفش
محمد: اول واحد هيشك فيه هو انت
بدر:غريبه بتتكلم صح يعنى
محمد:لا دا انا اعجبك
بدر:انت بتشتغل ايه
محمد:أنا بشتغل فى شركة...
بدر بمقاطعه:حلو قوله ان منافسين للشركه خطفوك بس أن غلطت فى اى حاجه هموتك
باك
روح كانت بتضحك جامد
روح:انت عارف محمد بيشتغل فى شركة ايه
بدر:لا
روح:فى شركة تابعة لمصانع توك شعر
بدر:بجد ...طب وابوه وامك عدو الموضوع ازاى
روح:عادى مأخدوش فى بالهم ..يلا بقى تصبح على خير أنا هقوم انام فى الأوضه دى وانت فى الاوضه دى
بدر:طب مننام فى نفس الاوضه يعنى ايه المشكله
بدر غمزلها وقال:على فكره انتى مراتى
روح بزعيق:لا انسى دى جوازه على الورق وزيها زى جوازة احمد فاهم
بدر:فاهم بس اهم حاجه اعصابك
روح:أنا داخله انام ومش عايزه اسمع نفس
بدر بخوف:ماشى
روح دخلت الأوضه وبعد مقفلت الباب
بدر:على فكره انتى برضو مراتى
روح فتحت الباب وحدفت فيه مخده وهو مسكها وبعد كده قفلت الباب تانى
بدر:مجنونه
*فى الشقه التانيه*


رشا:يخرببتك يا محمد دا انت مسخره
محمد:انت شكلك مش مصدقانى يا طنط رشا بقولك الواد مسك حديده كبيره وكان عايز يضربنى بس أنا مسكت أيده وتنيتها
رشا بضحك:لا طبعا مصدقاك
محمد: عموماً أنا هروح دلوقتى عشان الشغل بكرا
رشا:ماشى يا حبيبي انزلى وصليه يا الاء عند بوابة العماره
الاء:ايه هو صغير مبيعرفش يوصل لوحده
نبيله:الاااااء
الاء:قصدى دا انا اوصله لحد البيت لو عايزه ....يلا قدامى
الاء ومحمد نزلوا ووصلوا عند البوابه وكان أحمد مستنى بعربيته بعيد وكانت الاء واقفه بتضحك مع محمد
احمد من بعيد وهو بيكلم نفسه:هلا هلا يا محمد باشا...انت ملقتش روح فاضيه قولت اخد الاء احسن من مفيش أما تجيلى بس يا حيوان
*عند محمد والاء*
محمد:طب تصبحى على خير بقى
الاء بضحك:وانت من اهله
بعد مالاء دخلت العمارة محمد راح عند احمد
محمد: كويس انك ممشيتش
احمد:اه مسواق البيه أنا ...انت واقف بتضحك مع الاء ليه
محمد:وانت مدايق ليه
احمد:لا مش مدايق
محمد:لا مدايق لتكون بتحبها
احمد:لا طبعا
محمد:لا بتحبها
احمد:لا ويلا بسرعه احسن امشى واسيبك فاهم
محمد:لا وعلى ايه يلا بسرعه اهى توصيله ببلاش
بعد ماحمد وصل محمد وقف بعربيته واتصل على أدم


أدم:عاش من سمع صوتك مختفى فين والا من لقى بدر نسى أدم
احمد:لا والله فى بالى دايما...أنا عايز اقابلك
أدم:ماشى هنتقابل فين
احمد:فى***********
أدم:ماشى
*بعد ساعه*
أدم:كل دا حصل يا احمد وانا معرفش وليه مقولتليش أن جوازك اتفاق دا احنا حتى صحاب
احمد:كان الإتفاق بينى وبينها فمقولتش لحد
أدم:حد تشكر يا صاحبى
احمد:متعملش نفسك زعلان بقى وبعدين أنا متصل عليك عشان موضوع تانى
أدم: موضوع ايه
احمد بتوهان :عارف لما تكون بتغير على واحده لو ضحكت مع حد غيرك
أدم بتوهان:أو سلمت على حد غيرك
احمد:أو حد بصلها غيرك
أدم:يومك بيتقلب لما تشوفها
احمد:تضحك لو لمحتها صدفه
أدم:تفكر فيها علطول
احمد:صورتها متفارقكش
أدم:تنسى الدنيا لما تشوفها
احمد:وت......أدم انت كويس
أدم:ها اه كويس
احمد:انت بتتكلم عن مين
أدم:انت اللى كنت بتتكلم عن مين
احمد:عن الاء
أدم:الاء مين ...اخت بدر
احمد:اه ....وانت


أدم:عن تقى
احمد:تقى مين
أدم:بتاعت التاكسى
احمد:ودى بتحبها ازاى وانت متعرفلهاش مكان
أدم:أنا حبيتها من اول نظره بس كدبت نفسى شويه وبعدين هى بتشتغل عندى في الشركه
احمد:بجد ايه الصدفه الغريبه دى
أدم:المشكله أنها سكرتيره أدهم اخويا
احمد:وطبعا بتغير عليها منه
أدم: طبعا
احمد:شكل كدا عندنا نفس المشكله
أدم:شكلنا بنحب يا صاحبى
احمد:أنا بحب الاء معقول
*فى الصباح*
رشا:يابنتى اقعدى افطرى
تقى:معلش يا طنط رشا بس اتأخرت على الشغل والنهارده اول يوم
رشا:ربنا يوفقك يابنتي يارب
تقى:ربنا يخليكي يا طنط رشا...يلا سلام بقى
رشا:سلام
الاء:احسن حاجه انى هأكل براحتى لان البيه مش هيروح
الاء كانت لسه هتشرب ميه بس سمعت صوت بدر من وراها
بدر:الاء
الاء حطت الكوبايه على السفره وقالت:طب والله مانا شاربه
بدر:بطلى كلام كتير ويلا قومى عشان منتأخرش
نبيله:تتأخر على ايه يابدر
بدر:على شغلى يا ماما
نبيله:انت بتستهبل يابدر فى عريس ينزل الشغل يوم الصباحيه بتاعته
بدر:عادى يعنى ياماما


نبيله:لامش عادى
بدر:ياماما مينفعش اغيب من اولها كدا
نبيله:يعنى ينفع تسيب مراتك يوم صباحيتك
بدر:هى اللى مصحيانى عشان اروح الشغل على فكره وبعدين أنا شايف أن مفهاش حاجه انى اروح شغلى
نبيله:اعمل اللى يريحك بدال انت ومراتك متفقين
بدر:يلا يا الاء ورايا بسرعه
الاء كانت مربعه ايديها وكانت متعصبه وقالت:الاء الشنطه بتاعتك اللى مبتمشيش من غيرها
بدر:لا الاء اختى اللى مقدرش استغنى عنها
الاء:ايوا يا اخويا ثبتنى
بدر:يلا يا الاء اخلصى
الاء:ماحنا كنا حلوين من شويه والا انت بتقلب بسرعه
بدر:اخلصى
الاء:حاضر جيت اهو
الاء وبدر كانوا طالعين من الباب وروح كانت طالعه من باب الشقه التانيه
الاء:منك لله يا شيخه كان لازم يعنى تقوليله يروح الشغل النهارده معرفتش أفطر
روح:معلش عليكى الاستحمال
بدر:انتى راحه فين
روح:هيكون فين يعنى اكيد الجيم
بدر:لا مش هتروحى
روح:طب ورينى هتمنعنى ازاى
بدر:متختبريش صبرى وادخلى احسنلك
روح:وانا مش هدخل يا بدر وورينى هتعمل ايه
بدر:أنا متأخر على الشغل فعشان كده مش هتجادل معاكى
الاء:لا مسيطر يلا
بدر:امشى قدامى يا الاء
الاء:هو انت مبتتشطرش غير على الاء والا ايه


بدر:الاء
الاء:نعم
بدر:اخرسى وامشى قدامى
الاء:ماشى
بدر وهو ماشى بص لروح بغضب بس هى بصتله ببرود وبعد كدا روح دخلت الشقه عن مامتها
روح:يابشر أنا جيت
رشا:وانت لابسه وراحه على فين انتى كمان
روح:على الجيم
رشا:أنا مش هتكلم ...بس الصبر يارب
نبيله ورشا قاموا يشيلوا السفره وروح شافت ورقه على الارض مسكتها
روح:دى الورقه اللى اتبعت لماما امبارح
روح فتحت الورقه وهى بتقرأها اتصدمت
روح:دا خط احمد معقول....

تعليقات